2 PIYER 1:21 - Bibəl ta Sar̄

²¹ Tɔdɔ̄ i kem ndigə yā deē n teē kə najə̄ kə́ Nə́ɓā əndā ta deē tə́ ní alé, banī i tām̄ kɔsə kə́ Ndíĺ kə́ Táĺ ɔsə sedə́ n de gə̄ ədan̄neé najə̄ kə́ Nə́ɓā əndā tadə́ tə́ ní.

Bible sar

²¹ Tɔdɔ̄ i kem ndigə yā deē n teē kə najə̄ kə́ Nə́ɓā əndā ta deē tə́ ní alé, banī i tām̄ kɔsə kə́ *Ndíĺ kə́ Táĺ ɔsə sedə́ n de gə̄ ədan̄neé najə̄ kə́ Nə́ɓā əndā tadə́ tə́ ní.

2 PIYER 1:21 Referans Kwoze

1 PIYER 1:11

Nin̄-əhɔn̄ rɔ̄də́ tɔgə sāān̄ ger̄ ɓāl̄ ń yá̰á̰ ń Ndíl Kərist əda najə̄n ní a rāā yā rāań yá̰á̰ ní ō, nin̄-sāān̄ ger̄ yá̰á̰ gə̄ ń a rāān̄ yá̰a̰ ndɔ̄ ngeé ń noō tə́ ní ō. Tɔdɔ̄ Ndíĺ Kərist ngeé ń toō ń ndi kemdə́ tə́ ní, ədadə́ najə̄ yā yá̰á̰ kə́ tōr̄ ń a rāā yā rāā Kərist ní kété ō, ədadə́ najə̄ yā kɔsə gɔn ń a dān̄ gō yá̰á̰ kə́ tōr̄ ngeé ń toō ní ō.

Najə̄ kə́ Majə yā Jeju ń Luk ndang ní 1:70

I yá̰á̰ ń noō n ni-əda najə̄n kété jóó ní, əndā najə̄ ní i ta ngé koō ta kə́ táĺ gə̄ tə́.

2 SAMUEL 23:2

Ndíĺ Kɔ́ɔ̄ɓē ɔr̄ najə̄ kə kūlə̄ḿ, ni-əndā najə̄ yān ta ndo̰ḿ tə́.

KƏLA RĀĀ 1:16

Ngákó̰ó̰ḿ gə̄, i gáŕ kadə̄ yá̰á̰ ń Ndíĺ kə́ Táĺ əda najə̄n kété á ndangən̄ ní reē udə gírí. Judas ń tél nge kɔr no ngé kəhɔ Jeju gə̄ ní, Ndíĺ kə́ Táĺ əndā najə̄ yān ta Dabid tə́ adə̄ ɔr̄ kété kɔ̄ɔ́ adə̄ ndangən̄.

HEBƏRO 10:15

Ndíĺ kə́ Táĺ ɔjəjí kə́ rɔ̄kum tə́ ō. Tɔdɔ̄ najə̄ ń ni-əda ta kəga dɔ ni n toó:

KƏLA RĀĀ 3:18

Nə́ɓā əda kété kə ta kūl̄ ngé koō ta gə̄ malang na Kərist yān na a a̰a̰ tápə̄. I yá̰á̰ ń toō n ni-rāā adə̄ reē udə gírí ní.

MARK 12:36

Dabid nəkɔ́ loo ń ɔr̄ najə̄ kə ta kūl̄ Ndíĺ kə́ Táĺ ní əda na, Kɔ́ɔ̄ɓē əda Kɔ́ɔ̄ɓē gə̄ yāḿ na kə ndi dɔ jī ko̰n tə́, bátə́ kadə̄ n-ənīń ngé ba̰ā̰n gə̄ gír njan tə́.

