2 KORḚNTƏ 2:3 - Bibəl ta Sar̄

³ I tām̄ najə̄ ń noō tə́ n m̄-ndangəń makətūbə̄ m-ə́lań kété m-ādə̄sí ní, i yā kadə̄ ré m-ūgə̄ anī ī-rāāmə̄n̄neé kadə̄ kemḿ nelə̄m̄ aĺ alé. Tɔdɔ̄ ngé gə̄ ń majə kadə̄ rāāmə̄n̄ kadə̄ kemḿ nelə̄m̄ ní i sḭḭ̄. Tɔdɔ̄ m̄-ger̄ majə kadə̄ sḭḭ̄ ní ré rɔ̄ḿ mā nelə̄m̄ anī, rɔ̄sí sḭḭ̄ malang a nel̄sí ō.

Bible sar

³ I tām̄ najə̄ ń noō tə́ n m̄-ndangəń makətūbə̄ m-ə́lań kété m-ādə̄sí ní, i yā kadə̄ ré m-ūgə̄ anī ī-rāāmə̄n̄neé kadə̄ kemḿ nelə̄m̄ aĺ alé. Tɔdɔ̄ ngé gə̄ ń majə kadə̄ rāāmə̄n̄ kadə̄ kemḿ nelə̄m̄ ní i sḭḭ̄. Tɔdɔ̄ m̄-ger̄ majə kadə̄ sḭḭ̄ ní ré rɔ̄ḿ mā nelə̄m̄ anī, rɔ̄sí sḭḭ̄ malang a nel̄sí ō.

2 KORḚNTƏ 2:3 Referans Kwoze

GALATƏ 5:10

Mā m̄-taā kemsí mámák sɔɔ̄ń Kɔ́ɔ̄ɓē, kadə̄ gír̄ yāsí a to tayā alé, ba i tītə̄ yāḿ mā. Ba nge ń tə́la najə̄ kemsí tə́ ní, ká i náā gə̄gē anī, a ənge yá̰á̰ kə́ tōr̄ tām̄ yā yá̰á̰ kə́ gō tə́ aĺ ń ni-rāā tə́ ní.

2 KORḚNTƏ 8:22

Ngōkó̰ó̰jí ń jə-nāān tū yá̰a̰ gə̄ tə́ nja i ngá̰ý ba ɔjə kə̄ ndágá kadə̄ o̰o̰n tɔdɔ̄ kəla ngá̰ý ní, j-əlan kadə̄ aw̄ sedə́. Ngɔlaā o̰o̰n tɔdɔ̄ kəla ngá̰ý tɔȳ kə́ kété ɓáý, tɔdɔ̄ ni-ənī kemən mámák adə̄sí.

PILEMO̰ 1:21

I tām̄ ger̄ kə́ m̄-ger̄ majə kadə̄ ā ōō najə̄ taḿ tə́ n m̄-ndangəń najə̄ ń toō ní. m̄-ger̄ kadə̄ yá̰á̰ ń m̄-dəjeī ní, ā ī-rāā kadə̄ mān̄ dɔ.

2 KORḚNTƏ 7:12

Adə̄ ré m̄-ndang makətūbə̄ m-ādə̄sí anī, i tām̄ yā deē ń rāā yá̰á̰ kə́ majaĺ tə́ ní aĺ ō, deē ń rāān̄ yá̰á̰ kə́ majaĺ seneé tə́ ní aĺ ō, banī i yā kadə̄ ko̰o̰ ń o̰o̰sí tɔdɔ̄jí ní, ɔjəń rɔ̄n kə̄ ndágá dɔ dáńsí tə́ ta kum Nə́ɓā tə́.

2 TESALONIK 3:4

Tá Kɔ́ɔ̄ɓē rāā adə̄ j-ənī kemjí mámák najə̄ yāsí tə́. Tɔdɔ̄ yá̰á̰ ń j-əda kadə̄ ī-rāāī ní ī-rāāī ō, ā ī-rāāī kə̄ nosí tə́ ō.

