2 MBAN̄G 3:4 - Bibəl ta Sar̄

⁴ Mesa, mban̄g kə́ Moab i nge kul̄ batə̄ gə̄. Kə dɔ ɓāl̄ gə̄ ní ni a adə̄ mban̄g kə́ Israel ngán batə̄ gə̄ dūbú ɓú ō, bal batə̄ kə́ kə bḭḭ̄də́ gēé dūbú yá̰a̰ tīr̄ tə́.

Bible sar

⁴ Mesa, mban̄g kə́ Moab i nge kul̄ batə̄ gə̄. Kə dɔ ɓāl̄ gə̄ ní ni a adə̄ mban̄g kə́ *Israel ngán batə̄ gə̄ dūbú ɓú ō, bal batə̄ kə́ kə bḭḭ̄də́ gēé dūbú yá̰a̰ tīr̄ tə́.

2 MBAN̄G 3:4 Referans Kwoze

2 SAMUEL 8:2

Ni-tetə Moab gə̄ rɔ̄ɔ̄ ō, laadə́ nang tə́ ba tɔ̄l̄ kə́rēý gə̄ ō, əya̰ kə́rēý gə̄ ō. Ré nin̄ i mətá anī tɔ̄l̄ kə́ jōó gə̄ ba əya̰ kógə̄ḿ. Loo ń noō tə́ Moab gə̄ télən̄ ɓəlo yā Dabid gə̄ ō, nin̄ a tīrə̄n̄ dɔ yá̰a̰ gə̄ a adə̄nən̄ ō.

PĀ GƏ̄ 60:8

Nə́ɓā ɔr̄ najə̄ kem kújə́ kə́ táĺ yān tə́ əda na: I mā n m̄-tetə rɔ̄ ní! M-ā m̄-kēgə̄ ɓē kə́ Sisem naā tə́. M-ā m̄-gán̄g wól loo kə́ Sukot naā tə́ gír loo ngá̰ý.

Makətūbə̄ yā Job 42:12

Kɔ́ɔ̄ɓē rāā majə kə Jóbó ngá̰ý tɔȳ kə́ kété. I beé n Job əngeń batə̄ gə̄ dūbú kutə gidə i sɔ́ ō, jámbal gə̄ dūbú mehḛ́ ō, man̄g kə́ bəra gə̄ jōó jōó nja dūbú ō, kó̰o̰ kərō gə̄ dūbú ō ní.

Makətūbə̄ yā Job 1:3

Batə̄ yān gə̄ i dūbú sīrí ō, jámbal gə̄ i dūbú mətá ō, man̄g gə̄ kə́ kadə naā tə́ jōó jōó i ɓú mí ō, kó̰o̰ kərō gə̄ i ɓú mí ō, ngé kəla yān gə̄ i ngá̰ý ō. Deē ngeé ń toō i de kə́ bo tɔȳ gotə de gə̄ malang kə́ dām̄ kə́ gír ɓē tə́.

2 YÁ̰A̰ GƏ̄ 26:10

Ni-rāā kújə́ kə́ ngāl̄ ɓururu gə̄ kem dəla loo tə́ ō, ndēr̄ bəlo taā man̄ gə̄ ngá̰ý ō, tɔdɔ̄ yá̰a̰ kul̄ yān gə̄ i ngá̰ý loo kə́ mbal̄ bo gə̄ gətóon̄ tū tə́ tə́ ō, wól loo tə́ ō. Ni-aw̄ kə ngé ndɔr̄ gə̄ ō, ngé ndɔr̄ kāgə̄ nduú gə̄ ō, tɔdɔ̄ kəla ndɔr̄ nelə̄n ngá̰ý.

1 YÁ̰A̰ GƏ̄ 18:2

Ni-tetə Moab gə̄ rɔ̄ɔ̄ ō, adə̄ nin̄ télən̄ ngé kəla yān gə̄ kə́ a əgānən̄ tír̄.

TA KƏLA 13:2

Abəram ənge yá̰á̰ ngá̰ý. Yá̰a̰ kul̄ yān gə̄ ō, gində̄ arjā̰a̰ yān ō, lɔ́r yān ō, i ngá̰ý.

2 SAMUEL 8:6

ba tə́ndā ngé ko̰o̰ ɓē gə̄ dɔ nang kə́ Aram tə́ ń ɓē bo yān i Damas ní. Loo ń noō tə́ Aram gə̄ télən̄ ɓəlo gə̄ yā Dabid ō, a tīrə̄n̄ dɔ yá̰a̰ gə̄ a adə̄nən̄ ō. Adə̄ Kɔ́ɔ̄ɓē rāā adə̄ Dabid tetə rɔ̄ɔ̄ loo malang ń ni-aw̄ rɔ̄ɔ̄ tə́ tū tə́ ní.