2 PIYER 1:10 - Bibəl ta Sar̄

¹⁰ Ngákó̰ó̰ḿ gə̄, i tām̄ najə̄ ń toō tə́ n majə kadə̄ ə́gaī rɔ̄sí kə̄ nang tə́ ādī tɔȳ kə́ kété ɓáý ī-mbūsīneé gír ɓār̄ ń Nə́ɓā ɓāŕsí ní ō, gə̄rā ń Nə́ɓā gə̄rāsí ní ō, ādī ngan̄g ní. Tɔdɔ̄ ré ī-rāāī beé anī, ā ə̄sōī kum yá̰á̰ kə́ majaĺ tə́ aĺ i kə́ bátə́ gə̄ tə́.

Bible sar

¹⁰ Ngákó̰ó̰ḿ gə̄, i tām̄ najə̄ ń toō tə́ n majə kadə̄ ə́gaī rɔ̄sí kə̄ nang tə́ ādī tɔȳ kə́ kété ɓáý ī-mbūsīneé gír ɓār̄ ń Nə́ɓā ɓāŕsí ní ō, gə̄rā ń Nə́ɓā gə̄rāsí ní ō, ādī ngan̄g ní. Tɔdɔ̄ ré ī-rāāī beé anī, ā ə̄sōī kum yá̰á̰ kə́ majaĺ tə́ aĺ i kə́ bátə́ gə̄ tə́.

2 PIYER 1:10 Referans Kwoze

2 PIYER 3:17

Kó tár gə̄, kə́ tām̄ yāsí tə́ tā anī, ngɔlaā ní tāān̄sí kɔ̄ɔ́ ɓá. Adə̄ ī-ndiī dɔ rɔ̄sí tə́, ba ī-lōōī kəya̰ kadə̄ yá̰a̰ rāā kə́ gōtə́ aĺ gə̄ yā de kə́ usədə́ yá̰a̰ aĺ gə̄ ndúm̄ sesí ō, ī-lōōī tḭ̄ḭ̄ ta loo yāsí ń ī-raī ngan̄g tū tə́ ní ō.

HEBƏRO 6:11

Ba jə-gḛy kadə̄ sḭḭ̄ kógə̄ḿ kógə̄ḿ ní, o̰o̰sí tɔdɔ̄ Nə́ɓā bátə́ ta tɔ̄l̄ ta tə́. Loo ń noō tə́ yá̰á̰ ń ə̄ndāī kemsí dɔ tə́ ní a reē yā kudə gírí kə taá malang.

PĀ GƏ̄ 121:3

Ādə̄ ni-rāā adə̄ njaí tə́gā yá̰a̰ alé, ādə̄ nge ngɔ̄m̄ dɔí tún̄ ɓīī alé!

MISE 7:8

Sḭḭ̄ madə̄ ba̰ā̰jí gə̄, ī-lōōī rāā rɔ̄nel̄ najə̄ yājí tə́. Ré j-əsō anī, j-a j-ḭḭ dɔɔ́. Ré jḭḭ i kum loo kə́ ndɔ̄ɔ́ tə́ anī, Kɔ́ɔ̄ɓē i loo kə́ unjə̄ kow yājí.

PĀ GƏ̄ 112:6

Yá̰a̰ a yéȳn aĺ i kə́ njɔ́ḿ gə̄ tə́. A əga kem de gə̄ dɔn tə́ ngándáńg.

2 PIYER 1:5

I tām̄ najə̄ ń noō tə́ n majə kadə̄ ə́hɔī rɔ̄sí tɔ́gə ba ə̄ndāī háĺ kə́ majə dɔ taā kem yāsí tə́ ō, ə̄ndāī yá̰a̰ ger̄ dɔ háĺ kə́ majə yāsí tə́ ō,

2 TIMOTE 2:19

Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.

PĀ GƏ̄ 62:2

Ndi lɔm yāḿ i rɔ̄ Nə́ɓā tə́ ngóy. M-ájə i kə ta kūl̄neé.

JEJU TEĒ KUM JA̰A̰ 22:14

Ngé gə̄ ń tə́gon̄ kūbə̄ ngāl̄ yādə́ gə̄ ní, rɔ̄də́ nel̄də́. Tɔdɔ̄ nin̄ a əngen̄ ta róbə kəsa kan̄ kāgə̄ ndi kə kumuú ní ō, a udən̄ kem ɓē ní tə́ kə ta róbə gə̄ ní ō.

1 PIYER 1:5

Ba sḭḭ̄ kɔ́ gə̄, ré ī-taāī kem anī, Nə́ɓā kə́ tɔ́gən i ngá̰ý a ngɔ̄m̄sí yā kajəsí. Kajə ngeé ń toō ní, a gerə̄n̄ i ta ngóy ndɔ̄ gə̄ tə́.

1 PIYER 1:2

Bɔbə̄jí Nə́ɓā gə̄rāsí i kə gō ń ni-núməń kété ní, adə̄ sḭḭ̄ i deē yān gə̄ kə ta kūl̄ Ndílən, yā kadə̄ ōōī ta Jeju Kərist ō, kadə̄ mósən tə́go majaĺ yāsí gə̄ kadə̄ kemsí ndaa táĺ táĺ ō. Ādə̄ Nə́ɓā rajəsí ngá̰ý ō, sɔl̄ kemsí ngá̰ý ō!

