2 JA̰A̰ 1:6 - Bibəl ta Sar̄

⁶ Ba yá̰á̰ ń i táŕ ní i rāā gō míndə gə̄ ń Nə́ɓā əda kadə̄ yā rāā ní. Ba gō míndə ń Nə́ɓā əda kadə̄ yā rāā ní, i kadə̄ ī-táriī naā, tītə̄ ń ōōīneé ta kəla gíŕ tə́ ní.

Bible sar

⁶ Ba yá̰á̰ ń i táŕ ní i rāā gō míndə gə̄ ń Nə́ɓā əda kadə̄ yā rāā ní. Ba gō míndə ń Nə́ɓā əda kadə̄ yā rāā ní, i kadə̄ ī-táriī naā, tītə̄ ń ōōīneé ta kəla gíŕ tə́ ní.

2 JA̰A̰ 1:6 Referans Kwoze

1 JA̰A̰ 5:3

Tɔdɔ̄ yá̰á̰ ń i tár Nə́ɓā ní n toó: I rāā yá̰a̰ kə gō míndəneé, ba gō míndən i yá̰á̰ kə́ ɔȳ gə̄ alé.

1 JA̰A̰ 2:24

Najə̄ ń ōōī ta kəla gíŕ tə́ ní, ādī i kemsí tə́. Ré yá̰á̰ ń ōōī ta kəla gíŕ tə́ ní i kemsí tə́ anī, sḭḭ̄ ī-ndiī i kem Ngōn̄ tə́ ō, Bɔbə̄n tə́ ō.

1 JA̰A̰ 2:5

Deē ń rāā yá̰á̰ ń ni-əda ní anī, kɔ́ɔ̄ táŕ Nə́ɓā rɔ̄kum. I loo ń noō tə́ n jə-gerī kadə̄ jḭḭ̄ i kemən tə́ ní.

JA̰A̰ 15:10

Ré ī-rāāī yá̰a̰ gə̄ ń gō míndə́ḿ əda ní anī, ā ī-ndiī kem tár yāḿ tə́, tītə̄ ń m̄-rāań yá̰a̰ gə̄ ń gō míndə Bɔbə́ḿ əda á m̄-ndiń kem tár yān tə́ ní.

JA̰A̰ 14:15

Ré ī-tármī anī, ā ī-rāāī yá̰a̰ gə̄ ń gō míndə́ḿ əda ní,

JA̰A̰ 15:14

Ré ī-rāāī yá̰a̰ kə gō míndə́ḿ anī, sḭḭ̄ i madə̄ kə́ráḿ gə̄.

JA̰A̰ 14:21

Deē ń ngɔ̄m̄ gō míndə́ḿ gə̄ ō, rāā yá̰a̰ gə̄ ń gō míndə́ḿ əda ō ní, i deē ń noō n tárəm̄ ni. Bɔbə́ḿ a tár deē ń tárəm̄ ní. M-ā m̄-tárən ō, m-ā m̄-rāā kadə̄ a a̰a̰m̄ ō.

1 JA̰A̰ 5:15

Dan ń jə-gerī kadə̄ ni-oōjí loo ń jə-dəjeniī yá̰á̰ kə́rēý ní, jə-gerī kadə̄ j-əngeī yá̰á̰ ń jə-dəjeniī ní.

2 JA̰A̰ 1:5

Ba ń toō ɓáa Dəyá̰, yá̰á̰ ń m̄-dəjeī kadə̄ ī-rāā ní n toó: Ādə̄ jə-táriī naā. Nge ń noō i gō míndə kə́ kijə n m̄-ndang m-ādī ní alé. Banī i yá̰á̰ kə́ kəda yā rāā kə́ ta kəla gíŕ tə́.

NDŪ NAJƏ̄ 13:4

ī-lōōī koō najə̄ yān. Tɔdɔ̄ nge ń noō i Kɔ́ɔ̄ɓē Nə́ɓā yāsí n a nāāsí yā ka̰a̰ń ké ī-tárniī kə ngarā̰ kemsí mámák ō, kə rɔ̄sí malang ō, wa noó.

JA̰A̰ 14:23

Jeju tél ədan na: Ré deē kógə̄ḿ tárəm̄ anī, a rāā yá̰a̰ gə̄ ń najə̄ yāḿ əda ní. Adə̄ Bɔbə́ḿ a tárən ō, j-a jə-reē rɔ̄n tə́ ō, j-a jə-ndi looneé ō.

1 JA̰A̰ 2:7

Kó tár yāḿ gə̄, yá̰á̰ ń m̄-ndang najə̄ kə́ dɔ tə́ m-ādə̄sí ní, i gō míndə́ kə́ kijə alé, banī i kə́ jóo, adə̄ i yá̰á̰ ń sḭḭ̄ ōōī ta kəla gíŕ tə́ ní.