2 MBAN̄G 1:2 - Bibəl ta Sar̄

² Ndɔ̄ kə́rēý tə́ mban̄g Akajias ndi kem kújə yān kə́ dɔɔ́ kə́ Samari tə́ anī teē ko̰rō̰ kújə́ tə́ əsō adə̄ ənge do ngá̰ý. Ni-əla koō taá rɔ̄ Baal Jebul, nə́ɓā kə́ Ekəron tə́ yā gerə̄ń ké rɔ̄n a ngáā wa.

Bible sar

² Ndɔ̄ kə́rēý tə́ mban̄g Akajias ndi kem kújə yān kə́ dɔɔ́ kə́ Samari tə́ anī teē ko̰rō̰ kújə́ tə́ əsō adə̄ ənge do ngá̰ý. Ni-əla koō taá rɔ̄ *Baal Jebul, nə́ɓā kə́ Ekəron tə́ yā gerə̄ń ké rɔ̄n a ngáā wa.

2 MBAN̄G 1:2 Referans Kwoze

2 MBAN̄G 1:16

Eli əda mban̄g na: Kɔ́ɔ̄ɓē əda na ə́la de gə̄ koō taá rɔ̄ Baal Jebul nə́ɓā kə́ Ekəron tə́, tītə̄ kə́ Nə́ɓā kə́ yā kadə̄ deē aw̄ koō taá rɔ̄n tə́ gətóo Israel tə́ beē ɓá ní, tə̄rá ń ī-to dɔ tə́ toō ā ḭ́ḭ kɔ̄ɔ́ dɔ tə́ karī alé a oy gáŕ.

MARK 3:22

Ba ngé ndóō de gə̄ ndū najə̄ gə̄ ń ḭḭn̄ Jerusalem ní ədan̄ na Beljebul na i kemən tə́, na i kə ta kūl̄ ngār yā ndíĺ kə́ majaĺ gə̄ n a tə̄ɓań ndíĺ kə́ majaĺ gə̄ ní.

MATIYE 10:25

Ré nge ndóō yá̰a̰ reē to tītə̄ nge kɔjən yá̰a̰ ō, nge kəla reē to tītə̄ kɔ́ɔ̄n ō ɓáa asə beé. Dan ń ɓārə́n̄ kɔ́ɔ̄ kújə na i Beljebul ní, a ədan̄ najə̄ kə́ tōr̄ ngá̰ý tɔȳ nge n noō ɓáý dɔ de gə̄ kə́ kem kújə yān tə́.

IJAI 37:19

Nin̄ ɓōkə́n̄ nə́ɓā yādə́ gə̄ kum hor tə́. Tām̄ nin̄ i nə́ɓā gə̄ alé, banī nin̄ i kāgə̄ kə́ tɔ́sə̄ gə̄, aláa nin̄ i mbal̄ gə̄ kə́ i de gə̄ n rāān̄də́ kə jīdə́.

Najə̄ kə́ Majə yā Jeju ń Luk ndang ní 11:15

Banī de kə́rēý gə̄ dandə́ tə́ ədan̄ na: I Beljebul ngār yā ndíĺ kə́ majaĺ gə̄ ń adə̄n tɔ́gə́ á a tə̄ɓań ndíĺ kə́ majaĺ gə̄ ní!

IJAI 37:12

Dan ń mban̄g kə́ rang kə́ kété noḿ mā tə́ gə̄ nujən̄ ɓē gə̄ kə́ Gojan ō, Haran ō, Resep ō, Telasar ō, ɓē bo yā Edenitə gə̄ ō ní, nə́ɓā gə̄ yā nápar de gə̄ ń noō gə̄ gāngə̄n̄ dɔdə́ alé.

2 MBAN̄G 1:6

Anī tél ədanən̄ na: Deē kógə̄ḿ tə́nī tají ba ədají na kə jə-tél dɔ tə́ kə jə-reē kə j-ədaī na Kɔ́ɔ̄ɓē əda na ké Nə́ɓā gətóo i mbée Israel tə́ áké ə́la koō taá rɔ̄ Baal Jebul nə́ɓā kə́ Ekəron tə́ ní wa. Beé ɓá ní tə̄rá ń ī-to dɔ tə́ toō ā ḭ́ḭ dɔ tə́ karī alé, a oy gáŕ.