IJAI 56:2

Rɔ̄nel̄ i kə deē ń rāā yá̰á̰ m-ə́dá ní, i kə deē ń ra dɔ tə́ ngan̄g ní. Rɔ̄nel̄ i kə deē ń ɓōĺ gidə ndɔ̄ sabat ō, rā dɔ ndūn tə́ loon tə́ ō ní, deē ń gōn̄g yá̰a̰ rāā kə́ majaĺ ní.

PĀ GƏ̄ 62:6

Majə kadə̄ m̄-sāā loo ndi lɔm i rɔ̄ Nə́ɓā tə́ ngóy. Tɔdɔ̄ i ni n i nge rāā kadə̄ m-ə̄ndā kemḿ dɔn tə́ ní.

PĀ GƏ̄ 37:24

Ré yá̰a̰ əgan anī a əsō alé, tām̄ Kɔ́ɔ̄ɓē əhɔ ta jīn.

HEBƏRO 6:19

Kəndā ń j-əndāī kemjí dɔ Nə́ɓā tə́ ní, əhɔ ndíĺjí gotə kógə̄ḿ tītə̄ gində̄ kə́ ta ngɔr ngo̰ ń əhɔn̄neé to bo gotə kógə̄ḿ ní. Kəndā kem dɔ tə́ ngeé ń toō ní ra ngan̄g ngá̰ý ō, əndā kūbə̄ ń gāngə̄n̄neé kem kújə yā Kɔ́ɔ̄ɓē kə́ dɔ rā̰ tə́ ní gān̄g, ba aw̄ bátə́ ugə̄ kem loo kə́ táĺ ngá̰ý tə́ ō,

PĀ GƏ̄ 15:5

Ni-adə̄ nar yān bélé tə́ alé. A taā yá̰a̰ jī deē tə́ yā kəndāń najə̄ dɔ de kə́ najə̄ gətóo dɔn tə́ alé. Deē ń a əhɔ hálən súmūú beé ní a ndi ngan̄g kə dɔ ndɔ̄ gə̄.

MATIYE 22:14

Tɔdɔ̄ de kə́ ɓārə̄n̄də́ gə̄ i ngá̰ý, banī de kə́ gə̄rā gə̄ i sḛ́ý beē.

Makətūbə̄ ń Pol ndang adə̄ Rom gə̄ ní 11:29

Tɔdɔ̄ yá̰á̰ ń Nə́ɓā adə̄ de gə̄ ní a tél yā taā gogə́ aĺ ō, ɓāŕ ń ni-ɓāŕdə́ ní, a ndə̄ngā rɔ̄n tāmə̄n̄ tə́ aĺ ō.

JAKƏ 2:10

Tɔdɔ̄ ré deē kógə̄ḿ ngɔ̄m̄ gotə ndū najə̄ gə̄ malang ba əya̰ kógə̄ḿ kɔ̄ɔ́ anī, sarya yā ndū najə̄ gə̄ malang əhɔn.

2 PIYER 1:3

Tɔdɔ̄ Nə́ɓā adə̄jí yá̰a̰ malang i kə ta kūl̄ tɔ́gəneé, yā kadə̄ jə-ndiīneé kə kumjí ō, jə-rāāīneé yá̰a̰ kə gō ń ni ndigə ní ō. Ni-rāā adə̄ jə-gerī nge ń ɓāŕjí kə ta kūl̄ kɔsə gɔn yān nəkɔ́ ō, kə ta kūl̄ kem majə yānneé ō ní.

2 PIYER 3:14

Kó tár gə̄, i tām̄ najə̄ ń noō tə́ n majə kadə̄ ə́hɔī rɔ̄sí tɔgə kadə̄ majaĺ tákə̄sí aĺ ō, kadə̄ najə̄ gətóo dɔsí tə́ ta kum Nə́ɓā tə́ ō, kadə̄ ī-ndiī kə kem kə́ sɔl̄ lɔmɔɔ́ ō, pá tá kadə̄ ndɔ̄ ní ugə̄ ɓáý ní.

Makətūbə̄ ń Jud ndang ní 1:24

Nə́ɓā kə́ to kɔsə gɔn ń asə ngɔ̄m̄sí kadə̄ ə̄sōī aĺ ō, asə rāā kadə̄ ī-raī kə rɔ̄nelēé kanjə̄ najə̄ dɔsí tə́ ta kumən tə́ ō ní,

JOJUE 7:3

tél reē ədan̄ Jojue na: Ādə̄ gír de gə̄ malang aw̄n̄ alé. De gə̄ dūbú jōó, aláa dūbú, ətá asən̄ kaw̄ rɔ̄ɔ̄ ɓē kə́ Ai karī. Ī-lōō kadə̄ gír de gə̄ malang aw̄n̄ njə̄ɓānəń rɔ̄də́ ndáńg, tɔdɔ̄ de kə́ Ai gə̄ ngá̰ý alé.