2 MBAN̄G 20:3 - Bibəl ta Sar̄

³ Kɔ́ɔ̄ɓē ādə̄ əga kemií na m̄-njə̄rā kə̄ ta kumií tə́ i kə háĺ kə́ gōtə́ ō, kə kem kə́ súmūú ō, m̄-rāā yá̰á̰ kə́ nelī ō. Gō tə́ anī Ejekias nōō ngá̰ý kə man̄ kumneé.

Bible sar

³ Kɔ́ɔ̄ɓē ādə̄ əga kemií na m̄-njə̄rā kə̄ ta kumií tə́ i kə háĺ kə́ gōtə́ ō, kə kem kə́ súmūú ō, m̄-rāā yá̰á̰ kə́ nelī ō. Gō tə́ anī Ejekias nōō ngá̰ý kə man̄ kumneé.

2 MBAN̄G 20:3 Referans Kwoze

NEHEMI 13:22

Gō tə́ anī m-ə́dá ngán Lebi gə̄ kadə̄ tə́gon̄ majaĺ kə́ rɔ̄də́ tə́ kɔ̄ɔ́ kadə̄ unjə̄n̄ njáý njáý, ba kə aw̄ kə n gɔ̄mə̄n̄ ta róbə gə̄ kə́ yā kudəń kə̄ kem ɓēé, yā kadə̄ de gə̄ ɓōlə́n̄neé ndɔ̄ sabat ba rāān̄neé ndɔ̄ ní i ndɔ̄ kə́ kɔr̄ kam̄ tām̄ yā Nə́ɓā tə́. Nə́ɓā yāḿ, ādə̄ əga kemií dɔḿ tə́ tām̄ yā nge ń noō tə́ ō, á̰a̰ kum tō ndoō yāḿ tām̄ kem majə yāí kə́ ngá̰ý tə́ ō.

NEHEMI 13:14

Nə́ɓā yāḿ, ādə̄ əga kemií dɔḿ tə́ najə̄ yá̰á̰ ń noō tə́. Ī-lōō kadə̄ dɔí ndígə̄nal háĺ kə́ súmūú ń m̄-rāań kəla tām̄ yā kújə yā Nə́ɓā yāḿ tə́ ō, kəla yān tə́ ō ní.

NEHEMI 5:19

Nə́ɓā yāḿ, ādə̄ əga kemií dɔ yá̰a̰ malang ń m̄-rāā tām̄ yā gír de gə̄ ń toō tə́ ní ba ī-rāā kem majə seḿ.

NEHEMI 13:31

M-ādə̄ de gə̄ tél ndējə̄n̄ kīr̄ gogə́ kə ndɔ̄n gēé ō, ndējə̄n̄ kan̄ yá̰á̰ kə́ teē ta kəga dɔ gə̄ ō. Nə́ɓā yāḿ, ādə̄ əga kemií dɔḿ tə́ tām̄ yā yá̰á̰ kə́ majə tə́!

Najə̄ kə́ Majə yā Jeju ń Luk ndang ní 1:6

Nin̄ jōó mbak i de kə́ súmūú gə̄ ta kum Nə́ɓā tə́. Gō míndə gə̄ malang yā Kɔ́ɔ̄ɓē ō, yá̰a̰ malang ń Kɔ́ɔ̄ɓē əda kadə̄ yā rāā ō ní, nin̄-tetən̄ rɔ̄də́ gō tə́ rāān̄ kə gōó majə, adə̄ najə̄ gətóo dɔdə́ tə́.

1 MBAN̄G GƏ̄ 8:61

Loo ń noō tə́ ā ādī Kɔ́ɔ̄ɓē Nə́ɓā yājí kemsí mámák yā rāań yá̰a̰ gə̄ ń ndū najə̄ yān əda ní ō, gō míndə gə̄ ń ni-əndā dɔsí tə́ kadə̄ ī-rāāī ní ō, tītə̄ ń ā ī-rāāin̄neé ɓōólaā toó.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

JA̰A̰ 1:47

Jeju a̰a̰ Natanayel a reē kə̄ rɔ̄n tə́ anī, ɔr̄ najə̄ yān əda na: Ngōn̄ Israel kə́ rɔ̄kum n toó, i de kə́ gól̄ loo gətóo kemən tə́ bátə́.

