2 MBAN̄G 13:6 - Bibəl ta Sar̄

⁶ Ɓá tā ba nin̄ lōōn̄ gíŕ yá̰á̰ kə́ majaĺ gə̄ ń Jeroboam nin̄ kə de kə́ gír kojə yān tə́ gə̄ sə̄lān̄ Israel gə̄ adə̄ rāān̄ ní tə́ alé. Nin̄ ton̄ dan rāā adə̄ i tītə̄ ń toō n ɓesə̄ Asera gə̄gē a rań dɔɔ́ kem ɓē kə́ Samari tə́ ɓáý ní.

Bible sar

⁶ Ɓá tā ba nin̄ lōōn̄ gíŕ yá̰á̰ kə́ majaĺ gə̄ ń Jeroboam nin̄ kə de kə́ gír kojə yān tə́ gə̄ sə̄lān̄ Israel gə̄ adə̄ rāān̄ ní tə́ alé. Nin̄ ton̄ dan rāā adə̄ i tītə̄ ń toō n ɓesə̄ *Asera gə̄gē a rań dɔɔ́ kem ɓē kə́ Samari tə́ ɓáý ní.

2 MBAN̄G 13:6 Referans Kwoze

1 MBAN̄G GƏ̄ 16:33

udə ɓesə̄ Asera kem kújə́ ní tə́ ō. Yá̰a̰ gə̄ ń Akab rāā kadə̄ wōn̄g rāā Kɔ́ɔ̄ɓē Nə́ɓā yā Israel ní i ngá̰ý tɔȳ yā mban̄g kə́ Israel tə́ kə́ kété non tə́ gə̄ malang.

2 MBAN̄G 13:2

Ni-rāā yá̰á̰ kə́ majaĺ ta kum Kɔ́ɔ̄ɓē tə́. Ndájə̄ yá̰á̰ kə́ majaĺ gə̄ ń Jeroboam ngōn̄ Nebat sə̄lā ngán Israel gə̄ adə̄ rāān̄ ní. Ni-lōō gír rāā yá̰á̰ kə́ majaĺ gə̄ ní tə́ alé.

2 MBAN̄G 23:4

Mban̄g əda Hilkia ngol ngé tun̄ yá̰a̰ gə̄ ō, ngé tun̄ yá̰á̰ kə́ gōn tə́ gə̄ ō, ngé ngɔ̄m̄ ta róbə́ kújə gə̄ ō, kadə̄ teēn̄ kə yá̰a̰ gə̄ ń rāān̄ yā rɔȳń ɓesə̄ Baal ō, ɓesə̄ Asera ō, ɓesə̄ tə́yō̰ gə̄ malang kə́ dɔ rā̰ tə́ ō ní kɔ̄ɔ́ kem kújə yā Kɔ́ɔ̄ɓē tə́. Róōn̄ yá̰a̰ gə̄ ní horoó gidə ɓē kə́ Jerusalem tə́ ndágá kem wól man̄ Sedəron tə́ ba ɔyn̄ būdə́ gə̄ aw̄n̄neé Betel.

2 MBAN̄G 18:4

Ni nujə loo ndɔ̄ȳ gə̄ ō, tɔ̄ɔ̄ mbal̄ kə́ kudə dɔɔ́ gə̄ ō, tə́gā kāgə̄ ɓesə̄ kə́ yā ɓōĺ gidə gə̄ kɔ̄ɔ́ ō. Ni jén̄g lī gində̄ nə̄ngá kasə ń Moijə rāā ní kɔ̄ɔ́ ō, tɔdɔ̄ bátə́ ugə̄ń dan ngeé ń noō tə́ ní ngán Israel gə̄ a róōn̄ ndujə̄ yá̰á̰ kə́ kotə majə gə̄ a adə̄n̄ lī gində̄ ní. Nin̄ əndān̄ rīn na i Nehustan.

2 MBAN̄G 17:16

Nin̄ mbātə̄ń rāā gō míndə gə̄ ń Kɔ́ɔ̄ɓē Nə́ɓā yādə́ əndā dɔdə́ tə́ kadə̄ rāān̄ ní malang, ba rāān̄ duĺ man̄g gə̄ jōó kə gində̄ kə́ nō horó tām̄ yādə́ tə́. Nin̄ udən̄ ɓesə̄ Asera ō, ɔsən̄ nodə́ nang tə́ no tə́yō̰ gə̄ malang kə́ dɔ rā̰ tə́ ō, rāān̄ kəla adə̄n̄ ɓesə̄ Baal ō.

