2 MBAN̄G 17:3 - Bibəl ta Sar̄

³ Salmanasar, mban̄g kə́ Asiri, reē rɔ̄ɔ̄ Ose. Anī Ose əla dɔn gíŕ tɔ́gən tə́ ō, tīr̄ yá̰a̰ adə̄n ō.

Bible sar

³ Salmanasar, mban̄g kə́ Asiri, reē rɔ̄ɔ̄ Ose. Anī Ose əla dɔn gíŕ tɔ́gən tə́ ō, tīr̄ yá̰a̰ adə̄n ō.

2 MBAN̄G 17:3 Referans Kwoze

OJEE 10:14

I tām̄ najə̄ ń noō tə́ n rɔ̄ɔ̄ a təngā dan gír deē yāí gə̄ tə́ ō, a nujən̄ ɓē yāí kə́ ngan̄g gə̄ malang kɔ̄ɔ́ ō ní. Nin̄ a ton̄ tītə̄ Bet Arbel. Dan ń mban̄g Salman ənī ɓē ń toō rɔ̄ɔ̄ ní, ni rējə̄ kó̰ó̰ ngán gə̄ ō, ngáńdə́ gə̄ ō.

2 MBAN̄G 18:31

Ī-lōōī koō najə̄ kɔr̄ Ejekias, banī ōōī najə̄ ń mban̄g kə́ Asiri ɔr̄ sesí ní, ni-əda na: Ī-téĺ ə̄ndāī najə̄ naā tə́ seḿ, ə́ya̰ī rɔ̄sí kem jīḿ tə́. Loo ń noō tə́ sḭḭ̄ kógə̄ḿ kógə̄ḿ ā ə́saī kan̄ kāgə̄ nduú yāsí gə̄ ō, ā ā̰yī man̄ kə́ kem bəlo taā man̄ ndī yāsí gə̄ tə́ ō.

2 MBAN̄G 15:29

Dan yā Peka mban̄g kə́ Israel tə́ ní, Tigəlatə Pileser mban̄g kə́ Asiri reē taā ɓē kə́ Iyon ō, Abel Betə Maaka ō, Yanoa ō, Kedes ō, Hasor ō, gō nang kə́ Galaad ō, gō nang kə́ Galile ō, gō nang kə́ Nepətali malang ō. Ni-ɔy de kə́ kemeé gə̄ aw̄ sedə́ dɔ nang kə́ Asiri tə́.

2 MBAN̄G 15:19

Pul, mban̄g kə́ Asiri, reē dɔ nang kə́ Israel tə́. Anī Menahem adə̄n sə́lē arjā̰a̰ kə́ kɔȳn i kəlōo dūbú kutə mətá kadə̄ rāań seneé kadə̄ n-ndiń ngan̄g dɔ ɓē tə́.

2 SAMUEL 8:6

ba tə́ndā ngé ko̰o̰ ɓē gə̄ dɔ nang kə́ Aram tə́ ń ɓē bo yān i Damas ní. Loo ń noō tə́ Aram gə̄ télən̄ ɓəlo gə̄ yā Dabid ō, a tīrə̄n̄ dɔ yá̰a̰ gə̄ a adə̄nən̄ ō. Adə̄ Kɔ́ɔ̄ɓē rāā adə̄ Dabid tetə rɔ̄ɔ̄ loo malang ń ni-aw̄ rɔ̄ɔ̄ tə́ tū tə́ ní.

2 SAMUEL 8:2

Ni-tetə Moab gə̄ rɔ̄ɔ̄ ō, laadə́ nang tə́ ba tɔ̄l̄ kə́rēý gə̄ ō, əya̰ kə́rēý gə̄ ō. Ré nin̄ i mətá anī tɔ̄l̄ kə́ jōó gə̄ ba əya̰ kógə̄ḿ. Loo ń noō tə́ Moab gə̄ télən̄ ɓəlo yā Dabid gə̄ ō, nin̄ a tīrə̄n̄ dɔ yá̰a̰ gə̄ a adə̄nən̄ ō.

2 MBAN̄G 17:2

Ni-rāā yá̰á̰ kə́ majaĺ ta kum Kɔ́ɔ̄ɓē tə́, ɓá tā ba i tītə̄ yā mban̄g kə́ Israel tə́ kə́ kété non tə́ gə̄ alé.

2 MBAN̄G 17:4

Ba gō tə́ anī Ose oōn̄ naā kə madə̄n gēé dɔn tə́. Ni-əla de gə̄ Sayis rɔ̄ mban̄g kə́ Ejiptə tə́ ō, mbātə́ kadə̄ mban̄g kə́ Asiri yá̰a̰ tīr̄ ō. Dan ń Salmanasar reē ger̄ kadə̄ Ose oōn̄ naā kə madə̄n gēé anī, əhɔ ənīn dəngáyá ō, ənī súĺ njan tə́ ō.

