1 TIMOTE 6:17 - Bibəl ta Sar̄

¹⁷ Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.

Bible sar

¹⁷ Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.

1 TIMOTE 6:17 Referans Kwoze

KƏLA RĀĀ 14:17

Ɓá tā ba ni-əya̰də́ kanjə̄ kədadə́ najə̄ kə́ kum tə́ kə́ dɔ rāā majə yān tə́ alé. Tām̄ ni-adə̄sí man̄ kə́ dɔ rā̰ tə́ ō, ɓāl̄ gə̄ kə́ kōō gə̄ teēn̄ tū tə́ ngá̰ý ō, adə̄sí yá̰a̰ kəsa kə́ ə́saī adə̄ ndān̄ kemsí ō, rāā adə̄ kemsí nel̄sí ngá̰ý ō.

Gōsə̄ najə̄ gə̄ 11:28

De kə́ nge kəndā kemən dɔ yá̰a̰ kənge yān tə́ a əsō, banī de kə́ súmūú gə̄ a tḭ̄ḭ̄n̄ rɔ̄də́ tītə̄ kāgə̄ kə́ mbīn dībə̄ dii beē.

1 TIMOTE 4:10

Tɔdɔ̄ ré jə-rāāī kəla ngá̰ý ō, jə-rɔ̄ɔ̄ī ō anī, i tām̄ kəndā kə́ j-əndāī kemjí dɔ Nə́ɓā ń ndi kə kumneé tə́ ní. Ni i nge kajə de gə̄ malang, ba kə́ ngá̰ý ɓáa ni a ajə i ngé taā kem gə̄.

MATIYE 19:23

Anī Jeju əda ngé ndóō yá̰a̰ yān gə̄ na: Ādə̄ m-ə́dásí najə̄ kə́ bo ngá̰ý, kudə kem Ɓē ko̰o̰ kə́ dɔ rā̰ tə́ i yá̰á̰ kə́ ngan̄g ngá̰ý tām̄ yā de kə́ ənge yá̰á̰ ngá̰ý tə́.

Gōsə̄ najə̄ gə̄ 27:24

Tɔdɔ̄ yá̰a̰ kənge i yá̰á̰ kə́ a tó ngándáńg aĺ ō, jākā mbang i yá̰á̰ kə́ a to ngándáńg aĺ ō.

TITƏ 2:12

Rajə de gə̄ yā Nə́ɓā ngeé ń toō ndóōjí kadə̄ jə-lōōī gíŕ háĺ kə́ majaĺ tə́ ō, kadə̄ jə-lōōī gír ngur yá̰á̰ kə́ dɔ nang tə́ laā gə̄ tə́ ō, tá kadə̄ jə-ndiīneé kem ndɔ̄ gə̄ ń toō tə́ kə kum kedēé ō, kə yá̰a̰ rāā kə́ gōtə́ ō, jə-rāāīneé yá̰a̰ kə gō ń Nə́ɓā ndigə ní tə́ ō.

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

Najə̄ kə́ Majə yā Jeju ń Luk ndang ní 19:2

Anī dəngam kógə̄ḿ kə́ rīn na i Jase i noó ō. Ni i ngol ngé taā lambóo gə̄ ō, i de kə́ ənge yá̰á̰ ngá̰ý ō.

Gōsə̄ najə̄ gə̄ 30:9

na sōgə́ m-ə́ngé yá̰á̰ ngá̰ý al̄ naā anī m̄-nējə̄ ndūḿ m-ə́da na ké Kɔ́ɔ̄ɓē i náā wa. Aláa m̄-ndoō ngá̰ý al̄ naā anī m̄-ɓogə adə̄ m-ə́la rɔ̄sɔl̄ dɔ Nə́ɓā yāḿ tə́.

NDŪ NAJƏ̄ 8:17

Ī-lōōī gír̄ kemsí tə́ kəda na ə́ngeī yá̰a̰ gə̄ ń noō na i kə ta kūl̄ tɔ́gə́sí sḭḭ̄ kɔ́ gə̄.

