2 MBAN̄G 2:3 - Bibəl ta Sar̄

³ Ɓūtə̄ ngé koō ta gə̄ ń ndin̄ Betel ní teē reēn̄ rɔ̄ Elije tə́ ba dəjenən̄ na Kɔ́ɔ̄ɓē na a un kɔ́ɔ̄n ɓōólaā yā kaw̄ seneé dɔ rā̰ tə́ ní ké ger̄ wa. Anī Elije tél ədadə́ na nəkɔ́ na n-ger̄ ō, ba kə utə̄n̄ tadə́.

Bible sar

³ Ɓūtə̄ *ngé koō ta gə̄ ń ndin̄ Betel ní teē reēn̄ rɔ̄ Elije tə́ ba dəjenən̄ na Kɔ́ɔ̄ɓē na a un kɔ́ɔ̄n ɓōólaā yā kaw̄ seneé dɔ rā̰ tə́ ní ké ger̄ wa. Anī Elije tél ədadə́ na nəkɔ́ na n-ger̄ ō, ba kə utə̄n̄ tadə́.

2 MBAN̄G 2:3 Referans Kwoze

2 MBAN̄G 4:38

Elije tél aw̄ Gilgal. Dan ń noō tə́ ní ɓō əsō gō nang ngeé ń noō tə́. Ɓūtə̄ ngé koō ta gə̄ ndin̄ rɔ̄ Elije tə́, anī ni-əda nge kəla yān na: Ə̄ndā jóó kə́ bo horoó ī-nēgə́nń tá̰a̰ ādə̄ ngé koō ta gə̄.

2 MBAN̄G 4:1

Nə̄yá̰ deē kógə̄ḿ kə́ dan ɓūtə̄ yā ngé koō ta gə̄ tə́ rāā Elije ɓɔ́ kadə̄ kə rāā seneé. Ni-əda Elije na: Ngaaḿ ń i nge kəla yāí ní oy kɔ̄ɔ́ ō, ī-ger̄ majə kadə̄ ni i de kə́ nge ɓōĺ ndíĺ Kɔ́ɔ̄ɓē ō. Ba dəngam ń kə̄rā yān i dɔjí tə́ ní reē kəhɔ ngánə́ḿ kə́ dəngam kə́ jōó gə̄ tə́ yā kaw̄ rāādə́ ɓəlo tə́ kum kə̄rā ní.

2 MBAN̄G 9:1

Elije nge koō ta ɓāŕ deē kógə̄ḿ kə́ dan ɓūtə̄ ngé koō ta gə̄ tə́ ədan na: Ī-do̰ō̰ ɓōdīí ō, ún kū yibə̄ ń toō jīí tə́ ō, ba āw̄ Ramot kə́ Galaad.

1 MBAN̄G GƏ̄ 20:35

Kum mbang ngeé ń noō tə́ ní, deē kógə̄ḿ kə́ dan ɓūtə̄ yā ngé koō ta gə̄ tə́ əda madə̄n kə gō ndū Kɔ́ɔ̄ɓēé na: m̄-rāāī ɓɔ́, ādə̄m̄ do! Banī madə̄n mbātə́ kadə̄n do.

KƏLA RĀĀ 22:3

Mā i Jipə, ojəmə̄n̄ i Tarsə, dɔ nang kə́ Silisi tə́. Ba ətōmə̄n̄ i kem ɓē ń toō tə́ ō, i Gamaliyel n i nge ndóōm̄ yá̰a̰ ō ní. Ni ɔjəm̄ ndū najə̄ yā kaají gə̄ kə ta njaá ndetə ndetə, adə̄ m̄-ger̄ kə gōó majə. Tá kété ní o̰o̰m̄ tɔdɔ̄ Nə́ɓā ngá̰ý tītə̄ ń sḭḭ̄ malang ī-ra ā ī-rāāīneé ɓōólaā toó ō.

IJAI 8:18

Mə̄kɔ́ ō, ngán gə̄ ń Kɔ́ɔ̄ɓē adə̄m̄ sedə́ ō ní, jə-rāā rɔ̄jí i yá̰á̰ kə́ yā kɔjəń yá̰á̰ tə́ dɔ nang kə́ Israel tə́. Kɔ́ɔ̄ɓē kə́ bo kə́ tɔ́gən i ngá̰ý ń ndi dɔ mbal̄ Siyo̰ tə́ ní, taā de gə̄ i kə ta kūl̄jí.

2 MBAN̄G 5:22

Anī Geaji tél ədan na: A̰á̰ā̰ m̄-to karī, ba i kɔ́ɔ̄ḿ n əlam̄ ní, na kə m̄-reē kə m-ə́daī na balsáa gə̄ jōó kə́ dan ɓūtə̄ ngé koō ta gə̄ tə́ na ḭḭn̄ gō nang kə́ mbalá yā Epəraim tə́ reē ugən̄ rɔ̄n tə́ na i ngɔr ɓáý. Ní na n-rāāī ɓɔ́ ba kə ādə̄n gində̄ arjā̰a̰ kə́ kɔȳn i kəlōo kutə mətá o, kūbə̄ kə́ yā mbéləń gír madə̄ gə̄ jōó ō, kadə̄ n-adədə́.