2 MBAN̄G 1:3

Anī de kə́ dɔ rā̰ tə́ yā Kɔ́ɔ̄ɓē əda Eli kə́ Tisbe na kə ḭḭ dɔɔ́ kə aw̄ kə tə́nī ta ngé kəla gə̄ yā mban̄g kə́ Samari, ba kə dəjedə́ na ké Nə́ɓā gətóo i mbée Israel tə́ áké aw̄n̄ sāá rɔ̄ Baal Jebul nə́ɓā kə́ Ekəron tə́ ní wa.

1 MBAN̄G GƏ̄ 11:33

Na n-a n-rāā yá̰á̰ ń noō na i tām̄ kəya̰ ń ngán Israel gə̄ na əya̰nən̄ ni Kɔ́ɔ̄ɓē kɔ̄ɔ́ ba na ndɔ̄ȳn̄ nə́ɓā Astarte ń i nə́ɓā kə́ dəyá̰ yā Sidon gə̄ ō, nə́ɓā Kemos ń i nə́ɓā yā Moab gə̄ ō, nə́ɓā Milkom ń i nə́ɓā yā Amon gə̄ ō ní tə́. Na unən̄ róbə gə̄ ń ni Kɔ́ɔ̄ɓē n-ɔjədə́ ní alé, adə̄ yá̰á̰ ń ta kumən ní tə́ i yá̰á̰ kə́ gōtə́ ní nin̄ na rāān̄ alé. Nin̄ na rāān̄ yá̰á̰ ń ndū najə̄ yān əda ní aĺ ō, na rāān̄ yá̰a̰ kə gō jī loo rāā yá̰a̰ gə̄ ń ni n-ɔjədə́ ní aĺ ō, yá̰á̰ ń Dabid bɔbə̄ Salomo̰ na rāā ní nin̄ na rāān̄ alé.

KƏLA RĀĀ 20:9

Balsáá kógə̄ḿ kə́ rīn na i Etis ndi i ta ko̰rō̰ kújə́ kə́ ra kə wōyōó tə́. Dan ń Pol ɔr̄ najə̄ dan gān̄g aĺ ní, ɓīī ənda gō balsáá ní kɔ̄ɔ́. Ɓīī ní unən adə̄ ni-teē kum ko̰rō̰ kújə́ kə́ dɔɔ́ kə́ nge ko̰ mətá tə́ əsō nang tə́. Unnən̄ anī ni i kə oy kɔ̄ɔ́.

PĀ KƏ́ MAJƏ 2:9

Kó tár yāḿ to tītə̄ kāl̄ aláa ngōn̄ dul beé. I ni n dəba gidə ndogə̄ mbal̄ yājí tə́ toō. Əla kumən ko̰rō̰ kújə́ tə́ a go̰ō̰ń loo, a̰a̰ loo mbo̰ō̰ párpar tə́.

Makətūbə̄ yā Job 31:3

Nujə sák sák i tām̄ yā de kə́ nge rāā háĺ tə́ aĺ a? Kɔ́l a əsō i gō ngé rāā yá̰a̰ majaĺ gə̄ tə́ aĺ a?

1 MBAN̄G GƏ̄ 22:34

Banī deē kógə̄ḿ ur gə̄rā yān kə̄ noó, anī gə̄ra ní əhɔ mban̄g kə́ Israel tə́ mbo̰ō̰ kūbə̄ gində̄ kə́ rɔ̄n tə́. Mban̄g əda nge púsə rɔ̄ɔ̄ yān na kə tūr̄ dɔ púsə ba kə teē seneé kɔ̄ɔ́ dan rɔ̄ɔ̄ tə́, tɔdɔ̄ n-ənge do.

1 MBAN̄G GƏ̄ 14:3

kə ɔy mápa kutə kógə̄ḿ ō, mápa kə́ rāā kə yibə̄ gə̄ ō, kə un kū yibə̄ tejə kógə̄ḿ ō, ba kə aw̄ kə əngen. Na a ədan yá̰á̰ ń a rāā yā reē dɔ ngōn̄də́ tə́ ní.

