2 MBAN̄G 2:8 - Bibəl ta Sar̄

⁸ Eli ɔr̄ kūbə̄ kə́ rɔ̄n tə́ kə́ dɔ madə̄ tə́ ɓir̄ ba əndań man̄ bā adə̄ kēgə̄ naā tə́ jōó. Nin̄ mānə̄n̄ jōó mbak kanjə̄ kadə̄ man̄ ɔdə njadə́.

Bible sar

⁸ *Eli ɔr̄ kūbə̄ kə́ rɔ̄n tə́ kə́ dɔ madə̄ tə́ ɓir̄ ba əndań man̄ bā adə̄ kēgə̄ naā tə́ jōó. Nin̄ mānə̄n̄ jōó mbak kanjə̄ kadə̄ man̄ ɔdə njadə́.

2 MBAN̄G 2:8 Referans Kwoze

1 MBAN̄G GƏ̄ 19:19

Eli ḭḭ loo ń noō tə́ aw̄. Ni-ənge Elije ngōn̄ Sapat. Ndɔr̄ yān i kəla kutə gidə i jōó, ba ni a ndɔr̄ i kə man̄g gēé kem kəlān kə́ nge ko̰ kutə gidə i jōó tə́. Eli mān̄ kadən tə́ ba ənī kūbə̄ yān dɔn tə́.

2 MBAN̄G 2:14

Ni-un kūbə̄ ní əndań man̄ bā ba əda na: Kɔ́ɔ̄ɓē Nə́ɓā yā Eli i rá? Adə̄ ni-ənda man̄ bā tītə̄ yā Eli ō. Man̄ kēgə̄ naā tə́ jōó anī ni mān̄ danaá.

HEBƏRO 11:29

I kə ta kūl̄ taā kem n ngán Israel gə̄ gāngə̄n̄ bā ń a ɓār̄nən̄ kə́ kərē tītə̄ dɔ nang kə́ man̄ gətóo tū tə́ ní. Ba dan ń de kə́ Ejiptə gə̄ nāān̄ rāā tītə̄ yādə́ anī man̄ ɔr tan dɔdə́ tə́.

IJAI 11:15

Bā bo kə́ Ejiptə ní, Kɔ́ɔ̄ɓē a rāā kadə̄ man̄ kə́ tū tə́ gətóo kɔ̄ɔ́. Ni a wél̄ jīn yā kəlań ɓōĺ kem bā Opəratə tə́. Ni a gān̄g bā ngeé ń toō kə koō kə́ tan tə́ kə́ tɔ́gən i ngá̰ý kadə̄ a téĺ ngán man̄ gə̄ gír loo sīrí. Deē a asə teē man̄ gə̄ ní kə sākə̄rāá njan tə́.

1 MBAN̄G GƏ̄ 19:13

Dan ń Eli oō kōō néĺ ní anī, utə̄ ta kumən kɔ̄ɔ́ kə kūbə̄ yānneé. Ni teē aw̄ ra ndágá ta bəlo mbal̄ tə́, anī ndū deē ń ɔr̄ najə̄ seneé kété ní tél ɔr̄ najə̄ seneé ɓáý to̰ əda na: Eli, ā ī-rāā i rí laā?

JEJU TEĒ KUM JA̰A̰ 16:12

Kə́ nge ko̰ mehḛ́ ɓōkə́ wōn̄g kə́ kem kópə yān tə́ kum bā kə́ bo ń i bā Opəratə ní tə́, anī man̄ kə́ tū tə́ iī kɔ̄ɔ́ kadə̄ róbə toń tām̄ yā mban̄g gə̄ ń a ḭḭn̄ gír ɓē tə́ yā reē ní tə́.

HEBƏRO 11:37

Tə́nīn̄də́ kə mbalá tənī tɔ̄lə̄n̄də́ ō, tə́jān̄də́ gángə̄n̄də́ naā tə́ kə gində̄ kəja yá̰a̰ ō, tɔ̄lə̄n̄də́ kə kaskaraá ō. A dáȳn̄ kə̄ yóō kə̄ laā ō, o̰ō̰n̄ i ngə̄rā batə̄ gə̄ ō, ngə̄rā bə̄yā̰ gə̄ ō rɔ̄də́ tə́. Ndoō rāādə́ ō, wur kɔl əngedə́ ō, de gə̄ rāān̄də́ yá̰á̰ kə́ tōr̄ gə̄ ō.

Teē Ngán Israel gə̄ 14:29

Banī ngán Israel gə̄ teēn̄ bā bo kə̄ gidə kə́rēý tə́ kanjə̄ kadə̄ man̄ ɔdə njadə́. Tɔdɔ̄ man̄ ḭḭ ra tītə̄ ndogə̄ mbal̄ beé dɔ jīdə́ kə́ ko̰ó̰ tə́ ō, kə́ geleé tə́ ō.

1 SAMUEL 28:14

Saul dəje dəyá̰ ní na ké deē ní ké to i ba̰ý wa. Anī dəyá̰ ní tél ədan na i de kə́ tɔgə ɓə́ga n teē gíŕ nángāá a reē ní. Ba rɔ̄n i kə́ ɓír̄ kə kūbūú. Loo ń noō tə́ Saul ger̄ kadə̄ i Samuel. Adə̄ ni-ɔsə non nang tə́ non tə́ rɔȳnneé.