2 MBAN̄G 18:3 - Bibəl ta Sar̄

³ Ejekias rāā yá̰á̰ kə́ gōtə́ ta kum Kɔ́ɔ̄ɓē tə́ tītə̄ yā kaan Dabid jéjé.

Bible sar

³ Ejekias rāā yá̰á̰ kə́ gōtə́ ta kum Kɔ́ɔ̄ɓē tə́ tītə̄ yā kaan Dabid jéjé.

2 MBAN̄G 18:3 Referans Kwoze

2 MBAN̄G 20:3

Kɔ́ɔ̄ɓē ādə̄ əga kemií na m̄-njə̄rā kə̄ ta kumií tə́ i kə háĺ kə́ gōtə́ ō, kə kem kə́ súmūú ō, m̄-rāā yá̰á̰ kə́ nelī ō. Gō tə́ anī Ejekias nōō ngá̰ý kə man̄ kumneé.

Makətūbə̄ yā Job 33:27

Ni-ənī pā ta kum de gə̄ tə́ malang əda na: Kété ní m̄-rāā yá̰a̰ gōtə́ alé, m̄-ɓōĺ ndū najə̄ gə̄ alé. Banī Nə́ɓā rāā háĺ kə́ tītə̄ yāḿ mā alé.

2 YÁ̰A̰ GƏ̄ 29:2

Ejekias rāā yá̰á̰ kə́ súmūú ta kum Kɔ́ɔ̄ɓē tə́ tītə̄ yā kaan Dabid jéjé.

2 MBAN̄G 22:2

Josias rāā yá̰á̰ kə́ gōtə́ ta kum Kɔ́ɔ̄ɓē tə́. Ni ndájə̄ kəla rāā kaan Dabid kanjə̄ tɔ̄ɔ̄ geleé aláa ko̰ó̰.

1 MBAN̄G GƏ̄ 15:11

Asa rāā yá̰á̰ kə́ gōtə́ ta kum Kɔ́ɔ̄ɓē tə́ tītə̄ yā kaan Dabid.

1 MBAN̄G GƏ̄ 15:5

Tɔdɔ̄ Dabid rāā yá̰á̰ kə́ gōtə́ ta kum Kɔ́ɔ̄ɓē tə́ kə ndɔ̄ gə̄ malang ń ndiń kə kumneé tə́ ní ō, un rón kɔ̄ɔ́ dan yá̰á̰ kógə̄ḿ kə́ Kɔ́ɔ̄ɓē ədan tə́ aĺ ō. Ba yá̰á̰ kə́ majaĺ ń rāā ní i najə̄ yā Uri kə́ Het ní ngóy.

1 MBAN̄G GƏ̄ 11:38

Ré na ōō yá̰a̰ malang ń n-ədaī ní ō, na ún gō róbə gə̄ ń n-ɔjiī ní ō, na ī-rāā yá̰á̰ kə́ gōtə́ ta kumən tə́ ō, na ī-rāā yá̰a̰ gə̄ kə gō ndū najə̄ gə̄ ń n-adī ní ō, na ī-rāā gō míndə gə̄ ń n-ədaī kadə̄ ī-rāā ní tītə̄ ń nge kəla yān Dabid rāań kété ní ō anī, ni na i naā tə́ seí ō, gír kojə yāí na a o̰o̰ ɓē ngándáńg tītə̄ gír kojə yā Dabid ō, na n-a n-adī Israel ō,

1 MBAN̄G GƏ̄ 11:4

Dan ń Salomo̰ tɔgə ɓə́gá ní, nə̄yá̰n gə̄ ní rāānən̄ adə̄ ndɔ̄ȳ nə́ɓā kə́ rang gə̄, ba lōō gíŕ táŕ Kɔ́ɔ̄ɓē Nə́ɓā yān tə́ kə ngarā̰ kemən gēé mámák tītə̄ yā bɔbə̄n Dabid.

1 MBAN̄G GƏ̄ 3:14

Tá ɓáý to̰ ní, ré ún gō róbə yāḿ gə̄, adə̄ əhɔ ndū najə̄ yāḿ gə̄ kemií tə́ ī-rāań yá̰a̰ ō, ī-rāā gō míndə gə̄ ń m-ə̄ndā dɔí tə́ kadə̄ ī-rāā ní ō, tītə̄ yā bɔbí Dabid anī, m-ā m̄-rāā kadə̄ ī-ndi kə kumií ɓāl̄ ngá̰ý.

