2 PIYER 1:6 - Bibəl ta Sar̄

⁶ ə́hɔī rɔ̄sí tɔgə ba ə̄ndāī tə́gā ta dɔ yá̰a̰ ger̄ tə́ ō, ə̄ndāī kəre rɔ̄ dɔ tə́gā ta tə́ ō, ə̄ndāī rāā yá̰a̰ kə gō ń Nə́ɓā ndigə ní dɔ kəre rɔ̄ tə́ ō,

Bible sar

⁶ ə́hɔī rɔ̄sí tɔgə ba ə̄ndāī tə́gā ta dɔ yá̰a̰ ger̄ tə́ ō, ə̄ndāī kəre rɔ̄ dɔ tə́gā ta tə́ ō, ə̄ndāī rāā yá̰a̰ kə gō ń Nə́ɓā ndigə ní dɔ kəre rɔ̄ tə́ ō,

2 PIYER 1:6 Referans Kwoze

2 PIYER 1:3

Tɔdɔ̄ Nə́ɓā adə̄jí yá̰a̰ malang i kə ta kūl̄ tɔ́gəneé, yā kadə̄ jə-ndiīneé kə kumjí ō, jə-rāāīneé yá̰a̰ kə gō ń ni ndigə ní ō. Ni-rāā adə̄ jə-gerī nge ń ɓāŕjí kə ta kūl̄ kɔsə gɔn yān nəkɔ́ ō, kə ta kūl̄ kem majə yānneé ō ní.

HEBƏRO 10:36

Majə kadə̄ ī-tə́gāī tasí ī-rāāīneé yá̰á̰ ń Nə́ɓā ndigə ní, yā kəngeń yá̰á̰ ń ni-ənī míndə dɔ tə́ yā kadə̄sí ní ō.

Najə̄ kə́ Majə yā Jeju ń Luk ndang ní 21:19

I kəhɔ rɔ̄ tɔgə yāsí n a ajəsí.

HEBƏRO 12:1

Jḭḭ̄ ń de kə́ kum tə́ kə́ gīrə̄n̄ gidəjí gə̄ nin̄ i kósə ngá̰ý ní, ādə̄ yá̰a̰ malang ń ɔgə̄jí kaw̄ kum kə́ kété ní ō, majaĺ ń ɓír̄jí láẃ ngá̰ý ní ō, jə-mbātíī kɔ̄ɔ́. Ba ngɔ̄də̄ ń mērə̄n̄jí ka̰ȳ ní, ādə̄ jə-tə́gāī tají ba jə-ngɔ̄dī bátə́ ta ngóý tə́.

1 KORḚNTƏ 9:25

Ngé kənī gambəla gə̄ malang ní, dan ń nin̄ a nāān̄ rɔ̄də́ ɓáý ní, nin̄ kɔ́ gə̄ əlan̄ dɔdə́ gír ndū najə̄ kə́ ngan̄g ngan̄g gə̄ tə́. Nin̄-rāān̄ rɔ̄də́ yá̰á̰ kə́ tōr̄ i yā kəngeń jākā mbang kə́ a nujə kɔ̄ɔ́ ba a to ngándáńg alé. Banī jḭḭ̄ jə-rāāī i yā kəngeń jākā mbang kə́ a to ngándáńg.

TITƏ 2:2

Əda de kə́ tɔgə ɓə́ga gə̄ kadə̄ nin̄ i ngé kəhɔ rɔ̄də́ dɔ yá̰á̰ tə́ gə̄ ō, nin̄ i de gə̄ kə́ asən̄ kadə̄ de gə̄ rɔȳn̄də́ ō, nin̄ i ngé rāā yá̰a̰ kadə̄ mān̄ dɔ loon aĺ gə̄ ō, kadə̄ nin̄-ndan̄ ngan̄g dɔ taā kem tə́ ō, dɔ táŕ tə́ ō, dɔ tə́gā ta tə́ ō.

GALATƏ 5:23

dɔ sɔl̄ ō, kəhɔ rɔ̄ ō. Ndū najə̄ mbātə́ yá̰a̰ gə̄ ń noō alé.