Makətūbə̄ ń Pol ndang adə̄ Rom gə̄ ní 11:20

I gō tə́, ɓá tā ba jéngə̄n̄də́ i najə̄ yā taā kem aĺ yādə́ tə́, ba ḭ̄, yá̰á̰ ń ra seí loo ń noō tə́ ní i taā kem yāí. Ní ɔ́jə rɔ̄í alé, ba ngá̰ý a ī-ɓōĺ i mbéé tá.

OJEE 13:6

M-ɔ́riī ta róbə m-āw̄ seí ko̰ó̰ ō, ə́sá yá̰a̰ adə̄ tɔ̄l̄ ɓōí ō. Ba dan ń ī-ndān̄ anī, ɔ́jə rɔ̄í ō, dɔí ndígə̄naləḿ kɔ̄ɔ́ ō.

JEREMI 2:31

Sḭḭ̄ de kə́ kōnīí laā gə̄, ə̄ndāī ma̰y najə̄ yā Kɔ́ɔ̄ɓē. Mā m̄-tél dəla loo tām̄ yā Israel tə́ a? Aké ɓē yā loo kə́ ndɔ̄ɔ́ kə́ risə til nding a? I tām̄ rí tə́ á ngé kə́ dan gír deē yāḿ gə̄ tə́ ədan̄ na: Jḭḭ j-aw̄ loo nəkɔ́ ń jə-gḛy kaw̄ tū tə́ ní ō, Jḭḭ j-a jə-tél j-aw̄ rɔ̄í tə́ to̰ aĺ ō ní?

Gōsə̄ najə̄ gə̄ 23:5

Kumií a a̰a̰ yá̰a̰ kənge ba sḛy beē a gətóo kɔ̄ɔ́, tɔdɔ̄ ni ger̄ kḭḭ bɔ̄gə̄! Ni a ḭḭ bɔ̄gə̄ kum kə̄ dɔ rā̰ tə́ tītə̄ kə̄rō beé.

PĀ GƏ̄ 104:28

Ḭ̄ ādə̄də́ anī nin̄ taān̄. Ī-teē jīí anī nin̄ əsan̄ yá̰a̰ ndānə̄n̄.

PĀ GƏ̄ 62:10

A̰á̰ā̰, de gə̄ i nél karī ō, ngé rī ɓār̄ gə̄ i sor̄ karī ō. Ré deē mbɔ̄jə́də́ malang naā tə́ anī, nél ɔȳ tɔȳdə́.

PĀ GƏ̄ 52:7

Adə̄ Nə́ɓā a nujiī kɔ̄ɔ́ i kə́ njɔ́ḿ gə̄ tə́. Ni a ndɔ́rī yā teē seí kɔ̄ɔ́ kem kújə tandā yāí tə́. A ɔrī kɔ̄ɔ́ kə ngəraí gēé dɔ nang ń de kə́ kə kumuú gə̄ ndin̄ tū tə́ ní tə́.

2 YÁ̰A̰ GƏ̄ 26:16

Banī tɔ́gə̄n ní rāān adə̄ ɔjə rɔ̄n, ba kɔjə rɔ̄ yān kə́ kemən tə́ ní aw̄ seneé bátə́ tḭ̄ḭ̄ tan. Ni-rāā háĺ kə́ sew aĺ kə Kɔ́ɔ̄ɓē Nə́ɓā yānneé, udə kem kújə yā Kɔ́ɔ̄ɓē tə́ yā róō kajaja dɔ loo róō ndujə̄ yá̰á̰ kə́ kotə majə tə́ yā kadə̄ Kɔ́ɔ̄ɓē.

NDŪ NAJƏ̄ 33:15

Mbal̄ kə́ bo gə̄ ō, ngán mbal̄ gə̄ ō, i gō nang yān kə́ teē yá̰á̰ ngá̰ý tə́ i jóo.

