2 MBAN̄G 13:3 - Bibəl ta Sar̄

³ Loo ń noō tə́ wōn̄g rāā Kɔ́ɔ̄ɓē kə Israel gēé adə̄ ni əladə́ kem jī Hajael mban̄g kə́ Aram tə́ ō, Ben Hadad ngōn̄ Hajael tə́ ō, dan oy tām̄.

Bible sar

³ Loo ń noō tə́ wōn̄g rāā Kɔ́ɔ̄ɓē kə Israel gēé adə̄ ni əladə́ kem jī Hajael mban̄g kə́ Aram tə́ ō, Ben Hadad ngōn̄ Hajael tə́ ō, dan oy tām̄.

2 MBAN̄G 13:3 Referans Kwoze

1 MBAN̄G GƏ̄ 19:17

Deē ń a teē ta kaskar yā Hajael tə́ ní, Yehu a tɔ̄lən ō, deē ń a teē ta kaskar yā Yehu tə́ ní, Elije a tɔ̄lən ō.

NGÉ SARYA 2:14

Adə̄ wōn̄g rāā Kɔ́ɔ̄ɓē kə ngán Israel gēé. Ni-əya̰də́ adə̄ ngé ɓogə gə̄ ɔyn̄ yá̰a̰ kənge yādə́ gə̄ ō, əladə́ jī madə̄ ba̰ā̰də́ gə̄ ń ndi gīrə̄n̄ gidədə́ ní tə́ ō. Adə̄ ngán Israel gə̄ asən̄ dum̄ tadə́ to̰ alé.

2 MBAN̄G 12:17

Banī nar ń de kə́rēý gə̄ adə̄n̄ kum gotə yá̰a̰ tun̄ kə́ tām̄ yā majaĺ tə́ ní, ɓōkə́n̄ kem sandúkú alé, télə̄n̄neé adə̄n̄ i ngé tun̄ yá̰a̰ gə̄.

HEBƏRO 12:29

Tɔdɔ̄ Nə́ɓā yājí i hor kə́ a o̰o̰ yá̰a̰.

2 MBAN̄G 13:22

Hajael mban̄g kə́ Aram rāā kum Israel gə̄ ndoō tə́ kə dɔ ndɔ̄ gə̄ malang ń Joakajə ndiń kə kumneé tə́ ní.

NGÉ SARYA 3:8

Wōn̄g rāā Kɔ́ɔ̄ɓē sedə́ adə̄ əladə́ kem jī Kusan Risataim, mban̄g kə́ Mesopotami tə́. Ngán Israel gə̄ rāān̄ kəla yā Kusan Risataim ɓāl̄ sɔ́sɔ́.

NDŪ NAJƏ̄ 28:25

Kɔ́ɔ̄ɓē a rāā kadə̄ madə̄ ba̰ā̰í gə̄ a tetənī rɔ̄ɔ̄. Ré ún i róbə́ kə́ kógə̄ḿ beē n āw̄ ə̄nińdə́ rɔ̄ɔ̄ anī, ā ī-tél yā ka̰ȳ nodə́ tə́ i kə ta róbə́ kə́ rang gēé gír sīrí. Ā ī-téĺ yá̰á̰ kə́ əga deē kə̄ngā sāā tə́ tām̄ yā ɓē ko̰o̰ gə̄ malang kə́ dɔ nang tə́ ń a a̰a̰n̄ yá̰á̰ ń a rāāī ní tə́.

LEBI GƏ̄ 26:17

M-ā m̄-tūr̄ rɔ̄ḿ yā rɔ̄ɔ̄sí kadə̄ madə̄ ba̰ā̰sí gə̄ tetən̄sí rɔ̄ɔ̄ ō, ngé kim̄sí gə̄ a ndin̄ dɔsí tə́ ō, ā ā̰yī naā kanjə̄ kadə̄ deē ngɔ̄də̄sí ō.

JEREMI 49:27

M-ə́la hor dɔ ɓē kə́ Damas tə́, adə̄ o̰o̰ kújə gə̄ yā mban̄g Ben Hadad.

AMOS 4:10

m̄-rāā adə̄ mo̰y ngāl̄bɔ̄gīí kógə̄ḿ kə́ tītə̄ nge ń əsō dɔ dā̰ gə̄ kə́ Ejiptə tə́ ní, əsō dɔsí tə́. M-ə́ya̰ madə̄ ba̰ā̰ gə̄ adə̄ tɔ̄lə̄n̄ balsáa yāsí gə̄, dan ń de gə̄ a ɔyn̄neé sə́nda yāsí gə̄ ní. Sēē nīń kə́ otə majaĺ ngá̰ý aw̄ bátə́ ugə̄ kó̰ńsí tə́. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

2 MBAN̄G 17:20

I tām̄ najə̄ ń noō tə́ n Kɔ́ɔ̄ɓē mbātə́nń Israel gə̄ malang ní. Ni-əla rɔ̄sɔl̄ dɔdə́ tə́, əya̰də́ adə̄ ngé ɓogə gə̄ ɔyn̄ yá̰a̰ kənge yādə́ gə̄ ō, ta tɔ̄l̄ ta anī tə̄ɓādə́ əndādə́ sa̰y kɔ̄ɔ́ rɔ̄n tə́ ō.