2 MBAN̄G 9:3 - Bibəl ta Sar̄

³ Úr yibə̄ kə́ kem kūú dɔn tə́ ba ədan na, Kɔ́ɔ̄ɓē əda na n-əndāī mban̄g kə́ Israel tə́. Gō tə́ anī ī-teē ta kújə ba ā̰ȳ kanjə̄ kɔr bā̰ā̰.

Bible sar

³ Úr yibə̄ kə́ kem kūú dɔn tə́ ba ədan na, Kɔ́ɔ̄ɓē əda na n-əndāī mban̄g kə́ *Israel tə́. Gō tə́ anī ī-teē ta kújə ba ā̰ȳ kanjə̄ kɔr bā̰ā̰.

2 MBAN̄G 9:3 Referans Kwoze

1 MBAN̄G GƏ̄ 19:16

Gō tə́ anī āw̄ úr yibə̄ dɔ Yehu kə́ ngōn̄ Nimsi tə́ ə̄ndānneé mban̄g dɔ ɓē kə́ Israel tə́ ō, úr yibə̄ dɔ Elije ngōn̄ Sapat kə́ Abel Mehola tə́ kadə̄ ni i nge koō ta yāḿ gotií tə́ ō.

MATIYE 2:13

Dan ń ngé ka̰a̰ yá̰a̰ tū tə́yō̰ tə́ gə̄ aw̄n̄ kɔ̄ɔ́ ní anī, de kə́ dɔ rā̰ tə́ kógə̄ḿ yā Kɔ́ɔ̄ɓē rāā Jəjep kə nīí, ədan na: Ḭ́ḭ dɔɔ́, ún ngōn̄ ō, kó̰o̰n ō, ba ā̰ȳ āw̄ sedə́ dɔ nang kə́ Ejiptə tə́, ba ī-ndiī noó bátə́ ādə̄ ré m-ə́daī tá ī-tél ī-reē sedə́ gogə́ ɓáý. Tɔdɔ̄ Herod a sāā tɔ̄l̄ ngōn̄ ní kɔ̄ɔ́.

DANIEL 5:18

Kété ní Nə́ɓā kə́ dɔɔ́ sa̰y ngá̰ý rāā adə̄ bɔbí Nabukodonosor ndi mban̄g kə́ bo ō, adə̄n kɔsə gɔn ō, hál de kə́ bo ō.

DANIEL 2:1

Nī kógə̄ḿ rāā mban̄g Nabukodonosor kem ɓāl̄ ko̰o̰ ɓē yān kə́ nge ko̰ jōó tə́. Nī ní rāā adə̄ ɓōĺ rāān ō, ɓīī ra n to̰ aĺ ō.

2 YÁ̰A̰ GƏ̄ 22:7

I Nə́ɓā n ndigə kadə̄ Akajias ənge yo oy kə ta kūl̄ kaw̄n go̰ō̰ Joram tə́ ní. Tām̄ dan ń Akajias reē ugə̄ ní, ni teē aw̄ tə́nī ta Yehu ngōn̄ Nimsi tə́ kə Joram. Tá Yehu i deē ń Kɔ́ɔ̄ɓē ur yibə̄ mban̄g dɔn tə́ kadə̄ tɔ̄l̄ de kə́ gír kojə yā Akab tə́ gə̄ malang kɔ̄ɔ́ ní.

2 MBAN̄G 8:13

Hajael əda na: Mā ń i nge kəla yāí kə́ m-ásə́ yá̰a̰ aĺ bátə́ ní, loo kadə̄ m̄-rāā yá̰á̰ kə́ bo ngá̰ý gə̄ kə́ tītə̄ ń noō i ba̰ý? Elije tél ədan na: Kɔ́ɔ̄ɓē ɔjəm̄ kadə̄ ndɔ̄ń tə́ ā ī-ndi mban̄g dɔ ɓē kə́ Aram tə́.

1 SAMUEL 16:2

Samuel əda na: M-ā m-āw̄ i ba̰ý? Ré Saul oō anī a tɔ̄lə̄m̄. Kɔ́ɔ̄ɓē əda Samuel na: Ā ə́hɔ mandə man̄g jīí tə́, ba ā ə́da na ī-reē na i tun̄ yá̰á̰ yā kadə̄ Kɔ́ɔ̄ɓē.

