2 JA̰A̰ 1:10 - Bibəl ta Sar̄

¹⁰ Ré de kə́rēý reē rɔ̄sí tə́ ba i kə yá̰á̰ ndóō ń toō aĺ anī, ə́hɔniī kə̄ rɔ̄sí tə́ kem kújə yāsí tə́ aĺ ō, ī-rāāniī lápə́ya aĺ ō.

Bible sar

¹⁰ Ré de kə́rēý reē rɔ̄sí tə́ ba i kə yá̰á̰ ndóō ń toō aĺ anī, ə́hɔniī kə̄ rɔ̄sí tə́ kem kújə yāsí tə́ aĺ ō, ī-rāāniī lápə́ya aĺ ō.

2 JA̰A̰ 1:10 Referans Kwoze

TITƏ 3:10

De kə́ nge ndóō de gə̄ yá̰á̰ kə́ rɔ̄kum aĺ ní, ī-tāan nja kógə̄ḿ, ba nja kə́ nge ko̰ jōó anī, ɔ̄rə̄n kɔ̄ɔ́ kə̄ gogə́.

2 TESALONIK 3:6

Ngákó̰ó̰jí gə̄, jə-dəjesí kə rī Kɔ́ɔ̄ɓē yājí Jeju Kərist kadə̄ ɔ̄rī rɔ̄sí kɔ̄ɔ́ rɔ̄ ngákó̰ó̰sí kə́ ngé yay gə̄ tə́ malang, nin̄ ń i ngé mbātə́ rāā yá̰a̰ gə̄ ń j-ɔjəsí ní.

2 TESALONIK 3:14

Ré deē kógə̄ḿ mbātə́ najə̄ ń j-əda kem makətūbə̄ ń toō tə́ ní anī, ī-rāāī ādə̄ de gə̄ ger̄nən̄, ba ī-lōōī ɓoo naā seneé, ādə̄ rɔ̄n sɔlə̄n.

1 KORḚNTƏ 5:11

Najə̄ ń m̄-ndang m-ādə̄sí ní, i kadə̄ ī-lōōī ɓoo naā kə de kə́ ā ī-ɓāŕniī na i ngōkó̰ó̰sí, tá ni i de kə́ nge sāā naā loo kaya tə́, aláa ni i de kə́ nge ndə̄ngā yá̰a̰, aláa i nge rāā ɓesə̄, aláa i nge tetə najə̄, aláa i nge kasə rāā, aláa i nge ɓogə. De kə́ beē ní, yá̰a̰ kəsa gə̄gē ī-lōōī kəsa seneé.

2 JA̰A̰ 1:11

Tɔdɔ̄ deē ń rāān lápə́ya ní, rāā i kem kógə̄ḿ seneé dɔ kəla rāān gə̄ kə́ majaĺ tə́.

1 KORḚNTƏ 16:22

Ré de kə́rēý táŕ Kɔ́ɔ̄ɓē Jeju Kərist aĺ anī, ādə̄ ndɔ̄ĺ i dɔn tə́. Marana ta.

PĀ GƏ̄ 129:8

Najə̄ ń na: Ādə̄ Kɔ́ɔ̄ɓē rāā majə sesí ní, ngé mān̄ róbə gə̄ ədan̄də́ aĺ ō. Jə-tɔ́r̄ tají dɔsí tə́ kə rī Kɔ́ɔ̄ɓēé.

TA KƏLA 24:12

Ni-ndɔ̄ȳ Nə́ɓā, əda na: Kɔ́ɔ̄ɓē, Nə́ɓā yā kɔ́ɔ̄ḿ Abəraham, m̄-rāāī ɓɔ́, ī-rāā ādə̄ m-ə́ngé yá̰á̰ ń m̄-reē sāāá ní ɓōólaā. Ɔ́jə kem majə yāí kə́ tām̄ yā kɔ́ɔ̄ḿ Abəraham tə́ kə̄ ndágá.

1 MBAN̄G GƏ̄ 13:16

Anī deē yā Nə́ɓā ní tél ədan na n-asə tél aĺ ō, n-asə kaw̄ gogə́ seneé aĺ ō. Na n-a n-əsa yá̰a̰ seneé loo ń noō tə́ aĺ ō, na n-a n-a̰ȳ man̄ seneé loo ń noō tə́ aĺ ō,

KƏLA RĀĀ 15:23

Əlan̄də́ kə makətūbə̄ ń toō, nin̄-ndangən̄ kemeé na: Ngámbang kəla gə̄ ō, kum kɔɔ̄ gə̄ ō, nin̄ ń i ngákó̰ó̰sí gə̄ ní, rāān̄ ngákó̰ó̰də́ kə́ Jipə aĺ gə̄ ń ndin̄ A̰tiyos dɔ nang kə́ Siri tə́ ō, Silisi tə́ ō ní lápə́ya.

3 JA̰A̰ 1:10

Adə̄ ré m-ā m-āw̄ anī, m-ā m̄-ter̄ kemən dɔ kəla rāān gə̄ tə́. Ni-ɔr̄ najə̄ kə́ majaĺ ngá̰ý gə̄ dɔjí tə́, banī nge ń noō asən aĺ ɓáý, adə̄ əhɔ ngákó̰ó̰jí gə̄ kə̄ rɔ̄n tə́ aĺ ō, de gə̄ ń gḛyn̄ kəhɔdə́ kə̄ rɔ̄də́ tə́ ni a, ni ɔgə̄də́ kɔ̄ɔ́ ō, tə̄ɓādə́ kɔ̄ɔ́ Egəlijə tə́ ō.