2 MBAN̄G 10:9 - Bibəl ta Sar̄

⁹ Teē kə ndɔ̄ kə́ noō dəloí anī, Yehu teē kɔ̄ɔ́ kem ɓēé, ba ra dɔɔ́ ədań de gə̄ malang na: Sḭḭ̄ i de kə́ sew gə̄! I mā n j-oō naā kə madə́ḿ gēé dɔ kɔ́ɔ̄ḿ tə́ ō, i mā n m̄-tɔ̄lən ō ní. Ba ngé gə̄ ń toō malang ní i náā n tɔ̄l̄də́ ní.

Bible sar

⁹ Teē kə ndɔ̄ kə́ noō dəloí anī, Yehu teē kɔ̄ɔ́ kem ɓēé, ba ra dɔɔ́ ədań de gə̄ malang na: Sḭḭ̄ i de kə́ sew gə̄! I mā n j-oō naā kə madə́ḿ gēé dɔ kɔ́ɔ̄ḿ tə́ ō, i mā n m̄-tɔ̄lən ō ní. Ba ngé gə̄ ń toō malang ní i náā n tɔ̄l̄də́ ní.

2 MBAN̄G 10:9 Referans Kwoze

OJEE 1:4

Anī Kɔ́ɔ̄ɓē əda Ojee na kə əndā rīn na i Isreel, tɔdɔ̄ sḛ́ý laā anī, m-ā m̄ rɔ̄ɔ̄ kə kojə yā mban̄g Yehu najə̄ yā mósə́ ń ɓōkə́n̄ nang tə́ wól loo kə́ Jisreel tə́ ní. M-ā m̄-nujə ko̰o̰ ɓē yā mban̄g kə́ dɔ nang kə́ Israel tə́ kɔ̄ɔ́.

IJAI 5:3

Loo ń noō tə́ madə́ḿ ní əda na: Sḭḭ̄ de gə̄ ń ī-ndiī kem ɓē kə́ Jerusalem tə́ ní, sḭḭ̄ de kə́ Juda gə̄, i sḭḭ̄ n ā ī-gāngī sarya kə́ dɔ dáńjí tə́ kə ndɔr̄ kāgə̄ nduú yāḿ ní.

1 SAMUEL 12:3

Mā n m̄-rā toó. Ré āwī kə najá seḿ kemsí tə́ anī, ə́daī kə̄ ta kum Kɔ́ɔ̄ɓē tə́ ō, ta kum mban̄g ń ni gə̄rā tə́ ní ō. I náā n m̄-taā man̄g yān aké kərō yān ní? I náā n m-ə́sa tətōn, aké m̄-rāā kumən ndoō tə́ ní? I náā n m̄-taā nar jīn tə́ yā kótəń kumḿ kɔ̄ɔ́ dɔ najə̄ yān tə́ ní? M-ā m̄-téləń yā kadə̄sí gogə́.

2 MBAN̄G 10:6

Yehu ndang makətūbə̄ nja kə́ nge ko̰ jōó əlań adə̄də́. Ni ədadə́ kemeé na: Ré sḭḭ̄ i deē yāḿ gə̄ ō, ōōī taḿ ō anī, ī-gángī dɔ ngán mban̄g gə̄ malang ī-reēīneé bírí ādə̄mī kə kum mbang kə́ beé kem ɓē kə́ Jisreel tə́. Ba ngán mban̄g kə́ dəngam gə̄ kə́ kutə sīrí gə̄ ní tā anī ɓɔ̄ɔ̄də́ i kə de kə́ bo gə̄ kə́ kem ɓēé kadə̄ ətōn̄də́.

2 MBAN̄G 10:8

Ngōmbang kəla kógə̄ḿ reē əda Yehu na reēn̄ kə dɔ ngán mban̄g gə̄ ní noō. Anī Yehu əda na: Ī-kánīdə́ dɔ naā tə́ gír loo jōó ta róbə́ kə́ yā kudəń kə̄ kem ɓē tə́, ādə̄ to bátə́ loo tīī dɔ tə́!

2 MBAN̄G 12:21

Ngé kəla yān gə̄ mbātə́nən̄ ba oōn̄ naā dɔn tə́. Nin̄ tɔ̄lnə̄n̄ Bet Milo dan ń a aw̄ kə̄ Sila ní.