2 MBAN̄G 7:3 - Bibəl ta Sar̄

³ Dan ngeé ń noō tə́ ní ngé bānjə̄ gə̄ sɔ́ ndin̄ ta ɓē kə́ Samari tə́. Nin̄ ədan̄ naā dɔ dáńdə́ tə́ na: Jə-ndiī laā j-a jə-ngóōneé yo i tām̄ rí tə́?

Bible sar

³ Dan ngeé ń noō tə́ ní ngé bānjə̄ gə̄ sɔ́ ndin̄ ta ɓē kə́ Samari tə́. Nin̄ ədan̄ naā dɔ dáńdə́ tə́ na: Jə-ndiī laā j-a jə-ngóōneé yo i tām̄ rí tə́?

2 MBAN̄G 7:3 Referans Kwoze

2 MBAN̄G 7:4

Ré j-udiī kem ɓēé anī j-a j-oyīī, tɔdɔ̄ ɓō i ngá̰ý. Ré jə-ndiī i laā a j-a j-oyiī ō. Ní, ādə̄ j-awī gérger yā Aram gə̄ tə́, j-osoī kə́ no mbādə́ tə́. Ré gḛyn̄ i kəya̰jí anī əya̰n̄jí ō, i tɔ̄l̄jí anī tɔ̄lə̄n̄jí ō.

TƏ́DA 12:14

Anī Kɔ́ɔ̄ɓē əda Moijə: Ré bɔbə̄n tībə̄ hōr̄ kumən tə́ anī rɔ̄n a sɔlə̄n bátə́ ndɔ̄ sīrí aĺ a? I beé ní ɔ̄rīin̄ kɔ̄ɔ́ kem ɓēé, ādə̄ ndi gidə ɓē tə́ ndágá ndɔ̄ sīrí. Gō tə́ anī ə́ya̰in̄ ādī tél reē gogə́ kem ɓēé.

JEREMI 27:13

I tām̄ rí tə́ á ḭ̄ ō, gír deē yāí gə̄ ō, ī-ndigiī koy yo kaskar ō, ɓō ō, mo̰y ngāl̄bɔ̄gīí ō, tītə̄ ń Kɔ́ɔ̄ɓē ədań ɔjə dɔ nápar de gə̄ ń mbātə́n̄ rāā kəla yā mban̄g kə́ Babilon tə́ ní?

JEREMI 8:14

I tām̄ rí tə́ á jə-ndiī kanjə̄ kɔdə rɔ̄jí ní? Ɔ́siī dɔsí naā tə́. J-udiī kem loo ndi kə́ ngan̄g gə̄ tə́, ba j-awī loo alé. Tɔdɔ̄ Kɔ́ɔ̄ɓē Nə́ɓā yājí ɔgə̄jí ndɔ́tə̄ loo. Ni-adə̄jí man̄ kə́ yḛl kum adə̄ j-a̰ȳī. Kə́ rɔ̄kum tə́ ní, jə-rāāī majaĺ kə Kɔ́ɔ̄ɓēé.

2 MBAN̄G 8:4

Dan ń noō tə́ ní mban̄g ndi a ɔr̄ i najə̄ kə Geaji nge kəla yā Elije. Ni mēr̄ Geaji kɔjən gotə yá̰á̰ kə́ to kɔr kum gə̄ malang ń Elije rāā ní.

2 MBAN̄G 5:1

Naaman ń i ngol áskar gə̄ yā mban̄g kə́ Aram ní i deē kə́ kɔ́ɔ̄n gḛyn ngá̰ý, adə̄ a̰a̰ tan loo kɔr̄ najə̄ tə́ karī, tɔdɔ̄ Kɔ́ɔ̄ɓē tetə rɔ̄ɔ̄ adə̄ Aram gə̄ i kə kūl̄neé. Ba deē ngeé ń toō ń i go̰ rɔ̄ɔ̄ ní, i nge bānjə̄.

TƏ́DA 12:10

Dan ń kil̄ man̄ ḭḭ kɔ̄ɔ́ dɔ kújə kənge naā tə́ anī, bānjə̄ kə́ ndaa tītə̄ búy kūbə̄ beé teē rɔ̄ Miriam tə́. Aaro̰ mbel a̰a̰n anī rɔ̄n i bānjə̄ malang.