2 MBAN̄G 9:1 - Bibəl ta Sar̄

¹ Elije nge koō ta ɓāŕ deē kógə̄ḿ kə́ dan ɓūtə̄ ngé koō ta gə̄ tə́ ədan na: Ī-do̰ō̰ ɓōdīí ō, ún kū yibə̄ ń toō jīí tə́ ō, ba āw̄ Ramot kə́ Galaad.

Bible sar

¹ Elije *nge koō ta ɓāŕ deē kógə̄ḿ kə́ dan ɓūtə̄ *ngé koō ta gə̄ tə́ ədan na: Ī-do̰ō̰ ɓōdīí ō, ún kū yibə̄ ń toō jīí tə́ ō, ba āw̄ Ramot kə́ Galaad.

2 MBAN̄G 9:1 Referans Kwoze

1 SAMUEL 10:1

Samuel un yibə̄ ń ətō jīn tə́ kem kūú ní ur dɔ Saul tə́. Gō tə́ anī ɓirə̄n kə̄ rɔ̄n tə́ dagə ba ədan na: I Kɔ́ɔ̄ɓē nəkɔ́ n ur yibə̄ dɔí tə́ kadə̄ ḭ̄ i ngār yā deē yān gə̄ ní.

2 MBAN̄G 4:29

Elije əda Geaji na: Ī-do̰ō̰ ɓōdīí ō, ī-taā kāgə̄ yāḿ jīí tə́ ō, ba āw̄. Ré ə́nge deē róbó anī, ī-lōō rāān lápə́ya ō, ré deē rāāí lápə́ya anī, ī-tūr̄ aĺ ō, ba āw̄ ə̄nī kāgə̄ yāḿ ta kum ngōn̄ ní tə́.

1 MBAN̄G GƏ̄ 1:39

Sadok nge tun̄ yá̰a̰ un gajə dā̰ kə́ kem kújə tandā tə́ ń yibə̄ kə́ táĺ i kemeé ní jīn tə́. Ni ur yibə̄ ní dɔ Salomo̰ tə́ əndānneé mban̄g. Loo ń noō tə́ kɔ̄rə́n̄ tōw̄ gajə dā̰ ō, de gə̄ malang ədan̄ kə ndū boó na ādə̄ dɔ mban̄g ngan̄g májə́ májə́ ō.

1 SAMUEL 16:1

Kɔ́ɔ̄ɓē əda Samuel na: Mə̄kɔ́ m̄-mbātə́ Saul kɔ̄ɔ́ ō, ni i mban̄g yā ngán Israel gə̄ to̰ aĺ ō, ba ḭ̄ ā ī-to i dan nōōn tə́ bátə́ a? Ī-tūr̄ yibə̄ kem gajə dā̰ yāí tə́ ba ɔ̄r̄ dɔɔ́. M-ə́laī ɓē Jese kə́ Betlehem, tɔdɔ̄ mban̄g ń m̄-gə̄rān ní i dan ngánən gə̄ tə́.

1 PIYER 1:13

I tām̄ najə̄ ń noō tə́ n majə kadə̄ á̰a̰ī já̰já̰ dɔ rɔ̄sí tə́ ní. Ī-ndiī dɔ rɔ̄sí tə́ ō, yá̰á̰ ń Jeju Kərist a teē hɔy anī a adə̄n̄sí karī ní, ə̄ndāī kemsí dɔ tə́ mámák ō.

2 MBAN̄G 2:3

Ɓūtə̄ ngé koō ta gə̄ ń ndin̄ Betel ní teē reēn̄ rɔ̄ Elije tə́ ba dəjenən̄ na Kɔ́ɔ̄ɓē na a un kɔ́ɔ̄n ɓōólaā yā kaw̄ seneé dɔ rā̰ tə́ ní ké ger̄ wa. Anī Elije tél ədadə́ na nəkɔ́ na n-ger̄ ō, ba kə utə̄n̄ tadə́.

NDŪ NAJƏ̄ 4:1

Ngán Israel gə̄, ōōī ndū najə̄ gə̄ ō, jī-bēl̄ loo rāā yá̰a̰ gə̄ ō ń mə̄kɔ́ m-ɔ́jə́sí loo kun gō ní. I beé n ā ī-ndiīneé kə kumsí ō, ā ī-taāīneé dɔ nang ń Kɔ́ɔ̄ɓē Nə́ɓā yā kaasí gə̄ adə̄sí ní ō.

JEREMI 1:17

Banī ḭ̄, ī-do̰ō̰ ndāŕ mbə́yō mbōdīí tə́, ḭ́ḭ dɔɔ́ āw̄ ə́dádə́ yá̰a̰ malang ń m-ə̄ndā taí tə́ ní. Ī-lōō kə ndew ta kumdə́ tə́, ré i beé aĺ anī, i mā n m-ā m̄-rāāī kadə̄ ā ī-ndew ta kumdə́ tə́ ní.

1 MBAN̄G GƏ̄ 22:20

Anī Kɔ́ɔ̄ɓē dəje na ké i náā n ndigə kaw̄ gól̄ Akab kadə̄ ənī ɓē kə́ Ramot kə́ Galaad rɔ̄ɔ̄ kadə̄ tɔ̄lə̄n̄ Akab tū tə́ ní wa. Anī deē kógə̄ḿ əda yān i beé, ba de kə́ rang əda yān i beé.

