1 TIMOTE 6:6 - Bibəl ta Sar̄

⁶ Rāā yá̰a̰ kə gō ń Nə́ɓā ndigə ní, i yá̰a̰ kənge kə́ ngá̰ý rɔ̄kum, ba i loo ń rɔ̄ deē ní nelə̄n tām̄ yā yá̰a̰ ń ni-ənge kɔ̄ɔ́ ní tə́ tá.

Bible sar

⁶ Rāā yá̰a̰ kə gō ń Nə́ɓā ndigə ní, i yá̰a̰ kənge kə́ ngá̰ý rɔ̄kum, ba i loo ń rɔ̄ deē ní nelə̄n tām̄ yā yá̰a̰ ń ni-ənge kɔ̄ɔ́ ní tə́ tá.

1 TIMOTE 6:6 Referans Kwoze

HEBƏRO 13:5

Kadə̄ háĺsí i háĺ ngé rāā ta nar gə̄ alé, ba kadə̄ yá̰á̰ ń ə́ngeī ngɔlaā ní asəsí. Tɔdɔ̄ Kɔ́ɔ̄ɓē nəkɔ́ əda na: M-ā m-ə́ya̰ī kɔ̄ɔ́ aĺ ō, m-ā m̄-mbātíī aĺ ō.

1 TIMOTE 6:8

Adə̄ ré j-əngeī yá̰a̰ kəsa ō, kūbə̄ ko̰ō̰ ō anī, nge ń noō asəjí.

Gōsə̄ najə̄ gə̄ 16:8

Kənge yá̰a̰ sḛ́ý beē kə gō róbə́ kə́ gōtə́ i só tə́ ngá̰ý tɔȳ yá̰á̰ kə́ kənge ngá̰ý kə ta kūl̄ yá̰a̰ rāā kə́ gōtə́ aĺ.

1 TIMOTE 4:8

Tɔdɔ̄ ndóō kənī gambəla i yá̰á̰ kə́ majə, ba i tām̄ yā yá̰á̰ kə́ ngá̰ý aĺ tə́. Banī ndóō rāā yá̰a̰ kə gō ń Nə́ɓā ndigə ní, i yá̰á̰ kə́ majə tām̄ yā yá̰a̰ gə̄ tə́ malang. Tɔdɔ̄ Nə́ɓā ənī míndən tāmən tə́. Ba míndən ń ənī ní, i tām̄ yā ndi kə kumuú kə́ ngɔr ń toō tə́ ō, kə́ ndɔ̄ń tə́ ō.

PILIPƏ 1:21

Tɔdɔ̄ tām̄ yāḿ mā tə́ ɓáa ndiḿ kə kumḿ i ndi naā tə́ kə Kərist ō, koyḿ i yá̰a̰ kəndā nja yāḿ ō.

Gōsə̄ najə̄ gə̄ 15:16

Ndi ndoō ba ɓōĺ ndíĺ Kɔ́ɔ̄ɓē i só tə́ ngá̰ý tɔȳ kənge yá̰á̰ ngá̰ý ba ndi kə sōlōó.

PĀ GƏ̄ 37:16

Yá̰a̰ kənge kə́ sḛ́ý beē yā de kə́ súmūú i só tə́, tɔȳ yá̰a̰ kənge kə́ ngá̰ý yā nge kem ndul.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

Makətūbə̄ ń Pol ndang adə̄ Rom gə̄ ní 8:28

Jə-gerī majə kadə̄ ngé gə̄ ń tárən̄ Nə́ɓā á nin̄ i nge gə̄ ń Nə́ɓā ɓāŕdə́ kə gō yá̰á̰ ń nəkɔ́ núm̄ kété ní, yá̰a̰ malang ń rāādə́ ní, Nə́ɓā a rāā kadə̄ i yá̰á̰ kə́ majə tām̄ yādə́ tə́.

Najə̄ kə́ Majə yā Jeju ń Luk ndang ní 3:14

Anī áskar gə̄ dəjen̄ Ja̰a̰ na: Ba jḭ̄ ní kə jə-rāā yājí i rí tā? Ni tūr̄ ədadə́ na: Ī-lōōī kḭḭ gúu dɔ de gə̄ tə́ ō, ī-lōōī rāā yá̰á̰ kə́ gō tə́ aĺ kə deē kógə̄ḿ ō, ə́saī ngarān̄g kum nar yāsí ń əgān̄neésí ní ō.

Teē Ngán Israel gə̄ 2:21

Moijə ndigə ndi ɓē deē ní, adə̄ deē ni-adə̄n ngōnən kə́ dəyá̰ ń rīn na i Sepora ní adə̄ taā.

2 KORḚNTƏ 4:17

Wur kɔl gə̄ ń əsōn̄ dɔjí tə́ kum ngōn̄ mbang kə́ sḛ́ý beē tə́ ní, ré deē əndādə́ kadə naā tə́ kə kɔsə gɔn kə́ a to ngándáńg ń yá̰á̰ kə́ tōr̄ gə̄ ngeé ń toō rāān̄ loon tām̄ yājí tə́ ní anī, asən̄ naā aĺ bátə́, tɔdɔ̄ kɔsə gɔn ní i kɔsə gɔn kə́ ngá̰ý tɔȳ yá̰á̰ kə́ tōr̄ gə̄ ń rāān̄jí ní.

Gōsə̄ najə̄ gə̄ 28:25

De kə́ ɓō yá̰a̰ kənge rāān ngá̰ý i nge rāā kadə̄ kɔ̄l̄ naā to, ba deē ń ənī kemən mámák adə̄ Kɔ́ɔ̄ɓē ní a ənge yá̰a̰ kadə̄ asən.

JEREMI 35:9

Jə-rāā kújə kətojí aĺ ō, jə-mang kāgə̄ nduú, aláa loo ndɔr̄, aláa kōō kə́ yā ndɔr̄ aĺ ō.

Najə̄ kə́ Majə yā Jeju ń Luk ndang ní 12:15

Gō tə́ anī əda de gə̄ malang na kə əndān̄ kum kedə̄ dɔ rɔ̄də́ tə́ majə najə̄ yā kum ndaa yá̰á̰ tə́. Tām̄ ká yá̰a̰ kənge yā deē i ngá̰ý gə̄gē, i yá̰a̰ kənge n i nge rāā kadə̄ deē ndi kə kumneé ní alé.

2 MBAN̄G 6:2

Ní, ādə̄jí ta róbə ādə̄ j-aw̄ bā Jurdḛ tə́ jə-tə́gā sáā kāgə̄ gə̄ yā reē rāań səlá kə́ rang loo ń toō tə́ kadə̄ jə-ndiī gírí. Ni tūr̄ ədadə́ na kə aw̄n̄.