2 MBAN̄G 16:3 - Bibəl ta Sar̄

³ banī ni ndájə̄ i kəla rāā mban̄g gə̄ kə́ Israel tə́. Ndējə̄ ngōnən adə̄ róōn horó kə gō yá̰a̰ kāgə̄ ɓē yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ no ngán Israel gə̄ tə́ ní gə̄gē.

Bible sar

³ banī ni ndájə̄ i kəla rāā mban̄g gə̄ kə́ *Israel tə́. Ndējə̄ ngōnən adə̄ róōn horó kə gō yá̰a̰ kāgə̄ ɓē yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ no ngán Israel gə̄ tə́ ní gə̄gē.

2 MBAN̄G 16:3 Referans Kwoze

NDŪ NAJƏ̄ 12:31

Ā ī-ndɔ̄yī Kɔ́ɔ̄ɓē Nə́ɓā yāsí tītə̄ ń nin̄ a ndɔ̄ȳn̄neé ɓesə̄ yādə́ gə̄ ní alé. Tɔdɔ̄ yá̰a̰ malang kə́ to yḛr ta kum Kɔ́ɔ̄ɓē tə́ ō, yá̰a̰ malang ń nelə̄n aĺ ō ní, nin̄ rāān̄ tām̄ yā ɓesə̄ yādə́ gə̄ tə́. Nin̄ aw̄n̄ bátə́ tɔ̄lə̄n̄ ngán kemdə́ kə́ dəngam gə̄ ō, kə́ dəyá̰ gə̄ ō, ba róōn̄də́ horoó adə̄n̄ ɓesə̄ yādə́ gə̄.

LEBI GƏ̄ 18:21

Ā ī-tun̄ ngōnīí yā kadə̄ ɓesə̄ Molok alé, tɔdɔ̄ ré ī-rāā beé anī, ā ī-nujə i rī Nə́ɓā yāí. Mā i Kɔ́ɔ̄ɓē Nə́ɓā yāsí.

2 MBAN̄G 21:2

Ni-rāā yá̰á̰ kə́ majaĺ ta kum Kɔ́ɔ̄ɓē tə́. Ndájə̄ yá̰á̰ kə́ majaĺ ngá̰ý gə̄ yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ no ngán Israel gə̄ tə́ ní.

2 MBAN̄G 21:11

Manase, mban̄g kə́ Juda rāā yá̰á̰ kə́ majaĺ ngá̰ý gə̄ ń noō malang. Ni-rāā yá̰á̰ kə́ majaĺ tɔȳ yā Amor gə̄ ń rāān̄ kété non tə́ malang ní ō, sə̄lā de kə́ Juda gə̄ adə̄ rāān̄ majaĺ kə ta kūl̄ ɓesə̄ yān gə̄ ō.

2 MBAN̄G 17:17

Ngáńdə́ kə́ dəngam gə̄ ō, kə́ dəyá̰ gə̄ ō ní, nin̄ róōn̄də́ horoó. Ndḛḛ̄n̄ sāā ō, ōōn̄ ta kɔdə̄ sāā gə̄ ō, rāān̄ yá̰á̰ kə́ majaĺ ta kum Kɔ́ɔ̄ɓē tə́ bátə́ adə̄ wōn̄g rāān ō.

EJEKIEL 20:31

Ngɔlaā gə̄gē ní, dan ń ā ī-reēī kə yá̰a̰ ndējə̄ yāsí gə̄ ō, ā ī-róōī ngáńsí gə̄ horoó yá̰a̰ tun̄ tə́ ādī nə́ɓā kə́ rɔ̄kum aĺ gə̄ ō ní, sḭḭ̄ ī-rāāī adə̄ ī-téliī i de kə́ yḛr gə̄. Sḭḭ̄ Israel gə̄, ɔ́jiīń na m-ā m-ə́ya̰ kadə̄ ā ī-dəjemī najə̄ a? M-ā m-ə́ya̰ aĺ bátə́! Tītə̄ ń m̄-ndiń kə kumḿ rɔ̄kum noó, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: M-ā m-ə́ya̰ kadə̄ sḭḭ̄ ī-dəjemī najə̄ alé!

EJEKIEL 20:26

M-ə́yá̰də́ adə̄ nin̄ télən̄ de kə́ yḛr gə̄ kə ta kūl̄ kadə̄ yá̰a̰ ndējə̄ gə̄. Yá̰a̰ ndējə̄ gə̄ ní i ngáń hágə́də́ gə̄ kə́ nin̄ róōn̄də́ horoó. m̄-ndigə kadə̄ yá̰a̰ rāādə́ nin̄ kɔ́ gə̄ əla ɓōĺ kemdə́ tə́. I tītə̄ ń noō n nin̄ ger̄nəń kadə̄ Kɔ́ɔ̄ɓē i mā ní.

