2 MBAN̄G 7:2 - Bibəl ta Sar̄

² Nge kətō der yā mban̄g ń mban̄g ndə̄nā rɔ̄n dɔ jīn tə́ ní tél əda deē yā Nə́ɓā na: Ká ré Kɔ́ɔ̄ɓē mbútəń i ko̰rō̰ kújə gə̄ dɔ rā̰ tə́ gə̄gē anī, yá̰á̰ ń ə́da noō a reē yā kudə gíŕ nəkɔ́ a? Anī Elije tél ədan na: Majə, ā á̰a̰ā̰ kə kumií ba a ɔdə taí alé.

Bible sar

² Nge kətō der yā mban̄g ń mban̄g ndə̄nā rɔ̄n dɔ jīn tə́ ní tél əda deē yā Nə́ɓā na: Ká ré Kɔ́ɔ̄ɓē mbútəń i ko̰rō̰ kújə gə̄ dɔ rā̰ tə́ gə̄gē anī, yá̰á̰ ń ə́da noō a reē yā kudə gíŕ nəkɔ́ a? Anī Elije tél ədan na: Majə, ā á̰a̰ā̰ kə kumií ba a ɔdə taí alé.

2 MBAN̄G 7:2 Referans Kwoze

MALASI 3:10

I beé ní, yá̰a̰ kənge yāsí gə̄ kə́ nge ko̰ kutə gə̄ ní, ī-reēīń kə́ rɔ̄kum tə́, kem kújə ngɔ̄m̄ yá̰a̰ kənge tə́, ādə̄ yá̰a̰ kəsa to ngándáńg kem kújə yā Kɔ́ɔ̄ɓē tə́. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Ásiī ndəle gír yā ger̄ kadə̄ m-ə́da i najə̄ kə́ rɔ̄kum. Loo ń noō tə́ ā á̰a̰ī kadə̄ m-ā m̄-teē ta kār̄ man̄ gə̄ kə́ dɔ rā̰ tə́ tām̄ yāsí tə́ ō, m-ā m̄-rāā majə sesí ngá̰ý ō.

TA KƏLA 7:11

Kem ɓāl̄ ń ɓāl̄ Noe i ɓú mehḛ́ tə́ ní, kə ndɔ̄ kə́ nge ko̰ kutə gidə i sīrí yā nāā kə́ nge ko̰ jōó anī, ndɔ̄ ń noō tə́ ta kəɓa man̄ kə́ gír nángāá gə̄ malang teēn̄ ō, ta kār̄ man̄ kə́ dɔɔ́ gə̄ malang i kə́ teē ō.

2 TIMOTE 2:13

Ré jḭḭ̄ jə-raī dɔ ndūjí tə́ aĺ anī, ni a ra dɔ ndūn tə́, tɔdɔ̄ ni-asə rāā yá̰á̰ kə́ rang kum gotə yá̰á̰ ń tan əda ní alé.

Makətūbə̄ ń Pol ndang adə̄ Rom gə̄ ní 3:3

Ba ré ngé kə́rēý gə̄ dandə́ tə́ ngɔ̄mə̄n̄ najə̄ gə̄ ń toō aĺ anī, kə yā kəda na i rí? Kadə̄ Nə́ɓā na a ndi dɔ míndən tə́ alé tām̄ nin̄ na ngɔ̄mə̄n̄ najə̄ yān gə̄ alé a?

PĀ GƏ̄ 78:41

Tél nāān̄ Nə́ɓā gogə́ rang ɓáý to̰, adə̄n̄ Nə́ɓā kə́ táĺ yā Israel wōn̄g.

2 YÁ̰A̰ GƏ̄ 20:20

Nin̄ ḭḭn̄ dɔɔ́ kə gír looí ɓatə əsōn̄ róbó ta kaw̄ kə̄ dəla loo kə́ Tekoa tə́. Dan ń a rāān̄ yā kɔr̄ dɔɔ́ anī Josapat ədadə́ na: De kə́ Jerusalem gə̄ ō, Juda gə̄ ō, ōōī najə̄ ń m-ā m-ɔ̄r̄ ní! Ī-taāī kem Kɔ́ɔ̄ɓē Nə́ɓā yāsí anī ā ə́ngeī tɔ́gə adə̄ ā ī-raī ngan̄g. Ī-taāī kem ngé koō ta yān gə̄ anī ā ī-tetiī rɔ̄ɔ̄.

2 MBAN̄G 5:18

Banī m̄-dəje Kɔ́ɔ̄ɓē mā̰ȳ rɔ̄ tām̄ yā yá̰á̰ ń toō tə́: ré kɔ́ɔ̄ḿ ń i mban̄g kə́ Aram ní a udə kújə yā nə́ɓā yān ń i ɓesə̄ Rimon ní tə́ yā ndɔ̄yn anī, m-ā m-údə seneé yā kɔsə noḿ nang tə́ seneé, tɔdɔ̄ ni a ndə̄nā rɔ̄n i tū jīḿ tə́. Ní ādə̄ Kɔ́ɔ̄ɓē mā̰ȳ rɔ̄n dɔḿ tə́ tām̄ yā yá̰á̰ ń noō ń m-ā m̄-rāā tə́ ní.

NDŪ NAJƏ̄ 3:27

Āl̄ ta tél mbal̄ Pisga tə́, ba á̰a̰ loo kum kə̄ no ɓē tə́ ō, dām̄ mbɔ́r ɓē kə́ geleé tə́ ō, kə́ ko̰ó̰ tə́ ō, á̰a̰ loo kum kə̄ dūn̄ ɓē tə́ ō. Ī-teē kumií ngá̰ý á̰a̰ń loo, tɔdɔ̄ ā ī-teē bā Jurdḛ ń toō alé.

JEREMI 29:32

Semaya kə́ Nehelam tə́ ō, ngánən gə̄ ō, ngán kaan gə̄ ō ní, deē kógə̄ḿ dandə́ tə́ kə́ kadə̄ ənge loo ndiń dan gír de gə̄ ń toō tə́ yā rāań rɔ̄nel̄ dɔ yá̰á̰ kə́ majə gə̄ ń m-ā m-ādə̄ gír deē yāḿ gə̄ ní a gətóo. Ni sə̄lā i de gə̄ kadə̄ mbātə́n̄ najə̄ ta Kɔ́ɔ̄ɓē tə́ aĺ a? Najə̄ ń Kɔ́ɔ̄ɓē əda ní n noó.

TƏ́DA 11:13

M-ā m-ə́nge dā̰ i rá yā kadə̄ gír de gə̄ ń toō malang? Tām̄ nin̄ nōōn̄ kə̄ dɔḿ tə́ ədan̄ na kə m-ādə̄də́ dā̰ kadə̄ n-əsan̄.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.