2 MBAN̄G 21:2 - Bibəl ta Sar̄

² Ni-rāā yá̰á̰ kə́ majaĺ ta kum Kɔ́ɔ̄ɓē tə́. Ndájə̄ yá̰á̰ kə́ majaĺ ngá̰ý gə̄ yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ no ngán Israel gə̄ tə́ ní.

Bible sar

² Ni-rāā yá̰á̰ kə́ majaĺ ta kum Kɔ́ɔ̄ɓē tə́. Ndájə̄ yá̰á̰ kə́ majaĺ ngá̰ý gə̄ yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ no ngán *Israel gə̄ tə́ ní.

2 MBAN̄G 21:2 Referans Kwoze

EJEKIEL 16:51

Yā Samari tā anī, majaĺ ń ḭ̄ ī-rāā ní, núsən gə̄gē ni-rāā alé. Ḭ̄ Jerusalem ī-rāā yá̰á̰ kə́ majaĺ ngá̰ý gə̄ tɔȳn. Sodom ō Samari ō ń nin̄ i ngákó̰ó̰í kə́ dəyá̰ gə̄ ní, ré deē əndādə́ kadií tə́ anī, ton̄ tītə̄ kə́ nin̄ rāān̄ yá̰á̰ kógə̄ḿ kə́ majaĺ aĺ beē.

JEREMI 15:4

M-ā m̄-rāā kadə̄ télən̄ yá̰á̰ kɔjə kə́ to ɓōĺ ngá̰ý ta kum ɓē ko̰o̰ gə̄ malang kə́ dɔ nang tə́. M-ā m̄-rāā tītə̄ ń noō i najə̄ yā Manase ngōn̄ Ejekias, mban̄g kə́ Juda tə́, tām̄ yā yá̰a̰ malang ń ni-rāā Jerusalem tə́ ní.

2 YÁ̰A̰ GƏ̄ 36:14

Tá ngār gə̄ yā ngé tun̄ yá̰a̰ gə̄ ō, yā de kə́ kem ɓē gə̄ ō, malang rāān̄ háĺ kə́ gōtə́ aĺ gə̄ i ngá̰ý. Nin̄ rāān̄ yá̰á̰ kə́ to yḛr kum gə̄ malang ń nápar de gə̄ rāān̄ ní ō, rāān̄ adə̄ kújə ń Kɔ́ɔ̄ɓē ɔr̄ kamə̄n tayā tām̄ yān tə́ Jerusalem ní tél kújə́ kə́ yḛr ō.

2 MBAN̄G 22:17

De kə́ Jerusalem gə̄ əya̰mə̄n̄ kɔ̄ɔ́, nin̄-tunə̄n̄ yá̰a̰ adə̄n̄ nə́ɓā gə̄ ń i ɓesə̄ gə̄ ní. Yá̰a̰ malang ń nin̄ rāān̄ ní adə̄m̄ wōn̄g. Ba wōn̄g ń rāām̄ kə ɓē ń toō ní i wōn̄g kə́ ngá̰ý adə̄ a dəba alé.

2 MBAN̄G 21:16

Mban̄g Manase tɔ̄l̄ de kə́ kanjə̄ najə̄ dɔdə́ tə́ gə̄ i ngá̰ý, adə̄ mósə taā loo kem ɓē kə́ Jerusalem tə́ malang. Majaĺ ń noō əsō dɔ majaĺ ń ni sə̄lā de kə́ Juda gə̄ adə̄ rāān̄ ní tə́. Ni sə̄lādə́ adə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́.

2 MBAN̄G 21:7

Rāā ɓesə̄ Asera aw̄ń əndā kem kújə́ ń Kɔ́ɔ̄ɓē əda Dabid ō, ngōnən Salomo̰ ō, najə̄n kété na n-a n-əndā rīn dɔ tə́ ō, dɔ ɓē kə́ Jerusalem ń n-gə̄rā dan gír ɓē gə̄ malang kə́ Israel tə́ ō, kadə̄ to ngándáńg ní.

NDŪ NAJƏ̄ 12:31

Ā ī-ndɔ̄yī Kɔ́ɔ̄ɓē Nə́ɓā yāsí tītə̄ ń nin̄ a ndɔ̄ȳn̄neé ɓesə̄ yādə́ gə̄ ní alé. Tɔdɔ̄ yá̰a̰ malang kə́ to yḛr ta kum Kɔ́ɔ̄ɓē tə́ ō, yá̰a̰ malang ń nelə̄n aĺ ō ní, nin̄ rāān̄ tām̄ yā ɓesə̄ yādə́ gə̄ tə́. Nin̄ aw̄n̄ bátə́ tɔ̄lə̄n̄ ngán kemdə́ kə́ dəngam gə̄ ō, kə́ dəyá̰ gə̄ ō, ba róōn̄də́ horoó adə̄n̄ ɓesə̄ yādə́ gə̄.

