2 PIYER 1:1 - Bibəl ta Sar̄

¹ I mā Simo̰ Piyer ń i nge kəla yā Jeju Kərist ō, ngōmbang kəla yān ō ní n m̄-ndang makətūbə̄ ń toō m-ə́lań m-ādə̄ ngé gə̄ ń əngen̄ taā kem kə́ gātə̄n i ngá̰ý tītə̄ yājí, kə ta kūl̄ kəla kə́ gōtə́ yā Nə́ɓā yājí ō, Jeju Kərist nge kajəjí ō ní.

Bible sar

¹ I mā Simo̰ Piyer ń i nge kəla yā Jeju *Kərist ō, ngōmbang kəla yān ō ní n m̄-ndang makətūbə̄ ń toō m-ə́lań m-ādə̄ ngé gə̄ ń əngen̄ taā kem kə́ gātə̄n i ngá̰ý tītə̄ yājí, kə ta kūl̄ kəla kə́ gōtə́ yā Nə́ɓā yājí ō, Jeju Kərist nge kajəjí ō ní.

2 PIYER 1:1 Referans Kwoze

TITƏ 2:13

Majə kadə̄ jə-ngóōī rɔ̄nel̄ ń j-əndāī kemjí dɔ tə́ ní i tītə̄ ń noō. Ndɔ̄ ngeé ń noō tə́ ní, kɔsə gɔn yā Nə́ɓā yājí kə́ bo ō, kə́ nge kajəjí ō ń i Jeju Kərist ní, a ɔjə rɔ̄n kə̄ ndágá.

TITƏ 1:4

m̄-ndang makətūbə̄ ń toō m-ə́lań m-ādə̄ i ḭ̄ Titə, ngōnə̄ḿ kə́ rɔ̄kum sɔɔ̄ń taā kem kə́ kógə̄ḿ beē kə́ j-əga naā dɔ tə́. Ādə̄ Bɔbə̄jí Nə́ɓā nin̄ kə Jeju Kərist nge kajəjí, rāān̄ kem majə seí ō, sɔlə̄n̄ kemií ō.

2 KORḚNTƏ 4:13

Ndangən̄ kem makətūbə̄ yā Nə́ɓā tə́ na: m̄-taā kem, adə̄ i tām̄ najə̄ ń noō tə́ n m-ɔ̄rəń najə̄ ní. Adə̄ jḭḭ jə-taā i kem ō n j-ɔrə̄ń najə̄ ní.

JA̰A̰ 12:26

Ré deē kógə̄ḿ gḛy rāā kəla yāḿ anī, ādə̄ un gōḿ, ba loo ń mā i tū tə́ ní, nge rāā kəla yāḿ i tū tə́ ō. Ré deē kógə̄ḿ rāā kəla yāḿ anī, Bɔbə́ḿ a ɔsə gɔnən.

Makətūbə̄ ń Pol ndang adə̄ Rom gə̄ ní 1:12

I tām̄ ń noō tə́ ngóy alé, ba i yā kadə̄ taā kem yāsí adə̄m̄ tɔ́gə ō, taā kem yāḿ mā adə̄sí tɔ́gə ō.

2 PIYER 1:4

Adə̄n̄jí yá̰á̰ kə́ majə gə̄ kə́ gātə̄də́ i ngá̰ý ń ənīn̄ ndūdə́ yā kadə̄jí ní, i kə ta kūl̄ kɔsə gɔn yān nəkɔ́ ngeé ń toō ō, kem majə yān ngeé ń toō ō, yā kadə̄ ī-ɓooī naā kə Nə́ɓāá i kə ta kūl̄ yá̰á̰ kə́ majə gə̄ ngeé ń toō. Tɔdɔ̄ ɔrə̄n̄sí kɔ̄ɔ́ jī yá̰á̰ kə́ ndum kə́ dɔ nang tə́ ń kum ndaa yá̰a̰ a ulə̄n ní tə́.

1 PIYER 1:1

I mā Piyer kə́ ngōmbang kəla yā Jeju Kərist n m̄-ndang makətūbə̄ ń toō ní. m̄-ndang m-ādə̄ i ngé gə̄ ń Nə́ɓā gə̄rādə́ á tḭ̄ḭ̄n̄ naā kə̄ loo gə̄ tə́ gō nang kə́ Po̰o̰ tə́ ō, Galasi tə́ ō, Kapados tə́ ō, Aji tə́ ō, Bitini tə́ ō ní.

