2 MBAN̄G 13:4 - Bibəl ta Sar̄

⁴ Banī Joakajə rāā Kɔ́ɔ̄ɓē ɓɔ́ kadə̄ wōn̄g yān tetə. Kɔ́ɔ̄ɓē oō ndūn, tɔdɔ̄ a̰a̰ ko̰y ń mban̄g kə́ Aram ənda Israel gə̄ tū tə́ ní,

Bible sar

⁴ Banī Joakajə rāā Kɔ́ɔ̄ɓē ɓɔ́ kadə̄ wōn̄g yān tetə. Kɔ́ɔ̄ɓē oō ndūn, tɔdɔ̄ a̰a̰ ko̰y ń mban̄g kə́ Aram ənda Israel gə̄ tū tə́ ní,

2 MBAN̄G 13:4 Referans Kwoze

2 MBAN̄G 14:26

Tɔdɔ̄ Kɔ́ɔ̄ɓē a̰a̰ rɔ̄sɔl̄ kə́ ngá̰ý ń rāā ngán Israel gə̄ ní. Ɓəlo, aláa de kə́ kɔ́ɔ̄ rɔ̄n, kal deē kógə̄ḿ kə́ yā dḭḭ̄ Israel gətóo.

Teē Ngán Israel gə̄ 3:7

Kɔ́ɔ̄ɓē tél əda na: M-á̰a̰ loo rāā ń rāān̄ kum gír deē yāḿ gə̄ ndoō tə́ dɔ nang kə́ Ejiptə tə́ ní. M-ōō nōō yādə́ dan ń ngé rāā kumdə́ ndoō tə́ gə̄ a tə̄ndān̄də́ ní. m̄-ger̄ tápə̄ yādə́.

PĀ GƏ̄ 78:34

Dan ń Nə́ɓā a tɔ̄l̄də́ anī, nin̄ sāān̄ njan. Əya̰n̄ yá̰a̰ rāādə́ gə̄ ba tūrə̄n̄ rɔ̄də́ kə̄ rɔ̄ Nə́ɓā tə́.

JEREMI 33:3

Ī-ɓārə́m̄ anī, m-ā m̄-ndigiī, m-ā m-ɔ́jiī yá̰á̰ kə́ bo ngá̰ý gə̄ kə́ ton̄ loo ɓɔ̄ɔ̄ rɔ̄ tə́, i yá̰a̰ gə̄ kə́ ī-ger̄ aĺ ɓáý.

IJAI 63:9

Tū tápə̄ yādə́ gə̄ tə́ malang ní, i nge kəla kógə̄ḿ, aláa i de kə́ dɔ rā̰ tə́ kógə̄ḿ n ajədə́ ní alé, banī i Kɔ́ɔ̄ɓē nəkɔ́. Ni-gān̄g dɔdə́ sɔɔ̄ń tár yān ō, ka̰a̰ kum tō ndoō yān ō. Ni ətōdə́ ō, ɔsə kíĺdə́ ō, dan najə̄ yādə́ kə́ jóo gə̄ tə́.

PĀ GƏ̄ 50:15

Gō tə́ ré wur kɔl əsō dɔí tə́ anī ī-ɓārə́m̄, anī m-ā m-ájiī kadə̄ ā ɔ́sə gɔnəḿ.

TƏ́DA 21:7

Gír de gə̄ reē əngen̄ Moijə ba ədanən̄ na: Jə-rāā yá̰á̰ kə́ majaĺ tām̄ jə-tə́da najə̄ dɔ Kɔ́ɔ̄ɓē tə́ ō, dɔí tə́ ō. Ba ī-rāā Kɔ́ɔ̄ɓē ɓɔ́ ādə̄ tə̄ɓā lī gə̄ ń toō kɔ̄ɔ́ dɔjí tə́ ādə̄ aw̄n̄ sa̰y. Moijə rāā Kɔ́ɔ̄ɓē ɓɔ́ tām̄ yā gír de gə̄ tə́.

Teē Ngán Israel gə̄ 3:9

Ń toō ní nōō yā ngán Israel gə̄ əsō mbīḿ tə́ ō, m-á̰a̰ loo rāā ń de kə́ Ejiptə gə̄ a rāān̄ kumdə́ ndoō tə́ ní ō,

TA KƏLA 21:17

Nə́ɓā oō ndū ngōn̄ ní loo sɔ̄ḿ tə́, adə̄ nge kəla yā Nə́ɓā ndi dɔ rā̰ tə́ ɓāŕ Agar, ədan na: Agar, i rí n rāāī? Ī-lōō sōl̄, tɔdɔ̄ Nə́ɓā oō ndū ngōn̄ loo sɔ̄ḿ tə́ loo ń to tū tə́ tə́ ní.