JEJU TEĒ KUM JA̰A̰ 19:10

Loo ń noō tə́ m-ə̄sō m-ɔ́sə noḿ nang tə́ kə̄ njan tə́ yā rɔȳnəń, anī ni-ədam̄ na kə m̄-lōō rāā beé na ni na i nge kəla madə́ḿ ō, nge kəla madə̄ ngákó̰ó̰ḿ gə̄ kə́ ngé ngɔ̄m̄ najə̄ kə́ kum tə́ yā Jeju ō. I Nə́ɓā n kadə̄ ī-rɔȳn ní. Tɔdɔ̄ najə̄ kə́ kum tə́ yā Jeju, i ndíĺ ń a rāā kadə̄ deē əda najə̄ kə́ Nə́ɓā əndā tan tə́ ní.

HEBƏRO 3:7

I tām̄ najə̄ ń toō tə́ n, tītə̄ ń Ndíĺ kə́ Táĺ ədań ní: Ɓōólaā ré ōōī ndū Nə́ɓā anī,

TƏ́DA 16:28

Moijə əda na: Yá̰á̰ ń a rāā yā rāā yá̰a̰ toō n ā ī-gerīiń kadə̄ i Kɔ́ɔ̄ɓē n əlam̄ rāā yá̰a̰ gə̄ ń noō tə́ ní malang, ba i mā n m̄-rāādə́ kə dɔḿ ní alé.

KƏLA RĀĀ 28:25

Dan ń nin̄ a tḭ̄ḭ̄n̄ i naā kanjə̄ ɓōkə́ ndūdə́ gō naā tə́ ní, Pol ədadə́ i najə̄ ń toō ngóy, əda na:

1 MBAN̄G GƏ̄ 17:18

Anī dəyá̰ ní əda Eli na: Deē yā Nə́ɓā, i rí n i dɔ dáńjí tə́? Ī-reē ɓēé looḿ i kadə̄ əga kem Nə́ɓā dɔ yá̰á̰ kə́ gōtə́ aĺ kə́ m̄-rāā tə́ ba kadə̄ ngōnə̄ḿ kə oyń a?

HEBƏRO 9:8

I tītə̄ ń toō n Ndíĺ kə́ Táĺ ɔjəjí kadə̄ dan ń kújə́ kə́ kété to ɓáý ní, róbə́ kə́ loo kə́ táĺ ngá̰ý ta teē aĺ ɓáý.

1 MBAN̄G GƏ̄ 13:1

Dan ń Jeroboam ra a róō yá̰a̰ ndējə̄ gə̄ dɔ loo tun̄ yá̰á̰ tə́ anī, deē yā Nə́ɓā kógə̄ḿ ḭḭ Juda reē ugə̄ Betel. Deē ní i Kɔ́ɔ̄ɓē n ədan najə̄ á reēń ní.

JOJUE 14:6

Dan ń ngán Israel gə̄ ndinneé Gilgal ɓáý ní, ndɔ̄ kə́rēý tə́ de kə́ gír ɓē yā Juda tə́ gē reēn̄ rɔ̄ Jojue tə́ Anī Kaleb ngōn̄ Yepune ń ni i Keniji ní ədan na: Yá̰á̰ ń Kɔ́ɔ̄ɓē əda Moijə deē yā Nə́ɓā dɔḿ tə́ ō, dɔí tə́ ō, Kades Barnea ní ī-ger̄ majə.

MISE 3:7

Rɔ̄ ngé ka̰a̰ yá̰a̰ gə̄ ō, rɔ̄ kɔdə̄ sāā gə̄ ō, a sɔl̄də́. Nin̄ malang a utə̄n̄ ta kumdə́ kɔ̄ɔ́, tɔdɔ̄ Nə́ɓā daldə́ to̰ alé.

2 YÁ̰A̰ GƏ̄ 8:14

Salomo̰ rāā jī bēl̄ loo rāā yá̰a̰ gə̄ ń bɔbə̄n Dabid gḛy rāā ní, ni tə́ndā ɓūtə̄ gə̄ yā ngé tun̄ yá̰a̰ gə̄ kem kəla yādə́ gə̄ tə́ ō, ngán Lebi gə̄ n ə̄ndān̄ dɔdə́ tə́ kadə̄ ɔsən̄ gɔn Kɔ́ɔ̄ɓē kə dɔ ndɔ̄ gə̄ aláa kadə̄ ɔsən̄ kíl ngé tun̄ yá̰a̰ gə̄ kem kəla yādə́ tə́ ní, ni tə́ndādə́ kem kəla yādə́ gə̄ tə́ ō, ni tə́ndā ngé ngɔ̄m̄ ta róbə gə̄ kem kəla yādə́ gə̄ tə́ kə gō ɓūtə̄ yādə́ gēé ta róbə gə̄ tə́ kógə̄ḿ kógə̄ḿ ō. Yá̰á̰ ń Dabid kə́ deē yā Nə́ɓā əda kadə̄ yā rāā ní n noó.

