2 MBAN̄G 10:7 - Bibəl ta Sar̄

⁷ Dan ń makətūbə̄ ní ugə̄ rɔ̄də́ tə́ anī, əhɔn̄ ngán gə̄ ní tə́jān̄ míndə́də́ malang ba kánə̄n̄ dɔdə́ kə̄ kem jáng gə̄ tə́ əlan̄neé adə̄n̄ Yehu kem ɓē kə́ Jisreel tə́.

Bible sar

⁷ Dan ń makətūbə̄ ní ugə̄ rɔ̄də́ tə́ anī, əhɔn̄ ngán gə̄ ní tə́jān̄ míndə́də́ malang ba kánə̄n̄ dɔdə́ kə̄ kem jáng gə̄ tə́ əlan̄neé adə̄n̄ Yehu kem ɓē kə́ Jisreel tə́.

2 MBAN̄G 10:7 Referans Kwoze

1 MBAN̄G GƏ̄ 21:21

M-ā m̄-rāā kadə̄ yá̰á̰ kə́ to kum kaȳ aĺ teē dɔí tə́. M-ā m̄-rāā kadə̄ ā ī-gətóo kɔ̄ɔ́. M-ā m̄-tɔ̄l̄ de kə́ dəngam gə̄ kə́ gír yāí tə́ malang, ngáń kə́ dūú gə̄gē, de kə́ tɔgə gə̄gē, m-ā m̄-tɔ̄l̄də́ kɔ̄ɔ́ malang dɔ nang kə́ Israel tə́.

2 MBAN̄G 11:1

Dan ń Atali, kó̰o̰ Akajias, a̰ā̰ kadə̄ ngōnən oy kɔ̄ɔ́ anī, gḛy tɔ̄l̄ de gə̄ kə́ gír kojə yā mban̄g tə́ kɔ̄ɔ́ malang.

2 YÁ̰A̰ GƏ̄ 21:4

Adə̄ Joram o̰o̰ ɓē gotə bɔbə̄n tə́ ō, mbūsə̄ gír ko̰o̰ ɓē yān adə̄ ngan̄g ō. Gō tə́ anī tɔ̄l̄ ngákó̰o̰n gə̄ malang kɔ̄ɔ́ ō, tɔ̄l̄ ngār kə́rēý gə̄ kə́ Israel tə́ kɔ̄ɔ́ ō kə kaskaraá.

2 MBAN̄G 10:9

Teē kə ndɔ̄ kə́ noō dəloí anī, Yehu teē kɔ̄ɔ́ kem ɓēé, ba ra dɔɔ́ ədań de gə̄ malang na: Sḭḭ̄ i de kə́ sew gə̄! I mā n j-oō naā kə madə́ḿ gēé dɔ kɔ́ɔ̄ḿ tə́ ō, i mā n m̄-tɔ̄lən ō ní. Ba ngé gə̄ ń toō malang ní i náā n tɔ̄l̄də́ ní.

2 MBAN̄G 10:6

Yehu ndang makətūbə̄ nja kə́ nge ko̰ jōó əlań adə̄də́. Ni ədadə́ kemeé na: Ré sḭḭ̄ i deē yāḿ gə̄ ō, ōōī taḿ ō anī, ī-gángī dɔ ngán mban̄g gə̄ malang ī-reēīneé bírí ādə̄mī kə kum mbang kə́ beé kem ɓē kə́ Jisreel tə́. Ba ngán mban̄g kə́ dəngam gə̄ kə́ kutə sīrí gə̄ ní tā anī ɓɔ̄ɔ̄də́ i kə de kə́ bo gə̄ kə́ kem ɓēé kadə̄ ətōn̄də́.

2 MBAN̄G 10:8

Ngōmbang kəla kógə̄ḿ reē əda Yehu na reēn̄ kə dɔ ngán mban̄g gə̄ ní noō. Anī Yehu əda na: Ī-kánīdə́ dɔ naā tə́ gír loo jōó ta róbə́ kə́ yā kudəń kə̄ kem ɓē tə́, ādə̄ to bátə́ loo tīī dɔ tə́!

1 MBAN̄G GƏ̄ 21:19

Āw̄ ə́dan na Kɔ́ɔ̄ɓē əda na: Adə̄ ī-tɔ̄l̄ deē ba ī-reē yā taā yá̰a̰ yān dɔ tə́ ní! Gō tə́ anī ə́dan na Kɔ́ɔ̄ɓē əda ɓáý to̰ na: Loo ń bísə gə̄ tō̰nə́n̄ mósə Nabot tū tə́ ní, bísə gə̄ a tō̰nə́n̄ mósí īkɔ́ tū tə́ ō.