2 MBAN̄G 7:6 - Bibəl ta Sar̄

⁶ Tɔdɔ̄ Kɔ́ɔ̄ɓē rāā adə̄ Aram gə̄ oōn̄ ká̰ púsə gə̄ ō, ká̰ sə́nda gə̄ ō, ká̰ ngé rɔ̄ɔ̄ kə́ ngá̰ý gə̄ ō, kem gérger yādə́ tə́, ba ədan̄ naā na mban̄g kə́ Israel tə́ na adə̄ mban̄g gə̄ yā Het gə̄ ō, mban̄g gə̄ kə́ Ejiptə tə́, ō nar kadə̄ rɔ̄ɔn̄neédə́ dɔn tə́.

Bible sar

⁶ Tɔdɔ̄ Kɔ́ɔ̄ɓē rāā adə̄ Aram gə̄ oōn̄ ká̰ púsə gə̄ ō, ká̰ sə́nda gə̄ ō, ká̰ ngé rɔ̄ɔ̄ kə́ ngá̰ý gə̄ ō, kem gérger yādə́ tə́, ba ədan̄ naā na mban̄g kə́ *Israel tə́ na adə̄ mban̄g gə̄ yā Het gə̄ ō, mban̄g gə̄ kə́ Ejiptə tə́, ō nar kadə̄ rɔ̄ɔn̄neédə́ dɔn tə́.

2 MBAN̄G 7:6 Referans Kwoze

2 SAMUEL 5:24

Ré ōō kōō yá̰a̰ ɓār̄ jam kāgə̄ gə̄ ní tə́ tītə̄ nja deē anī, ī-lōō kɔr bā̰ā̰ banī ī-nāgə́ láẃ, tɔdɔ̄ i kum mbang ń noō tə́ n m-ā m̄-mānəń kété noí tə́ yā rɔ̄ɔń ngé rɔ̄ɔ̄ gə̄ yā Pilistin gə̄ ní.

IJAI 31:1

Ngé kaw̄ dɔ nang kə́ Ejiptə tə́ sāā de kə́ ngé rāā sedə́ gə̄ tə́ ní, i yá̰á̰ kə́ to kum kaȳ aĺ kə́ ba̰ý beē n i tām̄ yādə́ tə́ ní! Nin̄ əndān̄ tɔ́gə́də́ i dɔ sə́nda gə̄ tə́, nin̄ əndān̄ kemdə́ i dɔ púsə rɔ̄ɔ̄ gə̄ tə́, tām̄ púsə rɔ̄ɔ̄ gə̄ i ngá̰ý ō, əndān̄ kemdə́ i dɔ ngé kal̄ sə́nda gə̄ tə́, tām̄ nin̄ ngangə̄n̄ ngá̰ý ō. Banī nin̄ a̰a̰n̄ loo kum kə̄ rɔ̄ Nə́ɓā kə́ táĺ yā Israel tə́ alé. Nin̄ sāān̄ Kɔ́ɔ̄ɓē alé.

1 MBAN̄G GƏ̄ 10:29

Púsə́ kə́ kḭḭń Ejiptə tə́ ní, gātə̄n i njáŕ sə́lē arjā̰a̰ ɓú mehḛ́, ba sə́nda i njáŕ sə́lē arjā̰a̰ ɓú kə kutə mí. Ngé rāā gātə̄ kə́ kógə̄ḿ beē gə̄ nəkɔ́ ń toō a reēn̄neé tām̄ yā mban̄g yā Het gə̄ tə́ ō, mban̄g gə̄ kə́ Aram tə́ ō.

JEJU TEĒ KUM JA̰A̰ 9:9

Kūbə̄ ń əlan̄ ta nganjədə́ tə́ ní, to i tītə̄ kə́ rāā kə gindīí beē ō, kōō bɔ̄gə̄də́ ɓār̄ tītə̄ kōō púsə́ sə́ndá kə́ ngá̰ý gə̄ kə́ a̰ȳn̄ ngɔ̄də̄ ta kaw̄ kə̄ ta rɔ̄ɔ̄ tə́ beē ō.

EJEKIEL 10:5

Kōō bɔ̄gə̄ Serubḛ gə̄ ń a ɓār̄ ní, deē ra i ndágə loo kə́ gīr̄ gidə kújə yā Kɔ́ɔ̄ɓē kə́ ndágá tə́ gə̄gē anī a oō. Kōō bɔ̄gə̄də́ ní ɓār̄ tītə̄ ndán̄g man̄ beé, i ndū Nə́ɓā kə́ tɔ́gən i ngá̰ý.

IJAI 36:9

Ḭ̄ ń ə̄ndā kemií dɔ kənge púsə rɔ̄ɔ̄ gə̄ ō sə́nda gə̄ ō jī ɓē kə́ Ejiptə tə́ ní, ā ásə rāā kadə̄ kógə̄ḿ dan ngol áskar gə̄ yā kɔ́ɔ̄ḿ tə́ tél kə̄ gogə́ i ba̰ý? Ká i ngol áskar gə̄ kə́ dūú gə̄gē a tél kə̄ gogə́ i ba̰ý?