JEJU TEĒ KUM JA̰A̰ 14:12

De gə̄ yā Nə́ɓā ń i ngé ra dɔ gō míndən gə̄ tə́ ō, i ngé ra dɔ taā kem Jeju tə́ ō ní, kum mbang ń toō i kum mbang kə́ kadə̄ nin̄-tə́gān̄ tadə́.

JEJU TEĒ KUM JA̰A̰ 2:2

m̄-ger̄ yá̰a̰ rāāí gə̄ ō, kəla kə́ ngan̄g gə̄ ń ī-rāā ní ō, kəhɔ rɔ̄ tɔgə yāí ō, m̄-ger̄ kadə̄ ásə́ tə́gā taí dɔ ngé kem ndul gə̄ tə́ aĺ ō, ngé gə̄ ń ədan̄ na nin̄ na i ngámbang kəla gə̄ ba nin̄ i ngámbang kəla gə̄ aĺ ní, ḭ̄ ī-nāādə́ ba á̰a̰ā̰ kadə̄ nin̄ i ngé sor̄ gə̄ ō.

TITƏ 1:8

Majə kadə̄ ni i de kə́ nge kəhɔ de gə̄ mbā ō, de kə́ yá̰á̰ kə́ majə nelə̄n ō. Ni a a̰a̰ i yá̰á̰ kə́ majə tá a rāā ō, i de kə́ nge rāā yá̰á̰ kə́ gōtə́ ō, yá̰á̰ kə́ nel̄ Nə́ɓā ō, de kə́ a əhɔ rɔ̄n dɔ yá̰á̰ tə́ ō.

1 TESALONIK 1:3

Tɔdɔ̄ əga kemjí dɔ kəla taā kem yāsí tə́ ō, dɔ kɔr ń ɔ́riī kə de gēé tə́ sɔɔ̄ń táŕ kə́ kemsí tə́ ní ō, dɔ kəndā kə́ ə̄ndāī kemsí dɔ Kɔ́ɔ̄ɓē yājí Jeju Kərist adə̄ ngan̄g tə́ ní ō, ta kum Bɔbə̄jí Nə́ɓā tə́.

KOLOSƏ 1:11

Tɔ́gə yān kə́ to kɔsə gɔn a rāā sesí kə ngangāá ngá̰ý kadə̄ ə́hɔīń rɔ̄sí tɔgə ō, ī-tə́gāiń tasí ō, tū yá̰a̰ gə̄ tə́ malang.

2 KORḚNTƏ 6:4

Ba tū yá̰a̰ gə̄ tə́ malang ɓáa j-ɔjə kə̄ ndágá kadə̄ jḭḭ i de kə́ bo gə̄ yā Nə́ɓā. Jə-tə́gā tají ngá̰ý dan wur kɔl gə̄ tə́ ō, dan yá̰á̰ gə̄ kə́ tɔyn̄ dɔjí tə́ ō, dan sōl̄ gə̄ tə́ ō.

Makətūbə̄ ń Pol ndang adə̄ Rom gə̄ ní 8:25

Banī yá̰á̰ ń á̰a̰ kə kumií aĺ ɓáý ní ré əndā kemií dɔ tə́ anī, ā ī-tə́gā i taí loo ngóō ta tə́.

Makətūbə̄ ń Pol ndang adə̄ Rom gə̄ ní 2:7

Ngé gə̄ ń əhɔn̄ ngan̄g ba a sāān̄ kɔsə gɔnən ō kɔr tan ō, a sāān̄ yá̰á̰ kə́ a ndumən̄ aĺ gə̄ ō ní, ni a adə̄də́ ndi kə kumuú kə́ ngándáńg.

KƏLA RĀĀ 24:25

Ba dan ń Pol a ɔr̄ najə̄ kə́ dɔ háĺ kə́ gōtə́ tə́ ō, dɔ kəhɔ rɔ̄ dɔ yá̰á̰ tə́ ō, dɔ sarya kə́ a reē ɓáý tə́ ō anī, ɓōĺ rāā Peliksə adə̄ əda na: Kə́ ngɔr ń toō tə́ ɓáa ī-tél āw̄ kə̄ naā tə́. Ré m-ə́nge kum mbang anī m-ā m̄-ɓāríī ɓáý.

