2 MBAN̄G 4:1 - Bibəl ta Sar̄

¹ Nə̄yá̰ deē kógə̄ḿ kə́ dan ɓūtə̄ yā ngé koō ta gə̄ tə́ rāā Elije ɓɔ́ kadə̄ kə rāā seneé. Ni-əda Elije na: Ngaaḿ ń i nge kəla yāí ní oy kɔ̄ɔ́ ō, ī-ger̄ majə kadə̄ ni i de kə́ nge ɓōĺ ndíĺ Kɔ́ɔ̄ɓē ō. Ba dəngam ń kə̄rā yān i dɔjí tə́ ní reē kəhɔ ngánə́ḿ kə́ dəngam kə́ jōó gə̄ tə́ yā kaw̄ rāādə́ ɓəlo tə́ kum kə̄rā ní.

Bible sar

¹ Nə̄yá̰ deē kógə̄ḿ kə́ dan ɓūtə̄ yā *ngé koō ta gə̄ tə́ rāā Elije ɓɔ́ kadə̄ kə rāā seneé. Ni-əda Elije na: Ngaaḿ ń i nge kəla yāí ní oy kɔ̄ɔ́ ō, ī-ger̄ majə kadə̄ ni i de kə́ nge ɓōĺ ndíĺ Kɔ́ɔ̄ɓē ō. Ba dəngam ń kə̄rā yān i dɔjí tə́ ní reē kəhɔ ngánə́ḿ kə́ dəngam kə́ jōó gə̄ tə́ yā kaw̄ rāādə́ ɓəlo tə́ kum kə̄rā ní.

2 MBAN̄G 4:1 Referans Kwoze

MATIYE 18:25

Dəngam ní ənge yá̰á̰ kə́ yā kəgāń kə̄rā ní alé, anī kɔ́ɔ̄n əda kadə̄ igən̄ seneé ō, kə nə̄yá̰n ō, ngánən gə̄ ō, kə yá̰a̰ yān gə̄ malang ō, kadə̄ asə kum gotə kə̄rā ní.

2 MBAN̄G 2:3

Ɓūtə̄ ngé koō ta gə̄ ń ndin̄ Betel ní teē reēn̄ rɔ̄ Elije tə́ ba dəjenən̄ na Kɔ́ɔ̄ɓē na a un kɔ́ɔ̄n ɓōólaā yā kaw̄ seneé dɔ rā̰ tə́ ní ké ger̄ wa. Anī Elije tél ədadə́ na nəkɔ́ na n-ger̄ ō, ba kə utə̄n̄ tadə́.

JEJU TEĒ KUM JA̰A̰ 19:5

Anī ndū deē kógə̄ḿ teē tū kōr̄ kāgə̄ mbang ní tə́ əda na: Sḭḭ̄ ngé kəla gə̄ malang yā Nə́ɓā yājí, adə̄ i sḭḭ̄ de kə́ dūú gə̄ ō, de kə́ tɔgə gə̄ ō ń ī-ɓōlíī ndílən ní, ī-ɓōkə́niī tɔ̄ȳ.

MATIYE 18:30

Banī ni-ɔdə alé, ba aw̄ ənīn kújə dəngáyá yā ngóoń kadə̄ əgā kə̄rā kə́ dɔn tə́ ní.

MALASI 3:16

Loo ń noō tə́ ngé ɓōĺ ndíĺ Kɔ́ɔ̄ɓē gə̄ ɔrə̄n̄ najə̄ kə naá. Kɔ́ɔ̄ɓē nēl̄ mbīn ooń najə̄ kɔr̄də́ ní. Ndangən̄ rī ngé ɓōĺ ndílən gə̄ ō, rɔȳn gə̄ ō ta kumən tə́.

PĀ GƏ̄ 147:11

Ba o̰o̰n tɔdɔ̄ ngé gə̄ ń ɓōlə́n̄ ndílən ō, əndān̄ kemdə́ dɔ kem majə yān tə́ ō ní.

PĀ GƏ̄ 103:17

Banī kem majə yā Kɔ́ɔ̄ɓē kə́ tām̄ yā ngé ɓōĺ ndílən gə̄ tə́ əla gír i jóo ō, a to ngándáńg ō. Háĺ kə́ gōtə́ yān to tām̄ yā ngán kaadə́ gə̄ tə́ ō,

PĀ GƏ̄ 103:11

Tītə̄ ń dɔ rā̰ i dɔɔ́ dɔ dɔ nang tə́ ní, kemən majə ngá̰ý tām̄ yā ngé ɓōĺ ndílən gə̄ tə́ adə̄ tɔȳ dɔdə́ ō.

1 SAMUEL 22:2

Tá de gə̄ kə́ yá̰á̰ kə́ ngan̄g əngedə́ gə̄ ō kə́ kə̄rā i dɔdə́ tə́ gə̄ ō kə́ rɔ̄də́ nel̄də́ aĺ gə̄ ō nin̄ malang asən̄ deē ɓú sɔ́ ń noō, kánə̄n̄ naā rɔ̄n tə́, adə̄ ni-tél ngoldə́.

JEJU TEĒ KUM JA̰A̰ 15:4

Kɔ́ɔ̄ɓē, i náā n a ɓōĺ rīí aĺ ní, i náā n a ɔsə gɔn rīí aĺ ní? Tɔdɔ̄ i ḭ̄ kɔ́ kal kógə̄ḿ beē ngóy n i kə́ táĺ ní. Nápar de gə̄ malang a reēn̄ yā kɔsə nodə́ nang tə́ noí tə́ yā rɔyīneé. Tɔdɔ̄ teēn̄ kumdə́ dɔ kəla rāāí kə́ gō tə́ gə̄ tə́.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

KƏLA RĀĀ 13:26

Ngákó̰ó̰ḿ gə̄, sḭḭ̄ ngán kaa Abəraham gə̄ ō, sḭḭ̄ gə̄ ń ī-reēī laā i rāā kəlaá kadə̄ Nə́ɓā ō ní, najə̄ kajə ń toō əlan̄neé adə̄n̄jí i jḭḭ̄.

MATIYE 18:35

Gō tə́ anī Jeju əda na: Sḭḭ̄ kógə̄ḿ kógə̄ḿ malang ní, ré ī-mā̰yī rɔ̄sí dɔ naā tə́ kə́ rɔ̄kum tə́ aĺ anī, Bɔbə́ḿ kə́ ndi dɔ rā̰ tə́ a rāā sesí i tītə̄ ń noō ō.

JEREMI 34:14

M-ə́dádə́ m-ə́da na: Ré ī-tə́daī ɓāl̄ sīrí ta asə naā anī deē kógə̄ḿ kógə̄ḿ kə́ dansí tə́ a əya̰ ngōkó̰o̰n kə́ hebəro ń gātə̄ kə rɔ̄neé jīn tə́ ní dɔɔ́. Ni a rāā kəla ɓəlo adī kem ɓāl̄ mehḛ́, ba gō tə́ anī ā ə́ya̰n dɔɔ́. Banī kaasí gə̄ nēlə̄n̄ mbīdə́ oōn̄neé najə̄ yāḿ alé.

KOHELET 12:13

Ta tɔ̄l̄ ta najə̄ malang n toó, ī-ɓōĺ ndíĺ Nə́ɓā ba ī-rāā gō míndə gə̄ ń ni ə́ndā dɔ deē tə́ kadə̄ rāā ní. Yá̰á̰ ń majə kadə̄ de gə̄ malang rāān̄ ní n noó.

KOHELET 8:12

Nge rāā majaĺ rāā yá̰á̰ kə́ majaĺ nja ɓú ō, ndi kə kumneé dan i ngá̰ý ō. Ɓá tā ba m̄-ger̄ kadə̄ ngé ɓōĺ ndíl Nə́ɓā gə̄ a ndin̄ majə, tɔdɔ̄ kemdə́ i kə ɓōló ta kumən tə́.

NEHEMI 10:31

Adə̄ de gə̄ ń ndin̄ kem ɓēé ní j-adə̄də́ ngáńjí kə́ dəyá̰ gə̄ aĺ ō, j-a jə-taā ngáńdə́ kə́ dəyá̰ gə̄ yā kadə̄ ngáńjí kə́ dəngam gə̄ aĺ ō.

NEHEMI 7:2

M-ə́da kadə̄ əndān̄ ngōkó̰ó̰ḿ Hanani dɔ ɓē kə́ Jerusalem tə́ ō, kadə̄ əndān̄ Hanania ń i de kə́ ra dɔ ndūn tə́ ō, ɓōĺ ndíĺ Nə́ɓā tɔȳ madə̄n gə̄ ō ní ngol áskar gə̄ kə́ dɔ loo kə́ ngan̄g kə́ kem ɓēé tə́ ō.

2 MBAN̄G 4:38

Elije tél aw̄ Gilgal. Dan ń noō tə́ ní ɓō əsō gō nang ngeé ń noō tə́. Ɓūtə̄ ngé koō ta gə̄ ndin̄ rɔ̄ Elije tə́, anī ni-əda nge kəla yān na: Ə̄ndā jóó kə́ bo horoó ī-nēgə́nń tá̰a̰ ādə̄ ngé koō ta gə̄.

2 MBAN̄G 2:5

Ɓūtə̄ ngé koō ta gə̄ ń ndin̄ Jeriko ní reēn̄ rɔ̄ Elije tə́, ba dəjenən̄ na Kɔ́ɔ̄ɓē na a un kɔ́ɔ̄n ɓōólaā yā kaw̄ seneé dɔ rā̰ tə́ ní ké ger̄ wa. Anī Elije tél ədadə́ na nəkɔ́ na n-ger̄ ō, ba kə utə̄n̄ tadə́.

1 MBAN̄G GƏ̄ 20:35

Kum mbang ngeé ń noō tə́ ní, deē kógə̄ḿ kə́ dan ɓūtə̄ yā ngé koō ta gə̄ tə́ əda madə̄n kə gō ndū Kɔ́ɔ̄ɓēé na: m̄-rāāī ɓɔ́, ādə̄m̄ do! Banī madə̄n mbātə́ kadə̄n do.

1 MBAN̄G GƏ̄ 18:3

Akab ɓāŕ Obadia ń i de kə́ dɔ yá̰a̰ kənge yā mban̄g tə́ ní. Tá Obadia i de kə́ ɓōĺ ndíĺ Kɔ́ɔ̄ɓē ngá̰ý,

LEBI GƏ̄ 25:48

ta róbə gān̄g dɔ a to tām̄ yān tə́. Ngōkó̰o̰n kə́ dəngam a asə gān̄g dɔn.

TA KƏLA 22:12

Kɔ́ɔ̄ɓē əda na: Ə́ya̰ ngōn̄, ī-lōō rāān yá̰á̰ kə́ tōr̄. Ngɔlaā ní m̄-ger̄ kadə̄ ī-ɓōĺ ndílə́ḿ, tɔdɔ̄ ɔ̄gə̄m̄ ngōnīí kə́ kal kógə̄ḿ beē alé.

PĀ GƏ̄ 115:13

kə ngé gə̄ ń a ɓōlə́n̄ ndíĺ Kɔ́ɔ̄ɓē ní ō, ngáń kə́ dūú gē, de kə́ tɔgə gē.

2 MBAN̄G 6:9

anī deē yā Nə́ɓā əla əda mban̄g kə́ Israel tə́ na: Ī-lōō teē dām̄ loo ń noō tə́, tɔdɔ̄ Aram gə̄ i noó.

IJAI 50:1

Yá̰á̰ ń Kɔ́ɔ̄ɓē əda ní n toó: Sḭḭ̄ ə́daī na mā na m̄-tə̄ɓā kó̰ó̰sí Jerusalem kɔ̄ɔ́ rɔ̄kum. Ní, ɔ́jəmī makətūbə̄ ń m̄-ndang m̄-tə̄ɓānəń kɔ̄ɔ́ ní! Ə́daī na mā na m-ígə sesí kadə̄ āwī ɓəloó, na i yā kəgāń kə̄rā gə̄ kə́ dɔḿ tə́ rɔ̄kum. Ní, ə́damī dɔ deē ń m-ígə sesí jīn tə́ ní! Ré igən̄ sesí anī, i najə̄ yá̰a̰ rāāsí kə́ gōtə́ aĺ gə̄ tə́. Ré tə̄ɓān̄ kó̰ó̰sí anī, i najə̄ majaĺ yāsí gə̄ tə́.

RUTƏ 1:3

Elimelek oy ba na̰y i Noemi nin̄ kə ngánən kə́ dəngam kə́ jōó gə̄.

2 MBAN̄G 2:7

Ɓūtə̄ ngé koō ta gə̄ kutə mí aw̄ dəba ran̄ sa̰y kumdə́ sɔɔ̄ ba Jurdḛ, ba Eli nin̄ kə Elije tá dəban̄ ta bā tə́.

2 MBAN̄G 2:15

Ɓūtə̄ ngé koō ta gə̄ kə́ Jeriko ń ran̄ sa̰y a a̰a̰n̄neé Elije ní ədan̄ na: Ndíl Eli reē dɔ Elije tə́. Nin̄ ɔjən̄ no Elije ō, ɔsə̄n̄ nodə́ nang tə́ non tə́ ō,

Gōsə̄ najə̄ gə̄ 22:7

De kə́ nge yá̰a̰ kənge o̰o̰ ɓē dɔ ngé ndoō gə̄ tə́ ō, de kə́ kə̄rā i dɔn tə́ i ɓəlo yā deē ń ni-taā yá̰a̰ yā n loo tə̄nā tə́ ní ō.