2 MBAN̄G 24:2 - Bibəl ta Sar̄

² Loo ń noō tə́ Kɔ́ɔ̄ɓē əla ɓūtə̄ ngé ɓogə gə̄ kə́ dɔ nang kə́ Kalde tə́ ō, kə́ Aram tə́ ō, kə́ Moab gə̄ ō, kə́ Amon gə̄ gə̄ ō, dɔ Joakim tə́. Ni əladə́ kadə̄ nujə ɓē kə́ Juda sák sák tītə̄ ń Kɔ́ɔ̄ɓē əndāń ta ngé koō ta gə̄ kété adə̄ ədan̄ ní.

Bible sar

² Loo ń noō tə́ Kɔ́ɔ̄ɓē əla ɓūtə̄ ngé ɓogə gə̄ kə́ dɔ nang kə́ Kalde tə́ ō, kə́ Aram tə́ ō, kə́ Moab gə̄ ō, kə́ Amon gə̄ gə̄ ō, dɔ Joakim tə́. Ni əladə́ kadə̄ nujə ɓē kə́ *Juda sák sák tītə̄ ń Kɔ́ɔ̄ɓē əndāń ta *ngé koō ta gə̄ kété adə̄ ədan̄ ní.

2 MBAN̄G 24:2 Referans Kwoze

JEREMI 35:11

I dan ń Nabukodonosor, mban̄g kə́ Babilon taāń ɓē tə́ ní n j-əda naā na: I só tə́ kadə̄ j-a̰yī ɓūtə̄ ngé rɔ̄ɔ̄ yā Kalde gə̄ ō, Aram gə̄ ō, ba j-awī Jerusalem. Gír ndijí Jerusalem n noó.

2 MBAN̄G 23:27

Adə̄ Kɔ́ɔ̄ɓē əda na tītə̄ ń na n-gḛyń ka̰a̰ de kə́ kem ɓē ko̰o̰ kə́ Israel tə́ gə̄ ta kumən tə́ to̰ aĺ ní, na n-gḛy ka̰a̰ ngé kə́ Juda tə́ gə̄ ta kumən tá aĺ ō. Na n-mbātə́ ɓē kə́ Jerusalem ń na n-gə̄rā ní ō, kújə yān ń n-ənī ndūn yā kəndā rīn dɔ tə́ ní ō.

EJEKIEL 19:8

Anī nápar de gə̄ ḭḭn̄ kə̄ loo gə̄ tə́ reē əndān̄ rɔ̄də́ naā tə́ yā rɔ̄ɔ̄ seneé. Nin̄ əyān̄ gūmbə̄ non tə́, ba rāān̄ adə̄ ni-əsō kemeé.

JEREMI 32:28

Ɓá anī m-ā m-ə́la ɓē ń toō gír tɔ́gə yā Kalde gə̄ tə́ ō, gír tɔgə yā Nabukodonosor mban̄g kə́ Babilon tə́ ō. Ni a taā ɓē ní.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

2 MBAN̄G 20:17

Ndɔ̄ kógə̄ḿ tə́ anī a ɔyn̄ yá̰a̰ malang kə́ kem kújə yāí tə́ ō, yá̰a̰ gə̄ ń kaaí gə̄ kánə̄n̄ kə̄ dɔ naā tə́ kemeé ní ō, yā kaw̄ń Babilon. Yá̰á̰ kógə̄ḿ a na̰y alé, i Kɔ́ɔ̄ɓē n əda ní.

2 MBAN̄G 6:23

Mban̄g adə̄də́ yá̰á̰ ngá̰ý adə̄ əsan̄ ō, a̰ȳn̄ ō. Gō tə́ anī əya̰də́ adə̄ tél aw̄n̄ rɔ̄ kɔ́ɔ̄də́ tə́. Əla gír ndɔ̄ noō tə́ ní ɓūtə̄ Aram kə́ ngé ɓogə gə̄ əya̰n̄ kaw̄ nujə looó dɔ nang kə́ Israel tə́.

MISE 3:12

Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.

JEREMI 26:20

De kógə̄ḿ kə́ rang ɔr̄ najə̄ kə́ nge koō ta tə́ kə rī Kɔ́ɔ̄ɓēé. Deē ní rīn na i Uria, i ngōn̄ Semaya kə́ Kiryat Yearim. Ni-ɔr̄ najə̄ yá̰a̰ gə̄ ń a rāān̄ yā reē kə̄ dɔ ɓē kə́ Jerusalem tə́ ō, dɔ nang kə́ Juda tə́ ō ní. Najə̄ kɔrə̄n to tītə̄ yā Jeremi.

JEREMI 26:6

yá̰á̰ ń m̄-rāā kə Silo ní, m-ā m̄-rāā kə kújə́ ń toō. M-ā m̄-rāā ɓē ń toō kadə̄ a téĺ yá̰á̰ kə́ nápar de gə̄ malang kə́ dɔ nang tə́ a ndɔ̄lə́n̄ naā kə rīneé.

IJAI 13:5

Kɔ́ɔ̄ɓē ō, ngé gə̄ ń a bə̄gān̄ wōn̄g yān ō ní, ḭḭn̄ i sa̰y ngá̰ý n a reēn̄ ní, ḭḭn̄ i ta ngóy dɔ rā̰ kə́ dām̄ kə́rēý tə́. Nin̄ a nujən̄ ɓē malang kɔ̄ɔ́.

