2 PIYER 2:12 - Bibəl ta Sar̄

¹² Banī ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō a rāān̄ yá̰a̰ i kanjə̄ gír̄ yá̰a̰, tītə̄ yā dā̰ kə́ bembeé gə̄ ń ojən̄də́ i kə rī kəhɔ tɔ̄l̄də́ ní beē. Nin̄-tájə̄n̄ yá̰á̰ ń nin̄-gerə̄n̄ aĺ ní. Nin̄ a oyn̄ i yo kə́ tītə̄ yā dā̰ kə́ bembeé gə̄ beé.

Bible sar

¹² Banī ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō a rāān̄ yá̰a̰ i kanjə̄ gír̄ yá̰a̰, tītə̄ yā dā̰ kə́ bembeé gə̄ ń ojən̄də́ i kə rī kəhɔ tɔ̄l̄də́ ní beē. Nin̄-tájə̄n̄ yá̰á̰ ń nin̄-gerə̄n̄ aĺ ní. Nin̄ a oyn̄ i yo kə́ tītə̄ yā dā̰ kə́ bembeé gə̄ beé.

2 PIYER 2:12 Referans Kwoze

Makətūbə̄ ń Jud ndang ní 1:10

De gə̄ ngeé ń toō ní, yá̰á̰ ń nin̄-gerə̄n̄ aĺ ɓáa tájə̄n̄ yá̰á̰ ní, ba yá̰á̰ ń nin̄-gerə̄n̄ láẃ ngá̰ý tītə̄ dā̰ kə́ bembeé gə̄ beé kanjə̄ gír̄ yá̰á̰ dɔ tə́ ní, i yá̰á̰ kə́ a tḭ̄ḭ̄ i tadə́.

JEREMI 12:3

Kɔ́ɔ̄ɓē ī-gerə̄m̄, ḭ̄ á̰a̰m̄ ō, ə̄ndā ma̰ȳ gír̄ yāḿ gə̄ ō. Gír̄ yāḿ gə̄ aw̄n̄ gō yāí tə́. Ə̄ndā ngé kem ndul gə̄ dɔ jīí tītə̄ batə̄ gə̄ kə́ yā kaw̄ń kə̄ loo tɔ̄l̄də́ tə́. Ə̄ndādə́ dɔ jīí yā ngóoń ndɔ̄ tɔ̄l̄də́.

2 PIYER 2:19

Nin̄-ənīn̄ ndūdə́ adə̄n̄də́, ədan̄də́ na a teēn̄ ɓəloó, banī nin̄ kɔ́ gə̄ i ɓəlo gə̄ yā háĺ gə̄ kə́ a aw̄n̄ kə deé a əlanən̄ ta yo tə́. Tām̄ deē i ɓəlo yā yá̰á̰ kə́ dum̄ tɔ́gən.

GALATƏ 6:8

Ré yá̰á̰ ń ī-dubə̄ ní, i yá̰á̰ kə́ tām̄ yā dā̰ rɔ̄ tə́ anī, yá̰á̰ ń ā ə́já ní, i yá̰á̰ ń dā̰ rɔ̄ adə̄ ní, adə̄ i yá̰á̰ kə́ ndum. Ré yá̰á̰ ń ī-dubə̄ ní, i yá̰á̰ kə́ kə gō kem ndigə yā Ndíl anī, yá̰á̰ ń ā ə́ja kə ta kūl̄ Ndílí ní, i ndi kə kumuú kə́ ngándáńg.

PĀ GƏ̄ 92:6

Kɔ́ɔ̄ɓē, kəla rāāī gə̄ boon̄ to ɓōĺ ngá̰ý ō, gír̄ yāí teē sa̰y ngá̰ý ō!

JEREMI 10:21

Ngé ngɔ̄m̄ yá̰a̰ kul̄ gə̄ i mbóo de gə̄, nin̄ sāān̄ Kɔ́ɔ̄ɓē alé. I tām̄ ń toō tə́ n gerə̄n̄ rāā kəla kə gōó aĺ ō, usədə́ dɔ yá̰a̰ kul̄ gə̄ tə́ aĺ ō ní.

