2 PIYER 1:18 - Bibəl ta Sar̄

¹⁸ Jḭḭ kɔ́ gə̄ j-oō ndū ngeé ń toō ń teē dɔ rā̰ tə́ ɔr̄ najə̄ ní kə mbījí, dan ń jḭḭ i seneé dɔ mbal̄ yā Nə́ɓā tə́ ní.

Bible sar

¹⁸ Jḭḭ kɔ́ gə̄ j-oō ndū ngeé ń toō ń teē dɔ rā̰ tə́ ɔr̄ najə̄ ní kə mbījí, dan ń jḭḭ i seneé dɔ mbal̄ yā Nə́ɓā tə́ ní.

2 PIYER 1:18 Referans Kwoze

MATIYE 17:6

Dan ń ngé ndóō yá̰a̰ yān gə̄ oōn̄ ndū deē ní anī, ɓōĺ asədə́ nák, adə̄ əsō sébən̄ kumdə́ nang tə́.

JOJUE 5:15

Anī ngol ngé rɔ̄ɔ̄ gə̄ yā Kɔ́ɔ̄ɓē əda Jojue na: Ɔ̄r̄ sākə̄rā kə́ njaí tə́ kɔ̄ɔ́, tām̄ loo ń ī-ra tū tə́ toó i loo kə́ tá. Anī Jojue rāā tītə̄ ń ədanəń ní.

Teē Ngán Israel gə̄ 3:5

Anī Kɔ́ɔ̄ɓē əda na: Ī-lōō reē ngɔr. Ɔ̄r̄ sākə̄rā kə́ njaí tə́ kɔ̄ɔ́, tɔdɔ̄ ī-ra i loo kə́ táĺ tə́.

JAKARI 8:3

I tām̄ najə̄ ń toō tə́ n m̄-tél m̄-reē gogə́ dɔ mbal̄ Siyo̰ tə́ ní. A̰á̰ā̰, m̄-tél m̄-ndi kem ɓē kə́ Jerusalem tə́ gogə́ ɓáý to̰. A ɓārə́n̄ ɓē kə́ Jerusalem na i ɓē kə́ nge ra dɔ ndūn tə́ ō, a ɓārə́n̄ mbal̄ bo yā Kɔ́ɔ̄ɓē kə́ bo kə́ tɔ́gən i ngá̰ý na i mbal̄ bo kə́ táĺ ō.

IJAI 11:9

Yá̰á̰ kə́ majaĺ, aké yá̰a̰ rāā kə́ kə dɔ́nɔ́ a to dɔ mbal̄ kə́ táĺ yā Kɔ́ɔ̄ɓē tə́ to̰ alé. Tām̄ ger̄ Kɔ́ɔ̄ɓē a taā loo kem ɓēé, tītə̄ ń man̄ taāń loo kum bā bo gə̄ tə́ ní beē.

Teē Ngán Israel gə̄ 3:1

Moijə a ul̄ i batə̄ gə̄ kə bə̄yā̰ gə̄ yā umən Jetəro nge tun̄ yá̰á̰ kə́ Madian. Ndɔ̄ kə́rēý tə́ anī ni ənda dan dəla loo mān̄ kə yá̰a̰ kul̄ gēé, aw̄ ugə̄ kadə mbal̄ Horeb ń i mbal̄ yā Nə́ɓā ní tə́.

IJAI 56:7

m-ā m̄-rāā kadə̄ nin̄ a reēn̄ dɔ mbal̄ bo yāḿ kə́ táĺ tə́, m-ā m̄-rāā kadə̄ rɔ̄də́ a nel̄də́ ngá̰ý kem kújə ndɔ̄ȳ yāḿ tə́. M-ā m̄-ndigə yá̰á̰ kə́ tun̄ gə̄ ō, yá̰á̰ kə́ kadə̄ karī yādə́ gə̄ ō ń nin̄ ndējə̄mə̄n̄ dɔ loo tun̄ yá̰á̰ tə́ ní. A̰á̰ā̰, a ɓārə́n̄ kújə yāḿ na i kújə ndɔ̄ȳ kə́ tām̄ yā gír de gə̄ tə́ malang.