2 MBAN̄G 9:2 - Bibəl ta Sar̄

² Ré ūgə̄ anī, āw̄ ə́nge Yehu ngōn̄ Josapat kə́ ngōn̄ Nimsi. Ī-ɓārə̄n dan madə̄n gə̄ tə́, āw̄ seneé kem kújə́ kə́ gə́lá tə́ tə́.

Bible sar

² Ré ūgə̄ anī, āw̄ ə́nge Yehu ngōn̄ Josapat kə́ ngōn̄ Nimsi. Ī-ɓārə̄n dan madə̄n gə̄ tə́, āw̄ seneé kem kújə́ kə́ gə́lá tə́ tə́.

2 MBAN̄G 9:2 Referans Kwoze

2 MBAN̄G 9:14

Dan ń noō tə́ ní ngé rɔ̄ɔ̄ kə́ Israel tə́ gə̄ malang a ngɔ̄mə̄n̄ i ɓē kə́ Ramot kə́ Galaad na sōgə́ Hajael, mban̄g kə́ Aram, reē rɔ̄ɔ̄ ɓē ní. Ba dan ń mban̄g Joram a rɔ̄ɔń Hajael tə́ ní, Aram gə̄ adə̄nən̄ do. Adə̄ tél aw̄ Jisreel kadə̄ do̰ō̰n̄ don, adə̄ ni to i dɔ tə̄rá mo̰yo̰ó̰ kem ɓē kə́ Jisreel tə́. Loo ń noō tə́ Yehu ngōn̄ Josapat kə́ ngōn̄ Nimsi oōn̄ naā kə madə̄n gēé dɔ Joram tə́. Ni-əda madə̄n gə̄ kə́ ngol ngé rɔ̄ɔ̄ gə̄ na: Kemjí i yā naā ɓá ní, ādə̄ deē kógə̄ḿ teē kem ɓēé aw̄ Jisreel kəda yá̰á̰ ń rāā yá̰a̰ laā tə́ ní alé!

2 MBAN̄G 9:11

Yehu teē aw̄ rɔ̄ ngol ngé rɔ̄ɔ̄ gə̄ yā kɔ́ɔ̄n tə́, anī dəjenən̄ na ké i rí n rāā yá̰a̰ wa, ké nge kɔ̄r̄ ń noō reē rɔ̄n tə́ i najə̄ rí tə́ wa. Anī ni-tél ədadə́ na: Sḭḭ̄ kɔ́ gə̄ ī-gerī deē ń noō majə kə najə̄ kɔrə̄n gēé.

2 MBAN̄G 9:5

Dan ń ni ugə̄ ní ngol ngé rɔ̄ɔ̄ gə̄ ndin̄ i loo kán̄ naā tə́. Ni-əda na: Ngol, m-āw̄ kə najə̄ kógə̄ḿ yā kədaī! Yehu dəjen na ké sāā kɔr̄ najə̄ i kə náāá dandə́ tə́ wa. Anī tél ədan na: Ngol, m̄-sāā kɔr̄ najə̄ i seí ḭ̄kɔ́!

2 MBAN̄G 9:20

Nge kum̄ loo əda na: Nge kəla aw̄ ugə̄ rɔ̄də́ tə́ ba tél alé. Deē ń a reē ní, loo njə̄rā kə púsú yān i tītə̄ loo njə̄rā kə púsú yā Yehu ngōn̄ kaa Nimsi beé. Tɔdɔ̄ a reē i kə ngɔ̄də̄ kə́ to ɓōĺ ngá̰ý.

1 MBAN̄G GƏ̄ 22:25

Majə, ndɔ̄ ń ā ā̰ȳ yā kaw̄ ɓɔ̄ɔ̄ rɔ̄í gə́lé kújə́ tə́ ní, ndɔ̄ ń noō tə́ ā ī-ger̄.

1 MBAN̄G GƏ̄ 20:30

Ngé gə̄ ń teēn̄ ta yo tə́ ní a̰ȳ aw̄n̄ kem ɓē kə́ Apek tə́. Banī ndogə̄ mbal̄ ń əndān̄ gīrə̄neé gidə ɓē ní tetə dɔdə́ tə́. Nin̄ i deē dūbú kutə̄ jōó gidə i sīrí. Ben Hadad a̰ȳ aw̄ udə kem ɓēé ba ɓɔ̄ɔ̄ rɔ̄n gə́lé kújə́ kógə̄ḿ tə́.