EJEKIEL 16:47

Ḭ̄ ī-ndájə̄ i háĺdə́ ngóy aĺ ō, ī-rāā i yá̰á̰ kə́ majaĺ ngá̰ý gə̄ ń nin̄ rāān̄ ní ngóy aĺ ō. Ngé gə̄ ń noō i yá̰á̰ kə́ sḛ́ý beē gə̄! Hálí majaĺ ngá̰ý tɔȳ yā gotə ɓē kə́ rang gə̄.

EJEKIEL 16:21

Ḭ̄ ī-tɔ̄l̄ ngánə́ḿ gə̄ ba ī-róōdə́ horoó ādə̄ nə́ɓā yāí kə́ rɔ̄kum aĺ gə̄!

JEREMI 32:35

Rāān̄ loo kə́ ḭḭ kə̄ dɔɔ́ gə̄ tām̄ yā ɓesə̄ Baal tə́ wól loo kə́ Ben Hinom tə́, yā tɔ̄lə̄ń ngáńdə́ kə́ dəngam gə̄, kə kə́ dəyá̰ gə̄ dɔ tə́ yā kadə̄ ɓesə̄ Molok. I yá̰á̰ kə́ m-ə́dádə́ kadə̄ rāān̄ aĺ ō, i majaĺ kə́ to ɓōĺ ngá̰ý kə́ m̄-gír̄ mēr̄ ngán Juda gə̄ rāā kadə̄ nin̄ ndɔmə̄n̄neé ta róbə aĺ ō.

PĀ GƏ̄ 106:35

Tə́lan̄ rɔ̄də́ dan ngé rāā ɓesə̄ gə̄ tə́, ndóōn̄ yá̰a̰ rāādə́ gə̄.

2 YÁ̰A̰ GƏ̄ 33:6

Ni-aw̄ bátə́ tɔ̄l̄ ngánən kə́ dəngam gə̄ ba tun̄də́ wól loo kə́ Ben Hinom tə́. Ni-rāā mbōlí kə́ tayā tayā gə̄ ō, rāā kəga kə́ tayā tayā gə̄ ō, aw̄ ndḛḛ̄ sāá ɓē kɔdə̄ sāā gə̄ tə́ ō. Ni-rāā yá̰á̰ kə́ nel̄ Kɔ́ɔ̄ɓē aĺ gə̄ ngá̰ý adə̄ wōn̄g rāā Kɔ́ɔ̄ɓē seneé.

2 YÁ̰A̰ GƏ̄ 33:2

Ni rāā yá̰á̰ kə́ nel̄ Kɔ́ɔ̄ɓē alé, tɔdɔ̄ ndájə̄ yá̰a̰ kə́ to yḛr kum gə̄ malang yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ kem ɓēé ba əya̰ń loo adə̄ ngán Israel gə̄ ní.

2 YÁ̰A̰ GƏ̄ 22:3

Akajias rāā yá̰a̰ majə alé tītə̄ yā de gə̄ kə́ gír kojə yā Akab tə́ ō, tɔdɔ̄ kó̰o̰n i nge kadə̄n kɔjə̄ kə́ majaĺ gə̄.

2 MBAN̄G 23:10

Mban̄g rāā adə̄ majaĺ tákə̄ loo kə́ Topet ń ra kum wól loo kə́ Ben Hinom tə́ ní adə̄ de gə̄ róō ngáńdə́ kə́ dəngam gə̄ ō kə́ dəyá̰ gə̄ ō, horoó kadə̄ ɓesə̄ Molok ɓáý to̰ alé.

2 MBAN̄G 21:6

Róō ngōnən kə́ dəngam horoó adə̄ ɓesə̄ ō, rāā kəga kə́ tayā tayā gə̄ ō, aw̄ ndḛḛ̄ sāá rɔ̄ kɔdə̄ sāā gə̄ tə́ ō. To dan rāā yá̰á̰ kə́ majaĺ ta kum Kɔ́ɔ̄ɓē tə́ kə̄ non tə́ adə̄ń Kɔ́ɔ̄ɓē wōn̄g.

