2 MBAN̄G 7:1 - Bibəl ta Sar̄

¹ Elije tūr̄ əda na: Sḭḭ̄ malang, ōōī najə̄ ń Kɔ́ɔ̄ɓē əda ní: Bírí kə mbang kə́ beé gātə̄ ndujə̄ kə́ ta róbə́ kə́ yā kudəń kə̄ kem ɓē kə́ Samari tə́ ní dójə́ kógə̄ḿ i njáŕ sə́lē arjā̰a̰ kógə̄ḿ beē ngóy ō, kōō ɔ́rjə kem səmbē bo kógə̄ḿ i sə́lē arjā̰a̰ kógə̄ḿ beē ngóy ō.

Bible sar

¹ Elije tūr̄ əda na: Sḭḭ̄ malang, ōōī najə̄ ń Kɔ́ɔ̄ɓē əda ní: Bírí kə mbang kə́ beé gātə̄ ndujə̄ kə́ ta róbə́ kə́ yā kudəń kə̄ kem ɓē kə́ Samari tə́ ní dójə́ kógə̄ḿ i njáŕ sə́lē arjā̰a̰ kógə̄ḿ beē ngóy ō, kōō ɔ́rjə kem səmbē bo kógə̄ḿ i sə́lē arjā̰a̰ kógə̄ḿ beē ngóy ō.

2 MBAN̄G 7:1 Referans Kwoze

JOJUE 3:5

Gō tə́ anī Jojue əda gír de gə̄ na: Ɔ̄rī kam̄sí tām̄ yā Nə́ɓā tə́ ādə̄ majaĺ gətóo dɔ dáńsí tə́, tɔdɔ̄ bírí anī Kɔ́ɔ̄ɓē a rāā yá̰á̰ kə́ kɔr kum gə̄ dɔ dáńsí tə́.

Teē Ngán Israel gə̄ 16:12

n-oō tām̄ ń ngán Israel gə̄ na tāmə̄n̄ seneé ní. Ní kə ədadə́ na loo tíbí ɓōólaā na a əsan̄ dā̰ ō, bírí dəloí na a əsan̄ yá̰a̰ kadə̄ asədə́ ō. Loo ń noō tə́ na a gerə̄n̄ kadə̄ ni na i Kɔ́ɔ̄ɓē Nə́ɓā yādə́.

EJEKIEL 37:4

Loo ń noō tə́ ni ədam̄ na: Ɔ̄r̄ najə̄ kə kə̄ngā gə̄ ń noō tītə̄ nge koō ta kógə̄ḿ ə́dádə́ na: Sḭḭ̄ ń i kə́ tutə kɔ̄ɔ́ gə̄ ní, ōōī najə̄ yā Kɔ́ɔ̄ɓē!

1 SAMUEL 11:9

Ədan̄ ngé kəla gə̄ ń de kə́ Yabes gə̄ əlan̄də́ ní na: Āw̄ ə́daī de gə̄ kə́ Yabes kə́ gō nang kə́ Galaad tə́ gə̄ na bírí dan kadaá anī a əngen̄ ngé dḭḭ̄də́ gə̄. Ngé kaw̄ kəla gə̄ ní tél reē ədan̄ de kə́ kem ɓē kə́ Yabes tə́ gə̄ najə̄ ní, anī rɔ̄də́ nel̄də́ ngá̰ý.

Teē Ngán Israel gə̄ 14:13

Moijə tél ədadə́ na kə lōōn̄ ɓōĺ, ba kə əhɔn̄ kemdə́ ngan̄g na a a̰a̰n̄ loo kajə ń Kɔ́ɔ̄ɓē na a ajədə́ ní ɓōólaā. De kə́ Ejiptə gə̄ ń na a̰a̰n̄də́ ɓōólaā toó na a a̰a̰n̄də́ gogə́ to̰ alé i kə́ bátə́ gə̄ tə́.

PĀ GƏ̄ 46:5

Banī bā kógə̄ḿ i noó kə́ ta jīn kə́ tɔ̄ɔ̄ gə̄ rāān̄ adə̄ rɔ̄ de kə́ kem ɓē yā Nə́ɓā tə́ gə̄ nel̄də́, adə̄ rɔ̄ de kə́ kem loo kə́ táĺ ngá̰ý yā Nə́ɓā kə́ dɔɔ́ sa̰y ngá̰ý tə́ gə̄ nel̄də́.

Teē Ngán Israel gə̄ 8:23

Na loo ń na n-sāān̄ kaw̄ tun̄ yá̰a̰ tū tə́ yā kadə̄ Kɔ́ɔ̄ɓē Nə́ɓā yādə́ ní, na n-a n-njə̄rān̄ kem dəla loo tə́ ndɔ̄ mətá pá tá n-a n-ugə̄n̄ tū tə́ ɓáý. Ba na i yá̰a̰ tun̄ ń Kɔ́ɔ̄ɓē yādə́ na a ɔjədə́ ní n n-a n-tunə̄n̄ yā kadə̄n ní.