EPEJƏ 4:11

Ba yá̰a̰ gə̄ ń ni-adə̄ de gə̄ karī ní, i ngámbang kəla gə̄ ō, ngé koō ta gə̄ ō, ngé kɔjə Najə̄ kə́ Majə yān gə̄ ō, ngé ngɔ̄m̄ yá̰a̰ kul̄ gə̄ ō, ngé ndóō de gə̄ yá̰a̰ ō.

Makətūbə̄ ń Pol ndang adə̄ Rom gə̄ ní 1:1

I mā Pol n m-ə́la kə makətūbūú mādə̄sí ní. Mā i nge kəla yā Jeju Kərist. Ni ɓārə́m̄ kadə̄ mā i ngōmbang kəla yān ō, ɔrə̄m̄ tayā kadə̄ m-ə̄nā mbēr̄ Najə̄ kə́ Majə yā Nə́ɓā ō.

Najə̄ kə́ Majə yā Jeju ń Luk ndang ní 1:47

Kɔ́ɔ̄ɓē Nə́ɓā nge kajəḿ rāām̄ adə̄ rɔ̄ḿ nelə̄m̄ ngá̰ý.

1 PIYER 5:1

Ngɔlaā ní m-ā m-ɔ̄r̄ najə̄ i kə kum kɔɔ̄ gə̄ ń ndin̄ dɔ dáńsí tə́ á mā i kum kɔɔ̄ madə̄də́ ō ní. Yá̰á̰ kə́ tōr̄ ń rāā Kərist ní, mā m-á̰a̰ā̰ kə kumḿ ō. Kɔsə gɔn ń ndɔ̄ń tə́ a teēn̄neé kə̄ ndágá ní, mā i tū tə́ ō. Yá̰á̰ ń m̄-dəjesí sḭḭ̄ kum kɔɔ̄ gə̄ ní n toó:

2 TIMOTE 1:5

Əga kemḿ dɔ taā ń ī-taā kem Nə́ɓā kə́ rɔ̄kum tə́ ní. Kaaí Lois ō, kó̰ó̰í Enis ō, taān̄ kem kə́ rɔ̄kum tə́ kété noí tə́, ba m̄-ger̄ majə kadə̄ ḭ̄ ī-taā kem i tītə̄ yādə́ ō.

PILIPƏ 3:9

Ɓoo naā yājí seneé i ɓoo naā kə́ líbə́ri a mān̄ mbo̰ō̰ tə́ alé. Loo ń noō tə́ m̄-tél de kə́ nge rāā yá̰á̰ kə́ gō tə́ ta kum Nə́ɓā tə́, i kə ta kūl̄ rāā kə́ m̄-rāā yá̰a̰ gə̄ ń ndū najə̄ yā Nə́ɓā əda ní to̰ alé, ba i kə ta kūl̄ taā kə́ m̄-taā kem Kərist. Yá̰á̰ kə́ gōtə́ ń noō i yā Nə́ɓā. I deē ń taā kem ní n Nə́ɓā rāān de kə́ gōtə́ tə́ ní.

KƏLA RĀĀ 15:14

Simo̰ ter̄ kemjí dɔ kəndā ń Nə́ɓā əndā kumən gír de gə̄ ń i Jipə aĺ gə̄ tə́ ní. Ni gə̄rā de gə̄ dandə́ tə́ ta kəla gíŕ tə́ kadə̄ nin̄ i gír deē yān gə̄.

MATIYE 10:2

Rī ngámbang kəla yān kə́ kutə gidə i jōó gə̄ ní n toó: Nge kə́ kété bang i Simo̰ ń a ɓāŕnən̄ na i Piyer ní nin̄ kə ngōkó̰o̰n Andəre ō, tá Jakə kə́ ngōn̄ Jebede nin̄ kə ngōkó̰o̰n Ja̰a̰ ō,

1 PIYER 2:7

Tām̄ yāsí sḭḭ̄ ngé taā kem gə̄ tə́ ɓáa mbal̄ ngeé ń toō ní, i mbal̄ kə́ gātə̄n i ngá̰ý. Banī tām̄ yā ngé gə̄ ń taān̄ kem aĺ tə́ ní, ndangən̄ kem makətūbə̄ yā Nə́ɓā tə́ na: Mbal̄ ń ngé kəndā kújə gə̄ mbātə́n̄ kɔ̄ɔ́ ní, tél mbal̄ kíĺ kújə.