1 SAMUEL 5:10

Loo ń noō tə́ nin̄ əlan̄ kə sandúkə yā Nə́ɓāá Ekəron. Dan ń sandúkə yā Nə́ɓā reē ugə̄ kem ɓē kə́ Ekəron tə́ anī, de kə́ Ekəron gə̄ nōōn̄ ngá̰ý ədan̄ na reēn̄ kə sandúkə yā Nə́ɓā yā Israel gēé ɓēé loodə́ na i yā tɔ̄ləńdə́.

NGÉ SARYA 11:24

Nge ń ɓesə̄ yāí Kemos adī ní i gír jīí tə́ aĺ ɓáý a? Ní yá̰a̰ malang ń Kɔ́ɔ̄ɓē Nə́ɓā yājí adə̄jí ní kə j-ənge aĺ a?

NGÉ SARYA 5:28

Kó̰o̰ Sisəra əla kumən ko̰rō̰ kújə́ tə́ a̰a̰ń loo. Ni-a̰a̰ loo mbo̰ō̰ párpar tə́ ba nōō rɔ̄n əda na: I ba̰ý á púsə rɔ̄ɔ̄ yān tél alé? I ba̰ý á púsə rɔ̄ɔ̄ yān ɔr bā̰ā̰ loo reē tə́ beé?

IJAI 2:6

Kɔ́ɔ̄ɓē, ḭ̄ ə́yá̰ gír deē yāí gə̄ ń i kojə yā Jakob ní kɔ̄ɔ́. I tām̄ yā yá̰á̰ ń toō tə́: Kɔdə̄ sāā gə̄ kə́ ḭḭn̄ gír ɓē tə́ taān̄ loo kem ɓē yān tə́. Kutə ngé ka̰a̰ yá̰á̰ kə́ dɔ rā̰ tə́ gə̄ i ngá̰ý tītə̄ yā ngé kə́ ɓē Pilistin gēé. Gír deē yāí gə̄ rāān̄ gātə̄ kə tə̄rā gēé.

JOJUE 15:11

ḬḬ noó aw̄ teē kadə Ekəron kə́ dām̄ mbɔ́r ɓē kə́ ko̰ó̰ tə́, rugə rɔ̄n aw̄ Sikaron, man̄ mbal̄ Baala ba aw̄ bátə́ teē Yabəneel, ḭḭ Yabəneel aw̄ ugə̄ bā bo tə́.

1 MBAN̄G GƏ̄ 22:40

Dan ń Akab oy adə̄ aw̄ gō kaan gə̄ tə́ ní, i ngōnən Akajias n o̰o̰ ɓē gotən tə́ ní.

2 MBAN̄G 17:16

Nin̄ mbātə̄ń rāā gō míndə gə̄ ń Kɔ́ɔ̄ɓē Nə́ɓā yādə́ əndā dɔdə́ tə́ kadə̄ rāān̄ ní malang, ba rāān̄ duĺ man̄g gə̄ jōó kə gində̄ kə́ nō horó tām̄ yādə́ tə́. Nin̄ udən̄ ɓesə̄ Asera ō, ɔsən̄ nodə́ nang tə́ no tə́yō̰ gə̄ malang kə́ dɔ rā̰ tə́ ō, rāān̄ kəla adə̄n̄ ɓesə̄ Baal ō.

IJAI 19:3

Tɔ́gə de kə́ Ejiptə gə̄ a ur̄ wak ō, yá̰a̰ gə̄ ń nin̄ númə̄n̄ rāā ní m-ā m̄-rāā kadə̄ a a̰a̰ gō naā aĺ ō. Nin̄ a aw̄n̄ sāā tə́ rɔ̄ nə́ɓā gə̄ kə́ rɔ̄kum aĺ gə̄ tə́ ō, rɔ̄ ngé bógə̄rō de gə̄ tə́ ō, rɔ̄ ndíl de kə́ koy kɔ̄ɔ́ gə̄ tə́ ō, rɔ̄ kɔdə̄ sāā gə̄ tə́ ō.