JEREMI 4:2

Ré ī-túbə̄ ə́da na: Tītə̄ ń Kɔ́ɔ̄ɓē ndiń kə kumneé noō, ba ī-túbə̄ i dɔ najə̄ kə́ rɔ̄kum tə́ ō, i kem háĺ kə́ súmūú tə́ ō, kem yá̰a̰ rāā kə́ gōtə́ tə́ ō anī, nápar de gə̄ a tɔ́rə̄n̄ tadə́ dɔ naā tə́ ō, a rɔyn̄ naā ō, kə kūl̄neé.

IJAI 63:11

Loo ń noō tə́ əga kem gír deē yān gə̄ dɔ yá̰á̰ kə́ mān̄ kɔ̄ɔ́ tə́, dɔ ɓāl̄ gə̄ ń Moijə i sedə́ tə́ ní: Nge ń teē kə gír deē yān gēé kum bā bo tə́ ní, kə ɓūtə̄ yá̰a̰ kul̄ yān gēé naā tə́ kə ngé ngɔ̄m̄ yá̰á̰ kul̄ yān gēé ní, ni i rá? Nge ń əndā ndílən dɔ dáńdə́ tə́ ní ni i rá?

IJAI 38:14

m̄-nōō tītə̄ yel̄ gabə kɔsə beé, nōō yāḿ to tītə̄ nōō dér gutə beé. Kɔr asə kumḿ nák loo ka̰a̰ loo tə́ kum kə̄ dɔ rā̰ tə́. Kɔ́ɔ̄ɓē, tɔ́gə́ḿ ur̄ wak kɔ̄ɔ́, ī-rāā yá̰á̰ kógə̄ḿ tām̄ yāḿ tə́!

PĀ GƏ̄ 145:18

Kɔ́ɔ̄ɓē i ngɔr rɔ̄ de gə̄ malang ń a ɓāŕnən̄ tə́ ní, rɔ̄ de gə̄ malang ń a ɓāŕnən̄ kə́ rɔ̄kum tə́ ní.

PĀ GƏ̄ 119:49

Ādə̄ əga kemií dɔ najə̄ ń ə́da nge kəla yāí ní tə́, najə̄ ń ī-rāā adə̄ m-ə̄ndā kemḿ dɔ tə́ ní.

PĀ GƏ̄ 102:9

Madə̄ ba̰ā̰ḿ gə̄ sāān̄ taḿ kə dɔ ndɔ̄ gə̄, wōn̄g rāādə́ ngá̰ý seḿ, nin̄ túbən̄ seḿ.

PĀ GƏ̄ 89:50

Kɔ́ɔ̄ɓē, kem majə yāí kə́ jóó ní aw̄ i rá? Kété ní ī-túbə ādə̄ Dabid kadə̄ ā ī-ra dɔ ndūí tə́ seneé aĺ a?

PĀ GƏ̄ 89:47

Kɔ́ɔ̄ɓē, ā ī-ɓɔ̄ɔ̄ rɔ̄í i bátə́ ta kə́ rá? Wōn̄g yāí a o̰o̰ loo bir bir i bátə́ ta kə́ rá?

PĀ GƏ̄ 32:2

Rɔ̄nel̄ i kə deē ń Kɔ́ɔ̄ɓē əhɔ gír yá̰á̰ kə́ gōtə́ aĺ yān aĺ ō, deē ń gól̄ loo aĺ ō ní!

PĀ GƏ̄ 25:7

Yá̰á̰ kə́ majaĺ gə̄ ō, yá̰a̰ kə́ gōtə́ aĺ gə̄ ō ń m̄-rāā kə ngōn̄ dūúḿ ní, ī-lōō gír̄ dɔ tə́. Banī Kɔ́ɔ̄ɓē, ī-gír̄ dɔḿ tə́ tām̄ ḭ̄ i nge ra dɔ ndūí tə́, sɔɔ̄ń kem majə yāí.

PĀ GƏ̄ 6:6

Tɔdɔ̄ deē ń oy ní a əga kemən dɔí tə́ to̰ alé. De gə̄ ń oyn̄ ní asən̄ ɓōkíī tɔ̄ȳ to̰ alé.

Makətūbə̄ yā Job 1:8

Anī Kɔ́ɔ̄ɓē dəjən na: Á̰a̰ nge kəla yāḿ Job a? De kə́ tītə̄n gətóo dɔ nang tə́. Ni i de kə́ najə̄ gətóo dɔn tə́ ō, i de kə́ súmūú ō, i de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō.

