2 MBAN̄G 16:4 - Bibəl ta Sar̄

⁴ Tun̄ yá̰a̰ ō, róō ndujə̄ yá̰á̰ kə́ kotə majə ō, dɔ loo ndɔ̄ȳ gə̄ tə́ ō, dɔ ngán mbal̄ gə̄ tə́ ō, gír kāgə̄ gə̄ kə́ mbīdə́ i ngá̰ý gə̄ tə́ ō.

Bible sar

⁴ Tun̄ yá̰a̰ ō, róō ndujə̄ yá̰á̰ kə́ kotə majə ō, dɔ loo ndɔ̄ȳ gə̄ tə́ ō, dɔ ngán mbal̄ gə̄ tə́ ō, gír kāgə̄ gə̄ kə́ mbīdə́ i ngá̰ý gə̄ tə́ ō.

2 MBAN̄G 16:4 Referans Kwoze

NDŪ NAJƏ̄ 12:2

Loo rāā ɓesə̄ yā nápar de gə̄ ń ā ī-taāī dɔ nang yādə́ á i dɔ mbal̄ bo gə̄ tə́ ō, dɔ ngán mbal̄ gə̄ tə́ ō, gír kāgə̄ gə̄ kə́ mbīdə́ i ngá̰ý tə́ ō ní, ā ī-nujiīneé kɔ̄ɔ́ malang.

1 MBAN̄G GƏ̄ 14:23

Rāān̄ loo ndɔ̄ȳ gə̄ tītə̄ yā kaadə́ gə̄ ō, túdə̄n̄ mbal̄ gə̄ kə nja kə́ dɔɔ́ ō, túdə̄n̄ kāgə̄ ɓesə̄ kə́ yā ɓōĺ gidə gə̄ kə̄ dɔ ngán mbal̄ gə̄ tə́ malang ō, gír kāgə̄ gə̄ kə́ mbīdə́ əga ku gə̄ tə́ malang ō.

JEREMI 17:2

Loo tun̄ yá̰a̰ yādə́ gə̄ ō, kāgə̄ kə́ yā ɓōĺ gidə yādə́ gə̄ ń ran̄ ngɔr kadə ngé gə̄ ń ton̄ mbōl̄ ngándáńg tə́ dɔ ngán mbal̄ kə́ ngāl̄ gə̄ tə́ ō, ní a ɔrə̄n̄ najə̄də́ i tītə̄ loo kɔr̄ najə̄ ngáńdə́ gə̄.

IJAI 66:17

Najə̄ ń m-ɔ̄r̄ toó i najə̄ yā ngé tə́go rɔ̄də́ kadə̄ unjə̄ kə rī kudəń kem ndɔr̄ gə̄ kə́ yā ɓōĺ gidə tə́. Nin̄ a ran̄ i gidə de kə́ ra danaá tə́. Nin̄ a əsan̄ i kosong, aláa yégə̄, yá̰á̰ kə́ majaĺ ngá̰ý gə̄. De gə̄ ń noō a oyn̄ ndɔ̄ naā tə́ malang. Najə̄ ń Kɔ́ɔ̄ɓē əda ní n noó.

IJAI 65:4

Nin̄ ndin̄ nang tə́ kem bəlo ɓádə gə̄ tə́, ndin̄ ɓē i kem bəlo mbal̄ gə̄ tə́. A əsan̄ i dā̰ bor̄ kə́ ɓēé gə̄ ō, kār̄ yādə́ gə̄ i kə́ rosə kə yá̰a̰ kəsa kə́ yḛr gə̄ ō.

2 MBAN̄G 14:4

Ɓá tā ba ni-rāā adə̄ loo ndɔ̄ȳ gə̄ gətóon̄ kɔ̄ɔ́ kem ɓēé alé. Adə̄ de gə̄ na̰yn̄ kə̄ loo tun̄ yá̰a̰ gə̄ tə́ ō, kə̄ loo róō ndujə̄ yá̰á̰ kə́ kotə majə gə̄ tə́ ō, dɔ loo ndɔ̄ȳ gə̄ tə́.

PĀ GƏ̄ 78:58

Rāān̄ loo ndɔ̄ȳ gə̄ adə̄n̄neé Kɔ́ɔ̄ɓē wōn̄g. Ɓesə̄ yādə́ gə̄ rāān̄ Kɔ́ɔ̄ɓē adə̄ jang rāān.

EJEKIEL 6:13

Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē. Nīń yādə́ a ton̄ nang tə́, dan ɓesə̄ yādə́ gə̄ tə́. Loo malang ń nin̄ a tunə̄n̄ yá̰a̰ a adə̄n̄ ɓesə̄ yādə́ gə̄ tū tə́ ní, nīń gə̄ ton̄ tū tə́. A tōn̄ kə̄ dɔ mbal̄ gə̄ tə́ ō, kə̄ dɔ ngán mbal̄ mbal̄ gə̄ tə́ ō, kə̄ gír kāgə̄ gə̄ kə́ mbīdə́ to mbōl̄ ō, əga ku tə́ ō, loo kə́ rang gə̄ malang ń ɓesə̄ yādə́ gə̄ i tū tə́ ní, nīń gə̄ ń a tōn̄ tū tə́ ō.

2 MBAN̄G 12:4

Ɓá tā ba ni-rāā adə̄ loo ndɔ̄ȳ gə̄ gətóon̄ kem ɓēé alé. Adə̄ de gə̄ na̰yn̄ kə̄ loo ndējə̄ yá̰á̰ kə́ tun̄ gə̄ tə́ ō, kə̄ loo róō ndujə̄ yá̰á̰ kə́ kotə majə gə̄ tə́ ō, dɔ loo ndɔ̄ȳ kə́ kḭḭ kə̄ dɔɔ́ gə̄ tə́.

EJEKIEL 43:7

Ndū deē ní ədam̄ na: Ḭ̄ ngōn̄ deē, ōō! Loo yā kōr̄ kāgə̄ mbang yāḿ i loo ń toō tə́ laā, i dɔ nang ń m-ə̄ndā njaḿ tū tə́ toō. M-ā m̄-ndi i loo ń noō tə́ laā, dan ngán Israel gə̄ tə́, i kə́ njɔ́ḿ gə̄ tə́. Ngán Israel gə̄ ō, mban̄g yādə́ gə̄ ō, a kídə̄n̄ rīḿ kə́ táĺ to̰ alé. Nin̄ a rāān̄ ájə́ba to̰ aĺ ō, a dubə̄n̄ nīń mban̄g yādə́ gə̄ laā to̰ aĺ ō.