1 SAMUEL 15:17

Anī Samuel əda na: Ḭ̄ á̰a̰ rōí i yá̰a̰ aĺ ta kumií īkɔ́ tə́ ɓá tā, ba i ḭ̄ n i dɔ gír ɓē gə̄ yā ngán Israel gə̄ tə́ ní aĺ a? Kɔ́ɔ̄ɓē ur yibə̄ dɔí tə́ kadə̄ ḭ̄ i mban̄g yā ngán Israel gə̄.

1 SAMUEL 15:1

Samuel əda Saul na: I mā n Kɔ́ɔ̄ɓē əlam̄ adə̄ m-úr yibə̄ dɔí tə́ m-ə̄ndāīneé mban̄g dɔ gír deē yān gə̄ ń i Israel gə̄ ní tə́. Adə̄ ōō najə̄ ń Kɔ́ɔ̄ɓē əlam̄ kədaí tə́ ní.

1 SAMUEL 9:16

Bírí, kə kum mbang nəkɔ́ ń toō, m-ā m-ə́la kə de kógə̄ḿ kə́ gō nang kə́ Benjamḛ tə́ yā kadī kadə̄ úr yibə̄ dɔn tə́, kadə̄ ni i ngār yā deē yāḿ gə̄ ń i ngán Israel gə̄ ní ō, kadə̄ ɔr̄ deē yāḿ gə̄ kɔ̄ɔ́ jī Pilistin gə̄ tə́ ō. Tɔdɔ̄ m-á̰á̰də́ ō, nōō yādə́ əsō mbīḿ tə́ ō.

LEBI GƏ̄ 8:12

Ni-ur yibə̄ ní dɔ Aaro̰ tə́ ɔrə̄ń kamə̄n tām̄ yā Kɔ́ɔ̄ɓē tə́.

Teē Ngán Israel gə̄ 29:7

Ún yibə̄ kə́ táĺ úr dɔn tə́ ɔ̄rəń kamə̄n tayā.

MATIYE 10:16

Á̰a̰ī, m-ə́lásí i mbée tītə̄ batə̄ gə̄ kə̄ dan soó gə̄ tə́. I tām̄ ń toō tə́ ní ādī kumsí edə̄ tītə̄ yā lī gə̄ ō, ādī kemsí ndaa táĺ tītə̄ yā dér gə̄ ō.

MATIYE 26:7

Anī dəyá̰ kógə̄ḿ reē rɔ̄n tə́ kə kū mbal̄ albatər kə́ ítər kə́ gātə̄n i ngá̰ý i kemeé. Dan ń Jeju ndi ta yá̰a̰ kəsa tə́ anī, dəyá̰ ní kəjā ítər ní dɔn tə́.

1 SAMUEL 10:1

Samuel un yibə̄ ń ətō jīn tə́ kem kūú ní ur dɔ Saul tə́. Gō tə́ anī ɓirə̄n kə̄ rɔ̄n tə́ dagə ba ədan na: I Kɔ́ɔ̄ɓē nəkɔ́ n ur yibə̄ dɔí tə́ kadə̄ ḭ̄ i ngār yā deē yān gə̄ ní.

1 MBAN̄G GƏ̄ 1:34

Sadok kə́ nge tun̄ yá̰a̰ ō, Natan kə́ nge koō ta ō, a urən̄ yibə̄ dɔn tə́ loo ń noō tə́ yā kəndānneé mban̄g dɔ Israel gə̄ tə́. Gō tə́ anī ī-kɔ̄ríī tōw̄ gə̄ ō, ə́daī kə ndū boó na kadə̄ dɔ mban̄g Salomo̰ ngan̄g májə́ májə́ ō.

2 MBAN̄G 9:6

Yehu ḭḭ dɔɔ́, ba aw̄ seneé kújú. Balsáá ní ur yibə̄ dɔn tə́ ba ədan na: Kɔ́ɔ̄ɓē, Nə́ɓā yā Israel, əda na n-əndāī mban̄g kadə̄ ó̰o̰ ɓē dɔ gír deē yān gə̄ tə́, dɔ Israel tə́.