2 MBAN̄G 21:11

Manase, mban̄g kə́ Juda rāā yá̰á̰ kə́ majaĺ ngá̰ý gə̄ ń noō malang. Ni-rāā yá̰á̰ kə́ majaĺ tɔȳ yā Amor gə̄ ń rāān̄ kété non tə́ malang ní ō, sə̄lā de kə́ Juda gə̄ adə̄ rāān̄ majaĺ kə ta kūl̄ ɓesə̄ yān gə̄ ō.

2 MBAN̄G 21:20

Ni-rāā yá̰á̰ kə́ majaĺ ta kum Kɔ́ɔ̄ɓē tə́ tītə̄ yā bɔbə̄n Manase.

2 MBAN̄G 23:32

Joakajə rāā yá̰á̰ kə́ majaĺ ta kum Kɔ́ɔ̄ɓē tītə̄ yā kaan gə̄.

2 MBAN̄G 24:9

Ni-rāā yá̰á̰ kə́ majaĺ ta kum Kɔ́ɔ̄ɓē tə́ tītə̄ yā bɔbə̄n.

KOHELET 9:18

Kum kedə̄ i só tə́ tɔȳ yá̰a̰ rɔ̄ɔ̄ gə̄, banī nge rāā majaĺ kə́ kógə̄ḿ beē nujə yá̰á̰ kə́ majə gə̄ ngá̰ý.

IJAI 66:4

I beé ní, mā m̄-gə̄rā i kəya̰də́ kem jī yá̰a̰ gə̄ ń yə̄ngā yādə́ gə̄ a reēnəń dɔdə́ tə́ ní ō. M-ā m̄-rāā kadə̄ yá̰á̰ ń a adə̄də́ ɓōĺ ní reē dɔdə́ tə́. Tām̄ mā m̄-ɓāŕ yá̰a̰ banī deē ndigəm̄ alé, m-ɔ̄r̄ najə̄, banī deē oō alé. Nin̄ rāān̄ yá̰á̰ kə́ majaĺ ta kumḿ tə́, gə̄rān̄ yá̰á̰ kə́ nelə̄m̄ alé.

2 MBAN̄G 17:2

Ni-rāā yá̰á̰ kə́ majaĺ ta kum Kɔ́ɔ̄ɓē tə́, ɓá tā ba i tītə̄ yā mban̄g kə́ Israel tə́ kə́ kété non tə́ gə̄ alé.

2 MBAN̄G 21:21

Ndájə̄ kəla rāā bɔbə̄n. Rāā kəla adə̄ ɓesə̄ gə̄ ń bɔbə̄n rāā kəla adə̄də́ ní ō, ɔsə non nang tə́ nodə́ tə́ ō.

EJEKIEL 11:12

Loo ń noō tə́ ā ī-gerī kadə̄ Kɔ́ɔ̄ɓē i mā. Sḭḭ̄ úniī gō ndū najə̄ yāḿ gə̄ aĺ ō, úniī jī bēl̄ loo rāā yá̰a̰ yāḿ gə̄ ī-rāāiń yá̰a̰ aĺ ō. Banī sḭḭ̄ úniī gō yá̰a̰ kāgə̄ ɓē gə̄ nápar de gə̄ ń ndin̄ gīrə̄n̄ gidəsí ní.

EJEKIEL 22:3

Ā ədan na: Najə̄ ń Kɔ́ɔ̄ɓē Nə́ɓā ɔr̄ ní n toó: Ḭ̄ ɓē kə́ Jerusalem, de kə́ ngé ndi kemií tə́ gə̄ tɔ̄lə̄n̄ de gə̄ kem ɓēé, ba i tītə̄ ń noō n nin̄ a əndānəń dɔ kum mbang kə́ yā nujəń seí kɔ̄ɔ́ sák sák naā tə́ ní. Nin̄ rāān̄ yá̰á̰ kə́ tɔ́sə̄ kum gotə nə́ɓā kə́ rɔ̄kum aĺ gə̄ tām̄ yādə́ tə́ yā rāań kadə̄ ī-tél ɓē kə́ yḛr.