Najə̄ kə́ Majə yā Jeju ń Luk ndang ní 8:15

Ngé gə̄ ń tə́sōn̄ nang kə́ majə tə́ ní, i ngé gə̄ ń oōn̄ najə̄ yā Nə́ɓā i kə kem kə́ súmūú ō, kə́ majə ō, əren̄ tadə́ nják ngɔ̄mə̄n̄ najə̄ ní adə̄ kumdə́ to ō ní.

PĀ GƏ̄ 37:7

Ī-ndi jəke rɔ̄ Kɔ́ɔ̄ɓē tə́, ə̄ndā kemií dɔn tə́. Ī-lōō kadə̄ tōrī kə deē ń kəla rāān teēn yá̰á̰ tə́ ní ō, kə deē ń a rāā yá̰a̰ i kə gól̄ looó ō ní.

Makətūbə̄ ń Pol ndang adə̄ Rom gə̄ ní 15:4

Najə̄ gə̄ ń ndangən̄ kété malang ní i yā kɔjəńjí yá̰a̰, i gáŕ kadə̄ najə̄ gə̄ ní rāān̄jí adə̄ jə-tə́gāī tají ō, j-əhɔī rɔ̄jí tɔgə ō, j-əndāī kemjí dɔ Nə́ɓā tə́ ō.

JEJU TEĒ KUM JA̰A̰ 13:10

Deē ń kadə̄ aw̄ ɓəloó anī, a aw̄ ɓəloó ō, deē ń kadə̄ oy yo kaskar anī, a oy yo kaskar ō. I yá̰á̰ ń noō n majə kadə̄ de gə̄ yā Nə́ɓā ɔjən̄ kadə̄ nin̄ i de kə́ ngé tə́gā tadə́ gə̄ ō, de kə́ ngé taā kem gə̄ ō ní.

JEJU TEĒ KUM JA̰A̰ 1:9

Mā ngōkó̰ó̰sí Ja̰a̰ ń mā i sesí kum yá̰á̰ kə́ tōr̄ tə́ ō, kem Ɓē ko̰o̰ tə́ ō, loo kəhɔ rɔ̄ tɔgə tə́ gō Jeju tə́ ō ní, m̄-ndi dor̄ ń rīn na i Patəmos ní tə́ i tām̄ najə̄ yā Nə́ɓā tə́ ō, najə̄ kə́ kum tə́ kə́ m-ə́da tām̄ yā Jeju tə́ ō.

2 PIYER 3:11

Dan ń a nujən̄ yá̰a̰ malang i tītə̄ ń noō ní, háĺ ń kadə̄ ī-ndiīneé ní sḭḭ̄ ī-gerī majə! Majə kadə̄ háĺsí i háĺ kə́ kɔr̄ kam̄ tām̄ yā Nə́ɓā tə́ ō, i háĺ kəhɔ gō Nə́ɓā ō,

HEBƏRO 6:15

Dan ń Abəraham tə́gā tan ndi ngóoń ta ní, ni-ənge yá̰á̰ ń Nə́ɓā ənī míndən yā kadə̄n ní.

HEBƏRO 6:12

Jə-ndigə kadə̄ ī-téliī de kə́ yay gə̄ alé, banī kadə̄ ī-ndájī ngé gə̄ ń taān̄ kem ō, tə́gān̄ tadə́ ō ní. Ngé gə̄ ń noō əngen̄ yá̰á̰ ń Nə́ɓā ənī míndən yā kadə̄ ní.

TITƏ 1:1

I mā Pol n m-ə́la kə makətūbūú mādə̄sí ní. Mā i nge kəla yā Nə́ɓā ō, ngōmbang kəla yā Jeju Kərist ō. Əndān̄ dɔḿ tə́ kadə̄ m-ɔ́jə́ ngé gə̄ ń Nə́ɓā gə̄rādə́ ní najə̄ kadə̄ taān̄ kem ō, kadə̄ m-ə́dádə́ najə̄ kə́ rɔ̄kum kə́ əhɔn̄ naā kə yá̰a̰ rāā kə́ kə gō ń Nə́ɓā ndigə ní kadə̄ gerə̄n̄ ō.