JEREMI 2:27

Nin̄ ədan̄ kāgə̄ na: Ḭ̄ i bɔbə́ḿ, nin̄ ədan̄ mbal̄ na: I ḭ̄ n ójəm̄. Rɔ̄kum, nin̄ tūrə̄n̄ i gə́ra gōdə́ n ɔjəmə̄n̄ ba i nɔtə nodə́ alé. Ba dan nəkɔ́ ń yá̰á̰ kə́ to kum tō ndoō teē dɔdə́ tə́ anī, nin̄ ədamə̄n̄ na: Ḭ́ḭ dɔɔ́, ájə́jí!

2 YÁ̰A̰ GƏ̄ 33:19

Ba najə̄ ń ɔr̄ kem ndɔ̄ȳ yān tə́ ō, loo koō ń Nə́ɓā oō ndūn ba rāā yá̰á̰ ń dəjen ní ō, yá̰á̰ kə́ majaĺ gə̄ malang ń ni-rāā ō, háĺ kə́ gōtə́ aĺ gə̄ ń rāā kə Nə́ɓāá ní ō, rī loo gə̄ ń ni-rāā loo ndɔ̄ȳ gə̄ tū tə́ ō, túdə̄ kāgə̄ ɓesə̄ kə́ yā ɓōĺ gidə gə̄ tū tə́ ō, túdə̄ yá̰á̰ kə́ tɔ́sə̄ ba rāādə́ kum gotə yá̰a̰ gə̄ tū tə́ ō, pá tá kadə̄ tél ger̄ yá̰a̰ rāān kə́ majaĺ gə̄ ta kum Kɔ́ɔ̄ɓē tə́ ní, ndangən̄ yá̰a̰ gə̄ ń noō malang i kem makətūbə̄ ń rīn na i kəla gə̄ ń Hojai rāā ní tə́.

2 MBAN̄G 13:22

Hajael mban̄g kə́ Aram rāā kum Israel gə̄ ndoō tə́ kə dɔ ndɔ̄ gə̄ malang ń Joakajə ndiń kə kumneé tə́ ní.

NGÉ SARYA 10:10

Loo ń noō tə́ nōōn̄ kə̄ dɔ Kɔ́ɔ̄ɓē tə́, ədanən̄ na: Jə-rāā majaĺ seí, tɔdɔ̄ j-əya̰ī ḭ̄ Nə́ɓā yājí kɔ̄ɔ́ ba jə-rāā kəla j-adə̄ ɓesə̄ Baal gə̄.

TA KƏLA 31:42

Ré Nə́ɓā yā kaaḿ Abəraham, nge ń Isaak a ɓōlə́n ní i seḿ aĺ anī, ā ī-tə̄ɓām̄ i jīḿ karī. Nə́ɓā a̰a̰ tápə̄ yāḿ ō, a̰a̰ kəla ń m̄-rāā kə jīḿ ní ō, adə̄ ndɔ̄ɔ́ laā ni gān̄g i sarya kə́ majə tām̄ yāḿ tə́.

IJAI 26:16

Kɔ́ɔ̄ɓē, dan ń wur kɔl əsō dɔjí tə́ anī, jə-tūr̄ rɔ̄jí kum kə̄ rɔ̄í tə́. Dan ń ḭ̄ ə́ndá ndéy anī, j-əda ndɔ̄ȳ gə̄ kə̄ nja naā tə́ kə ndūjí kə́ tél kə̄ nang tə́.

2 MBAN̄G 13:23

Banī ta tɔ̄l̄ ta anī Kɔ́ɔ̄ɓē a̰a̰ kum tō ndoō yādə́. Ni mā̰ȳ rɔ̄n dɔdə́ tə́ sɔɔ̄ń madə̄ naā ń ni-əhɔ kə Abəraham ō, Isaak ō, Jakob ō ní tə́. Adə̄ ni-lōō gír tɔ̄l̄də́ malang kɔ̄ɔ́ tə́. Jóo nəkɔ́ ń toō ní, ni-ɔr̄də́ sa̰y kɔ̄ɔ́ rɔ̄n tə́ alé.

ESDRAS 8:23

Adə̄ jə-*ndi ɓō tām̄ yā Nə́ɓā tə́, jə-dəjeń Nə́ɓā yājí kadə̄ rāā kem majə sejí ba kə ngɔ̄m̄jí. Anī ni-rāā yá̰á̰ ń jə-dəjen ní.

Makətūbə̄ yā Job 22:27

Dan ń ā ī-rāān ɓɔ́ anī, ni a oō nōō yāí ō, yāí i kadə̄ ī-rāā yá̰á̰ ń ə̄nī ndūí yā rāā ní ngóy ō.