Makətūbə̄ yā Job 1:1

Kété ní dəngam kógə̄ḿ ndi dɔ nang kə́ Us tə́, a ɓāŕnən̄ na i Job. Ni i de kə́ najə̄ gətóo dɔn tə́. I de kə́ súmūú ō, i de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō.

2 YÁ̰A̰ GƏ̄ 16:9

Tām̄ kum Kɔ́ɔ̄ɓē a̰a̰ loo dɔ nang tə́ malang i yā kɔsəń kíĺ ngé gə̄ ń kemdə́ i yān kə taá malang ní kə̄ dɔɔ́. I beé n a ī-rāā yá̰a̰ i tītə̄ de kə́ kur̄ dɔn gətóo ní. Adə̄ əla gír ɓōólaā bátə́ kə̄ no tə́ ní ā ī-ra i dan rɔ̄ɔ́.

1 MBAN̄G GƏ̄ 15:14

Ba de gə̄ əya̰n̄ loo ndɔ̄ȳ gə̄ kɔ̄ɔ́ alé. Ɓá tā ba Asa əndā kemən dɔ Kɔ́ɔ̄ɓē tə́ mámák kə dɔ ndɔ̄ gə̄ malang ń ni ndiń kə kumneé tə́ ní.

1 MBAN̄G GƏ̄ 11:4

Dan ń Salomo̰ tɔgə ɓə́gá ní, nə̄yá̰n gə̄ ní rāānən̄ adə̄ ndɔ̄ȳ nə́ɓā kə́ rang gə̄, ba lōō gíŕ táŕ Kɔ́ɔ̄ɓē Nə́ɓā yān tə́ kə ngarā̰ kemən gēé mámák tītə̄ yā bɔbə̄n Dabid.

1 MBAN̄G GƏ̄ 3:6

anī Salomo̰ tél əda Kɔ́ɔ̄ɓē na: Kɔ́ɔ̄ɓē, ī-rāā kem ndaa ngá̰ý kə bɔbə́ḿ Dabid nge kəla yāí. Tɔdɔ̄ ni-ra dɔ ndūn tə́ ō, kə́ gōtə́ ō, kə́ súmūú ō seí. Kem ndaa yāí kə́ ngá̰ý ní to gotoó tām̄ yān tə́, adə̄ ɓōólaā ādə̄n ngōn̄ kógə̄ḿ adə̄ ndi dɔ kōr̄ kāgə̄ mbang yān tə́ gotən tə́.

1 MBAN̄G GƏ̄ 2:4

Loo ń noō tə́ Kɔ́ɔ̄ɓē a rāā yá̰á̰ ń ni-ənī míndən yā rāā kadə̄m̄ ní. Ni ədam̄ na ré ngánə́ḿ gə̄ ngɔ̄mə̄n̄ háĺdə́ majə ba njə̄rān̄ kə́ de kə́ sew gə̄ tə́ kə̄ non tə́ kə ngarā̰ kemdə́ mámák ō, kə dā̰ rɔ̄də́ malang ō anī, na m-ā m̄-nal deē kógə̄ḿ kə́ gír yāḿ tə́ dɔ kōr̄ kāgə̄ mbang kə́ Israel tə́ alé.

TA KƏLA 17:1

Abəram rāā ɓāl̄ kutə ndōhó gidə i ndōhó anī, Kɔ́ɔ̄ɓē ndɔ̄bə̄n ədan na: Mā i Nə́ɓā kə́ bo kə́ tɔ́gə́ḿ i ngá̰ý. Ī-njə̄rā ta kumḿ tə́ ō, ādə̄ najə̄ gətóo dɔí tə́ ō.

TA KƏLA 8:1

Anī əga kem Nə́ɓā dɔ Noe tə́ ō, dɔ dā̰ kə́ bembeé gə̄ tə́ ō, kə́ ɓēé gə̄ tə́ ō ń nin̄ i seneé kem toó ní. Adə̄ ni-rāā adə̄ nél əla dɔ nang tə́ adə̄ man̄ iī.

TA KƏLA 5:24

Henok njə̄rā kə Nə́ɓāá ba ta tɔ̄l̄ ta anī ni gətóo, tɔdɔ̄ Nə́ɓā unən kɔ̄ɔ́.

