2 MBAN̄G 6:1 - Bibəl ta Sar̄

¹ Ngé koō ta gə̄ ədan̄ Elije na: Á̰a̰ā̰, loo ń jə-ndi tū tə́ j-a j-oōń najə̄ taí tə́ ní asəjí alé.

Bible sar

¹ Ngé koō ta gə̄ ədan̄ Elije na: Á̰a̰ā̰, loo ń jə-ndi tū tə́ j-a j-oōń najə̄ taí tə́ ní asəjí alé.

2 MBAN̄G 6:1 Referans Kwoze

2 MBAN̄G 2:3

Ɓūtə̄ ngé koō ta gə̄ ń ndin̄ Betel ní teē reēn̄ rɔ̄ Elije tə́ ba dəjenən̄ na Kɔ́ɔ̄ɓē na a un kɔ́ɔ̄n ɓōólaā yā kaw̄ seneé dɔ rā̰ tə́ ní ké ger̄ wa. Anī Elije tél ədadə́ na nəkɔ́ na n-ger̄ ō, ba kə utə̄n̄ tadə́.

2 MBAN̄G 4:1

Nə̄yá̰ deē kógə̄ḿ kə́ dan ɓūtə̄ yā ngé koō ta gə̄ tə́ rāā Elije ɓɔ́ kadə̄ kə rāā seneé. Ni-əda Elije na: Ngaaḿ ń i nge kəla yāí ní oy kɔ̄ɔ́ ō, ī-ger̄ majə kadə̄ ni i de kə́ nge ɓōĺ ndíĺ Kɔ́ɔ̄ɓē ō. Ba dəngam ń kə̄rā yān i dɔjí tə́ ní reē kəhɔ ngánə́ḿ kə́ dəngam kə́ jōó gə̄ tə́ yā kaw̄ rāādə́ ɓəlo tə́ kum kə̄rā ní.

1 MBAN̄G GƏ̄ 20:35

Kum mbang ngeé ń noō tə́ ní, deē kógə̄ḿ kə́ dan ɓūtə̄ yā ngé koō ta gə̄ tə́ əda madə̄n kə gō ndū Kɔ́ɔ̄ɓēé na: m̄-rāāī ɓɔ́, ādə̄m̄ do! Banī madə̄n mbātə́ kadə̄n do.

1 SAMUEL 19:20

Anī Saul əla de gə̄ kəhɔ Dabid tə́ ɓáý to̰. Dan ń de gə̄ ń Saul əladə́ ní a̰a̰n̄ ɓūtə̄ ngé koō ta yā Nə́ɓā gə̄ kə́ Ndíl yā Nə́ɓā ɔsə sedə́ adə̄ a̰a̰n̄ oy oy tītə̄ de gə̄ kə́ yá̰a̰ rāādə́ beé ō, a̰a̰n̄ kadə̄ Samuel i ngāgəra dɔ ngé koō ta yā Nə́ɓā gə̄ ní ō anī, Ndíl yā Nə́ɓā udə kemdə́ tə́ adə̄ nin̄ a̰a̰n̄ oy oy tītə̄ de kə́ yá̰a̰ rāādə́ beé ō.

JOJUE 19:47

Dɔ nang ń adə̄n̄ de gə̄ kə́ gír ɓē yā Dan tə́ gə̄ kə gír kaadə́ gēé ní n noó. Ɓē kə́ tū tə́ gə̄ n noó kə ngán ɓē gə̄ ń ndin̄ kə gō gidií ní. Dan ń dɔ nang yā ngán Dan gə̄ teē jīdə́ tə́ kɔ̄ɔ́ ní, nin̄ aw̄ ənīn̄ ɓē kə́ Lesem rɔ̄ɔ̄ ba taān̄ən̄. Nin̄ tɔ̄lə̄n̄ de kə́ kemeé gə̄ kɔ̄ɔ́ malang kə kəyā kaskaraá ba ndin̄ gotədə́ tə́. Nin̄ əndān̄ rī kaadə́ Dan dɔ ɓē ní tə́.

JOJUE 17:14

Ngán kaa Jəjep gə̄ ədan̄ Jojue na: Jḭḭ ń Kɔ́ɔ̄ɓē rāā majə sejí ngá̰ý, tɔdɔ̄ ni-adə̄ jə-tél kósə de kə́ ngá̰ý gə̄ ní, ādə̄jí dɔ nang gír loo kógə̄ḿ beé i tām̄ rí tə́?

Makətūbə̄ yā Job 36:16

Kété ní Nə́ɓā un yá̰á̰ kə́ majaĺ dɔí tə́ kɔ̄ɔ́, ba adī ndi majə kə́ ngá̰ý kum gotə. Dan ngeé ń noō tə́ ní, yá̰a̰ kəsa kə́ nel̄ gə̄ i ngá̰ý dɔ tábəl kəsa yá̰a̰ yāí tə́.

2 MBAN̄G 4:38

Elije tél aw̄ Gilgal. Dan ń noō tə́ ní ɓō əsō gō nang ngeé ń noō tə́. Ɓūtə̄ ngé koō ta gə̄ ndin̄ rɔ̄ Elije tə́, anī ni-əda nge kəla yān na: Ə̄ndā jóó kə́ bo horoó ī-nēgə́nń tá̰a̰ ādə̄ ngé koō ta gə̄.

HEBƏRO 11:34

tɔ̄lə̄n̄ kəngā hor gə̄ ō, teēn̄ ta yo kaskar tə́ ō, loo ń mo̰y rāādə́ ní əngen̄ rɔ̄ ngan̄g ō, rāān̄ go̰ loo rɔ̄ɔ̄ tə́ ō, tə̄ɓān̄ ɓūtə̄ áskar kə́ tə̄rā gə̄ ō.

2 MBAN̄G 6:2

Ní, ādə̄jí ta róbə ādə̄ j-aw̄ bā Jurdḛ tə́ jə-tə́gā sáā kāgə̄ gə̄ yā reē rāań səlá kə́ rang loo ń toō tə́ kadə̄ jə-ndiī gírí. Ni tūr̄ ədadə́ na kə aw̄n̄.

2 MBAN̄G 2:5

Ɓūtə̄ ngé koō ta gə̄ ń ndin̄ Jeriko ní reēn̄ rɔ̄ Elije tə́, ba dəjenən̄ na Kɔ́ɔ̄ɓē na a un kɔ́ɔ̄n ɓōólaā yā kaw̄ seneé dɔ rā̰ tə́ ní ké ger̄ wa. Anī Elije tél ədadə́ na nəkɔ́ na n-ger̄ ō, ba kə utə̄n̄ tadə́.

2 MBAN̄G 2:7

Ɓūtə̄ ngé koō ta gə̄ kutə mí aw̄ dəba ran̄ sa̰y kumdə́ sɔɔ̄ ba Jurdḛ, ba Eli nin̄ kə Elije tá dəban̄ ta bā tə́.

2 MBAN̄G 2:15

Ɓūtə̄ ngé koō ta gə̄ kə́ Jeriko ń ran̄ sa̰y a a̰a̰n̄neé Elije ní ədan̄ na: Ndíl Eli reē dɔ Elije tə́. Nin̄ ɔjən̄ no Elije ō, ɔsə̄n̄ nodə́ nang tə́ non tə́ ō,