2 MBAN̄G 20:16

Tā anī Ijai əda Ejekias na kə oō najə̄ ń Kɔ́ɔ̄ɓē əda ní:

JEJU TEĒ KUM JA̰A̰ 6:6

Anī m-ōō ndū yá̰á̰ kə́ ɓār̄ tītə̄ ndū deē beé dan yá̰á̰ kə́ kə kumuú kə́ sɔ́ gə̄ ní tə́, kɔ́ɔ̄ əda na: Ī-ndégə̄ kōō gémē kem yá̰á̰ kógə̄ḿ tām̄ yā kəla kə́ ndɔ̄ kógə̄ḿ tə́ ō, ī-ndégə̄ kōō ɔ́rjə kem yá̰a̰ mətá tām̄ yā kəla kə́ ndɔ̄ kógə̄ḿ tə́ ō. Ba yā yibə̄ ō, kasə nduú ō ɓáa, ɔ́də rɔ̄ alé.

2 MBAN̄G 4:42

Deē kógə̄ḿ ḭḭ Baal Salisa, reē kə mápa kōō kə́ kijə adə̄ deē yā Nə́ɓā. Ni-reē kə mápa kōō ɔ́rjə kutə jōó ō, njár̄ kōō gémé kə́ kijə kem ngongoó ō. Elije əda nge kəla yān na kə nə̄ɓō de gə̄ kadə̄ əsan̄.

JA̰A̰ 6:9

Ngōn̄ kógə̄ḿ ndi laā kə mápá mí ō, kə ngán kānjə̄ gə̄ jōó ō, ba nge ń noō i rí tām̄ yā de kə́ ngá̰ý gə̄ ń toō tə́.

2 MBAN̄G 6:25

Loo ń noō tə́ ɓō kə́ ngá̰ý əsō kem ɓēé. Ngé rɔ̄ɔ̄ gə̄ ń gīrə̄n̄ gidə ɓē ní utə̄n̄ ɓē i kutə̄ kə́ ngan̄g ngá̰ý adə̄ gātə̄ dɔ kərō kógə̄ḿ i njár sə́lē arjā̰a̰ sɔ́sɔ́ ō, gātə̄ yedə̄ déŕ kə́ rosə kem kɔ̄ý kógə̄ḿ i njáŕ sə́lē arjā̰a̰ mí ō.

2 MBAN̄G 6:33

Ni a ɔr̄ najə̄ sedə́ kə̄ tan tə́ ɓáý anī mban̄g nəkɔ́ reē ugə̄ ba əda na: I Kɔ́ɔ̄ɓē n reē kə yá̰á̰ kə́ to kum kaȳ aĺ ń toō dɔjí tə́ ní! Ní i yá̰á̰ rí n kə m-ə̄ndā kemḿ dɔ kənge tə́ jī Kɔ́ɔ̄ɓē tə́ ní?

IJAI 1:10

Sḭḭ̄ ngār gə̄ kə́ Sodom, ōōī najə̄ yā Kɔ́ɔ̄ɓē. Sḭḭ̄ gír de kə́ Gomor gə̄, ī-nēlī mbīsí ōōiń yá̰á̰ ndóō yā Nə́ɓā yājí.

1 MBAN̄G GƏ̄ 22:19

Mise əda na: Majə, ōō najə̄ ń Kɔ́ɔ̄ɓē əda ní: M-á̰á̰ Kɔ́ɔ̄ɓē ndi dɔ kōr̄ kāgə̄ mbang yān tə́, ba de kə́ dɔ rā̰ tə́ gə̄ malang ran̄ rɔ̄n tə́ kə njadə́ dɔɔ́, ran̄ dɔ jī ko̰n tə́ ō, dɔ jī gelən tə́ ō.

2 MBAN̄G 7:16

Loo ń noō tə́ de kə́ kem ɓēé gə̄ teē ɔyn̄ yá̰á̰ kə́ kem gérger yā Aram gə̄ tə́. Ba tītə̄ ń Kɔ́ɔ̄ɓē ədań ní, mangən̄ ndujə̄ dójə́ kógə̄ḿ i kə njáŕ sə́lē arjā̰a̰ kógə̄ḿ beē ngóy ō, kōō ɔ́rjə kem səmbē bo kógə̄ḿ i kə sə́lē arjā̰a̰ kógə̄ḿ beē ngóy ō.

1 SAMUEL 15:1

Samuel əda Saul na: I mā n Kɔ́ɔ̄ɓē əlam̄ adə̄ m-úr yibə̄ dɔí tə́ m-ə̄ndāīneé mban̄g dɔ gír deē yān gə̄ ń i Israel gə̄ ní tə́. Adə̄ ōō najə̄ ń Kɔ́ɔ̄ɓē əlam̄ kədaí tə́ ní.