2 TIMOTE 3:5

Yá̰a̰ rāādə́ kə́ ndágá ɔjə kadə̄ nin̄ i ngé rāā yá̰a̰ kə gō ń Nə́ɓā ndigə ní, banī nin̄-nējə̄n̄ tɔ́gə́ kə́ tū tə́ kɔ̄ɔ́. Adə̄ ī-tūr̄ gidií kɔ̄ɔ́ ta de gə̄ ń noō tə́.

1 TIMOTE 6:11

Ba ḭ̄ ń i deē yā Nə́ɓā ní, ā̰ȳ kɔ̄ɔ́ ta yá̰a̰ gə̄ ń noō tə́. Ba ī-sāā yá̰a̰ rāā kə́ gōtə́ ō, yá̰a̰ rāā kə́ kə gō ń Nə́ɓā ndigə ní ō, taā kem ō, tár ō, kəhɔ rɔ̄ tɔ́gə ō, háĺ kə́ sɔl̄ lɔm ō.

1 TIMOTE 6:6

Rāā yá̰a̰ kə gō ń Nə́ɓā ndigə ní, i yá̰a̰ kənge kə́ ngá̰ý rɔ̄kum, ba i loo ń rɔ̄ deē ní nelə̄n tām̄ yā yá̰a̰ ń ni-ənge kɔ̄ɔ́ ní tə́ tá.

1 TIMOTE 6:3

Ré deē kógə̄ḿ ndóō de gə̄ yá̰á̰ kə́ rang ba əya̰ najə̄ kə́ rɔ̄kum gə̄ yā Kɔ́ɔ̄ɓē yājí Jeju Kərist kɔ̄ɔ́ ō, əya̰ yá̰á̰ ndóō kə́ əhɔn̄ naā kə taā kem yājí kɔ̄ɔ́ ō anī,

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

1 TIMOTE 2:10

Banī majə kadə̄ yá̰á̰ súū rɔ̄ yādə́ i kəla rāādə́ kə́ majə gə̄, tītə̄ ń dəyá̰ kə́ ngé rāā yá̰a̰ kə gō ń Nə́ɓā ndigə ní gə̄ a rāān̄neé ní.

1 TIMOTE 2:2

Tām̄ yā mban̄g gə̄ tə́ ō, ngé ko̰o̰ ɓē gə̄ tə́ malang ō. Tá kadə̄ jə-ndiīń jəke ō, kə kem kə́ sɔl̄ lɔmɔɔ́ ō, yā kadə̄ jə-rāāīneé yá̰a̰ malang kə gō ń Nə́ɓā ndigə ní ō, jə-rāāīneé yá̰á̰ kə́ ɔjə kadə̄ jə-ɓōlíī ndíĺ Nə́ɓā ō.

2 TESALONIK 3:5

Ādə̄ Kɔ́ɔ̄ɓē rāā adə̄ kemsí ndigə tár ń Nə́ɓā táŕsí ní ō, tə́gā ta ń Kərist i nge kadə̄ ní ō.

2 TESALONIK 1:4

Adə̄ j-ɔr ta rɔ̄jí najə̄ yāsí tə́ dan de gə̄ kə́ kem Egəlijə yā Nə́ɓā tə́. Tɔdɔ̄ dan ń rāān̄ kumsí ndoō tə́ ō, yá̰á̰ kə́ tōr̄ gə̄ rāān̄sí ō ní, sḭḭ̄ ə́hɔī rɔ̄sí tɔgə ō, ī-raī dɔ taā kem yāsí tə́ ō.

IJAI 57:1

Ngé gə̄ ń oōn̄ ta Nə́ɓā ní, tɔ̄lə̄n̄də́ kɔ̄ɔ́ ō, deē kógə̄ḿ kə́ usən dɔ tə́ gətóo ō. A̰á̰ā̰, ngé gə̄ ń oōn̄ ta Nə́ɓā ní gətóon̄ kɔ̄ɔ́, sɔɔ̄ń kem ndul yā de kə́ majaĺ gə̄.

TA KƏLA 5:24

Henok njə̄rā kə Nə́ɓāá ba ta tɔ̄l̄ ta anī ni gətóo, tɔdɔ̄ Nə́ɓā unən kɔ̄ɔ́.