2 MBAN̄G 21:3 - Bibəl ta Sar̄

³ Ni-tél rāā loo ndɔ̄ȳ gə̄ ń bɔbə̄n Ejekias nujəń kɔ̄ɔ́ ní gogə́. Ni-rāā loo tun̄ yá̰a̰ gə̄ adə̄ ɓesə̄ Baal ō, udə kāgə̄ ɓesə̄ kə́ yā ɓōĺ gidə kógə̄ḿ tītə̄ ń Akab mban̄g kə́ Israel rāań ní ō. Ni-ɔsə non nang tə́ no tə́yō̰ gə̄ malang kə́ dɔ rā̰ tə́ ō, rāā kəla adə̄də́ ō.

Bible sar

³ Ni-tél rāā loo ndɔ̄ȳ gə̄ ń bɔbə̄n Ejekias nujəń kɔ̄ɔ́ ní gogə́. Ni-rāā *loo tun̄ yá̰a̰ gə̄ adə̄ ɓesə̄ *Baal ō, udə kāgə̄ ɓesə̄ kə́ yā ɓōĺ gidə kógə̄ḿ tītə̄ ń Akab mban̄g kə́ Israel rāań ní ō. Ni-ɔsə non nang tə́ no tə́yō̰ gə̄ malang kə́ dɔ rā̰ tə́ ō, rāā kəla adə̄də́ ō.

2 MBAN̄G 21:3 Referans Kwoze

2 MBAN̄G 18:4

Ni nujə loo ndɔ̄ȳ gə̄ ō, tɔ̄ɔ̄ mbal̄ kə́ kudə dɔɔ́ gə̄ ō, tə́gā kāgə̄ ɓesə̄ kə́ yā ɓōĺ gidə gə̄ kɔ̄ɔ́ ō. Ni jén̄g lī gində̄ nə̄ngá kasə ń Moijə rāā ní kɔ̄ɔ́ ō, tɔdɔ̄ bátə́ ugə̄ń dan ngeé ń noō tə́ ní ngán Israel gə̄ a róōn̄ ndujə̄ yá̰á̰ kə́ kotə majə gə̄ a adə̄n̄ lī gində̄ ní. Nin̄ əndān̄ rīn na i Nehustan.

2 MBAN̄G 17:16

Nin̄ mbātə̄ń rāā gō míndə gə̄ ń Kɔ́ɔ̄ɓē Nə́ɓā yādə́ əndā dɔdə́ tə́ kadə̄ rāān̄ ní malang, ba rāān̄ duĺ man̄g gə̄ jōó kə gində̄ kə́ nō horó tām̄ yādə́ tə́. Nin̄ udən̄ ɓesə̄ Asera ō, ɔsən̄ nodə́ nang tə́ no tə́yō̰ gə̄ malang kə́ dɔ rā̰ tə́ ō, rāān̄ kəla adə̄n̄ ɓesə̄ Baal ō.

NDŪ NAJƏ̄ 17:3

adə̄ rāā kəla adə̄ i ɓesə̄ gə̄ ō, ɔsə i non nang tə́ nodə́ tə́ ō, no mbang tə́ ō, no nāā tə́ ō, tə́yō̰ gə̄ malang kə́ dɔ rā̰ tə́ tə́ ō, ndɔ̄yńdə́, nge ń noō ń i yá̰á̰ kə́ m-ə́daī kadə̄ ī-rāā aĺ ní,

NDŪ NAJƏ̄ 4:19

Ī-lōōī kənī kumsí kə̄ dɔɔ́ ka̰a̰ń mbang ō, nāā ō, tə́yō̰ gə̄ ō, ɓūtə̄ yá̰a̰ gə̄ kə́ dɔ rā̰ tə́ malang ō, ba kəya̰ rɔ̄sí kadə̄ gólə̄n̄sí kadə̄ ɔ́siī nosí nang tə́ nodə́ tə́ ō, ī-rāāī kəla ādīdə́ ō. Tɔdɔ̄ háĺ yá̰a̰ rāā kə́ tītə̄ ń noō ní, Kɔ́ɔ̄ɓē Nə́ɓā yāsí adə̄ i gír de kə́ rang gə̄ malang ń ndin̄ dɔ nang tə́ ní.

