2 PIYER 2:1 - Bibəl ta Sar̄

¹ Ngé koō ta kə́ rɔ̄kum aĺ gə̄ ton̄ dan gír de gə̄ yā Nə́ɓā tə́ kété, adə̄ ngé ndóō de gə̄ yá̰á̰ kə́ rɔ̄kum aĺ gə̄ a ton̄ dɔ dáńsí tə́ ō. Nin̄ a udən̄ dansí tə́ yā ndóō de gə̄ yá̰á̰ kə́ rɔ̄kum aĺ gə̄ ō, yá̰á̰ kə́ majaĺ ngá̰ý gə̄ ō, loo mundə̄ tə́ jəke. Ngoldə́ ń gān̄g dɔdə́ ní gə̄gē nin̄-aw̄n̄ bátə́ mbātə́nən̄ kɔ̄ɔ́. Nin̄-ndɔ́rə̄n̄ kudə kɔ̄ɔ́ reēn̄neé dɔ rɔ̄də́ nin̄ kɔ́ gə̄ tə́, ba kudə kɔ̄ɔ́ yādə́ ní a ɔr bā̰ā̰ alé.

Bible sar

¹ Ngé koō ta kə́ rɔ̄kum aĺ gə̄ ton̄ dan gír de gə̄ yā Nə́ɓā tə́ kété, adə̄ ngé ndóō de gə̄ yá̰á̰ kə́ rɔ̄kum aĺ gə̄ a ton̄ dɔ dáńsí tə́ ō. Nin̄ a udən̄ dansí tə́ yā ndóō de gə̄ yá̰á̰ kə́ rɔ̄kum aĺ gə̄ ō, yá̰á̰ kə́ majaĺ ngá̰ý gə̄ ō, loo mundə̄ tə́ jəke. Ngoldə́ ń gān̄g dɔdə́ ní gə̄gē nin̄-aw̄n̄ bátə́ mbātə́nən̄ kɔ̄ɔ́. Nin̄-ndɔ́rə̄n̄ kudə kɔ̄ɔ́ reēn̄neé dɔ rɔ̄də́ nin̄ kɔ́ gə̄ tə́, ba kudə kɔ̄ɔ́ yādə́ ní a ɔr bā̰ā̰ alé.

2 PIYER 2:1 Referans Kwoze

MATIYE 7:15

Ī-ngɔ̄mī rɔ̄sí tām̄ yā ngé koō ta kə́ rɔ̄kum aĺ gə̄ tə́. A reēn̄ kə̄ rɔ̄sí tə́ a gidədə́ i gidə batə̄ gə̄, ba kemdə́ i kem soó gə̄ kə́ a nārə̄n̄ yá̰a̰ kul̄ gə̄.

Makətūbə̄ ń Jud ndang ní 1:4

Tɔdɔ̄ de kə́rēý kə́ ngé kem ndul gə̄ udən̄ dansí tə́ jəke. Nin̄-tūrə̄n̄ gír rajə ń Nə́ɓā rajə de gə̄ ní kɔ̄ɔ́ adə̄ rāān̄ i yá̰a̰ kutə̄ gidə rɔ̄ yādə́ tə́, yā rāań yá̰á̰ kə́ majaĺ kə́ tayā tayā gə̄ ń ngurən i kemdə́ tə́ ní. Ba Jeju Kərist ń i ni ngóy n i ngoljí ō, Kɔ́ɔ̄ɓē yājí ō ní, nin̄-mbātə́nən̄ kɔ̄ɔ́. Sarya ń gāngə̄n̄ dɔdə́ tə́ ní, ndangən̄ najə̄n kem makətūbə̄ yā Nə́ɓā tə́ i kété jóo.

2 PIYER 2:3

Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.

2 TIMOTE 4:3

Tɔdɔ̄ ndɔ̄ gə̄ a reēn̄ noó kadə̄ de gə̄ a ndigən̄ yá̰á̰ ndóō kə́ rɔ̄kum to̰ alé, ba a rāān̄ i yá̰á̰ ń kemdə́ gḛy ní. Adə̄ a ɔyn̄ ngé ndóōdə́ yá̰a̰ gə̄ kə́ kadə̄ a ndóōn̄də́ i yá̰á̰ ń nel̄də́ koō ní.