PĀ GƏ̄ 14:5

I nin̄ n ran̄ a a̰a̰n̄ woy woy noó. Tɔdɔ̄ Kɔ́ɔ̄ɓē i dām̄ yā de kə́ súmūú gə̄ tə́.

Makətūbə̄ yā Job 15:21

ndū yá̰á̰ kə́ to ɓōĺ gə̄ a ɓārə̄n̄ ta mbīn tə́. Ni-ndi kem lɔm kə́ ngá̰ý tə́ ɓá tā, ba nge nujə loo aw̄ yā kənīn rɔ̄ɔ̄ aláa?

2 MBAN̄G 19:7

Na n-a n-adə̄ mban̄g ndíĺ kógə̄ḿ kə́ kadə̄ ré oō najə̄ kógə̄ḿ anī a tél dɔ tə́ yā kaw̄ gogə́ ɓē yān tə́. Na n-a n-rāā kadə̄ a oy yo kaskar kem ɓē yān nəkɔ́ tə́.

1 SAMUEL 14:15

Ɓōĺ kə́ ngá̰ý əsō kem gérger yā Pilistin gə̄ tə́ ō, kem de gə̄ malang ń ndin̄ kə gō gidə gérgereé ní ō. Ɓūtə̄ ngé rɔ̄ɔ̄ gə̄ kə́ ngé nujə loo gə̄ ní kə̄ngā sāā gān̄gdə́ ō. Dɔ nang ndebə, adə̄ i ɓōĺ kə́ ḭḭ i rɔ̄ Nə́ɓā tə́.

1 SAMUEL 26:6

Dabid əda Ahimelek ń i Het ní nin̄ kə Abisai kə́ ngōn̄ Seruya ō kə́ ngōkó̰o̰ Joab ō na: I náā n ndigə kaw̄ seḿ bátə́ rɔ̄ɔ̄ Saul tə́ kem gérgereé ní? Anī Abisai tél ədan na: M-ā m-āw̄ seí.

2 SAMUEL 10:6

Amon gə̄ a̰a̰n̄ kadə̄ Dabid əhɔdə́ kemən tə́ najə̄ yá̰á̰ ń nin̄ rāān̄ tə́ ní, adə̄ əlan̄ kəla rɔ̄ Aram gə̄ kə́ Bet Rehob tə́ ō, kə́ Soba tə́ ō, kadə̄ rɔ̄ɔ̄n̄ Dabid sedə́ ba kadə̄ n-adə̄n̄də́ nar. Adə̄ ngé rɔ̄ɔ̄ gə̄ kə́ ngé njə̄rā kə njadə́ gə̄ reēn̄ dūbú kutə jōó ō, de gə̄ yā mban̄g kə́ Maaka i dūbú kógə̄ḿ ō, de gə̄ kə́ Tob i dūbú kutə̄ gidə i jōó ō.

2 MBAN̄G 7:5

Ngé bānjə̄ gə̄ ní ḭḭn̄ loo tíbí aw̄n̄ gérger yā Aram gə̄ tə́. Ba dan ń ugə̄n̄ ta gérger tə́ ní a, a̰a̰n̄ deē alé.

JEREMI 46:21

Áskar kə́ ngé rɔ̄ɔ̄ gír naraá ɓēé looneé gə̄ ton̄ tītə̄ ngán man̄g kə́ yembə majə gə̄ beé. Nin̄ gə̄gē a tūrə̄n̄ gándə́də́ yā ka̰ȳ naā tə́ malang. A ran̄ gotoó alé. Tɔdɔ̄ kə́ rɔ̄kum gə̄ tə́ ní, ndɔ̄ ń kadə̄ nujəneé sák sák kɔ̄ɔ́ tə́ ní ugə̄. I ndɔ̄ ń m-ā m-ādə̄ a ɔjəmən̄neé kəla rāādə́ gə̄ ní.

EJEKIEL 1:24

Dan ń nin̄ a ndɔ́tə̄n̄ loo anī m-ōō kōō bɔ̄gə̄də́ ń a ɓār̄ ní. Ɓār̄ tītə̄ kōō bā bo beé, tītə̄ ndū Nə́ɓā kə́ tɔ́gən i ngá̰ý beē, aláa tītə̄ kōō ngé rɔ̄ɔ̄ kə́ ngá̰ý gə̄ beé. Dan ń nin̄ dəban̄ anī, nin̄ télən̄ kə bɔ̄gə̄də́ kə̄ nang tə́.

NGÉ SARYA 7:21

Nin̄ ran̄ gotə kógə̄ḿ kə gō gidə gérgereé, banī de gə̄ malang kə́ kem gérgereé a a̰ȳn̄ i ngɔ̄də̄ ō, a əgan̄ i kɔŕ ō, a a̰ȳn̄ i naā ō.

1 MBAN̄G GƏ̄ 20:20

Nin̄ tɔ̄lə̄n̄ deē kógə̄ḿ kógə̄ḿ kə dɔdə́ gēé. Aram gə̄ a̰ȳn̄ naā, banī Israel gə̄ ngɔ̄də̄n̄də́. Ben Hadad, mban̄g kə́ Aram a̰ȳ i dɔ sə́nda kógə̄ḿ tə́ naā tə́ kə ngé kal̄ sə́ndá kə́rēý gēé.