2 MBAN̄G 7:5 - Bibəl ta Sar̄

⁵ Ngé bānjə̄ gə̄ ní ḭḭn̄ loo tíbí aw̄n̄ gérger yā Aram gə̄ tə́. Ba dan ń ugə̄n̄ ta gérger tə́ ní a, a̰a̰n̄ deē alé.

Bible sar

⁵ Ngé bānjə̄ gə̄ ní ḭḭn̄ loo tíbí aw̄n̄ gérger yā Aram gə̄ tə́. Ba dan ń ugə̄n̄ ta gérger tə́ ní a, a̰a̰n̄ deē alé.

2 MBAN̄G 7:5 Referans Kwoze

NDŪ NAJƏ̄ 28:7

Ré madə̄ ba̰ā̰í gə̄ a ənīnī rɔ̄ɔ̄ anī, Kɔ́ɔ̄ɓē a tetədə́ rɔ̄ɔ̄ yā kadī. Ré unən̄ i róbə́ kə́ kógə̄ḿ beē n reēn̄neé yā rɔ̄ɔ̄ī anī, a télən̄ yā ka̰ȳ naā noí tə́ i kə ta róbə́ kə́ rang gēé gír sīrí.

EJEKIEL 12:12

Nge kɔr nosí a un yá̰a̰ yān yā kəndā dɔ bɔ̄gə̄n tə́ ndɔ̄ɔ́ ba a teē kɔ̄ɔ́ kem ɓēé. A mbutən̄ kum loo tū ndogə̄ mbal̄ tə́ yā kadə̄ ni teēń kə̄ gidə kə́rēý tə́. Ni a utə̄ ta kumən kɔ̄ɔ́ yā kadə̄ ni a a̰a̰ń loo ń ni a aw̄ kum kə̄ tū tə́ ní alé.

1 SAMUEL 30:17

Dabid tɔ̄l̄də́ kə gír looí ɓatə bátə́ loo tíbə, loo tīī tél tíbə gotə madāá. Deē kógə̄ḿ kə́ teē gətóo, ba i balsáá kə́ ɓú sɔ́ gə̄ ń alə̄n̄ gidə jámbal gə̄ tə́ á a̰ȳ aw̄n̄ kɔ̄ɔ́ ní tá ngóy.

NDŪ NAJƏ̄ 32:30

Loo kadə̄ de kə́ kógə̄ḿ beē tə̄ɓā Israel gə̄ dūbú ō, kadə̄ de kə́ jōó beē gə̄ tə̄ɓān̄ Israel gə̄ dūbú kutə ō, kanjə̄ kadə̄ i mā Kɔ́ɔ̄ɓē ń i mbal̄ yādə́ ní n m-ə́ládə́ kem jī madə̄ ba̰ā̰də́ gə̄ tə́ ní i ba̰ý?

NDŪ NAJƏ̄ 32:25

Kəyā kaskar a tɔ̄l̄ de gə̄ ndágá ō, ɓōĺ a tɔ̄l̄ de gə̄ kújú ō. Balsáa a oy ō, ngōmandə a oy ō, ngōn̄ kásə̄ a oy ō, de kə́ tɔgə ɓə́ga a oy ō.

LEBI GƏ̄ 27:26

Deē a ɔr̄ kam̄ hágə́ yá̰a̰ kul̄ tām̄ yā Kɔ́ɔ̄ɓē tə́ to̰ alé, tām̄ hágə́ yá̰a̰ kul̄ malang i yā Kɔ́ɔ̄ɓē kɔ̄ɔ́ ɓá. Ká i ngōn̄ man̄g, aké i ngōn̄ batə̄, aké i ngōn̄ bə̄yā̰ gə̄gē anī, i yā Kɔ́ɔ̄ɓē.

LEBI GƏ̄ 27:8

Ré deē ń ənī ndūn yā kadə̄ Kɔ́ɔ̄ɓē deē ní kɔ̄ɔ́ ndoō ngá̰ý adə̄ ni asə kadə̄ kutə nar ń gāngə̄n̄ ní aĺ anī, a aw̄ seneé rɔ̄ nge tun̄ yá̰á̰ tə́ kadə̄ ɔjə gātə̄n kə gō yá̰a̰ kəngen.

2 MBAN̄G 7:4

Ré j-udiī kem ɓēé anī j-a j-oyīī, tɔdɔ̄ ɓō i ngá̰ý. Ré jə-ndiī i laā a j-a j-oyiī ō. Ní, ādə̄ j-awī gérger yā Aram gə̄ tə́, j-osoī kə́ no mbādə́ tə́. Ré gḛyn̄ i kəya̰jí anī əya̰n̄jí ō, i tɔ̄l̄jí anī tɔ̄lə̄n̄jí ō.

2 MBAN̄G 7:6

Tɔdɔ̄ Kɔ́ɔ̄ɓē rāā adə̄ Aram gə̄ oōn̄ ká̰ púsə gə̄ ō, ká̰ sə́nda gə̄ ō, ká̰ ngé rɔ̄ɔ̄ kə́ ngá̰ý gə̄ ō, kem gérger yādə́ tə́, ba ədan̄ naā na mban̄g kə́ Israel tə́ na adə̄ mban̄g gə̄ yā Het gə̄ ō, mban̄g gə̄ kə́ Ejiptə tə́, ō nar kadə̄ rɔ̄ɔn̄neédə́ dɔn tə́.