MATIYE 24:11

Ngé koō ta kə́ rɔ̄kum aĺ gə̄ a ḭḭn̄ ngá̰ý ō, a gólə̄n̄ de gə̄ ngá̰ý ō.

1 KORḚNTƏ 11:19

Tɔdɔ̄ i gáŕ kadə̄ gán̄g naā to dɔ dáńsí tə́, yā kadə̄ gerə̄n̄neé ngé mbātə́ gán̄g naā gə̄.

1 JA̰A̰ 4:1

Kó tár yāḿ gə̄, ī-taāī kem ndíl gə̄ malang alé, banī ī-nāāī ndíl gə̄ á̰a̰ī ké ḭḭn̄ i rɔ̄ Nə́ɓā tə́ wa. Tɔdɔ̄ ngé koō ta kə́ rɔ̄kum aĺ gə̄ teēn̄ ngá̰ý kə̄ loo gə̄ tə́ dɔ nang tə́.

KOLOSƏ 2:8

Ə̄ndāī kum kedə̄ dɔ rɔ̄sí tə́, ba ī-lōōī kadə̄ deē gól̄sí kə najə̄ kə́ kanjə̄ kumən gə̄ ń de gə̄ a gól̄nəń madə̄də́ gə̄, kə ta kūl̄ kum kedə̄ yādə́ ní: Kum kedə̄ ní ra i dɔ yá̰a̰ kāgə̄ ɓē yā de gə̄ tə́, adə̄ i dɔ tɔ́gə́ kə́ dɔ nang tə́ gə̄ tə́, ba i dɔ Kərist tə́ alé.

TITƏ 3:10

De kə́ nge ndóō de gə̄ yá̰á̰ kə́ rɔ̄kum aĺ ní, ī-tāan nja kógə̄ḿ, ba nja kə́ nge ko̰ jōó anī, ɔ̄rə̄n kɔ̄ɔ́ kə̄ gogə́.

TITƏ 1:11

Majə kadə̄ deē utə̄ tadə́ kɔ̄ɔ́, tām̄ nin̄ i ngé nujə kem de gə̄ kə́ kem gír kojə kə́ kógə̄ḿ beē tə́ gə̄ malang kə yá̰á̰ ndóō kə́ majə kadə̄ deē ndóō de gə̄ aĺ tə́. Nin̄-rāān̄ nge ń nuū i yā kəngeń yá̰a̰ kə ta róbə́ kə́ gō tə́ alé.

PILIPƏ 3:19

Ta tɔ̄l̄ tadə́ i kudə ń nin̄ a udən̄ kɔ̄ɔ́ ní. Nə́ɓā yādə́ i kemdə́. Yá̰á̰ ń majə kadə̄ adə̄də́ rɔ̄sɔl̄ ɓá anī nin̄ a ɔjənə̄ń i rɔ̄də́. Nin̄ a gírə̄n̄ i dɔ yá̰á̰ kə́ dɔ nang tə́ laā gə̄ tə́ ngóy ō.

1 KORḚNTƏ 6:20

Nə́ɓā mangsí, ni-adə̄ yá̰a̰ gíŕsí tə́ kɔ̄ɔ́. I beé ní, ɔ́siī gɔn Nə́ɓā kə rɔ̄sí.

MARK 13:22

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō, a ḭḭn̄, ba a rāān̄ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, yā góləń ngé gə̄ ń Nə́ɓā gə̄rādə́ ní gə̄gē.

JEJU TEĒ KUM JA̰A̰ 5:9

Nin̄-ənīn̄ pā kə́ kijə ń toō: Ḭ̄ ásə taā makətūbə̄ ní, ba kɔsə mbō̰ kə́ ta tə́ kɔr̄. Tɔdɔ̄ əjan̄ míndí adə̄ ī-gān̄g dɔ gír ɓē gə̄ malang ō, dɔ de gə̄ kə́ ta yādə́ gə̄ i tayā tayā malang ō, gíŕdə́ i tayā tayā malang ō, nápardə́ i tayā tayā malang ō, ādə̄ Nə́ɓā kə ta kūl̄ mósí.