NDŪ NAJƏ̄ 6:18

Ī-rāāī yá̰á̰ kə́ súmūú ō, yá̰á̰ kə́ majə ō, ta kum Kɔ́ɔ̄ɓē tə́ yā kadə̄ rɔ̄sí nelə̄ńsí ō, ī-taāīneé dɔ nang ń Kɔ́ɔ̄ɓē túbə ənīń míndən yā kadə̄ kaasí gə̄ ní ō.

Teē Ngán Israel gə̄ 15:26

Ni-ədadə́ na ré oōn̄ tan ni Kɔ́ɔ̄ɓē Nə́ɓā yādə́ rɔ̄kum, adə̄ rāān̄ yá̰á̰ ń n-a̰a̰ kadə̄ i yá̰á̰ kə́ gōtə́ ní ō, əndān̄ mbīdə́ oōn̄neé yá̰a̰ gə̄ ń ndang kadə̄ yā rāā ní ō, rāān̄ yá̰a̰ malang ń ndū najə̄ yān gə̄ ədan̄ ní ō anī, mo̰y kə́ dáńg dáńg gə̄ ń n-adə̄ rāā de kə́ Ejiptə gə̄ ní na a rāādə́ nin̄ alé, tɔdɔ̄ ni na i Kɔ́ɔ̄ɓē nge kajədə́ dɔ mo̰y tə́.

EPEJƏ 6:1

Ngán gə̄, ōōī ta bɔbə̄sí gə̄ ō, ta kó̰ó̰sí gə̄ ō, kə gō ɓoo naā yāsí kə Kɔ́ɔ̄ɓēé. Nge ń noō i yá̰á̰ kə́ gō tə́.

Makətūbə̄ ń Pol ndang adə̄ Rom gə̄ ní 7:12

Adə̄ ndū najə̄ i yá̰á̰ kə́ majaĺ alé ba i yá̰á̰ kə́ táĺ ō, gō míndə i yá̰á̰ kə́ táĺ ō, kə́ gōtə́ ō, kə́ majə ō.

PĀ GƏ̄ 119:128

Yá̰a̰ gə̄ malang ń ī-ra kə de gēé ta rāā ní m-á̰a̰ kadə̄ i yá̰á̰ kə́ gōtə́ gə̄. Róbə sor̄ gə̄ malang ní nelə̄m̄ sedə́ aĺ bátə́.

NDŪ NAJƏ̄ 10:12

Ngán Israel gə̄, yá̰á̰ ń Kɔ́ɔ̄ɓē Nə́ɓā yāsí ndi a ngóō ta kadə̄ ī-rāāī ngɔlaā ní i rí? Ni a ngóō i kadə̄ ī-ɓōlíī ndílən ba úniī gō róbə yān gə̄ ō, ī-tárniī ō, ī-rāāī kəla yān kə ngarā̰ kemsí malang ō, kə rɔ̄sí malang ō.

2 MBAN̄G 12:3

Joas rāā yá̰á̰ kə́ gōtə́ ta kum Kɔ́ɔ̄ɓē tə́ kə dɔ ndɔ̄ gə̄ malang ń ni ndiń kə kumneé ní, tɔdɔ̄ Yoyada nge tun̄ yá̰a̰ ndóōn yá̰a̰.

2 MBAN̄G 14:3

Amasia rāā yá̰á̰ kə́ gōtə́ ta kum Kɔ́ɔ̄ɓē tə́, banī i tītə̄ yā Dabid alé. Ni-rāā yá̰a̰ i tītə̄ yā bɔbə̄n Joas jéjé.

IJAI 38:3

Kɔ́ɔ̄ɓē, m̄-rāāī ɓɔ́, ādə̄ əga kemií dɔ tə́ na m̄-rā dɔ ndūḿ tə́ ta kumií tə́ kə kem kə́ kanjə̄ kēgə̄. Yá̰á̰ ń ta kumií tə́ i yá̰á̰ kə́ majə ní m̄-rāā. Tá Ejekias nōō ngá̰ý ɓáý to̰.