1 MBAN̄G GƏ̄ 22:4

Mban̄g kə́ Israel dəje Josapat na ké a aw̄ yā rɔ̄ɔ̄ Aram gə̄ dɔ ɓē kə́ Ramot kə́ Galaad tə́ seneé wa. Anī Josapat tél ədan na n-a n-aw̄ seneé, ré yá̰a̰ rāān a, na rāān na i ni ō, ré yá̰a̰ rāā deē yān gə̄ a, na rāā na i deē yān ni gə̄ ō, ré yá̰a̰ rāā sə́nda yān gə̄ a, na rāā na i sə́nda yān ni gə̄ ō.

1 MBAN̄G GƏ̄ 20:35

Kum mbang ngeé ń noō tə́ ní, deē kógə̄ḿ kə́ dan ɓūtə̄ yā ngé koō ta gə̄ tə́ əda madə̄n kə gō ndū Kɔ́ɔ̄ɓēé na: m̄-rāāī ɓɔ́, ādə̄m̄ do! Banī madə̄n mbātə́ kadə̄n do.

1 MBAN̄G GƏ̄ 18:46

Eli do̰ō̰ ɓōdə̄n ō, Kɔ́ɔ̄ɓē adə̄n tɔ́gə́ ngá̰ý ō, adə̄ ni a̰ȳ ngɔ̄də̄ kété no púsə́ sə́nda yā Akab tə́ bátə́ ugə̄ń Jisreel.

NDŪ NAJƏ̄ 4:3

Yá̰á̰ ń Kɔ́ɔ̄ɓē rāā Baal Peor ní, sḭḭ̄ kɔ́ gə̄ á̰a̰ī kə kumsí malang. De gə̄ malang ń unən̄ gō ɓesə̄ Baal kə́ Peor ní, Kɔ́ɔ̄ɓē Nə́ɓā yāsí nujə sedə́ kɔ̄ɔ́ malang dɔ dáńsí tə́.

2 MBAN̄G 4:1

Nə̄yá̰ deē kógə̄ḿ kə́ dan ɓūtə̄ yā ngé koō ta gə̄ tə́ rāā Elije ɓɔ́ kadə̄ kə rāā seneé. Ni-əda Elije na: Ngaaḿ ń i nge kəla yāí ní oy kɔ̄ɔ́ ō, ī-ger̄ majə kadə̄ ni i de kə́ nge ɓōĺ ndíĺ Kɔ́ɔ̄ɓē ō. Ba dəngam ń kə̄rā yān i dɔjí tə́ ní reē kəhɔ ngánə́ḿ kə́ dəngam kə́ jōó gə̄ tə́ yā kaw̄ rāādə́ ɓəlo tə́ kum kə̄rā ní.

MATIYE 26:7

Anī dəyá̰ kógə̄ḿ reē rɔ̄n tə́ kə kū mbal̄ albatər kə́ ítər kə́ gātə̄n i ngá̰ý i kemeé. Dan ń Jeju ndi ta yá̰a̰ kəsa tə́ anī, dəyá̰ ní kəjā ítər ní dɔn tə́.

1 MBAN̄G GƏ̄ 19:16

Gō tə́ anī āw̄ úr yibə̄ dɔ Yehu kə́ ngōn̄ Nimsi tə́ ə̄ndānneé mban̄g dɔ ɓē kə́ Israel tə́ ō, úr yibə̄ dɔ Elije ngōn̄ Sapat kə́ Abel Mehola tə́ kadə̄ ni i nge koō ta yāḿ gotií tə́ ō.

2 MBAN̄G 9:4

Adə̄ balsáá kə́ nge koō ta ní aw̄ Ramot kə́ Galaad.

2 MBAN̄G 2:5

Ɓūtə̄ ngé koō ta gə̄ ń ndin̄ Jeriko ní reēn̄ rɔ̄ Elije tə́, ba dəjenən̄ na Kɔ́ɔ̄ɓē na a un kɔ́ɔ̄n ɓōólaā yā kaw̄ seneé dɔ rā̰ tə́ ní ké ger̄ wa. Anī Elije tél ədadə́ na nəkɔ́ na n-ger̄ ō, ba kə utə̄n̄ tadə́.

2 MBAN̄G 2:7

Ɓūtə̄ ngé koō ta gə̄ kutə mí aw̄ dəba ran̄ sa̰y kumdə́ sɔɔ̄ ba Jurdḛ, ba Eli nin̄ kə Elije tá dəban̄ ta bā tə́.

2 MBAN̄G 2:15

Ɓūtə̄ ngé koō ta gə̄ kə́ Jeriko ń ran̄ sa̰y a a̰a̰n̄neé Elije ní ədan̄ na: Ndíl Eli reē dɔ Elije tə́. Nin̄ ɔjən̄ no Elije ō, ɔsə̄n̄ nodə́ nang tə́ non tə́ ō,

2 YÁ̰A̰ GƏ̄ 22:1

De kə́ Jerusalem gə̄ əndān̄ Akajias ń i ngōn̄ Joram kə́ dūú ní mban̄g adə̄ o̰o̰ ɓē gotən tə́, tɔdɔ̄ de gə̄ ń udən̄ kem gérgereé naā tə́ kə Arabə gēé ní tɔ̄lə̄n̄ ngákó̰o̰n gə̄ kə́ tɔgə gə̄ kɔ̄ɔ́ malang. I tītə̄ ń noō n Akajias ngōn̄ Joram ndiń mban̄g dɔ nang kə́ Juda tə́,

2 YÁ̰A̰ GƏ̄ 22:5

Ni oō i kɔjə̄ yādə́ n aw̄ń kə Joram ngōn̄ Akab mban̄g kə́ Israel yā rɔ̄ɔ̄ Hajael mban̄g kə́ Aram kem ɓē kə́ Ramot kə́ Galaad tə́ ní. Aram gə̄ adə̄n̄ Joram do ta rɔ̄ɔ̄ tə́,