NEHEMI 9:32

Ba ngɔlaā ní Nə́ɓā yājí, Nə́ɓā kə́ bo ō, kə́ tɔ́gí i ngá̰ý ō, kə́ ī-to ɓōĺ ngá̰ý, ḭ̄ ń ā ī-ra dɔ ndūí kə́ ə̄nī tə́ ō, ā ī-rāā háĺ kə́ sew ō ní, ko̰y gə̄ malang ń jḭḭ ō, mban̄g yājí gə̄ ō, ngār yājí gə̄ ō, ngé tun̄ yá̰a̰ yājí gə̄ ō, ngé koō ta yājí gə̄ ō, kaají gə̄ ō, gír deē yāí gə̄ malang ō, j-əla gír kənge ɓāl̄ yā mban̄g gə̄ kə́ Asiri tə́ bátə́ ɓōólaā ní, ī-lōō rāā yá̰á̰ kə́ sḛ́ý beē tə́.

EJEKIEL 23:5

Banī Ohola rāā ájə́ba, tá ni i yāḿ mā. Madə̄ ɓēn gə̄ ń i de kə́ Asiri gə̄ ní, ni gḛydə́ ngá̰ý ō, rāādə́ i ngé sāān gə̄ tə́ ō.

OJEE 10:4

Nin̄ ɔrə̄n̄ najə̄ ngá̰ý ō, túbən̄ túbə́ kə́ rɔ̄kum aĺ gə̄ ō, əndān̄ jīdə́ gír makətūbə̄ gə̄ kə́ nin̄ ənīn̄ń ndūdə́ adə̄n̄ naā tə́ ō. Banī ɓōĺ gidə yá̰á̰ kə́ súmūú to i tītə̄ mu kə́ a tɔ̄l̄ de kə́ əɓa kem ndɔrɔ́ beē tām̄ yādə́ tə́.

LEBI GƏ̄ 26:25

M-ā m-ādə̄ rɔ̄ a əsō dɔsí tə́ kadə̄ m̄-daləń ba̰ā̰ madə̄ naā ń m-ə́hɔ sesí ā ī-nujiīń kɔ̄ɔ́ ní. Ré ɔ́siī dɔsí naā tə́ kə̄ kem ɓē bo yā madə̄ ba̰ā̰sí gə̄ tə́ anī, m-ā m-ə̄nī mo̰y ngāl̄bɔ̄gīí dɔsí tə́ ō, m-ā m-ādə̄ ā ə̄sōī kem jī madə̄ ba̰ā̰sí gə̄ tə́ ō.

2 MBAN̄G 15:20

Menahem gān̄g i lambóo dɔ Israel gə̄ tə́ n əngen̄ nar ngeé ń noō ní. Ba gān̄g i dɔ de kə́ ngé kənge yá̰a̰ gə̄ tə́. Deē kógə̄ḿ adə̄ i njáŕ sə́lē arjā̰a̰ kutə mí kutə mí. Dan ń adə̄n̄ Pul mban̄g kə́ Asiri nar ní oy anī, ni əya̰ ɓē kə́ Israel ba tél dɔ tə́ aw̄ gogə́ ɓēé looneé.

2 MBAN̄G 18:7

Kɔ́ɔ̄ɓē i naā tə́ seneé adə̄ yá̰a̰ malang ń əla gír rāā ní tɔ̄l̄ ta majə. Ni-mbātə́ kəla dɔn gíŕ tɔ́gə yā mban̄g kə́ Asiri tə́.

IJAI 8:8

A aw̄ yā kugə̄ ɓē ko̰o̰ kə́ Juda tə́. A teē kem kārə̄n tə́ kə̄ ndágá ō, a taā ɓē ko̰o̰ kə́ Juda ō, a əhɔn míndən tə́ ō. A taā loo ta kaw̄ sa̰y, a taā ɓē yāí ḭ̄ Emanuel malang.

IJAI 17:4

Ndɔ̄ ngeé ń noō tə́ ní, bo yā Israel a tél kə̄ nang tə́, kɔȳn i ngá̰ý to̰ alé.

OJEE 8:10

Ni-adə̄ nápar de gə̄ yá̰a̰ karī. Ba ngɔlaā ní, m-ā m̄-ɓoodə́ naā tə́ ō, sḛ́ý laā anī nin̄ a a̰a̰n̄ tápə̄ gír mban̄g kə́ tɔ́gən tɔȳ yā mban̄g gə̄ tə́ ō.