MISE 6:16

Sḭḭ̄ ī-ndájī jī bēl̄ loo rāā yá̰a̰ gə̄ yā mban̄g Omri ō, yā ngōnə̄n Akab ō, yā kojə yān ō. Sḭḭ̄ ī-ndájī jī bēl̄ loo rāā yá̰a̰ yādə́. Adə̄ m-ā m̄-nujə ɓē bo yāsí kɔ̄ɔ́. I beé n de kə́ rang gə̄ a əgōn̄neésí sḭḭ̄ de gə̄ ń ī-ndiī kemeé ní. Rɔ̄sɔl̄ ń rāā gír deē yāḿ gə̄ ní, a rāāsí.

Makətūbə̄ yā Job 31:26

ré m-á̰a̰ loo kə́ unjə̄ kow kə́ ndə́lē ō, nāā kə́ ndaa ngóńg ngóńg loo njə̄rā tə́ ō,

2 YÁ̰A̰ GƏ̄ 34:3

Kem ɓāl̄ ko̰o̰ ɓē yān kə́ nge ko̰ sɔ́sɔ́ tə́, adə̄ dan ń ni i son̄g deē ɓáý ní, əla gír sāā Nə́ɓā yā kaan Dabid. Ba kem ɓāl̄ ko̰o̰ ɓē yān kə́ nge ko̰ kutə gidə i jōó tə́ anī, ni nujə loo ndɔ̄ȳ gə̄ ō, ró̰ȳ ɓesə̄ kāgə̄ kə́ túdə̄ gə̄ kɔ̄ɔ́ ō, ɓesə̄ kāgə̄ kə́ tɔ́sə̄ kə́ yā ɓōĺ gidə gə̄ ō, ɓesə̄ gində̄ kə́ nō horoó gə̄ ō ní ni nujəń kɔ̄ɔ́.

2 YÁ̰A̰ GƏ̄ 32:12

I Ejekias n nujə loo ndɔ̄ȳ gə̄ yā Kɔ́ɔ̄ɓē ō, loo tun̄ yá̰a̰ yān gə̄ ō, kɔ̄ɔ́ ba əda de kə́ Juda gə̄ ō, Jerusalem gə̄ ō, kadə̄ kə ɔsən̄ nodə́ nang tə́ na i ta loo tun̄ yá̰á̰ kə́ gíŕ kógə̄ḿ beē tə́ ngóy ō, kə róōn̄ kajaja na i loo nəkɔ́ ń noō tə́ ngóy ō ní aĺ a?

2 MBAN̄G 18:22

Ā ə́damī na ə̄ndāī kemsí na i dɔ Kɔ́ɔ̄ɓē Nə́ɓā yāsí tə́. Ba i Ejekias n nujə loo ndɔ̄ȳ gə̄ yā Kɔ́ɔ̄ɓē Nə́ɓā yāsí ō, loo tun̄ yá̰a̰ yān gə̄ ō, ba əda de kə́ Jerusalem gə̄ ō, de kə́ Juda gə̄ ō, na kə ndɔ̄ȳn̄ loo kə́ rang tə́ alé, ba na i ta loo tun̄ yá̰á̰ kə́ Jerusalem tə́ ngóý ní aĺ a?

2 MBAN̄G 8:27

Akajias ndájə̄ kəla rāā de kə́ gír kojə yā Akab tə́ gə̄ ō, rāā yá̰á̰ kə́ majaĺ ta kum Kɔ́ɔ̄ɓē tə́ tītə̄ ń de kə́ gír kojə yā Akab tə́ gə̄ rāān̄ ní ō, tɔdɔ̄ ni i nge de kə́ gír kojə yā Akab tə́ gə̄.

2 MBAN̄G 8:18

Ni ndájə̄ kəla rāā mban̄g kə́ Israel tə́ gə̄ tītə̄ yā de kə́ gír kojə yā Akab tə́ gə̄, tɔdɔ̄ ni-taā i ngōn̄ Akab. Ni rāā yá̰á̰ kə́ majaĺ ta kum Kɔ́ɔ̄ɓē tə́.