TA KƏLA 5:22

Gō kojə Metusela tə́ anī Henok njə̄rā kə Nə́ɓāá ɓāl̄ ɓú mətá. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō.

HEBƏRO 5:7

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.

1 MBAN̄G GƏ̄ 9:4

Ré Salomo̰ na njə̄rā kə̄ non tə́ tītə̄ ń bɔbə̄n Dabid na njə̄rań kété ní kə kem kə́ rɔ̄kum ō, kə háĺ kə́ súmūú ō, ré na rāā yá̰a̰ malang ń n-ədan kadə̄ rāā ní ō, rāā yá̰á̰ ń ndū najə̄ yān əda ní ō, rāā yá̰a̰ kə gō jī loo rāā yá̰á̰ ń ni n-ɔjə ní ō anī,

2 MBAN̄G 20:2

Anī Ejekias tūr̄ kumən kə̄ kadə bɔr tə́ ba ndɔ̄ȳ Kɔ́ɔ̄ɓē, əda na:

2 MBAN̄G 20:4

Ijai ugə̄ kem ndogə̄ kə́ danaá tə́ aĺ ɓáý anī, Kɔ́ɔ̄ɓē ədan na

PĀ GƏ̄ 26:1

Pā yā Dabid. Kɔ́ɔ̄ɓē, ī-gān̄g sarya yāḿ, tɔdɔ̄ m̄-rāā yá̰a̰ i kə́ gōó ō, m-ə̄ndā kemḿ dɔí tə́ kanjə̄ kadə̄ kemḿ tɔ́sə̄m̄ ō.

PĀ GƏ̄ 26:3

Kem majə yāí to i kə̄ ndágá ta kumḿ tə́ ō, m̄-rāā yá̰á̰ kə́ rɔ̄kum yāí gə̄ ō.

1 MBAN̄G GƏ̄ 8:23

ba əda na: Kɔ́ɔ̄ɓē Nə́ɓā yā Israel, Nə́ɓā kə́ tītīí gətóo dɔ rā̰ tə́ dɔɔ́ ō, dɔ nang tə́ laā ō. Ngé kəla yāí gə̄ ń njə̄rān̄ kə̄ noí tə́ kə kemdə́ mámák ní madə̄ naā yāí to gotoó sedə́ ō, kem ndaa yāí to gotoó tām̄ yādə́ tə́ ō.

Makətūbə̄ yā Job 4:6

I dan ń ī-ndi majə ní ngóy n ā ī-ɓōĺ Nə́ɓā ní a? I yá̰a̰ gə̄ ń ə̄ndā kemií dɔdə́ tə́ ní ngóy n əndān̄ ngəra hálí kə́ majə ní a?

Makətūbə̄ yā Job 16:20

Madə̄ taḿ gə̄ mbóon̄ seḿ, banī m-á̰a̰ loo kə̄ rɔ̄ Nə́ɓā tə́ i kə man̄ nōó kumḿ tə́.

PĀ GƏ̄ 6:7

m̄-to̰ō̰ bátə́ adə̄ kɔr to̰ō̰ taā tɔ́gə́ḿ kɔ̄ɔ́. Man̄ kumḿ nɔ̄l̄ tə̄rá yāḿ ndɔ̄ɔ́ kə dɔ ndɔ̄ gə̄. Man̄ nōō kə́ kumḿ tə́ nɔ̄l̄ yá̰a̰ toḿ.

PĀ GƏ̄ 39:13

Kɔ́ɔ̄ɓē, ōō ndɔ̄ȳ yāḿ ō nōō yāḿ ō. Ī-nēl̄ mbīí ōoń nōō yāḿ. Tɔdɔ̄ mā i de kə́ nge nam̄ ɓēé looí, mā i mbā tītə̄ yā kaaḿ gə̄ malang.

PĀ GƏ̄ 119:26

M-ɔ́jiī yá̰a̰ gə̄ ń m̄-rāā ní anī ḭ̄ ī-tūrə̄m̄ najə̄ tə́. Ī-ndóōm̄ yá̰a̰ gə̄ ń ī-ndang kadə̄ yā rāā ní.

AMOS 5:4

Najə̄ ń Kɔ́ɔ̄ɓē əda ngán Israel gə̄ ní n toó: Ré ī-gḛyiī ndi kə kumsí anī, i mā n majə kadə̄ ī-sāāmī ní.