2 KORḚNTƏ 12:21

m̄-ɓōĺ najə̄ kadə̄ ré gogə́ m̄-teē loosí anī, Nə́ɓā əla rɔ̄sɔl̄ dɔḿ tə́ ta kumsí tə́, kadə̄ m̄-nōō tām̄ yā de kə́rēý gə̄ kə́ rāān̄ yá̰á̰ kə́ majaĺ kété, ba lōōn̄ gíŕ háĺ rāā yá̰á̰ kə́ to yḛr kum gə̄ tə́ aĺ ō, lōōn̄ gíŕ sāā naā loo kaya tə́ aĺ ō, lōōn̄ gíŕ háĺdə́ kə́ majaĺ tə́ aĺ ō tə́.

2 KORḚNTƏ 12:11

M-ɔ̄r̄ najə̄ tītə̄ kə́ kɔ̄r̄ rāām̄ beé, ba i sḭḭ̄ n ī-raī seḿ ta rāā kɔ̄r̄ ní. Majə kadə̄ i sḭḭ̄ n ə́daī najə̄ kə́ majə yāḿ mā ní. Mā i yá̰á̰ kógə̄ḿ alé.

2 KORḚNTƏ 7:8

A̰á̰ā̰, ká ré makətūbə̄ ń m-ə́lań m-ādə̄sí ní rāāsí adə̄ rɔ̄sí nel̄sí aĺ gə̄gē anī, ngɔlaā m̄-ndə̄ngā rɔ̄ḿ najə̄n tə́ alé. m̄-ndə̄ngā rɔ̄ḿ i dan ń m-á̰a̰ kadə̄ makətūbə̄ ní rāā adə̄ rɔ̄sí nel̄sí aĺ ní, banī dan i ngá̰ý alé.

2 KORḚNTƏ 7:6

Ba Nə́ɓā ń i nge sɔl̄ kem ngé gə̄ ń tɔ́gə́də́ ur̄ wak kɔ̄ɔ́ ní, sɔl̄ kemjí kə ta kūl̄ reē ń Titə reē ugə̄ ní.

2 KORḚNTƏ 1:15

Dan ń m̄-taā kem mámák kadə̄ a to i beé ní, ta kəga dɔ m̄-gír̄ i kaw̄ loosí kadə̄ ə́ngeī yá̰á̰ kə́ majə kə́ nge ko̰ jōó.

1 KORḚNTƏ 4:21

Yá̰á̰ ń sḭḭ̄ i ndigiī ní i rí? I kadə̄ m-āw̄ rɔ̄sí tə́ i kə ndéyé aké i kə tárá ō, i kə ndíĺ kə́ sɔl̄ lɔ́ lɔ́mɔ́ ō ḿ?

2 KORḚNTƏ 1:23

Kə́ tām̄ yāḿ mā tə́ ɓáa m-úń Nə́ɓā kadə̄ ni i de kə́ kum tə́ yāḿ. Ré m̄-sor̄ i mbée anī ādə̄ ni-tɔ̄lə̄m̄ kɔ̄ɔ́. m̄-lōō gíŕ tél kaw̄ gogə́ Korḛntə tə́ i yā kadə̄ yá̰á̰ kə́ tōr̄ rāāńsí alé.

2 KORḚNTƏ 2:9

Tɔdɔ̄ yá̰á̰ ń m̄-ndang makətūbə̄ m-ādə̄sí yā rāań ní n toó: I kadə̄ m̄-nāańsí ké ā ōōī taḿ tū yá̰a̰ gə̄ tə́ malang wa.

2 KORḚNTƏ 7:16

Rɔ̄ḿ nelə̄m̄ ngá̰ý tɔdɔ̄ m-ásə kəndā kemḿ dɔsí tə́ tū yá̰a̰ gə̄ tə́ malang.

2 KORḚNTƏ 13:10

I tām̄ najə̄ ń noō tə́ n m̄-ndangəń najə̄ gə̄ ń toō malang m-ādə̄sí dan ń mā i sa̰y rɔ̄sí tə́ ní. I yā kadə̄ loo ń mā i dansí tə́ anī, m-ə̄ndā tɔ́gə́ ń Kɔ́ɔ̄ɓē adə̄m̄ ní kə ngangāá dɔsí tə́ alé. Tɔdɔ̄ tɔ́gə́ ń Kɔ́ɔ̄ɓē adə̄m̄ ní, i yā kadə̄ m̄-mbūsəń deē, banī i yā kadə̄ m̄-nujəń deē alé.