1 MBAN̄G GƏ̄ 18:26

Nin̄ taān̄ man̄g kə́ bəra ń adə̄n̄də́ ní tɔ̄lə̄n̄ ba góriyōn̄ dā̰n ɓōkə́n̄ dɔ kīr̄ tə́ yā tun̄, ba ɓārə́n̄ Baal. Əlan̄ gír ɓārə́n dəloí bátə́ mbang ugə̄ dan ɓēé. Nin̄-ɓāŕnən̄ ədan̄ na: Baal, ī-ndigəjí! Banī deē oō ndū deē aĺ ō, deē ndigə ɓār̄ ní aĺ ō. Nin̄ ndāmə̄n̄ gīrə̄n̄neé gidə loo tun̄ yá̰á̰ ń rāān̄ ní.

1 MBAN̄G GƏ̄ 18:21

Eli ndɔ́tə̄ kə̄ rɔ̄ de gə̄ tə́ malang ba ədadə́ na: I rə́ngáý tə́ ń a asəsí ndām̄ dɔ njasí kə́ kógə̄ḿ tə́ ō, tél ndām̄ dɔ njasí kə́ rang tə́ ō ní? Ré i Kɔ́ɔ̄ɓē n i Nə́ɓā anī úniī gōn ō, ré i Baal n i Nə́ɓā anī, uniī gōn ō! Banī deē kógə̄ḿ ədan najə̄ alé.

NDŪ NAJƏ̄ 16:21

Ā údə kāgə̄ kógə̄ḿ tām̄ yāí tə́ kadə loo tun̄ yá̰á̰ ń ā ī-rāā tām̄ yā Kɔ́ɔ̄ɓē Nə́ɓā yāí tə́ ní alé.

NDŪ NAJƏ̄ 17:2

Ɓē gə̄ ń Kɔ́ɔ̄ɓē Nə́ɓā yāí a adī kadə̄ ī-ndi kemeé ní, ré de kə́ dəngam, aláa kə́ dəyá̰ kə́ ndi kem nge kə́ kógə̄ḿ tə́ rāā yá̰á̰ kə́ majaĺ ta kum Kɔ́ɔ̄ɓē Nə́ɓā yāí tə́ mānəń dɔ ndū najə̄ kə́ dɔ madə̄ naā yā Kɔ́ɔ̄ɓē tə́,

NDŪ NAJƏ̄ 20:18

na sōgə́ ndóōn̄sí loo rāā yá̰á̰ kə́ to yḛr kum gə̄ ń rāān̄ kadə̄ nel̄ ɓesə̄ yādə́ gə̄ ní. Nge ń noō a rāā kadə̄ ī-rāāī yá̰á̰ kə́ majaĺ kə Kɔ́ɔ̄ɓē Nə́ɓā yāsí.

JEREMI 7:30

De kə́ Juda tə́ gə̄ rāān̄ yá̰á̰ kə́ majaĺ kə́ nelə̄m̄ aĺ ngá̰ý tə́ndān̄ yá̰á̰ kə́ yḛr yādə́ gə̄ kem kújə́ ń rīḿ ɓār̄ dɔ tə́ ní tə́, adə̄ téĺ yá̰á̰ kə́ yḛr. Najə̄ ń Kɔ́ɔ̄ɓē əda ní ń noó.

2 MBAN̄G 13:6

Ɓá tā ba nin̄ lōōn̄ gíŕ yá̰á̰ kə́ majaĺ gə̄ ń Jeroboam nin̄ kə de kə́ gír kojə yān tə́ gə̄ sə̄lān̄ Israel gə̄ adə̄ rāān̄ ní tə́ alé. Nin̄ ton̄ dan rāā adə̄ i tītə̄ ń toō n ɓesə̄ Asera gə̄gē a rań dɔɔ́ kem ɓē kə́ Samari tə́ ɓáý ní.

IJAI 65:11

Banī sḭḭ̄ gotə gə̄ ə́ya̰mī kɔ̄ɔ́, dɔsí ndígə̄nal mbal̄ bo yāḿ kə́ táĺ kɔ̄ɔ́. Sḭḭ̄ ī-ndējī Gad ń i nə́ɓā yā kaā majə ní yá̰a̰ kəsa, ī-ndējī Meni ń i nə́ɓā yā yá̰a̰ gə̄ ń a rāān̄ yá̰á̰ ní kasə kə́ guŕ naā tə́.