1 PIYER 1:7

I yá̰á̰ kə́ tōr̄ gə̄ ngeé ń noō n a nāān̄neé taā kem yāsí ní. Lɔ́r i yá̰á̰ kə́ to yā nujə kɔ̄ɔ́ ɓá tā, banī nōōnən̄ horoó. Adə̄ nāān̄ taā kem yāsí ń gātə̄n tɔȳ gātə̄ lɔ́ŕ ní, yā ka̰a̰ń tɔ́gən i tītə̄ ń noō ō. I beé n sḭḭ̄ ā ásiīneé kadə̄ tɔ̄ȳn̄sí ō, ɔsən̄ gɔnsí ō, rɔȳn̄sí ō, ndɔ̄ ń Jeju Kərist a teēń hɔy tə́ ní.

TITƏ 1:1

I mā Pol n m-ə́la kə makətūbūú mādə̄sí ní. Mā i nge kəla yā Nə́ɓā ō, ngōmbang kəla yā Jeju Kərist ō. Əndān̄ dɔḿ tə́ kadə̄ m-ɔ́jə́ ngé gə̄ ń Nə́ɓā gə̄rādə́ ní najə̄ kadə̄ taān̄ kem ō, kadə̄ m-ə́dádə́ najə̄ kə́ rɔ̄kum kə́ əhɔn̄ naā kə yá̰a̰ rāā kə́ kə gō ń Nə́ɓā ndigə ní kadə̄ gerə̄n̄ ō.

PILIPƏ 1:29

Tɔdɔ̄ kə́ ɔjə dɔ najə̄ yā Kərist ní, Nə́ɓā rāā kem majə sesí adə̄ ī-taāī i kem Kərist ngóy alé, banī á̰a̰ī tápə̄ najə̄ yān tə́ ō.

EPEJƏ 4:5

Kɔ́ɔ̄ɓē i kógə̄ḿ beē ō, taā kem i kógə̄ḿ beē ō, batém i kógə̄ḿ beē ō.

EPEJƏ 3:5

Yá̰á̰ kə́ to loo mundə̄ tə́ ngeé ń toō ń Nə́ɓā teē kum ngámbang kəla yān gə̄ ń ni-ɔr̄ kam̄də́ ní ō, ngé koō ta yān gə̄ ō, dɔ tə́ kə ta kūl̄ Ndíĺneé ní, ni teē kum de kə́ kété gə̄ dɔ tə́ alé.

GALATƏ 2:8

Tɔdɔ̄ nge ń rāā kəla kem Piyer tə́ adə̄ ni-tél ngōmbang kəla yā Jipə gə̄ ní, rāā kəla kemḿ mā tə́ adə̄ mā m̄-tél ngōmbang kəla yā de gə̄ ń i Jipə aĺ gə̄ ní ō.

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

1 KORḚNTƏ 15:9

Tɔdɔ̄ mā i kə́ dūú ngá̰ý dan ngaḿbang kəla gə̄ tə́ malang. Kə́ rɔ̄kum tə́ ɓáa m-ásə kadə̄ ɓāŕmə̄n̄ ngōmbang kəla alé, tɔdɔ̄ m̄-rāā Egəlijə yā Nə́ɓā yá̰á̰ kə́ tōr̄.

1 KORḚNTƏ 9:1

Mā i kɔ́ɔ̄ rɔ̄ḿ aĺ a? Mā i ngōmbang kəla aĺ a? Jeju ń i Kɔ́ɔ̄ɓē yājí ní m-á̰a̰n aĺ a? Kəla yāḿ ń m̄-rāā tām̄ yā Kɔ́ɔ̄ɓē tə́ ní i sḭḭ̄ aĺ a?

1 KORḚNTƏ 1:30

Banī Nə́ɓā ɓoosí naā tə́ kə Jeju Kərist ō, ni-rāā Kərist ní i kum kedə̄ yājí kə́ ḭḭ rɔ̄ Nə́ɓā tə́ ō, yá̰á̰ kə́ gōtə́ yājí tə́ ō, kə́ kɔr̄ kam̄ tām̄ yā Nə́ɓā yājí tə́ ō, gān̄g dɔ yājí tə́ ō.