JEJU TEĒ KUM JA̰A̰ 2:9

m̄-ger̄ yá̰a̰ nāā kə́ ngan̄g ń teē dɔí tə́ ní ō, m̄-ger̄ ndoō yāí ō, banī yá̰a̰ kənge yāí i ngá̰ý. Tá najə̄ kə́ majaĺ gə̄ ń de gə̄ ń ədan̄ na nin̄ na i Jipə gə̄ banī nin̄ i Jipə gə̄ alé ədan̄ dɔí tə́ ní, m̄-ger̄ ō. Nin̄ i kújə ndi Sətan.

HEBƏRO 10:29

Deē ń a tə́ɓā Ngōn̄ Nə́ɓā njan tə́ ō, rāā mósə́ ń Nə́ɓā əhɔń madə̄ naā kə de gēé ní yá̰á̰ kə́ karī tə́ ō, mósə́ ń unnəń majaĺ yān gə̄ kɔ̄ɔ́ dɔn tə́ adə̄ ni tél de kə́ kɔr̄ kam̄ tayā ō, tájə̄ Ndíĺ ń kem majə yā Nə́ɓā adə̄jí ní ō anī, ī-gírī kadə̄ yá̰á̰ kə́ tōr̄ ń majə kadə̄ rāān̄ seneé tām̄ majaĺ yān tə́ ní, i yá̰á̰ kə́ tōr̄ kə́ tɔȳ nge ń noō aĺ a?

KOLOSƏ 2:18

De gə̄ ń nel̄də́ tél kə rɔ̄də́ kə̄ nang tə́ ō, rāā kəla kadə̄ de kə́ dɔ rā̰ tə́ gə̄ ō, əhɔn̄ gō yá̰a̰ gə̄ ń nin̄ kɔ́ gə̄ a̰ā̰n̄ ō ní, ī-lōōī kadə̄ gólə̄n̄sí. De kə́ beé gə̄ ní, gír̄ najə̄ yādə́ kə́ gō yā deē ndul tə́ rāā adə̄ nin̄-ɔjən̄ rɔ̄də́ kanjə̄ kumən.

EPEJƏ 4:14

Loo ń noō tə́ jḭḭ̄ i ngán gə̄ kə́ bəngál man̄ səlādə́ kə̄ yóō kə̄ laā to̰ aĺ ō, nél yá̰a̰ ndóō kə́ tayā tayā gə̄ dáȳ sedə́ aĺ ō, jḭḭ̄ i ngán gə̄ kə́ ngé gól̄ de gə̄ kə ngam yādə́ kadə̄ ndúmə̄n̄ ní gólə̄n̄jí aĺ ō.

MATIYE 24:24

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō a ḭḭn̄, ba a rāān̄ yá̰á̰ kə́ yáā kə́ bo ngá̰ý gə̄ ō, yá̰á̰ kə́ to kɔr kum gə̄ ō yā góləń de gə̄. Adə̄ nə́ngētə́ asə i naā tə́ anī a gólə̄n̄ ngé gə̄ ń Nə́ɓā gə̄rādə́ ní gə̄gē.

MATIYE 10:33

Ba deē ń a əda ta kum de gə̄ tə́ na ni na i deē yāḿ aĺ ní, m-ā m-ə́da ta kum Bɔbə́ḿ kə́ ndi dɔ rā̰ tə́ na ni i deē yāḿ aĺ ō.

JEJU TEĒ KUM JA̰A̰ 13:14

Ni-rāā adə̄ de kə́ dɔ nang tə́ gə̄ ndúmə̄n̄ sɔɔ̄ń yá̰á̰ kə́ yáā gə̄ ń ni-rāā ta kum dā̰ kə́ kété tə́ ní. Ni-əda de gə̄ na kə rāān̄ ndíĺ yá̰á̰ kógə̄ḿ kə́ ɔsə kum gotə dā̰ ń ənge do kaskar ba tél ndi kə kumneé gogə́ ní.

