2 PIYER 1:16 - Bibəl ta Sar̄

¹⁶ Tɔdɔ̄ j-əndā tɔ́gə́jí i dɔ súū gə̄ kə́ de gə̄ ɔrə̄n̄ kə kum kedēé ngá̰ý tə́ n j-ɔjəńsí najə̄ reē kə́ kə tɔ́gɔ́ ngá̰ý yā Kɔ́ɔ̄ɓē yājí Jeju Kərist ní alé, banī jḭḭ kɔ́ gə̄ j-a̰a̰n kə kumjí dan ń ni-ndə́leń ngá̰ý tə́ ní.

Bible sar

¹⁶ Tɔdɔ̄ j-əndā tɔ́gə́jí i dɔ súū gə̄ kə́ de gə̄ ɔrə̄n̄ kə kum kedēé ngá̰ý tə́ n j-ɔjəńsí najə̄ reē kə́ kə tɔ́gɔ́ ngá̰ý yā Kɔ́ɔ̄ɓē yājí Jeju *Kərist ní alé, banī jḭḭ kɔ́ gə̄ j-a̰a̰n kə kumjí dan ń ni-ndə́leń ngá̰ý tə́ ní.

2 PIYER 1:16 Referans Kwoze

1 JA̰A̰ 4:14

Adə̄ jḭḭ ń j-a̰a̰n ní j-əda najə̄ kə́ loo de gə̄ kə́ kum tə́ tə́ na Bɔbə̄ Ngōn̄ əla Ngōnən kadə̄ ajə de gə̄ kə́ dɔ nang tə́.

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

1 TIMOTE 1:4

kadə̄ ə́da de gə̄ kadə̄ əhɔn̄ gō súū kə́ kɔr̄ gə̄ aĺ ō, gō kɔr̄ gír kaa gə̄ kə́ ta ngóýdə́ gətóo gə̄ aĺ ō. Tɔdɔ̄ nge ń noō a teē ta róbə a adə̄ i nējə̄ naā najə̄ gə̄, ba a rāā kəla tām̄ yā yá̰á̰ ń Nə́ɓā núm̄ á ra i dɔ taā kem tə́ ní alé.

1 TIMOTE 4:7

Banī ī-mbātə́ kɔr̄ súū kə́ to mbóo gə̄ ń i najə̄ kə́ kanjə̄ kumən gə̄ yā ɓə́ga dəyá̰ gə̄ ní. Ī-ndóō rāā yá̰a̰ kə gō ń Nə́ɓā ndigə ní.

1 KORḚNTƏ 2:4

Yá̰á̰ ń m̄-ndóō de gə̄ ō, najə̄ ń m-ɔ́jə de gə̄ ō ní, i kə gō kum kedə̄ yā deé alé, banī i kə tɔ́gə yā Ndíĺ Nə́ɓā kə́ ɔjə kə̄ ndágá kadə̄ najə̄ yāḿ i najə̄ kə́ rɔ̄kum.

EPEJƏ 4:14

Loo ń noō tə́ jḭḭ̄ i ngán gə̄ kə́ bəngál man̄ səlādə́ kə̄ yóō kə̄ laā to̰ aĺ ō, nél yá̰a̰ ndóō kə́ tayā tayā gə̄ dáȳ sedə́ aĺ ō, jḭḭ̄ i ngán gə̄ kə́ ngé gól̄ de gə̄ kə ngam yādə́ kadə̄ ndúmə̄n̄ ní gólə̄n̄jí aĺ ō.

1 KORḚNTƏ 1:17

Tɔdɔ̄ Kərist əlam̄ i rāā de gə̄ batém tə́ alé, ba i kɔjə de gə̄ Najə̄ kə́ Majə tə́, kanjə̄ kɔjədə́ kə kum kedə̄ najə̄ yā deé. Tɔdɔ̄ ré i beé anī, koy ń Kərist oy tū kāgə̄ kə́ dēsə́ tə́ ní, a tél i yá̰á̰ kə́ karī.

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

TITƏ 1:14

Ādə̄ nin̄-əhɔn̄ gō gotə najə̄ kə́ tūr̄ gidə kadə̄ majə gə̄ yā Jipə gə̄ aĺ ō, əhɔn̄ gō yá̰a̰ gə̄ ń ngé tūr̄ gidədə́ kɔ̄ɔ́ ta najə̄ kə́ rɔ̄kum tə́ gə̄ ran̄ kə de gēé ta rāā ní aĺ ō.

Makətūbə̄ ń Jud ndang ní 1:14

Henok ń i de kə́ gír kojə yā Adam tə́ kə́ nge ko̰ sīrí ní, i ni n əda najə̄ kə́ Nə́ɓā əndā tan tə́ tām̄ yā de gə̄ ngeé ń toō tə́ ní. Ni-əda kété jóo na: Ōōī a, Kɔ́ɔ̄ɓē a reē kə deē yān kə́ táĺ gə̄ kə́ dɔ rā̰ tə́ kə́ dūbūúdə́ i nja kutə,

2 TESALONIK 2:9

Nge mbātə́ ndū najə̄ ní, a reē i kə tɔ́gə yā Sətan ō, kə gíŕ yá̰á̰ kə́ yáā gə̄ malang ō, kə yá̰á̰ kə́ to kɔr kum kə́ rɔ̄kum aĺ gə̄ ō,

2 KORḚNTƏ 4:2

Jḭḭ jə-mbātə́ yá̰á̰ kə́ to rɔ̄sɔl̄ kə́ rāā loo mundə̄ tə́ gə̄ kɔ̄ɔ́ ō, jə-rāā yá̰a̰ kə ngamaá aĺ ō, jə-tūr̄ gidə najə̄ yā Nə́ɓā aĺ ō, banī i najə̄ kə́ rɔ̄kum n j-əda kə̄ ndágá adə̄ kumən unjə̄, jə-sāań kadə̄ de gə̄ malang ənīn̄ kemdə́ adə̄n̄jí kə̄ ta kum Nə́ɓā tə́ ní.

2 KORḚNTƏ 2:17

De gə̄ ngá̰ý a rāān̄ najə̄ yā Nə́ɓā i yá̰a̰ gātə̄ tə́, banī jḭḭ jə-to i tītə̄də́ aĺ ō, jḭḭ jə-rāā beé aĺ ō. Tām̄ i Nə́ɓā n əlají ní, j-ɔr̄ najə̄ kanjə̄ gír̄ kə́ rang kemjí tə́ ta kum Nə́ɓā tə́, kə gō ɓoo naā yājí kə Kərist.

MATIYE 28:18

Jeju reē rɔ̄də́ tə́ ngɔr ba ɔr̄ najə̄ ń toō sedə́, ədadə́ na: Adə̄mə̄n̄ tɔ́gə malang dɔ yá̰á̰ kə́ dɔ rā̰ tə́ gə̄ tə́ ō, dɔ yá̰á̰ kə́ dɔ nang tə́ gə̄ tə́ ō.

MALASI 3:2

Dan ń a reē ní, i náā n a asə ra gas gotə kógə̄ḿ ní? Dan ń a ɔjə rɔ̄n kə̄ ndágá ní, i náa n a asə ra dɔɔ́ ní? Tɔdɔ̄ ni to i tītə̄ hor yā kɔdə̄ nge nōō gində̄ beé ō, tītə̄ sabūn̄ yā nge tə́go kūbə̄ beé ō.

1 TESALONIK 2:19

Tɔdɔ̄ ndɔ̄ reē Kɔ́ɔ̄ɓē yājí Jeju tə́ ní, yá̰a̰ kəndā kem dɔ tə́ yājí, aláa rɔ̄nel̄ yājí, aláa jākā mbang yājí ní, i náā gə̄? I sḭḭ̄ aĺ a?

PILIPƏ 3:21

Ni a tūr̄ rɔ̄jí kə́ dɔ nang tə́ kə́ to rɔ̄ tō ndoō ń toō kɔ̄ɔ́, kadə̄ tél to tītə̄ rɔ̄n nəkɔ́ ń i rɔ̄ kə́ to kɔsə gɔn ní. Ni a rāā nge ń noō i kə tɔ́gə́ ń ni a əlań dɔ yá̰a̰ malang gíŕ tɔ́gə yān tə́ ní.

1 KORḚNTƏ 2:1

Ngákó̰ó̰ḿ gə̄, dan ń mā i loosí ní, m-ɔ́jə́sí yá̰á̰ kə́ to loo mundə̄ tə́ yā Nə́ɓā i kə najə̄ kə́ loo ger̄ kumən ngan̄g ngá̰ý, aláa i kə kum kedēé alé.

1 KORḚNTƏ 1:23

Banī jḭḭ j-ɔjə i najə̄ yā Kərist kə́ əndanən̄ kə máyá̰ tū kāgə̄ kə́ dēsə́ tə́. I najə̄ kə́ əga Jipə gə̄ bə̄dē tə́, banī de gə̄ ń nin̄ i Jipə aĺ gə̄ ní, i najə̄ kə́ to mbóo ta kumdə́ nin̄ tə́.

1 KORḚNTƏ 1:7

adə̄ sḭḭ̄ ń ī-ndi ā ī-ngóōī kum mbang ń Kɔ́ɔ̄ɓē yājí Jeju Kərist a teēń hɔy tə́ ní, yá̰á̰ kógə̄ḿ kə́ Nə́ɓā a adə̄ de gə̄ kə ta kūl̄ kem ndaa yānneé kə́ sḭḭ̄ ī-nalī ní gətóo.

Makətūbə̄ ń Pol ndang adə̄ Rom gə̄ ní 1:4

Ta yā Nə́ɓā tə́ ɓáa, Nə́ɓā ɔjə kadə̄ ni i Ngōnən i dan ń ni-ndólən dan de kə́ koy gə̄ tə́ kə tɔ́gə yā Ndíĺ kə́ Tálá ní.

JA̰A̰ 17:2

Tɔdɔ̄ ḭ̄ ādə̄n tɔ́gə dɔ de gə̄ tə́ malang, yā kadə̄ de gə̄ malang ń ḭ̄ ādə̄n ní, ni-adə̄də́ ndi kə kumuú kə́ ngándáńg.

MATIYE 24:27

Tɔdɔ̄ i tītə̄ ń man̄ tel̄ dūn̄ ɓē tə́ anī, unjə̄ teē no ɓē tə́ ní, ta reē Ngōn̄ deē a to i tītə̄ noō ō.

MATIYE 24:3

Jeju ndi dɔ mbal̄ kāgə̄ olibə gə̄ tə́ anī, ngé ndóō yá̰á̰ yān gə̄ reēn̄ rɔ̄n tə́ kə kéŕdə́ ba dəjenən̄ kadə̄ ədadə́ ndɔ̄ ń yá̰á̰ ń noō a rāań yá̰á̰ tə́ ní ō, kadə̄ ədadə́ yá̰á̰ ń a ɔjə dɔ ndɔ̄ télən ō, a ɔjə dɔ ta ngóy ndɔ̄ gə̄ ō ní.

MATIYE 16:28

Ādə̄ m-ə́dásí najə̄ kə́ bo ngá̰ý, de kə́rēý gə̄ kə́ dan de gə̄ ń ran̄ laā tə́ ní, a a̰a̰n̄ Ngōn̄ Deē loo reē tə́ kə́ mban̄g tə́ pá tá kadə̄ a oyn̄ ɓáý.

MATIYE 16:27

Tɔdɔ̄ Ngōn̄ Deē a reē kə deē yān kə́ dɔ rā̰ tə́ gə̄ ō, kə kɔsə gɔn yā Bɔbə̄n ō. Loo ń noō tə́ ni a əgā de gə̄ kógə̄ḿ kógə̄ḿ malang ɔjəń dɔ yá̰a̰ rāādə́ gə̄.

MATIYE 17:1

Ndɔ̄ mehḛ́ gō tə́ anī, Jeju un Piyer ō, Jakə ō, Ja̰a̰ kə́ ngōkó̰o̰ Jakə ō, ba aw̄ sedə́ kə kéŕdə́ dɔ mbal̄ kógə̄ḿ kə́ ngāl̄ tə́.

MARK 13:26

Loo ń noō tə́ tā a, a a̰ā̰n̄ Ngōn̄ Deē loo reē tə́ dan kil̄ man̄ tə́ kə tɔ́gə́ kə́ ngá̰ý ō, kə kɔsə gɔn kə́ ngá̰ý ō.

MARK 14:62

Jeju tél ədan na: Mā i ni, ba sḭḭ̄ ā á̰a̰ī Ngōn̄ Deē a ndi dɔ jī ko̰ Nə́ɓā kə́ bo kə́ tɔ́gən i ngá̰ý tə́ ō, a reē kə kil̄ man̄ kə́ no rā̰ tə́ ō.

Najə̄ kə́ Majə yā Jeju ń Luk ndang ní 1:2

Ndangən̄ i kə gō ń ngé ka̰a̰ kə kumdə́ gə̄ ənīn̄neé gotə adə̄n̄jí ní. Ngé ka̰a̰ kə kumdə́ gə̄ ní télən̄ i ngé kɔjə najə̄ kə́ bo gə̄ yā Nə́ɓā.

Najə̄ kə́ Majə yā Jeju ń Luk ndang ní 9:43

Tɔ́gə yā Nə́ɓā kə́ ngá̰ý ń toō ɔr kumdə́ malang. Dan ń kəla rāā Jeju a yáā de gə̄ malang ɓáý anī, ni-əda ngé ndóō yá̰a̰ yān gə̄ na:

2 PIYER 2:3

Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.