2 MBAN̄G 2:15

Ɓūtə̄ ngé koō ta gə̄ kə́ Jeriko ń ran̄ sa̰y a a̰a̰n̄neé Elije ní ədan̄ na: Ndíl Eli reē dɔ Elije tə́. Nin̄ ɔjən̄ no Elije ō, ɔsə̄n̄ nodə́ nang tə́ non tə́ ō,

2 MBAN̄G 2:7

Ɓūtə̄ ngé koō ta gə̄ kutə mí aw̄ dəba ran̄ sa̰y kumdə́ sɔɔ̄ ba Jurdḛ, ba Eli nin̄ kə Elije tá dəban̄ ta bā tə́.

2 MBAN̄G 2:5

Ɓūtə̄ ngé koō ta gə̄ ń ndin̄ Jeriko ní reēn̄ rɔ̄ Elije tə́, ba dəjenən̄ na Kɔ́ɔ̄ɓē na a un kɔ́ɔ̄n ɓōólaā yā kaw̄ seneé dɔ rā̰ tə́ ní ké ger̄ wa. Anī Elije tél ədadə́ na nəkɔ́ na n-ger̄ ō, ba kə utə̄n̄ tadə́.

1 MBAN̄G GƏ̄ 18:4

adə̄ dan ń Jesabel adə̄ tɔ̄lə̄n̄ ngé koō ta yā Kɔ́ɔ̄ɓē gə̄ ní, ni ɔy ngé koō ta yā Kɔ́ɔ̄ɓē gə̄ ɓú ɓɔ̄ɔ̄də́ kutə mí kutə mí kem bəlo mbal̄ gə̄ tə́ gír loo jōó, ba a̰a̰ gōdə́ kə yá̰a̰ kəsaá ō, kə man̄ ka̰yá̰ ō.

1 SAMUEL 19:20

Anī Saul əla de gə̄ kəhɔ Dabid tə́ ɓáý to̰. Dan ń de gə̄ ń Saul əladə́ ní a̰a̰n̄ ɓūtə̄ ngé koō ta yā Nə́ɓā gə̄ kə́ Ndíl yā Nə́ɓā ɔsə sedə́ adə̄ a̰a̰n̄ oy oy tītə̄ de gə̄ kə́ yá̰a̰ rāādə́ beé ō, a̰a̰n̄ kadə̄ Samuel i ngāgəra dɔ ngé koō ta yā Nə́ɓā gə̄ ní ō anī, Ndíl yā Nə́ɓā udə kemdə́ tə́ adə̄ nin̄ a̰a̰n̄ oy oy tītə̄ de kə́ yá̰a̰ rāādə́ beé ō.

NDŪ NAJƏ̄ 33:3

Kɔ́ɔ̄ɓē táŕ gír ɓē gə̄ yā ngán Israel gə̄. Ni-ngɔ̄m̄ deē yān gə̄ malang kə́ ngé kán̄ naā ta kejən tə́ yā taāń kɔjə̄ yān gə̄.

1 SAMUEL 10:5

Gō tə́ anī ā ɔ̄tə̄ Gibea Eloim ń i ɓē ń ngé ko̰o̰ ɓē gə̄ yā Pilistin gə̄ ndin̄ tū tə́ ní. Ré ā údə kə̄ kem ɓēé anī, ā ə́nge ɓūtə̄ ngé koō ta gə̄ kə́ ḭḭn̄ loo kə́ kḭḭ kə̄ dɔɔ́ tə́ a reēn̄. Ngé kugə kənde kə́ kəlān i ngá̰ý gə̄ ō, kə́ kəlān i ngá̰ý aĺ gə̄ ō, ngé kənda kɔdə gə̄ ō, ngé kɔĺ nal gə̄ ō, a njə̄rān̄ kété nodə́ tə́. Ba nin̄ kɔ́ gə̄ tá a ɔrə̄n̄ najə̄ kə́ loo ngé koō ta gə̄ tə́ beé.

2 MBAN̄G 6:1

Ngé koō ta gə̄ ədan̄ Elije na: Á̰a̰ā̰, loo ń jə-ndi tū tə́ j-a j-oōń najə̄ taí tə́ ní asəjí alé.

AMOS 7:14

Amos tél əda Amasia na: Kété ní, mā i nge koō ta aĺ ō, m̄-teē i loo ndóō yá̰á̰ kógə̄ḿ yā ngé koō ta gə̄ tə́ aĺ ō. M-ā m-ūl̄ i man̄g gə̄ ō, m-ā m-á̰a̰ i gō kāgə̄ kótə̄ kə́ bembeé gə̄ ō.