JEJU TEĒ KUM JA̰A̰ 2:13

Loo ń ī-ndi tū tə́ ní, m̄-ger̄, i loo ń kōr̄ kāgə̄ mbang yā Sətan i tū tə́ ní. Banī ḭ̄ ə́hɔ gō rīḿ mā adə̄ ngan̄g. Ī-nējə̄ ndūí alé, ə́da na ī-taā kemḿ mā aĺ alé. Ndɔ̄ ń tɔ̄l̄nəń A̰tipas ń i de kə́ kum tə́ yāḿ kə́ nge ra dɔ ndūn tə́ ní. Ba ndɔ̄ ń tɔ̄l̄nən̄neé tə́ ɓēé loosí, loo ń Sətan ndi tū tə́ ní gə̄gē, ḭ̄ ī-nējə̄ najə̄ ə́da na ī-taā kemḿ aĺ alé.

Makətūbə̄ ń Jud ndang ní 1:18

Nin̄-ədan̄sí na: Ta ngóy ndɔ̄ gə̄ tə́ anī ngé mbóo kə de gēé gə̄ na a ḭḭn̄ yā mbóo kə de gēé ō, i yá̰á̰ kə́ majaĺ gə̄ ń kemdə́ gḛy ngá̰ý ní n a ndɔ́r̄də́ ta róbə́ ní ō.

1 JA̰A̰ 2:26

m̄-ndang makətūbə̄ m-ādə̄sí dɔ yá̰a̰ gə̄ ń noō tə́ i tām̄ yā ngé gə̄ ń a sāān̄ rāāsí kadə̄ ī-ndúmī tə́ ní.

1 PIYER 1:8

Jeju ngeé ń toō ní kumsí a̰a̰n alé, banī sḭḭ̄ ī-tárniī. Ngɔlaā ní kumsí a̰a̰n alé ɓá tā, banī sḭḭ̄ ī-taāī kemən. I tām̄ najə̄ ń toō tə́ n rɔ̄sí nel̄sí ngá̰ý ní, ba rɔ̄nel̄ ní i ngá̰ý al̄ naā, adə̄ i kə́ dum̄ kəda.

EPEJƏ 1:7

Ngōnən gān̄g dɔjí kə mósəneé ō, j-əngeī mā̰ȳ rɔ̄ i kə ta kūl̄neé ō.

GALATƏ 5:20

rāā ɓesə̄ tə́ ō, rāā kəga tə́ ō, kim̄ naā tə́ ō, míndə kasə naā aĺ tə́ ō, kəndā naā nii tə́ ō, rāā wōn̄g tə́ ō, rɔ̄ɔ̄ naā dɔ yá̰á̰ tə́ ō, kɔ̄l̄ naā tə́ ō, gán̄g de gə̄ naā tə́ ō,

GALATƏ 4:17

Ko̰o̰ ń o̰o̰ de kə́rēý gə̄ tɔdɔ̄sí ní, i ko̰o̰ tɔdɔ̄ kə́ gō tə́ alé. Nin̄-gḛyn̄ kɔr̄sí rɔ̄ḿ tə́ kɔ̄ɔ́ i yā kadə̄ o̰o̰sí tɔdɔ̄də́.

Makətūbə̄ ń Pol ndang adə̄ Rom gə̄ ní 16:18

Tɔdɔ̄ de gə̄ ń noō nin̄-rāān̄ i kəla yā Kərist Kɔ́ɔ̄ɓē yājí alé, ba a rāān̄ i kəla tām̄ yā kemdə́ tə́. De gə̄ ń i kə́ kumdə́ gān̄g aĺ ní, nin̄-gólə̄n̄də́ kə najə̄ yādə́ kə́ majə gēé ō, kə́ nel̄ gēé ō.

Najə̄ kə́ Majə yā Jeju ń Luk ndang ní 21:8

Ni ədadə́ na: Ādə̄ kumsí ngan̄g, ba ə̄ndāī kum kedə̄ dɔ rɔ̄sí tə́, na ngá̰ý gə̄ a unən̄ rīḿ yā reēń, ba a ədan̄ na i mā ō, na ndɔ̄ na i ngɔr ō, ī-lōōī kun gōdə́.