IJAI 7:17

Banī Kɔ́ɔ̄ɓē a əla kə ndɔ̄ kə́ majaĺ gə̄ yā kadī ō, yā kadə̄ gír deē yāí gə̄ ō, yā kadə̄ gír kojə yāí ō. Əla gír ndɔ̄ ń ɓē ko̰o̰ kə́ Israel tə́ ɔrə̄ń rɔ̄n kɔ̄ɔ́ rɔ̄ ɓē ko̰o̰ kə́ Juda tə́ ní, ndɔ̄ gə̄ kə́ ton̄ tītə̄ ndɔ̄ gə̄ ń noō gətóon̄ ɓáý. Yá̰á̰ ń noō a rāā yá̰a̰ i kə ta kūl̄ mban̄g kə́ Asiri.

Makətūbə̄ yā Job 1:17

Ni a ɔr̄ najə̄ kə̄ tan tə́ ɓáý anī, nge kə́ rang reē əda na: De kə́ Kalde tə́ gə̄ kə́ ɓūtə̄də́ gír i mətá reē əhɔn̄ jámbal gə̄ aw̄n̄neé ō, tɔ̄lə̄n̄ ngé kəla yāí gə̄ malang kɔ̄ɔ́ kə kaskaraá ō. I mā ngóy n m̄-teē á m̄-reē kadə̄ m-ə́daī ní.

2 YÁ̰A̰ GƏ̄ 33:11

Loo ń noō tə́ Kɔ́ɔ̄ɓē rāā adə̄ ngol gə̄ yā ngé rɔ̄ɔ̄ gə̄ yā mban̄g kə́ Asiri reē rɔ̄ɔ̄n̄də́. Nin̄ əhɔn̄ Manase kə kuyú, tṵ́ṵ̄nən̄ kə súĺ gində̄ nə̄ngá kasə kə́ kəga gidə naā tə́ jōó, ba aw̄n̄ seneé Babilon.

IJAI 28:19

Ni a mān̄ dəloí kə ndɔ̄ gə̄ malang, a mān̄ kadaá ō ndɔ̄ɔ́ ō. Kə dɔ mānən gə̄ malang ń noō ní, ni a ɔysí yā kaw̄ sesí. Dan ń de gə̄ a gerə̄n̄ kum najə̄ yān anī, ɓōĺ a tɔ̄l̄də́ kɔ̄ɔ́.

JEREMI 12:9

Yá̰a̰ kənge yāḿ ní i yel̄ kə́ tɔ́r̄ ɓál, kə́ yá̰a̰ gə̄ a teēn̄ kə̄ ta loo gə̄ tə́ a tə́sōn̄ dɔn tə́ yā nār̄ a? Āw̄ ɔ́siī dɔ dā̰ kə́ bembeé gə̄ naā tə́. Āwī sedə́ loo kəsa yá̰a̰ nāā kə́ bo tə́.

JEREMI 25:1

Najə̄ kə́ Kɔ́ɔ̄ɓē ɔr̄ kə Jeremi sɔɔ̄ dɔ gír de gə̄ malang kə́ Juda tə́, kem ɓāl̄ kə́ nge ko̰ sɔ́ ń Joakim, ngōn̄ Josias ndiń mban̄g kə́ Juda tə́ ní, adə̄ i kem ɓāl̄ kə́ ta kəga dɔ ń Nabukodonosor, ndiń mban̄g dɔ ɓē kə́ Babilon tə́ ní.

JEREMI 52:28

Kutə de gə̄ ń Nabukodonosor əhɔdə́ aw̄ sedə́ kə ɓāl̄ kə́ nge ko̰ sīrí ní n toó: Juda gə̄ i deē 3 023.

NŌŌ RƆ̄ 1:17

Siyo̰ ɔy jīn kə̄ dɔɔ́ rāań ɓɔ́, banī de kə́ sɔl̄ kemən gətóo. Kɔ́ɔ̄ɓē adə̄ ndūn ngé rɔ̄ɔ̄ Jakob gə̄ ń ndi gīrə̄n̄ gidən ní kadə̄ ənīnən̄ rɔ̄ɔ̄. Jerusalem tél yá̰á̰ kə́ yḛr dɔ dandə́ tə́.

EJEKIEL 23:23

M-ā m̄-reē kə Babilon gə̄ ō, Kalde gə̄ malang ō, de kə́ kem ɓē kə́ Pekod tə́ gə̄ ō, Sowa tə́ gə̄ ō, Kowa tə́ gə̄ ō, de kə́ Asiri gə̄ a reēn̄ sedə́ ō. M-ā m-ɔ́sə dɔ de kə́ dəngam gə̄ ń noō naā tə́. Nin̄ i de kə́ balsáa gə̄ ō, majən̄ deē ō, nin̄ i ngé ko̰o̰ ɓē gə̄ ō, ngé gān̄g sarya gə̄ ō, nin̄ i ngé rɔ̄ɔ̄ gə̄ ō, ngé kəla kə́ bo gə̄ ō, nin̄ malang ní gerə̄n̄ kal̄ sə́nda majə ō.

HABAKUK 1:6

Babilon gə̄ ń i gír de kə́ ngé rāā yá̰a̰ kə dɔ́nɔ́ gə̄ ō, kumdə́ o̰o̰də́ aĺ ō ní, m-ā m̄-reē sedə́. Nin̄-aw̄n̄ kə̄ loo gə̄ tə́ malang dɔ nang tə́ yā taā gō nang gə̄ ń i yādə́ aĺ ní.

2 MBAN̄G 22:16

M-ā m̄-reē kə yá̰á̰ kə́ to kum kaȳ aĺ dɔ ɓē kə́ Jerusalem tə́ ō, dɔ de kə́ kemeé gə̄ tə́ ō, tītə̄ ń ndangən̄neé kem makətūbə̄ ń mban̄g kə́ Juda tə́dá tə́ ní.