2 MBAN̄G 24:3 - Bibəl ta Sar̄

³ I Kɔ́ɔ̄ɓē n rāā adə̄ yá̰á̰ kə́ majaĺ gə̄ malang ń noō reēn̄ dɔ ɓē ko̰o̰ kə́ Juda tə́ ní, tām̄ ni gḛy ka̰a̰ ɓē ko̰o̰ kə́ Juda ta kumən tə́ to̰ alé. Tɔdɔ̄ mban̄g Manase rāā majaĺ ngá̰ý,

Bible sar

³ I Kɔ́ɔ̄ɓē n rāā adə̄ yá̰á̰ kə́ majaĺ gə̄ malang ń noō reēn̄ dɔ ɓē ko̰o̰ kə́ *Juda tə́ ní, tām̄ ni gḛy ka̰a̰ ɓē ko̰o̰ kə́ Juda ta kumən tə́ to̰ alé. Tɔdɔ̄ mban̄g Manase rāā majaĺ ngá̰ý,

2 MBAN̄G 24:3 Referans Kwoze

2 MBAN̄G 18:25

m̄-reē rɔ̄ɔ̄ ɓē ń toō tə́ yā nujəń kɔ̄ɔ́ i kanjə̄ kadə̄ Kɔ́ɔ̄ɓē ndigə gōḿ tə́ a? I Kɔ́ɔ̄ɓē n ədam̄ na kə m̄-reē kə m̄-rɔ̄ɔ̄ ɓē ń toō, ba kə m̄-nujəń sák sák kɔ̄ɔ́ ní!

MISE 2:10

Ḭ́ḭī dɔɔ́ ba āwī! I kum mbang kə́ yā kadə̄ sḭḭ̄ ɔ̄rīiń koō n toó alé! Ɓē yāsí téĺ ɓē kə́ yḛr kɔ̄ɔ́ sɔɔ̄ ń mān̄ dɔ ndū najə̄ yāsí gə̄. I tām̄ najə̄ ń noō tə́ n ā á̰a̰ī tápə̄ ngá̰ý ní.

AMOS 3:6

Deē a kɔĺ tōw̄ rɔ̄ɔ̄ kem ɓēé kanjə̄ kəla ɓōĺ kem de kə́ kem ɓēé gə̄ tə́ a? Yá̰á̰ kə́ to kum kaȳ aĺ kógə̄ḿ a reē dɔ ɓē tə́ kanjə̄ kadə̄ i Kɔ́ɔ̄ɓē n əlań a?

IJAI 45:7

Mā m̄-rāā loo kə́ unjə̄ kow ō, m̄-rāā loo kə́ ndɔ̄ɔ́ ō, m̄-rāā ndi majə ō, m̄-rāā yá̰á̰ kə́ to kum kaȳ aĺ ō. A̰á̰ā̰, i mā Kɔ́ɔ̄ɓē n m̄-rāā yá̰a̰ gə̄ ń noō malang ní.

2 YÁ̰A̰ GƏ̄ 25:16

Dan ń a əda Amasia najə̄ ń noō ɓáý anī Amasia dəjen na ké əndānən̄ nge kadə̄ mban̄g kɔjə̄ wa. Ré gḛy kadə̄ əndanən̄ aĺ ɓáa kə lōō kaw̄ kə najə̄ ní kə̄ kété. Nge koō ta aw̄ kə najə̄ ní kə̄ kété to̰ alé banī əda na: Mā m̄-ger̄ kadə̄ Nə́ɓā gḛy rāā kadə̄ óy kɔ̄ɔ́ tām̄ ḭ̄ ī-rāā yá̰á̰ ń noō ō, ōō najə̄ yāḿ aĺ ō.

2 YÁ̰A̰ GƏ̄ 24:24

Ngé rɔ̄ɔ̄ kə́ Aram gə̄ ń reēn̄ ní nin̄ i ngá̰ý aĺ ɓá ta banī Kɔ́ɔ̄ɓē əla ngé rɔ̄ɔ̄ kə́ ngá̰ý gə̄ ń i Juda gə̄ ní kem jīdə́ tə́, tām̄ kəya̰ ń əya̰nən̄ ni Nə́ɓā yā kaadə́ gə̄ kɔ̄ɔ́ ní tə́. Adə̄ gāngə̄n̄ sarya dɔ Joas tə́ i tītə̄ ń noō.

JOJUE 23:15

Tītə̄ ń Kɔ́ɔ̄ɓē Nə́ɓā yāsí rāā adə̄ najə̄ kə́ majə gə̄ ń ni ədasí ní rāān̄ yá̰á̰ ní, a rāā kadə̄ najə̄ kə́ majaĺ gə̄ malang ń ədasí ní rāān̄ yá̰a̰ ō. Njan a ra gōsí tə́ yā nujə sesí kɔ̄ɔ́ malang dɔ nang kə́ majə ń ni-adə̄sí tə́ ní.

NDŪ NAJƏ̄ 29:28

Yá̰a̰ gə̄ ń ton̄ loo mundə̄ tə́ ní, i Kɔ́ɔ̄ɓē Nə́ɓā yājí ngóy n i nge ger̄də́ ní. Banī yá̰a̰ gə̄ ń teēn̄ kumjí dɔ tə́ ní, i tām̄ yājí tə́ ō, ngáńjí gə̄ tə́ ō, ngán kaají gə̄ tə́ ō, ngándáńg. Yá̰a̰ gə̄ ní i yá̰á̰ kə́ yā rāā gə̄ ń ndū najə̄ yā Nə́ɓā əda kadə̄ jə-rāāī ní.

NDŪ NAJƏ̄ 28:63

Tītə̄ ń ka̰a̰ gōsí kadə̄ ī-ndiī majə ō, rāā kadə̄ kutəsí i ngá̰ý ō, i yá̰á̰ kə́ nel̄ Kɔ́ɔ̄ɓē ngá̰ý ní, yá̰á̰ ń a tél yā nelə̄n ní i kəndā kumən gōsí tə́ yā rāań kadə̄ sḭḭ̄ ī-gətóoī kɔ̄ɔ́ ō, yā nujəńsí kɔ̄ɔ́ malang ō. Ni a ngḭ̄sí yā kɔr̄sí kɔ̄ɔ́ dɔ nang ń ā āwī kə̄ tū tə́ yā taā ní.

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

TA KƏLA 50:20

Nin̄ na númə̄n̄ rāān yá̰á̰ kə́ majaĺ ɓá tā ba Nə́ɓā na tūr̄ gír̄ yá̰á̰ kə́ majaĺ ní adə̄ na téĺ yá̰á̰ kə́ majə, adə̄ ɓōólaā na ajə gír de kə́ ngá̰ý gə̄ tītə̄ ń nin̄ kɔ́ gə̄ na a̰a̰nə̄ń noō.

JEREMI 32:31

Əla gír ndɔ̄ ń əndān̄əń ɓē ń toō tə́ bátə́ ɓōólaā ní, ɓē toō rāā i kəla kadə̄m̄ wōn̄g, i wōn̄g kə́ ngá̰ý. Ní, m-ā m-á̰a̰n ta kumḿ tə́ to̰ alé,

JEREMI 52:28

Kutə de gə̄ ń Nabukodonosor əhɔdə́ aw̄ sedə́ kə ɓāl̄ kə́ nge ko̰ sīrí ní n toó: Juda gə̄ i deē 3 023.

EJEKIEL 24:6

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Ɓē ń mósə taā loo kə́ kemeé malang ní, yá̰á̰ kə́ to kum kaȳ aĺ i tām̄ yān tə́! Ni to i tītə̄ jóo ndīr̄ yá̰á̰ kə́ əhɔ kārā kə́ deē asə tə́go aĺ beé. Ī-kə̄tó kūrū dā̰ gə̄ malang, kógə̄ḿ kógə̄ḿ kə gō naá, kanjə̄ túgə̄ wə̄lā dɔ kūrū dā̰ gə̄ ní tə́.

2 MBAN̄G 17:18

Loo ń noō tə́ wōn̄g yā Kɔ́ɔ̄ɓē ḭḭ seneé kə Israel gēé, ni ɔydə́ aw̄ sedə́ sa̰y kɔ̄ɔ́ rɔ̄n tə́. I gír ɓē yā Juda ngóy n ndi gotoó ní.

2 MBAN̄G 17:20

I tām̄ najə̄ ń noō tə́ n Kɔ́ɔ̄ɓē mbātə́nń Israel gə̄ malang ní. Ni-əla rɔ̄sɔl̄ dɔdə́ tə́, əya̰də́ adə̄ ngé ɓogə gə̄ ɔyn̄ yá̰a̰ kənge yādə́ gə̄ ō, ta tɔ̄l̄ ta anī tə̄ɓādə́ əndādə́ sa̰y kɔ̄ɔ́ rɔ̄n tə́ ō.

2 MBAN̄G 17:23

Ta tɔ̄l̄ ta anī Kɔ́ɔ̄ɓē gḛy ka̰a̰də́ ta kumən tə́ to̰ alé. Ni ɔydə́ aw̄ sedə́ dɔ nang kə́ Asiri tə́, adə̄ ndin̄ noó bátə́ ɓōólaā gə̄gē. I beé n Kɔ́ɔ̄ɓē rāań adə̄ najə̄ ń ni-əda kété ní reē udəń gírí ní. Ni-əndā najə̄ ní i ta ngé kəla gə̄ ń i ngé koō ta yān gə̄ tə́ ní.

2 MBAN̄G 21:16

Mban̄g Manase tɔ̄l̄ de kə́ kanjə̄ najə̄ dɔdə́ tə́ gə̄ i ngá̰ý, adə̄ mósə taā loo kem ɓē kə́ Jerusalem tə́ malang. Majaĺ ń noō əsō dɔ majaĺ ń ni sə̄lā de kə́ Juda gə̄ adə̄ rāān̄ ní tə́. Ni sə̄lādə́ adə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́.

2 MBAN̄G 24:20

I wōn̄g n ndḛḛ̄ Kɔ́ɔ̄ɓē rāā kadə̄ yá̰á̰ kə́ majaĺ gə̄ ń noō reēn̄ dɔ ɓē kə́ Jerusalem tə́ ō, dɔ ɓē ko̰o̰ kə́ Juda tə́ ō ní. Ta tɔ̄l̄ ta anī ni-tə̄ɓādə́ əndādə́ sa̰y kɔ̄ɔ́ rɔ̄n tə́. Sedekias mbātə́ kəla dɔn gír tɔ́gə yā mban̄g kə́ Babilon tə́.

EJEKIEL 22:3

Ā ədan na: Najə̄ ń Kɔ́ɔ̄ɓē Nə́ɓā ɔr̄ ní n toó: Ḭ̄ ɓē kə́ Jerusalem, de kə́ ngé ndi kemií tə́ gə̄ tɔ̄lə̄n̄ de gə̄ kem ɓēé, ba i tītə̄ ń noō n nin̄ a əndānəń dɔ kum mbang kə́ yā nujəń seí kɔ̄ɔ́ sák sák naā tə́ ní. Nin̄ rāān̄ yá̰á̰ kə́ tɔ́sə̄ kum gotə nə́ɓā kə́ rɔ̄kum aĺ gə̄ tām̄ yādə́ tə́ yā rāań kadə̄ ī-tél ɓē kə́ yḛr.