2 MBAN̄G 8:18

Ni ndájə̄ kəla rāā mban̄g kə́ Israel tə́ gə̄ tītə̄ yā de kə́ gír kojə yā Akab tə́ gə̄, tɔdɔ̄ ni-taā i ngōn̄ Akab. Ni rāā yá̰á̰ kə́ majaĺ ta kum Kɔ́ɔ̄ɓē tə́.

1 MBAN̄G GƏ̄ 14:24

Dəngam gə̄ kə dəyá̰ gə̄ kə́ ngé rāā ájə́ba kə́ tām̄ yā ɓesə̄ gə̄ tə́ ton̄ kem ɓēé. Juda gə̄ ndájə̄n̄ háĺ kə́ majaĺ ngá̰ý gə̄ yā napar de gə̄ ń Kɔ́ɔ̄ɓē tə̄ɓādə́ kɔ̄ɔ́ yā kəya̰ń loo kadə̄ ngán Israel gə̄ ní.

NDŪ NAJƏ̄ 18:10

Ādə̄ de kə́ nge kənī ngōnən kə́ dəngam, aké kə́ dəyá̰ kum hor tə́ gətóo mbo̰ō̰í tə́ ō, de kə́ nge koō ta ɓádə gə̄, aláa kɔdə̄ wor, aláa kɔdə̄ gara, aláa nge bógə̄rō de gə̄,

LEBI GƏ̄ 20:2

kəda ngán Israel gə̄ na: Ré deē kógə̄ḿ kə́ ndi Israel aláa tə̄rā un ngōnən adə̄ ɓesə̄ Molok anī, a tɔ̄l̄nən̄ kɔ̄ɔ́. De kə́ kem ɓē gə̄ a tə́nīnən̄ kə mbalá yā tɔ̄lən.

2 MBAN̄G 17:8

Nin̄ unən̄ gō ndū najə̄ gə̄ yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ nodə́ tə́ ní ō, unən̄ gō ndū najə̄ gə̄ ń mban̄g kə́ Israel tə́ gə̄ əndān̄ ngəran ní ō.

2 MBAN̄G 17:19

Banī de kə́ gír ɓē yā Juda tə́ nəkɔ́ gə̄gē a rāān̄ gō míndə gə̄ ń Kɔ́ɔ̄ɓē Nə́ɓā yādə́ əndā dɔdə́ tə́ kaadə́ rāān̄ ní aĺ ō. Nin̄ unən̄ gō ndū najə̄ gə̄ ń Israel gə̄ tə́ndān̄ ní.

MISE 6:7

Kɔ́ɔ̄ɓē ndigə i bal batə̄ kə́ dūbūú ngá̰ý gə̄ a? Ni ndigə i yibə̄ kə́ a̰ā̰ ngá̰ý tītə̄ man̄ dɔ mbal̄ kə́ nūgə́ beé a? Yā kadə̄ ni mā̰yń rɔ̄n dɔ yá̰a̰ rāāḿ gə̄ kə́ gōtə́ aĺ tə́ ō, dɔ ra dɔ ndū tə́ aĺ yāḿ gə̄ tə́ ō ní, kə m-ún i ngōn̄ hágə́ḿ n kə m̄-ndējə̄ ní a?

2 MBAN̄G 17:16

Nin̄ mbātə̄ń rāā gō míndə gə̄ ń Kɔ́ɔ̄ɓē Nə́ɓā yādə́ əndā dɔdə́ tə́ kadə̄ rāān̄ ní malang, ba rāān̄ duĺ man̄g gə̄ jōó kə gində̄ kə́ nō horó tām̄ yādə́ tə́. Nin̄ udən̄ ɓesə̄ Asera ō, ɔsən̄ nodə́ nang tə́ no tə́yō̰ gə̄ malang kə́ dɔ rā̰ tə́ ō, rāān̄ kəla adə̄n̄ ɓesə̄ Baal ō.

2 MBAN̄G 21:9

Banī nin̄ oōn̄ ndūn alé. Manase sə̄lādə́ adə̄ rāān̄ háĺ kə́ majaĺ tɔȳ yā nápar de gə̄ ń Kɔ́ɔ̄ɓē tɔ̄l̄də́ kɔ̄ɔ́ malang ba əya̰ń loo adə̄ ngán Israel gə̄ ní.

IJAI 57:5

Ngur asəsí nák kadə̄ kāgə̄ kə́ yā ɓōĺ gidə gə̄ tə́, gír kāgə̄ gə̄ malang kə́ mbīdə́ əga ku tə́. Sḭḭ̄ ī-tɔ̄lī ngán gə̄ ba ī-tunīdə́ kadə ngán man̄ gə̄ tə́, bəlo mbal̄ gə̄ tə́.