1 YÁ̰A̰ GƏ̄ 11:3 - Bibəl ta Sar̄

³ Kum kɔɔ̄ kə́ Israel tə́ gə̄ malang reē əngen̄ mban̄g Dabid Hebron ō, ni-əhɔ madə̄ naā sedə́ ta kum Kɔ́ɔ̄ɓē tə́ ō. Nin̄ urən̄ yibə̄ ngār dɔn tə́ əndanən̄neé mban̄g kə́ Israel tə́ tītə̄ ń Kɔ́ɔ̄ɓē əndāń ta Samuel tə́ kété adə̄ əda ní.

Bible sar

³ Kum kɔɔ̄ kə́ Israel tə́ gə̄ malang reē əngen̄ mban̄g Dabid Hebron ō, ni-əhɔ madə̄ naā sedə́ ta kum Kɔ́ɔ̄ɓē tə́ ō. Nin̄ urən̄ yibə̄ ngār dɔn tə́ əndanən̄neé mban̄g kə́ Israel tə́ tītə̄ ń Kɔ́ɔ̄ɓē əndāń ta Samuel tə́ kété adə̄ əda ní.

1 YÁ̰A̰ GƏ̄ 11:3 Referans Kwoze

1 SAMUEL 16:1

Kɔ́ɔ̄ɓē əda Samuel na: Mə̄kɔ́ m̄-mbātə́ Saul kɔ̄ɔ́ ō, ni i mban̄g yā ngán Israel gə̄ to̰ aĺ ō, ba ḭ̄ ā ī-to i dan nōōn tə́ bátə́ a? Ī-tūr̄ yibə̄ kem gajə dā̰ yāí tə́ ba ɔ̄r̄ dɔɔ́. M-ə́laī ɓē Jese kə́ Betlehem, tɔdɔ̄ mban̄g ń m̄-gə̄rān ní i dan ngánən gə̄ tə́.

2 SAMUEL 5:3

Kum kɔɔ̄ kə́ Israel tə́ gə̄ malang reēn̄ rɔ̄ mban̄g Dabid tə́ Hebron. Ni-əhɔ madə̄ naā sedə́ ta kum Kɔ́ɔ̄ɓē tə́ ō, urən̄ yibə̄ ngār dɔn tə́ əndānneé mban̄g kə́ Israel tə́ ō.

2 SAMUEL 2:4

Loo ń noō tə́ Juda gə̄ reē urən̄ yibə̄ ngār dɔ Dabid tə́ kem ɓē kə́ Hebron tə́. Nin̄ əndānən̄ mban̄g dɔ Juda gə̄ tə́. Dan ń reē ədan Dabid na i de gə̄ kə́ Yabes kə́ gō nang kə́ Galaad tə́ gə̄ ń dubə̄n̄ Saul anī,

1 SAMUEL 16:3

Ba ā ī-ɓāŕ Jese kadə̄ reē loo tun̄ yá̰á̰ ní tə́. Loo ń noō tə́ mə̄kɔ́ m-ā m-ɔ́jiī yá̰á̰ ń kadə̄ ī-rāā ní. Deē ń m-ā m-ɔ́jiī seneé ní, ā úr yibə̄ dɔn tə́ yā kɔr̄ń kamə̄n kadə̄m̄.

2 YÁ̰A̰ GƏ̄ 23:3

Ngé kán̄ naā gə̄ malang rāān̄ kem kógə̄ḿ kə mbangāá kem kújə yā Nə́ɓā tə́ Yoyada ədadə́ na: Ngōn̄ mban̄g n toó. I gáŕ kadə̄ ni-o̰o̰ ɓē kə gō najə̄ ń Kɔ́ɔ̄ɓē əda tām̄ yā ngán Dabid gə̄ tə́ ní.

2 MBAN̄G 23:30

Ngol áskar yān gə̄ unən̄ nīnə́n Megido kem púsú reēn̄neé Jerusalem. Dubə̄nən̄ i kem bāá ɓádə yān tə́. De kə́ Juda gə̄ unən̄ Joakajə ngōn̄ Josias urən̄ yibə̄ dɔn tə́ ba əndānən̄ mban̄g gotə bɔbə̄n tə́.

2 MBAN̄G 11:17

Yoyada rāā adə̄ ndūdə́ Kɔ́ɔ̄ɓē ō, mban̄g ō, ngán Israel gə̄ ō, əhɔn̄ madə̄ naā yā kadə̄ ngán Israel gə̄ télən̄neé gír deē yā Kɔ́ɔ̄ɓē. Ni-rāā adə̄ kəhɔ madə̄ naā to dɔ dán mban̄g tə́ kə ngán Israel gēé ō.

1 SAMUEL 28:17

Kɔ́ɔ̄ɓē rāā i yá̰á̰ ń ni ədam̄ á m-ə́daī najə̄n kété ní, ni-taā ngār jīí tə́ kɔ̄ɔ́ ba téləń adə̄ de kə́ rang ń i Dabid ni.

1 SAMUEL 23:18

Jonatan ō Dabid ō ənīn̄ ndūdə́ jōó mbak ta kum Kɔ́ɔ̄ɓē tə́ rāānəń madə̄ naā. Gō tə́ anī Jonatan tél aw̄ gogə́ ɓēé, ba Dabid ndi Horsa.

1 SAMUEL 15:28

Anī Samuel əda Saul na: Ɓōólaā Kɔ́ɔ̄ɓē rāā adə̄ gír ndií mban̄g dɔ ngán Israel gə̄ tə́ gān̄g kɔ̄ɔ́, ba téləń adə̄ madí kə́ rang kə́ majə tɔyī.

1 SAMUEL 11:15

Adə̄ ngán Israel gə̄ malang aw̄n̄ Gilgal aw̄ əndān̄ Saul mban̄g ɓáý to̰ ta kum Kɔ́ɔ̄ɓē tə́. Go tə́ anī ndējə̄n̄ Kɔ́ɔ̄ɓē yá̰a̰ tun̄ gə̄ kə́ tām̄ yā kem kógə̄ḿ tə́ ō, Saul nin̄ kə de gə̄ malang kə́ dɔ nang kə́ Israel tə́ rāān̄ rɔ̄nel̄ ngá̰ý ō.

NGÉ SARYA 11:11

Loo ń noō tə́ Jepte aw̄ naā tə́ kə́ kum kɔɔ̄ kə́ Galaad gə̄. Adə̄ de gə̄ aw̄ əndānən̄ ngār dɔdə́ tə́ ō, ngol ngé rɔ̄ɔ̄ yādə́ gə̄ ō. Jepte téĺ tə́da najə̄ kɔrə̄n gə̄ malang ta kum Kɔ́ɔ̄ɓē tə́ Misəpa.

2 SAMUEL 5:5

O̰o̰ ɓē Hebron ɓāl̄ sīrí kə núsə dɔ gír ɓē yā Juda tə́. Gō tə́ anī o̰o̰ ɓē Jerusalem ɓāl̄ kutə mətá gidə i mətá dɔ Israel gə̄ tə́ malang ō, dɔ Juda gə̄ tə́ ō.

1 YÁ̰A̰ GƏ̄ 11:10

Go̰ rɔ̄ɔ̄ gə̄ yā Dabid ń nin̄ kə Israel gə̄ malang əndān̄ Dabid mban̄g kə gō najə̄ ń Kɔ́ɔ̄ɓē əda dɔ gír deē yān gə̄ tə́ ō, ɔsən̄ kílən kə̄ dɔɔ́ ɓāl̄ ko̰o̰ ɓē yān tə́ ō ní, rīdə́ n toó: