2 PIYER 1:12 - Bibəl ta Sar̄

¹² I tām̄ najə̄ ń toō tə́ n m-ā m̄-ter̄ kemsí kə ndɔ̄ gə̄ dɔ yá̰a̰ gə̄ ń toō tə́, ká ī-gerīdə́ kɔ̄ɔ́ ō, ī-raī ngan̄g dɔ najə̄ kə́ rɔ̄kum kə́ ī-taāī tə́ ō gə̄gē ní.

Bible sar

¹² I tām̄ najə̄ ń toō tə́ n m-ā m̄-ter̄ kemsí kə ndɔ̄ gə̄ dɔ yá̰a̰ gə̄ ń toō tə́, ká ī-gerīdə́ kɔ̄ɔ́ ō, ī-raī ngan̄g dɔ najə̄ kə́ rɔ̄kum kə́ ī-taāī tə́ ō gə̄gē ní.

2 PIYER 1:12 Referans Kwoze

1 JA̰A̰ 2:21

Ré m̄-ndang makətūbə̄ m-ādə̄sí anī, i tām̄ ger̄ kə́ sḭḭ̄ ī-gerī najə̄ kə́ rɔ̄kum aĺ alé, banī i yā kədańsí na ī-gerī najə̄ kə́ rɔ̄kum ō, najə̄ kə́ sor̄ kógə̄ḿ kə́ teē dan najə̄ kə́ rɔ̄kum tə́ gətóo ō.

PILIPƏ 3:1

Ba ngɔlaā ní ngákó̰ó̰ḿ gə̄, ī-rāāī rɔ̄nel̄ najə̄ ɓoo ń ī-ɓooī naā kə Kɔ́ɔ̄ɓēé ní tə́. M-ɔ́r loo ndang yá̰á̰ kə́ kógə̄ḿ beē tə́ yā kadə̄sí kə̄ nja naā tə́ alé. Tām̄ yāsí tə́ ɓáa i nge ń noō n kadə̄ ī-raī dɔ tə́ ngan̄g ní.

KOLOSƏ 2:7

Ə́laī ngərasí kemən tə́ ō, ī-raī ngan̄g dɔn tə́ ō, dɔ taā kem tə́ tītə̄ ń ndóōn̄neésí ní ō, ī-ndadī Nə́ɓā ngá̰ý ō.

Makətūbə̄ ń Jud ndang ní 1:5

Ká ré sḭḭ̄ ī-gerī yá̰á̰ ń toō kɔ̄ɔ́ majə ngá̰ý gə̄gē anī, m̄-sāā ter̄ kemsí dɔ tə́ ɓáý. Tām̄ dan ń Kɔ́ɔ̄ɓē ajə gír deē yān gə̄ kem ɓē kə́ Ejiptə tə́ ní, gō tə́ anī ni-rāā adə̄ ngé gə̄ ń taān̄ kemən aĺ ní oyn̄ kɔ̄ɔ́.

2 JA̰A̰ 1:2

Tām̄ najə̄ kə́ rɔ̄kum ndi kemjí tə́ ō, a ndi sejí ngándáńg ō.

2 PIYER 1:13

Ba mā m-á̰a̰ kadə̄ dan ń m̄-ndi kə kumḿ ɓáý ní, i yá̰á̰ kə́ gō tə́ kadə̄ m̄-ter̄ kemsí dɔ tə́.

Makətūbə̄ ń Jud ndang ní 1:17

Banī sḭḭ̄ kó tár yāḿ gə̄, ādə̄ əga kemsí dɔ yá̰á̰ ń ngámbang kəla yā Kɔ́ɔ̄ɓē yājí Jeju Kərist gə̄ tāān̄sí dɔ tə́ kété ní.

Makətūbə̄ ń Jud ndang ní 1:3

Kó tár yāḿ gə̄, najə̄ kə́ dɔ kajə deē tə́ ń i najə̄ kə́ sɔɔ̄jí malang ní, m̄-gḛy ngá̰ý kadə̄ m̄-ndang makətūbūú m-ādə̄sí. M-á̰a̰ā̰ ní majə kadə̄ m̄-ndang m-ə́lań go̰ kemsí tə́, kadə̄ ī-rɔ̄ɔ̄īneé dɔ taā kem ń i yá̰á̰ kə́ Nə́ɓā adə̄ deē yān gə̄ i nja kógə̄ḿ beē ngóý ní tə́.

2 PIYER 3:17

Kó tár gə̄, kə́ tām̄ yāsí tə́ tā anī, ngɔlaā ní tāān̄sí kɔ̄ɔ́ ɓá. Adə̄ ī-ndiī dɔ rɔ̄sí tə́, ba ī-lōōī kəya̰ kadə̄ yá̰a̰ rāā kə́ gōtə́ aĺ gə̄ yā de kə́ usədə́ yá̰a̰ aĺ gə̄ ndúm̄ sesí ō, ī-lōōī tḭ̄ḭ̄ ta loo yāsí ń ī-raī ngan̄g tū tə́ ní ō.

2 PIYER 3:1

Kó tár gə̄, ń toō i makətūbə̄ kə́ nge ko̰ jōó n m̄-ndang m-ə́lań m-ādə̄sí toō. Ba kem makətūbə̄ gə̄ ngeé ń toō tə́ jōó mbak ní, m̄-sāā i ndól̄ gír̄ kə́ gō tə́ gə̄ ń ton̄ kemsí tə́ ní yā terə̄ń kemsí dɔ yá̰a̰ ndóō gə̄ tə́.

2 PIYER 1:15

Adə̄ m-ā m-ə́hɔ rɔ̄ḿ tɔgə yā rāā yá̰a̰ malang ń tɔ́gə́ḿ asə ní yā rāań sesí kadə̄ ré m-óy anī, əga kemsí dɔ yá̰a̰ gə̄ ń noō tə́ ngándáńg.

1 PIYER 5:12

m̄-ndang makətūbə̄ kə́ sḛ́ý beē ń toō m-ādə̄sí i kə ta kūl̄ Silas ń m̄-rāān i ngōkó̰ó̰jí kə́ nge ra dɔ ndūn tə́ ní. m̄-sāā i kəla go̰ kemsí tə́ ō, m̄-sāā i kədasí na kem majə yā Nə́ɓā ń sḭḭ̄ ə́hɔī gō ní, i rajə kə́ rɔ̄kum, ba kə ī-raī dɔ tə́ kadə̄ ngan̄g ō.

1 PIYER 5:10

Ba loo ń ré á̰a̰ī tápə̄ sḛ́ý oy anī, Nə́ɓā ń yá̰a̰ malang kə́ rāā kə kem majaá a ḭḭ i rɔ̄n tə́ ní, ni ń ɓāŕsí kadə̄ sḭḭ̄ i tū kɔsə gɔn yān kə́ a to ngándáńg tə́, kə gō ɓoo naā yāsí kə Kərist ní, nəkɔ́ a rāā kadə̄ ā ī-majiī ɔ̄tī kə taá ō, ni a mbūsə̄ gíŕsí kadə̄ ī-raī ngan̄g ō, a adə̄sí tɔ́gə ō, yá̰á̰ kógə̄ḿ a yéȳsí yek aĺ ō.

HEBƏRO 13:9

Ī-lōōī kadə̄ yá̰á̰ ndóō kə́ mbā kə́ gíŕdə́ i dáńg dáńg gə̄, rāān̄sí ādī ndúmī ta róbə. Kadə̄ kem majə kə́ Nə́ɓā rāā sejí n adə̄jí tɔ́gə ní, i yá̰á̰ kə́ majə, tɔȳ kadə̄ i ndū najə̄ gə̄ dɔ yá̰a̰ kəsa tə́. Ngé gə̄ ń unən̄ gō ndū najə̄ kə́ dɔ yá̰a̰ kəsa gə̄ tə́ ní əngen̄ yá̰á̰ kógə̄ḿ gírí alé.

HEBƏRO 10:32

Ādə̄ əga kemsí dɔ yá̰á̰ ń rāāsí kété tə́ ní. Kem ndɔ̄ gə̄ ngeé ń noō tə́ ní dan ń sḭḭ̄ ə́ngeī loo kə́ unjə̄ kow yā Nə́ɓā ní, á̰a̰ī tápə̄ ngá̰ý gō tə́, banī sḭḭ̄ ī-raī ngan̄g ta rɔ̄ɔ̄ ní tə́.

2 TIMOTE 1:6

Yá̰á̰ ń Nə́ɓā adī karī dan ń m-ə̄ndań jīḿ dɔí tə́ ní, to i tītə̄ hor beé kemií tə́, adə̄ ī-tóon ādə̄ o̰o̰.

1 TIMOTE 4:6

Ré ɔ́jə́ ngákó̰ó̰í gə̄ yá̰a̰ gə̄ ń toō anī, ḭ̄ i nge rāā kəla kə́ majə yā Kərist Jeju, kə́ ulīn̄ kə najə̄ gə̄ kə́ dɔ taā kem tə́ ō, kə yá̰á̰ ndóō kə́ majə ń ún gō ní ō.

KƏLA RĀĀ 16:5

De gə̄ kə́ kem Egəlijə gə̄ tə́ əngen̄ tɔ́gə dɔ taā kem tə́ ō, kutədə́ reē kə̄ dɔ naā tə́ kə dɔ ndɔ̄ gə̄ ō.

KOLOSƏ 1:5

Dan ń najə̄ kə́ rɔ̄kum, adə̄ i Najə̄ kə́ Majə, ugə̄ loosí ta kəga dɔ ɓáý ní, ōōī najə̄ yā yá̰a̰ kəndā kem dɔ tə́ ń Nə́ɓā ngɔ̄m̄ dɔ rā̰ tə́ tām̄ yāsí tə́ ní: Yá̰á̰ ní i ndi kə kumuú. Adə̄ taā kem yāsí ō, tár yāsí ō ní, ngəran ra i dɔ tə́.