Najə̄ kə́ Majə yā Jeju ń Luk ndang ní 6:26

Rɔ̄ ndoō i yāsí dan ń de gə̄ malang a ədan̄ najə̄ yāsí kə́ majə ní, tɔdɔ̄ i loo rāā nəkɔ́ ń kaadə́ gə̄ rāān̄neé kə ngé koō ta kə́ rɔ̄kum aĺ gə̄ ní n noó.

MATIYE 24:5

Tɔdɔ̄ de gə̄ ngá̰ý a unən̄ rīḿ yā reēń ba a ədan̄ na nin̄ na i Kərist gə̄, adə̄ nin̄ a gólə̄n̄ de gə̄ ngá̰ý.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.

MISE 3:5

Najə̄ ń Kɔ́ɔ̄ɓē əda dɔ ngé koō ta gə̄ kə́ ngé ngól̄ gír deē yāḿ gə̄ tə́ ní n toó: Ré deē ul̄də́ majanī, nin̄-ənīn̄ mbēr̄ lɔm. Ba ngé kəla yá̰a̰ tadə́ tə́ aĺ gə̄ ɓáa nin̄ rɔ̄ɔ̄n̄də́.

NŌŌ RƆ̄ 2:14

Ngé koō ta yāí gə̄ a̰a̰n̄ yá̰á̰ kə́ kanjə̄ kumən gə̄ ō, kə́ rɔ̄kum aĺ gə̄ ō tām̄ yāí tə́. Nin̄ ɔjən̄ yá̰á̰ kə́ gōtə́ aĺ yāí kə̄ ndágá wáńg alé, yā kadə̄ yá̰á̰ ń a reē kə̄ dɔí tə́ ní kə rāāī gáŕ. Yá̰a̰ gə̄ ń nin̄ a̰ā̰n̄ ba ədanī ní i yá̰á̰ kə́ kanjə̄ kumən gə̄ ō, i gól̄ loo ō.

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

1 KORḚNTƏ 7:23

Nə́ɓā adə̄ yá̰á̰ gíŕsí tə́ gāngəń dɔsí kɔ̄ɔ́, adə̄ ī-lōōī tél ɓəlo yā de gə̄.

MISE 2:11

Tá de kə́rēý gə̄ ɔrə̄n̄ najə̄ kə́ sor̄ gə̄, ədan̄ na: Ā ā̰yī kasə nduú ō, kasə kə́ ngan̄g ō. Tá ngé kɔr̄ najə̄ wa gə̄ ngeé ń toō ədan̄ ɓáý to̰ na: Israel gə̄ ń teēn̄ ta yo tə́ ní, Nə́ɓā a ɔsə njadə́ kə̄ naā tə́.

OJEE 9:8

Deē ń a ndi kə kumneé já̰já̰ yā ngɔ̄m̄ Epəraim ní, i mā nge koō ta. Mā i naā tə́ kə Nə́ɓā yāḿ. Tá loo malang ń m-ā m-āw̄ kə̄ tū tə́ ní, de gə̄ əyān̄ gūmbə̄ noḿ tə́. Nin̄ ənīmə̄n̄ rɔ̄ɔ̄ bátə́ kem kújə yā Nə́ɓā yāḿ tə́.

JEREMI 37:19

Ngé koō ta yāsí gə̄ ń ədan̄sí na mban̄g kə́ Babilon na a reē yā kənīsí rɔ̄ɔ̄ aĺ ō, kənī ɓē ń toō rɔ̄ɔ̄ aĺ ō ní, nin̄ i rá?

IJAI 9:15

Ngé kɔr no de gə̄ gólə̄n̄ gír de gə̄ ń toō, adə̄ ngé gə̄ ń nin̄ ɔrən̄ nodə́ ní unən̄ róbə́ kə́ majaĺ.

