2 MBAN̄G 4:8 - Bibəl ta Sar̄

⁸ Ndɔ̄ kógə̄ḿ tə́ Elije mān̄ Sunem. Anī dəyá̰ kóməlō kógə̄ḿ kə́ ndi kem ɓē ní tə́ ɔsə seneé gar gar ta kaw̄ kəsa yá̰a̰ ɓē looneé. Əla gír ndɔ̄ ń noō tə́ ní, ré Elije mān̄ Sunem anī, a aw̄ i ɓē yā dəyá̰ ní tə́ kəsa yá̰á̰.

Bible sar

⁸ Ndɔ̄ kógə̄ḿ tə́ Elije mān̄ Sunem. Anī dəyá̰ kóməlō kógə̄ḿ kə́ ndi kem ɓē ní tə́ ɔsə seneé gar gar ta kaw̄ kəsa yá̰a̰ ɓē looneé. Əla gír ndɔ̄ ń noō tə́ ní, ré Elije mān̄ Sunem anī, a aw̄ i ɓē yā dəyá̰ ní tə́ kəsa yá̰á̰.

2 MBAN̄G 4:8 Referans Kwoze

JOJUE 19:18

Dɔ nin̄ loo yādə́ teē Jisreel ō, Kesulot ō, Sunem ō,

Najə̄ kə́ Majə yā Jeju ń Luk ndang ní 24:29

Ba nin̄-əhɔnən̄ mbā ədanən̄ na kə ndi sedə́ tɔdɔ̄ loo sɔl̄ kɔ̄ɔ́ ō, mbang na a aw̄ i kə̄ kuduú ō. Adə̄ ni udə aw̄ ndi sedə́.

Makətūbə̄ yā Job 32:9

I ɓāl̄ de kə́ ngá̰ý n i nge kadə̄ deē kum kedə̄ ní aĺ ō, i de kə́ tɔgə ɓə́ga n i nge ka̰a̰ yá̰á̰ kə́ súmūú ger̄ ní aĺ ō.

Makətūbə̄ yā Job 1:3

Batə̄ yān gə̄ i dūbú sīrí ō, jámbal gə̄ i dūbú mətá ō, man̄g gə̄ kə́ kadə naā tə́ jōó jōó i ɓú mí ō, kó̰o̰ kərō gə̄ i ɓú mí ō, ngé kəla yān gə̄ i ngá̰ý ō. Deē ngeé ń toō i de kə́ bo tɔȳ gotə de gə̄ malang kə́ dām̄ kə́ gír ɓē tə́.

TA KƏLA 19:3

Banī Lot ra sedə́ gagar adə̄ aw̄n̄ ɓēé looneé. Ni-rāā yá̰a̰ kəsa ō, rāā mápá kə́ kanjə̄ kaan ō, adə̄ əsan̄.

1 MBAN̄G GƏ̄ 1:3

Ngé kəla gə̄ ní sāān̄ ngōn̄ kə́ dəyá̰ kə́ mandə ngá̰ý dɔ nang kə́ Israel tə́ malang ba əngen̄ i kem ɓē kə́ Sunem tə́. Rī ngōn̄ kə́ dəyá̰ ní na i Abisag. Nin̄ reēn̄ seneé adə̄nən̄ kə mbangāá adə̄ rāā kəla yā mban̄g ō, a̰a̰ gōn ō, banī mban̄g ɓīī seneé alé.

2 SAMUEL 19:32

Barjilai ń i de kə́ gō nang kə́ Galaad tə́ ní, ḭḭ Rogelim reē ugə̄ bā Jurdḛ tə́ ō. Ni teē bā Jurdḛ kə̄ gidə kə́rēý tə́ kə mbangāá pá tá kadə̄ əya̰n ba téĺ ɓáý.

NGÉ SARYA 19:20

De kə́ tɔgə ɓə́gá ní tél ədan na: Ādə̄ kemií sɔl̄ lɔm. Yá̰á̰ ń ī-nal̄ ní m-ā m-ādī, ba ī-lōō kəto ndágə looó ndɔ̄ɔ́.

KƏLA RĀĀ 16:15

Dan ń rāānən̄ batém naā tə́ kə ngéén gēé oy anī, mēr̄jí kaw̄ looneé, ni-ədají na: Ré á̰a̰ī kadə̄ m̄-taā kem Kɔ́ɔ̄ɓē rɔ̄kum anī, ī-reē ī-ndiī looḿ. Ni-ɔsə sejí ta kaw̄ looneé.

Najə̄ kə́ Majə yā Jeju ń Luk ndang ní 1:15

Tɔdɔ̄ ni a tél de kə́ bo ta kum Kɔ́ɔ̄ɓē tə́. Ni a a̰ȳ kasə kan̄ kāgə̄ nduú aĺ ō, a a̰ȳ kasə kə́ rang kə́ ngan̄g aĺ ō. Ndíĺ kə́ Táĺ a rosən dan ń ni i kem kó̰o̰n tə́ ɓáý ní.

Gōsə̄ najə̄ gə̄ 7:21

Dəyá̰ əhɔ balsáá ní kə najə̄ gól̄ loo yān gēé, ndɔ́rən gōn tə́ kə najə̄ kə́ nel̄ gēé.

2 MBAN̄G 4:18

Ngōn̄ ní tɔgə. Ndɔ̄ kógə̄ḿ tə́ aw̄ gō bɔbə̄n tə́ rɔ̄ ngé kəja kōō gə̄ tə́,

1 SAMUEL 28:4

Ndɔ̄ kə́rēý tə́ anī Pilistin gə̄ kánə̄n̄ ɓūtə̄ ngé rɔ̄ɔ̄ yādə́ gə̄ naā tə́ malang loo kógə̄ḿ, ba aw̄ ndin̄ sedə́ kadə ɓē kə́ Sunem tə́ ō. Saul kán̄ ngé rɔ̄ɔ̄ gə̄ yā ngán Israel gə̄ malang ba aw̄ ndin̄ kadə mbal̄ kə́ Gilboa tə́ ō.

Najə̄ kə́ Majə yā Jeju ń Luk ndang ní 14:23

Anī kɔ́ɔ̄n ní tél ədan na kə ɔr̄ gō loo róbə gə̄ kə́ gidə ɓē tə́ ō, mbo̰ō̰ ndɔr̄ gə̄ tə́ ō, ba kə ɔsə kə de gēé ta kudə ndogó looneé, kadə̄ kem kújə yān i kə́ rosə.

MATIYE 25:17

Nge ń taā sə́lē dūbú kutə jōó ní, rāā tītə̄ yā madə̄n, anī ənge manə̄n dɔ tə́ dūbú kutə jōó.