2 MBAN̄G 8:5 - Bibəl ta Sar̄

⁵ Adə̄ Geaji ndi a ənīn i gotə rāā ń Elije rāā de ké koy adə̄ ndól̄ ní. Anī kə ta jiī tə́ noō dəyá̰ ń Elije ndól̄ ngōnən kə́ koy ní reē rɔ̄ mban̄g tə́ yā rāān ɓɔ̄ɔ̄ najə̄ yā kújə yān tə́ ō, ndɔr̄ yān tə́ ō. Anī Geaji əda na: Kɔ́ɔ̄ɓē gə̄, dəyá̰ ní n toó ō, ngōnən kə́ koy ń Elije rāān adə̄ ajə ní n toó ō.

Bible sar

⁵ Adə̄ Geaji ndi a ənīn i gotə rāā ń Elije rāā de ké koy adə̄ ndól̄ ní. Anī kə ta jiī tə́ noō dəyá̰ ń Elije ndól̄ ngōnən kə́ koy ní reē rɔ̄ mban̄g tə́ yā rāān ɓɔ̄ɔ̄ najə̄ yā kújə yān tə́ ō, ndɔr̄ yān tə́ ō. Anī Geaji əda na: Kɔ́ɔ̄ɓē gə̄, dəyá̰ ní n toó ō, ngōnən kə́ koy ń Elije rāān adə̄ ajə ní n toó ō.

2 MBAN̄G 8:5 Referans Kwoze

2 MBAN̄G 4:35

Elije ḭḭ kɔ̄ɔ́ dɔ ngōn̄ tə́, njə̄rā kem kújú aw̄ ō, tél ō. Gō tə́ anī aĺ to dɔ ngōn̄ tə́ gogə́. Ngōn̄ ur ádəsó nja sīrí ba teē kumən.

Makətūbə̄ ń Pol ndang adə̄ Rom gə̄ ní 8:31

J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

KOHELET 9:11

M-á̰á̰ yá̰á̰ kə́ rang gə̄ ngá̰ý dɔ nang tə́ ɓáý to̰. Ngé ka̰ȳ ngɔ̄də̄ ngá̰ý gə̄ ngɔ̄dən̄ tɔy madə̄də́ gə̄ dejə loo nējə̄ naā ngɔ̄də̄ tə́ aĺ ō, i de kə́ ngan̄g gə̄ n a tetən̄ rɔ̄ɔ̄ dejə ní aĺ ō, i de kə́ kumən edə̄ tɔȳ madə̄n gə̄ n a ənge yá̰a̰ kəsa ngándáńg ní aĺ ō, i de kə́ ger̄ najə̄ yān i ngá̰ý tɔȳ yā madə̄n gə̄ n yá̰a̰ kənge yān i ngá̰ý dejə ní aĺ ō, i ngé ger̄ yá̰á̰ ngá̰ý gə̄ n de gə̄ a ɔsən̄ gondə́ ngándáńg ní aĺ ō. Tɔdɔ̄ nin̄ malang ní, kə́rēý gə̄ anī nel̄ de gə̄ sedə́ ō, kə́rēý gə̄ anī yá̰á̰ kə́ to kum kaȳ aĺ rāādə́ ō.

Gōsə̄ najə̄ gə̄ 16:9

Deē ndul i nge núm̄ yá̰á̰ kə́ yā rāā, banī i Kɔ́ɔ̄ɓē n i nge rāā kadə̄ udə gírí ní.

PĀ GƏ̄ 145:1

Pā tɔ̄ȳ. I pā yā Dabid. Nə́ɓā yāḿ, mban̄g yāḿ, m-ā m-ɔ́sə gɔnií ō, m-ā m̄-tɔ̄ȳ rīí ō ngándáńg.

ESTER 5:14

Anī nə̄yá̰n Jeres ō, madə̄n gə̄ malang ō, ədanən̄ na: Ādə̄ udən̄ kāgə̄ tɔ̄l̄ de kə́ ngālən kə́ kə̄ dɔɔ́ i métər kutə jōó gidə i mí. Ba bírí dəloí anī ə́da mban̄g ādə̄ ənīn̄ kəlā míndə Mardose tə́ ba do̰ō̰nən̄ ta tə́ dɔɔ́. Gō tə́ anī ā āw̄ kəsa yá̰á̰ kə mbangāá kə rɔ̄nelēé. Haman ndigə yá̰á̰ ń ɔjən̄ ní adə̄ rāān̄ kāgə̄ tɔ̄l̄ deē ní.

2 MBAN̄G 6:26

Ndɔ̄ kógə̄ḿ tə́ mban̄g kə́ Israel njə̄rā dɔ ndogə̄ mbal̄ tə́ a mān̄ anī dəyá̰ kógə̄ḿ un ndūn kə̄ dɔɔ́ ədanəń na: Kɔ́ɔ̄ḿ mban̄g, ī-rāā seḿ!

2 MBAN̄G 6:12

Ngol ngé rɔ̄ɔ̄ yān gə̄ kógə̄ḿ kə́ dan madə̄ gə̄ tə́ tél əda na: Kɔ́ɔ̄ɓē gə̄, deē kógə̄ḿ kə́ nge rāā kəla yā mban̄g kə́ Israel gətóo danjí tə́ laā, ba i Elije nge koō ta ń ndi Israel tə́ ní tá. Ni asə kəda mban̄g najə̄ ń ḭ̄ ɔ̄r̄ kem kújə toí tə́ ní.

1 SAMUEL 26:17

Saul ger̄ ndū Dabid adə̄ ni-əda na: Ngōnə̄ḿ Dabid, i īkɔ́ n m-ōō ndūí toō a? Dabid ndigən əda na: Kɔ́ɔ̄ ɓē gə̄, i mā nəkɔ́.

RUTƏ 2:3

Adə̄ Rutə aw̄ ra a ɓur kōō gō ngé sāā kōō gə̄ tə́ kem ndɔr̄ kə́rēý tə́. Kɔ́lən majə adə̄ ndɔr̄ ní i ndɔr̄ yā Boj kə́ gír kojə yā Elimelek tə́.

2 MBAN̄G 4:12

Ni-mēr̄ nge kəla yān Geaji kadə̄ ɓāŕ dəyá̰ kə́ Sunem ní. Dan ń Geaji ɓāŕ dəyá̰ ní anī, ni-reē ra non tə́.

2 MBAN̄G 8:6

Mban̄g dəje dəyá̰ najə̄ ní, anī ni ɔjən gotə kə ta nja malang. Kə̄ ta jī tə́ noō mban̄g adə̄ dəyá̰ ní nge kəla yān kógə̄ḿ ba əda nge kəla ní na: Ādə̄ adə̄nən̄ yá̰a̰ yān malang gogə́ ō, əndān̄ njan tām̄ yá̰á̰ ń əngən̄ ndɔr̄ yān tə́ əla gír ndɔ̄ ń ni teēń kɔ̄ɔ́ kem ɓēé bátə́ ɓōólaā ní ní ō.

1 MBAN̄G GƏ̄ 20:1

Ben Hadad mban̄g kə́ Aram kán̄ ngé rɔ̄ɔ̄ yān gə̄ malang. Mban̄g gə̄ i kutə mətá gidə i jōó seneé ō, aw̄ kə sə́nda gə̄ ō, púsə rɔ̄ɔ̄ gə̄ ō. Ni-reē kə ngé rɔ̄ɔ̄ yān gə̄ ní gīrəń gidə ɓē kə́ Samari yā kənīnneé rɔ̄ɔ̄.