JEREMI 10:8

I mbóo gə̄ malang ō, gerə̄n̄ najə̄ aĺ ō. Ɓesə̄ yādə́ gə̄ ń unən̄ gōdə́ ní, ndóōn̄də́ yá̰á̰ kə́ kanjə̄ kumən gə̄.

JEREMI 4:22

Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.

Gōsə̄ najə̄ gə̄ 14:32

Yá̰á̰ kə́ majaĺ yā nge kem ndul mbəre nge kem ndul ənīn, banī ká ré ni toń i ta yo tə́ gə̄gē de kə́ súmūú ənī kemən mámák.

2 PIYER 1:4

Adə̄n̄jí yá̰á̰ kə́ majə gə̄ kə́ gātə̄də́ i ngá̰ý ń ənīn̄ ndūdə́ yā kadə̄jí ní, i kə ta kūl̄ kɔsə gɔn yān nəkɔ́ ngeé ń toō ō, kem majə yān ngeé ń toō ō, yā kadə̄ ī-ɓooī naā kə Nə́ɓāá i kə ta kūl̄ yá̰á̰ kə́ majə gə̄ ngeé ń toō. Tɔdɔ̄ ɔrə̄n̄sí kɔ̄ɔ́ jī yá̰á̰ kə́ ndum kə́ dɔ nang tə́ ń kum ndaa yá̰a̰ a ulə̄n ní tə́.

JA̰A̰ 8:21

Jeju ɔr̄ najə̄ sedə́ ɓáý to̰, ədadə́ na: M-ā m-āw̄, ba ā ī-sāāmī, banī ā óyiī kum majaĺ yāsí tə́. Loo ń m-ā m-āw̄ kə̄ tū tə́ ní, sḭḭ̄ ásiī kugə̄ tū tə́ alé.

EJEKIEL 21:31

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: A taān̄ ta kūbə̄ kənda dɔ yāí kɔ̄ɔ́ ō, a taān̄ jākā mbang yāí kɔ̄ɔ́ ō. Yá̰a̰ gə̄ a tūrə̄n̄! A ɔsən̄ de kə́ najə̄də́ gətóo gə̄ kə̄ dɔɔ́, ba a télən̄ kə de kə́ bo gə̄ kə̄ nang tə́.

JEREMI 5:4

Mā m-ə́da kə̄ kemḿ tə́ na: I de kə́ yá̰a̰ aĺ gə̄. Kumdə́ edə̄ aĺ ō, gerə̄n̄ róbə yā Kɔ́ɔ̄ɓē aĺ ō, gerə̄n̄ jī bēl̄ loo rāā yá̰a̰ yā Nə́ɓā aĺ ō.

PĀ GƏ̄ 94:8

Ōōī, sḭḭ̄ ń i mbóo de gə̄ dan madə̄sí gə̄ tə́ ní, sḭḭ̄ ń dɔsí un yá̰a̰ aĺ ní, ā ī-gerī kum najə̄ i ndɔ̄ kə́ rá tə́?

PĀ GƏ̄ 49:10

Ni a ndi kə kumneé ngándáńg a? A oy yā kaw̄ ɓádá aĺ a?

MARK 7:22

rāȳ ō, kum ndaa yá̰a̰ ō, kem ndul ō, ngam ō, ngur rāā yá̰á̰ kə́ majaĺ gə̄ ō, ndə̄ngā yá̰a̰ ō, ngonjə̄ ō, kɔjə rɔ̄ ō, mbóo najə̄ gə̄ ō.

KOLOSƏ 2:22

Najə̄ gə̄ ń noō i najə̄ gə̄ kə́ deē rāań kəla anī, tadə́ a ɗogə́rō kɔ̄ɔ́ gə̄. I gō míndə gə̄ yā de gə̄ ō, i yá̰á̰ ndóō yā de gə̄ ō.