2 MBAN̄G 10:29

Ɓá tā ba ni un rɔ̄n kɔ̄ɔ́ gō yá̰á̰ kə́ majaĺ gə̄ ń Jeroboam ngōn̄ Nebat rāā á sə̄lā Israel gə̄ adə̄ rāān̄ ní tə́ alé. Yá̰á̰ kə́ majaĺ gə̄ ní i man̄g lɔ́r gə̄ ń ran̄ Betel ō, Dan ō ní.

1 MBAN̄G GƏ̄ 16:26

Ni ndájə̄ kəla malang ń Jeroboam ngōn̄ Nebat rāā ní ō, yá̰á̰ kə́ majaĺ gə̄ ń Jeroboam rāā á sə̄lā ngán Israel gə̄ adə̄ rāān̄ adə̄n̄neé Kɔ́ɔ̄ɓē Nə́ɓā yā Israel wōn̄g ní ō. Yá̰á̰ kə́ majaĺ gə̄ ní i rāā ndíĺ yá̰á̰ kə́ yā ndɔ̄ȳ gə̄.

1 MBAN̄G GƏ̄ 15:3

Abiam ndájə̄ yá̰á̰ kə́ majaĺ gə̄ ń bɔbə̄n rāā kété non tə́ ní malang. Ni-adə̄ Kɔ́ɔ̄ɓē Nə́ɓā yān kemən mámák tītə̄ yā kaan Dabid alé,

NDŪ NAJƏ̄ 7:5

Banī yá̰á̰ ń ā ī-rāāī kə nápar de gə̄ ń noō ní n toó: Ī-nujiī loo tun̄ yá̰a̰ yādə́ gə̄ kɔ̄ɔ́ ō, ī-tɔ̄ɔ̄ī mbal̄ yādə́ gə̄ ń túdə̄n̄ kə nja dɔɔ́ ní kɔ̄ɔ́ ō, ī-tétī kāgə̄ ɓesə̄ yādə́ kə́ yā ɓōĺ gidə gə̄ kɔ̄ɔ́ ō, ī-róōī yá̰a̰ yādə́ kə́ tɔ́sə̄ kudə gə̄ horoó kɔ̄ɔ́ ō.

1 MBAN̄G GƏ̄ 14:16

Kɔ́ɔ̄ɓē a əya̰də́ kɔ̄ɔ́ tām̄ majaĺ yā Jeroboam tə́ ō, tām̄ rāā ń Jeroboam rāā ngán Israel gə̄ adə̄ rāān̄ majaĺ ní ō.

2 MBAN̄G 13:11

Ni-rāā yá̰á̰ kə́ majaĺ ta kum Kɔ́ɔ̄ɓē tə́. Ni-lōō gír yá̰á̰ kə́ majaĺ gə̄ ń Jeroboam ngōn̄ Nebat sə̄lā Israel gə̄ adə̄ rāān̄ ní tə́ alé. Ni na̰y kə̄ loo rāā tə́.

2 MBAN̄G 21:3

Ni-tél rāā loo ndɔ̄ȳ gə̄ ń bɔbə̄n Ejekias nujəń kɔ̄ɔ́ ní gogə́. Ni-rāā loo tun̄ yá̰a̰ gə̄ adə̄ ɓesə̄ Baal ō, udə kāgə̄ ɓesə̄ kə́ yā ɓōĺ gidə kógə̄ḿ tītə̄ ń Akab mban̄g kə́ Israel rāań ní ō. Ni-ɔsə non nang tə́ no tə́yō̰ gə̄ malang kə́ dɔ rā̰ tə́ ō, rāā kəla adə̄də́ ō.

IJAI 26:10

Ba ré deē o̰o̰n tām̄ yā de kə́ majaĺ gə̄ tə́ anī, nin̄ a ndóōn̄ rāā yá̰á̰ kə́ nelī alé. Kem ɓē ń deē rāā yá̰a̰ majə tū tə́ ní gə̄gē, nin̄ rāān̄ yá̰á̰ kə́ majaĺ, Kɔ́ɔ̄ɓē, nin̄ a̰a̰n̄ kadə̄ ḭ̄ i de kə́ bo alé.