1 MBAN̄G GƏ̄ 22:6

Anī mban̄g kə́ Israel tə́ ɔsə dɔ ngé koō ta gə̄ ɓú sɔ́ naā tə́, ba dəjedə́ na ké kə n-aw̄ kə n-rɔ̄ɔ̄ Aram gə̄ dɔ ɓē kə́ Ramot kə́ Galaad tə́, aké kə n-lōō gírí wa. Anī ngé koō ta gə̄ ní tél ədanən̄ na kə aw̄ Kɔ́ɔ̄ɓē na a əla ɓē ní kem jīn tə́.

JEJU TEĒ KUM JA̰A̰ 3:8

m̄-ger̄ kəla rāāí gə̄. Á̰a̰ā̰, m-ə́ya̰ ta róbə́ kógə̄ḿ adə̄ ra kə wōyōó noí tə́, ba deē kógə̄ḿ kə́ asə kutə̄ gətóo, tɔdɔ̄ tɔ́gí i ngá̰ý alé, ba ī-ngɔ̄m̄ najə̄ yāḿ ō, ī-mbātə́ rīḿ aĺ ō.

Najə̄ kə́ Majə yā Jeju ń Luk ndang ní 12:9

Ba deē ń a nējə̄ ta kum de gə̄ tə́ a əda na n-gerə̄m̄ aĺ ní, Ngōn̄ Deē a nējə̄ ta kum de kə́ dɔ rā̰ tə́ gə̄ yā Nə́ɓā tə́ a əda na n-gerə̄n aĺ ō.

NDŪ NAJƏ̄ 32:6

Sḭḭ̄ gír de kə́ mbóó kə́ ger̄ yá̰a̰ aĺ gə̄, deē a rāā háĺ kə́ beé kə Kɔ́ɔ̄ɓēé a? I ni n i bɔbə̄sí kə́ nge kəndāsí ní aĺ a? I ni n rāā adə̄ sḭḭ̄ i gír deē yān gə̄ ní aĺ a?

Teē Ngán Israel gə̄ 15:16

Ndíĺdə́ a̰ȳ malang. Kɔ́ɔ̄ɓē, dan ń gír deē yāí gə̄ ń ī-gān̄g dɔdə́ ní a mānə̄n̄ anī, ɓōĺ asə madə̄ ɓēdə́ gə̄ nák adə̄ ədan̄ najə̄ alé, tɔdɔ̄ a̰a̰n̄ tɔ́gí ń ī-rɔ̄ɔń dɔ deē yāí gə̄ tə́ ní.

JEREMI 6:13

Ngáń kə́ dūú gə̄gē, de kə́ tɔgə gə̄gē, malang rāān̄ ɓō yá̰a̰ kənge adə̄ al̄ naā ngá̰ý. Ngé koō ta gə̄ ō, ngé tun̄ yá̰a̰ gə̄ ō, malang rāān̄ háĺ kə́ gōtə́ alé.

JEREMI 29:21

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda Akab kə́ ngōn̄ Kolaya ō, əda Sedekias, ngōn̄ Maseya ō ń ədan̄sí najə̄ kə́ rɔ̄kum alé kə rīḿ ní n toō: M-ā m-ə́ládə́ kem jī Nabukodonosor, mban̄g kə́ Babilon tə́ kadə̄ a tɔ̄l̄də́ ta kumsí tə́.

1 TIMOTE 5:8

Ré deē kógə̄ḿ a̰a̰ gō ngéén gə̄ alé, mandang ɓáa a̰a̰ i gō de kə́ kem kújə yān tə́ gə̄ alé anī, ni nējə̄ i taā kə́ ni-taā kem ō, ni i de kə́ majaĺ tɔȳ de kə́ taā kem aĺ ō.

JEJU TEĒ KUM JA̰A̰ 6:10

Nin̄-əgan̄ kɔŕ ngá̰ý ədan̄ na: Ngoljí kə́ táĺ ō, kə́ rɔ̄kum ō, ā ɔ́r bā̰ā̰ loo gān̄g sarya tə́ ō, loo dal ba̰ā̰ mósə́jí, dɔ de kə́ dɔ nang tə́ gə̄ tə́ ō, i bátə́ rə́ngáý tə́?