2 MBAN̄G 11:8 - Bibəl ta Sar̄

⁸ Áskar gə̄ malang a ran̄ kə yá̰a̰ rɔ̄ɔ̄ gēé jīdə́ tə́. A gīrə̄n̄ gidə mban̄g ō, loo ń mban̄g aw̄ kə̄ tū tə́ ní, nin̄ a dānə̄nən̄ ō. Deē ń a sāā kənda dansí yā manəń kə gúú ní kɔ́ɔ̄ a oy.

Bible sar

⁸ Áskar gə̄ malang a ran̄ kə yá̰a̰ rɔ̄ɔ̄ gēé jīdə́ tə́. A gīrə̄n̄ gidə mban̄g ō, loo ń mban̄g aw̄ kə̄ tū tə́ ní, nin̄ a dānə̄nən̄ ō. Deē ń a sāā kənda dansí yā manəń kə gúú ní kɔ́ɔ̄ a oy.

2 MBAN̄G 11:8 Referans Kwoze

2 YÁ̰A̰ GƏ̄ 23:7

Gotə ngán Lebi kə́ rang gə̄ a ran̄ kə yá̰a̰ rɔ̄ɔ̄ gēé jīdə́ tə́. Nin̄ a gīrə̄n̄ gidə mban̄g ō, a dānə̄nən̄ loo ń a aw̄ kə̄ tū tə́ ní ō. Deē ń a sāā kudə kem kújə yā Kɔ́ɔ̄ɓē tə́ ní a tɔ̄lə̄n̄ kɔ́ɔ̄ kɔ̄ɔ́!

2 MBAN̄G 11:15

Banī Yoyada nge tun̄ yá̰a̰ əda ngol áskar gə̄ na kə teēn̄ seneé dan de gə̄ tə́ kɔ̄ɔ́. Deē ń a aw̄ gōn tə́ ní kɔ́ɔ̄ a oy yo kaskar. Nge tun̄ yá̰a̰ əda na majə kadə̄ ni-oy kem kújə yā Kɔ́ɔ̄ɓē tə́ alé.

TƏ́DA 27:17

kadə̄ ɔr nodə́ ta kaw̄də́ tə́ ō, ta téldə́ ō, ɓáa anī de gə̄ a ton̄ tītə̄ batə̄ gə̄ kə́ nge kul̄də́ gətóo alé.

Teē Ngán Israel gə̄ 21:14

Ba ré deē núm̄ madə̄n kemən tə́ tá tɔ̄lən kə kum kedēé anī, ká ré a̰ȳ nam̄ i loo tun̄ yá̰a̰ yāḿ gə̄gē anī, ā ɔ̄rīin̄ kə̄ gogə́ yā tɔ̄lən.

TƏ́DA 27:16

Kɔ́ɔ̄ɓē Nə́ɓā, ḭ̄ ń ī-rāā de gə̄ malang ādə̄ ndin̄ kə kumdə́ ní, ə̄ndā deē kógə̄ḿ dɔ ngán Israel gə̄ tə́,

2 MBAN̄G 11:7

Gotə ɓūtə̄ yāsí kə́ rang kə́ jōó gə̄ ń kə gō gēé ɓáa a rāān̄ kəla ndɔ̄ sabat tə́ aĺ ní, a reēn̄ yā ngɔ̄m̄ kújə yā Kɔ́ɔ̄ɓē ń mban̄g kə́ dūú ɓáý i kemeé ní.