2 MBAN̄G 22:2 - Bibəl ta Sar̄

² Josias rāā yá̰á̰ kə́ gōtə́ ta kum Kɔ́ɔ̄ɓē tə́. Ni ndájə̄ kəla rāā kaan Dabid kanjə̄ tɔ̄ɔ̄ geleé aláa ko̰ó̰.

Bible sar

² Josias rāā yá̰á̰ kə́ gōtə́ ta kum Kɔ́ɔ̄ɓē tə́. Ni ndájə̄ kəla rāā kaan Dabid kanjə̄ tɔ̄ɔ̄ geleé aláa ko̰ó̰.

2 MBAN̄G 22:2 Referans Kwoze

JOJUE 1:7

Yá̰á̰ ń kadə̄ ī-rāā ní i kadə̄ ə́hɔ rɔ̄í tɔgə ō, ī-ra dəngam ō, ī-ngɔ̄m̄ ndū najə̄ malang ń nge kəla yāḿ Moijə adī ní ō ngóy. Ī-tɔ̄ɔ̄ geleé aĺ ō, ko̰ó̰ aĺ ō. I beé n yá̰a̰ malang ń ā ī-rāā ní a majəń ní.

NDŪ NAJƏ̄ 5:32

Yá̰á̰ ń Kɔ́ɔ̄ɓē Nə́ɓā yāsí ədasí ní, ə̄ndāī kumsí gírí ī-rāāī kə gōó kanjə̄ tɔ̄ɔ̄ geleé aláa ko̰ó̰.

2 MBAN̄G 18:3

Ejekias rāā yá̰á̰ kə́ gōtə́ ta kum Kɔ́ɔ̄ɓē tə́ tītə̄ yā kaan Dabid jéjé.

1 MBAN̄G GƏ̄ 3:6

anī Salomo̰ tél əda Kɔ́ɔ̄ɓē na: Kɔ́ɔ̄ɓē, ī-rāā kem ndaa ngá̰ý kə bɔbə́ḿ Dabid nge kəla yāí. Tɔdɔ̄ ni-ra dɔ ndūn tə́ ō, kə́ gōtə́ ō, kə́ súmūú ō seí. Kem ndaa yāí kə́ ngá̰ý ní to gotoó tām̄ yān tə́, adə̄ ɓōólaā ādə̄n ngōn̄ kógə̄ḿ adə̄ ndi dɔ kōr̄ kāgə̄ mbang yān tə́ gotən tə́.

Gōsə̄ najə̄ gə̄ 20:11

Rɔ̄kum, deē a ger̄ balsáa i kə ta kūl̄ yá̰a̰ rāān gə̄, loo ń kəla yān i kə́ unjə̄ njáý njáý ō, i kə́ gōtə́ ō ní.

Gōsə̄ najə̄ gə̄ 4:27

Ī-tɔ̄ɔ̄ ko̰ó̰ aĺ ō, geleé aĺ ō. Ɔ̄r̄ njaí kɔ̄ɔ́ kum majaĺ tə́.

2 YÁ̰A̰ GƏ̄ 29:2

Ejekias rāā yá̰á̰ kə́ súmūú ta kum Kɔ́ɔ̄ɓē tə́ tītə̄ yā kaan Dabid jéjé.

2 MBAN̄G 16:2

Dan ń Akaj əla gírndi mban̄g ní ɓālə̄n i kutə jōó. Ni o̰o̰ ɓē ɓāl̄ kutə gidə i mehḛ́ kem ɓē kə́ Jerusalem tə́. Ni rāā yá̰á̰ kə́ gōtə́ ta kum Kɔ́ɔ̄ɓē Nə́ɓā yān tə́ tītə̄ yā kaan Dabid alé,

1 MBAN̄G GƏ̄ 11:38

Ré na ōō yá̰a̰ malang ń n-ədaī ní ō, na ún gō róbə gə̄ ń n-ɔjiī ní ō, na ī-rāā yá̰á̰ kə́ gōtə́ ta kumən tə́ ō, na ī-rāā yá̰a̰ gə̄ kə gō ndū najə̄ gə̄ ń n-adī ní ō, na ī-rāā gō míndə gə̄ ń n-ədaī kadə̄ ī-rāā ní tītə̄ ń nge kəla yān Dabid rāań kété ní ō anī, ni na i naā tə́ seí ō, gír kojə yāí na a o̰o̰ ɓē ngándáńg tītə̄ gír kojə yā Dabid ō, na n-a n-adī Israel ō,

2 YÁ̰A̰ GƏ̄ 17:3

Kɔ́ɔ̄ɓē i naā tə́ kə Josapat, tɔdɔ̄ ni un hál kaan Dabid ta kəla gír ko̰o̰ ɓē yān tə́. Ni sāā nja ɓesə̄ Baal gə̄ alé.

1 MBAN̄G GƏ̄ 15:5

Tɔdɔ̄ Dabid rāā yá̰á̰ kə́ gōtə́ ta kum Kɔ́ɔ̄ɓē tə́ kə ndɔ̄ gə̄ malang ń ndiń kə kumneé tə́ ní ō, un rón kɔ̄ɔ́ dan yá̰á̰ kógə̄ḿ kə́ Kɔ́ɔ̄ɓē ədan tə́ aĺ ō. Ba yá̰á̰ kə́ majaĺ ń rāā ní i najə̄ yā Uri kə́ Het ní ngóy.

2 YÁ̰A̰ GƏ̄ 31:20

Ejekias rāā yá̰a̰ i tītə̄ ń noō dɔ nang kə́ Juda tə́ malang. Ni-rāā i yá̰á̰ kə́ majə ō, yá̰á̰ kə́ súmūú ō, ra dɔ ndūn tə́ ō, ta kum Kɔ́ɔ̄ɓē Nə́ɓā yān tə́.

2 YÁ̰A̰ GƏ̄ 34:1

Dan ń Josias ndi mban̄g ní ɓālə̄n i sɔ́sɔ́. Ni o̰o̰ ɓē Jerusalem ɓāl̄ kutə mətá gidə i kógə̄ḿ.

SOPONI 1:1

Dan ń Josias kə́ ngōn̄ Amon i mban̄g kə́ Juda ní, Kɔ́ɔ̄ɓē ɔr̄ najə̄ kə Soponi kə́ ngōn̄ Kusi. Kusi i ngōn̄ Gedalia kə́ ngōn̄ Amaria. Amaria i ngōn̄ Ejekias.

1 MBAN̄G GƏ̄ 15:11

Asa rāā yá̰á̰ kə́ gōtə́ ta kum Kɔ́ɔ̄ɓē tə́ tītə̄ yā kaan Dabid.

2 MBAN̄G 12:3

Joas rāā yá̰á̰ kə́ gōtə́ ta kum Kɔ́ɔ̄ɓē tə́ kə dɔ ndɔ̄ gə̄ malang ń ni ndiń kə kumneé ní, tɔdɔ̄ Yoyada nge tun̄ yá̰a̰ ndóōn yá̰a̰.

2 MBAN̄G 14:3

Amasia rāā yá̰á̰ kə́ gōtə́ ta kum Kɔ́ɔ̄ɓē tə́, banī i tītə̄ yā Dabid alé. Ni-rāā yá̰a̰ i tītə̄ yā bɔbə̄n Joas jéjé.