2 MBAN̄G 6:15

Nge kəla yā Elije ḭḭ dɔɔ́ kə gír looí ba teē kɔ̄ɔ́ kem ɓēé, anī a̰a̰ kadə̄ ɓūtə̄ ngé rɔ̄ɔ̄ gə̄ gīrə̄n̄ gidə ɓē kə sə́nda gēé ō, kə púsə́ sə́nda gēé ō. Ni-əda Elije na: Á! Kɔ́ɔ̄ḿ, j-a jə-rāā i ba̰ý?

2 MBAN̄G 6:10

Loo ń noō tə́ mban̄g kə́ Israel əla de gə̄ loo ń deē yā Nə́ɓā ɔjən tə́ ní. Ni tāā mban̄g adə̄ ndi dɔ rɔ̄n tə́. Ni-rāā yá̰á̰ ní i nja kógə̄ḿ beē ngóy alé.

1 MBAN̄G GƏ̄ 17:24

Dəyá̰ ní əda Eli na: Ngɔlaā m̄-ger̄ kadə̄ ḭ̄ i deē yā Nə́ɓā ō, Kɔ́ɔ̄ɓē əndā najə̄ taí tə́ rɔ̄kum ō.

1 YÁ̰A̰ GƏ̄ 23:14

Moijə i deē yā Nə́ɓā. Tə́dan̄ ngánən gə̄ i dan de gə̄ kə́ gír ɓē yā Lebi tə́ gə̄.

2 MBAN̄G 4:22

Dəyá̰ ní ɓāŕ ngaan ba ədan na: Ɓɔ́, ādə̄ nge kəla kógə̄ḿ reē kə kó̰o̰ kərōó ādə̄ m-āwń láẃ ɓē deē yā Nə́ɓāá tə́ m̄-tél.

2 MBAN̄G 4:9

Dəyá̰ ní əda ngaan na: m̄-ger̄ kadə̄ dəngam ń a reē loojí ngándáńg ní i de kə́ táĺ yā Nə́ɓā.

NDŪ NAJƏ̄ 33:1

Moijə ń i deē yā Nə́ɓā ní, kété pá tá kadə̄ oy ní, najə̄ gə̄ ń ni-ɔr̄ á tɔ́rəń tan dɔ ngán Israel gə̄ tə́ ní n toó:

2 MBAN̄G 4:7

Dəyá̰ ní aw̄ ɔjə deē yā Nə́ɓā yá̰á̰ ń rāā yá̰á̰ ní, anī deē yā Nə́ɓā ədan na kə aw̄ kə igə yibə̄ ní kə əgan̄ kə̄rā dɔn tə́. Ba gotə nar ń a na̰y ní kə əsan̄neé yá̰a̰ kə ngánən gēé.

JEREMI 23:26

Ngé koō ta gə̄ ń toō a sorə̄n̄ kə̄ nodə́ tə́ i bátə́ ta kə́ rá? A gólə̄n̄ loo kə̄ nodə́ tə́ i bátə́ ta kə́ rá?

MISE 1:1

Kɔ́ɔ̄ɓē ɔr̄ najə̄ kə Mise ń i de kə́ kem ɓē kə́ Moreset tə́ ní. I dan ń Yotam ō, Akaj ō, gō tə́ anī i Ejekias ō, ndinə̄ń mban̄g dɔ nang kə́ Juda tə́ ní. Yá̰á̰ kə́ sɔɔ̄ dɔ ɓē gə̄ kə́ Samari ō, Jerusalem ō, ń Kɔ́ɔ̄ɓē ɔjən adə̄ ger̄ kə ta kūl̄ yá̰á̰ kógə̄ḿ ń ni a̰ā̰ ní n toó.