2 MBAN̄G 12:3 - Bibəl ta Sar̄

³ Joas rāā yá̰á̰ kə́ gōtə́ ta kum Kɔ́ɔ̄ɓē tə́ kə dɔ ndɔ̄ gə̄ malang ń ni ndiń kə kumneé ní, tɔdɔ̄ Yoyada nge tun̄ yá̰a̰ ndóōn yá̰a̰.

Bible sar

³ Joas rāā yá̰á̰ kə́ gōtə́ ta kum Kɔ́ɔ̄ɓē tə́ kə dɔ ndɔ̄ gə̄ malang ń ni ndiń kə kumneé ní, tɔdɔ̄ Yoyada *nge tun̄ yá̰a̰ ndóōn yá̰a̰.

2 MBAN̄G 12:3 Referans Kwoze

2 MBAN̄G 14:4

Ɓá tā ba ni-rāā adə̄ loo ndɔ̄ȳ gə̄ gətóon̄ kɔ̄ɔ́ kem ɓēé alé. Adə̄ de gə̄ na̰yn̄ kə̄ loo tun̄ yá̰a̰ gə̄ tə́ ō, kə̄ loo róō ndujə̄ yá̰á̰ kə́ kotə majə gə̄ tə́ ō, dɔ loo ndɔ̄ȳ gə̄ tə́.

2 MBAN̄G 18:4

Ni nujə loo ndɔ̄ȳ gə̄ ō, tɔ̄ɔ̄ mbal̄ kə́ kudə dɔɔ́ gə̄ ō, tə́gā kāgə̄ ɓesə̄ kə́ yā ɓōĺ gidə gə̄ kɔ̄ɔ́ ō. Ni jén̄g lī gində̄ nə̄ngá kasə ń Moijə rāā ní kɔ̄ɔ́ ō, tɔdɔ̄ bátə́ ugə̄ń dan ngeé ń noō tə́ ní ngán Israel gə̄ a róōn̄ ndujə̄ yá̰á̰ kə́ kotə majə gə̄ a adə̄n̄ lī gində̄ ní. Nin̄ əndān̄ rīn na i Nehustan.

2 MBAN̄G 15:35

Ɓá tā ba ni-rāā adə̄ loo ndɔ̄ȳ gə̄ gətóon kɔ̄ɔ́ kem ɓēé alé, adə̄ de gə̄ na̰yn̄ i kə̄ loo tun̄ yá̰a̰ gə̄ tə́ ō, róō ndujə̄ yá̰á̰ kə́ kotə majə gə̄ tə́ ō, dɔ loo ndɔ̄ȳ gə̄ tə́. I Yotam n rāā ta róbə́ kə́ dɔɔ́ kə́ tū kújə yā Kɔ́ɔ̄ɓē tə́ ní.

1 MBAN̄G GƏ̄ 22:43

Ni ndájə̄ kəla malang ń bɔbə̄n Asa rāā ní ba tɔ̄ɔ̄ gō tə́ alé. Ni-rāā yá̰á̰ kə́ gōtə́ ta kum Kɔ́ɔ̄ɓē tə́.

1 MBAN̄G GƏ̄ 15:14

Ba de gə̄ əya̰n̄ loo ndɔ̄ȳ gə̄ kɔ̄ɔ́ alé. Ɓá tā ba Asa əndā kemən dɔ Kɔ́ɔ̄ɓē tə́ mámák kə dɔ ndɔ̄ gə̄ malang ń ni ndiń kə kumneé tə́ ní.

JEREMI 2:20

Nəkɔ́ ń jóo toó ḭ̄ ā ī-tétə̄ njúkə kɔ̄ɔ́ ō, ī-gān̄g kəlā kə́ tṵ́ṵ̄īn̄neé gə̄ kɔ̄ɔ́ ō, ba ə́da na: m̄-ndigə rāā ɓəlo to̰ alé. Kə dɔ ngán mbal̄ gə̄ tə́ malang ō, kə gír kāgə̄ gə̄ kə́ to mbōl̄ gə̄ tə́ malang ō ní, ḭ̄ ī-rāā ájə́ba yā rāań ɓesə̄.

2 YÁ̰A̰ GƏ̄ 31:4

Mban̄g əda de kə́ Jerusalem gə̄ malang kadə̄ adə̄n̄ ngé tun̄ yá̰a̰ gə̄ ō, ngán Lebi gə̄ ō, núsə́ yá̰á̰ kə́ tām̄ yādə́ tə́ ń sɔɔ̄ kadə̄ adə̄n̄də́ ní, tá kadə̄ nin̄ asən̄neé kadə̄ rɔ̄də́ kə taá malang ta kəla gə̄ ń ɔjən̄ tām̄ yādə́ tə́ kem ndū najə̄ yā Kɔ́ɔ̄ɓē tə́ ní.

2 MBAN̄G 12:2

I kem ɓāl̄ ko̰o̰ ɓē kə́ nge ko̰ sīrí yā Yehu tə́ ń əndān̄neé Joas mban̄g ní. Ni-o̰o̰ ɓē ɓāl̄ kutə sɔ́ Jerusalem. Rī kó̰o̰n na i Sibia, i dəyá̰ kə́ Beer Seba.

2 MBAN̄G 15:4

Ɓá tā ba ni-rāā adə̄ loo ndɔ̄ȳ gə̄ gətóon̄ kɔ̄ɔ́ kem ɓēé alé. Adə̄ de gə̄ na̰yn̄ kə̄ loo tun̄ yá̰a̰ gə̄ tə́ ō, kə̄ loo róō ndujə̄ yá̰á̰ kə́ kotə majə gə̄ tə́ ō, dɔ loo ndɔ̄ȳ gə̄ tə́.

1 MBAN̄G GƏ̄ 15:11

Asa rāā yá̰á̰ kə́ gōtə́ ta kum Kɔ́ɔ̄ɓē tə́ tītə̄ yā kaan Dabid.

2 MBAN̄G 15:3

Ajaria rāā yá̰á̰ kə́ gōtə́ ta kum Kɔ́ɔ̄ɓē tə́ tītə̄ yā bɔbə̄n Amasia.

2 MBAN̄G 18:3

Ejekias rāā yá̰á̰ kə́ gōtə́ ta kum Kɔ́ɔ̄ɓē tə́ tītə̄ yā kaan Dabid jéjé.

2 MBAN̄G 22:2

Josias rāā yá̰á̰ kə́ gōtə́ ta kum Kɔ́ɔ̄ɓē tə́. Ni ndájə̄ kəla rāā kaan Dabid kanjə̄ tɔ̄ɔ̄ geleé aláa ko̰ó̰.