Makətūbə̄ ń Pol ndang adə̄ Rom gə̄ ní 1:17

Tɔdɔ̄ Najə̄ kə́ Majə ɔjə loo rāā ń Nə́ɓā rāā de gə̄ adə̄ télən̄ de kə́ gōtə́ gə̄ ta kumən tə́ ní: I kə gō taā kemeé ngóy, ta kəla gíŕ tə́ bátə́ ta tɔ̄l̄ ta tə́, tītə̄ ń ndangən̄neé kem makətūbūú na: Deē ń i de kə́ gōtə́ ta kum Nə́ɓā tə́ kə ta kūl̄ taā kem yān ní, a ndi kə kumneé i kə ta kūl̄ taā kem.

JA̰A̰ 20:21

Jeju ədadə́ ɓáý to̰ na: Ādī kemsí sɔl̄ lɔm. Tītə̄ ń Bɔbə́ḿ əlam̄ ní, mā m-ə́lásí ō.

JA̰A̰ 1:42

Ni-aw̄ kə Simo̰ rɔ̄ Jeju tə́. Jeju a̰a̰ Simo̰ anī əda na: Ḭ̄ i Simo̰ ngōn̄ Ja̰a̰, ba a ɓāríīn̄ na i Kepas, kumən na i Mbal̄.

Najə̄ kə́ Majə yā Jeju ń Luk ndang ní 11:49

I tām̄ najə̄ ń noō tə́ n Nə́ɓā əda kə kum kedēé na: M-ā m-ə́la kə ngé koō ta gēé ō, kə ngámbang kəla gēé ō yā kadə̄də́. Nin̄ a tɔ̄lə̄n̄ ngé kə́rēý gə̄ dandə́ tə́ ō, a rāān̄ ngé kə́rēý gə̄ ndoō tə́ ō.

MATIYE 4:18

Jeju a njə̄rā kə gō kadə bā bo kə́ Galile anī, a̰a̰ ngákó̰o̰ naā gə̄ jōó, Simo̰ ń a ɓāŕnən̄ na i Piyer ní ō, ngōkó̰o̰n Andəre ō. Ra a ənīn̄ i réng kum bā bo tə́, tɔdɔ̄ nin̄ i ngé ndo̰ kānjə̄ gə̄.

JEREMI 33:16

Ɓāl̄ yān tə́ ní, ngán Juda gə̄ a ajən̄ ō, de kə́ Jerusalem gə̄ a ndin̄ kanjə̄ kadə̄ yá̰á̰ kógə̄ḿ a̰ȳ ndíĺdə́ ō. Rī ń de gə̄ a ɓārə́n̄neé Jerusalem ní n toó: Kɔ́ɔ̄ɓē i nge rāājí kadə̄ jə-téliī de kə́ gōtə́ gə̄.

IJAI 12:2

Nə́ɓā ń ajəm̄ ní n toó. M-ə̄nī kemḿ ō, ɓōĺ rāām̄ to̰ aĺ ō. A̰á̰ā̰, tɔ́gə́ḿ ō, pā yāḿ ō, i Kɔ́ɔ̄ɓē. Ni i nge kajəḿ.

PILIPƏ 1:1

Pol nin̄ kə Timote ń i ngé rāā kəla gə̄ yā Jeju Kərist ní, i nin̄ n ndangən̄ makətūbə̄ ń toō əlan̄neé adə̄n̄ de kə́ Pilipə tə́ gə̄ malang ń télən̄ de gə̄ yā Nə́ɓā kə ta kūl̄ taā kem Jeju Kərist ō, ngé kɔr nodə́ gə̄ ō, ngé rāā kəla nə̄ɓō yá̰a̰ yādə́ gə̄ ō ní.

JAKƏ 1:1

I mā Jakə ń i nge kəla yā Nə́ɓā ō, yā Kɔ́ɔ̄ɓē Jeju Kərist ō ní n m-ə́la kə makətūbə̄ ń toō m-ādə̄ gír ɓē kə́ kutə̄ gidə i jōó gə̄ ń tḭ̄ḭ̄n̄ naā kə̄ dan nápar de gə̄ tə́ ní. m̄-rāāsí lápə́ya.

Makətūbə̄ ń Jud ndang ní 1:1

I mā Jud, nge kəla yā Jeju Kərist kə́ ngōkó̰o̰ Jakə n m̄-ndang makətūbə̄ ń toō m-ə́lań m-ādə̄ ngé gə̄ ń Nə́ɓā ɓāŕdə́ ní, adə̄ i ngé gə̄ ń Bɔbə̄jí Nə́ɓā táŕdə́ ō, Jeju Kərist ngɔ̄m̄də́ ō ní.