TA KƏLA 13:2

Abəram ənge yá̰á̰ ngá̰ý. Yá̰a̰ kul̄ yān gə̄ ō, gində̄ arjā̰a̰ yān ō, lɔ́r yān ō, i ngá̰ý.

2 TIMOTE 4:10

Tām̄ Demas əya̰m̄ kɔ̄ɔ, tɔdɔ̄ yá̰á̰ kə́ dɔ nang tə́ kə́ ngɔlaā ń toō nelə̄n ngá̰ý, adə̄ ni-aw̄ Tesalonik. Tá Kəresa̰s aw̄ Galasi tə́ ō, Titə aw̄ Dalmati tə́ ō,

1 TIMOTE 6:13

Nə́ɓā kə́ nge rāā kadə̄ yá̰a̰ malang ndi kə kumneé ō, Kərist Jeju ń əda najə̄ kə́ kum tə́ ta kum Po̰sə Pilatə tə́, adə̄ əda i najə̄ taā kem kə́ majə ngá̰ý kə̄ ndágá ō ní, m-ə́daī yá̰á̰ ń toō ta kumdə́ tə́ kadə̄ ī-rāā:

1 TIMOTE 1:3

Tītə̄ ń m-ə́daīneé kété pá tá kadə̄ m-ɔ́tə m-āw̄ Masedəwan tə́ ní, ī-ndi Epejə kadə̄ ə́da de kə́rēý gə̄ kadə̄ ndóōn̄ de gə̄ yá̰á̰ kə́ rang gə̄ aĺ ō,

1 TESALONIK 1:9

Tɔdɔ̄ de gə̄ malang a ənīn̄ i gotə loo kəhɔ ń ə́hɔījí kə̄ rɔ̄sí tə́ dan ń j-aw̄ń loosí ní ō, loo kəya̰ ń ə́ya̰ī ɓesə̄ gə̄ kɔ̄ɔ́, ba ī-tūrī rɔ̄sí kə̄ rɔ̄ Nə́ɓā kə́ rɔ̄kum kə́ ndi kə kumneé tə́ yā rāań kəla yān,

EPEJƏ 5:5

Ōōī majə. De gə̄ kə́ sāān̄ naā loo kaya tə́ ō, kə́ rāān̄ yá̰á̰ kə́ to yḛr kum gə̄ ō, ngé suu gə̄, tɔdɔ̄ suu i rāā ɓesə̄ ō ní, asən̄ kənge loo kem Ɓē ko̰o̰ yā Kərist tə́ ō yā Nə́ɓā tə́ ō alé.

KƏLA RĀĀ 17:25

Kəla yān i kəla kə́ deē a rāā kə jīneé aĺ ō, ni-gḛy i yá̰á̰ kə́rēý á kadə̄ deē adə̄n aĺ ō, tɔdɔ̄ i ni n i nge rāā kadə̄ de gə̄ malang ndin̄ kə kumdə́ ō, nge kəla koō kemdə́ tə́ ō, nge kadə̄də́ gotə yá̰á̰ kə́ rang gə̄ malang ō ní.

KƏLA RĀĀ 14:27

Dan ń ugə̄n̄ A̰tiyos anī, ɔsən̄ dɔ ngé taā kem gə̄ naā tə́, ba ənīn̄də́ gotə yá̰a̰ malang ń Nə́ɓā rāā kə ta kūl̄də́ ní ō, ɔjən̄də́ loo teē ń Nə́ɓā teē ta róbə adə̄ de gə̄ kə́ nin̄ i Jipə aĺ gə̄, yā kadə̄ nin̄-taān̄ kem ō ní.

MARK 10:24

Ngé ndóō yá̰a̰ yān gə̄ ndin̄ kóńg tām̄ najə̄ ń Jeju əda tītə̄ ń noō tə́ ní. Ba Jeju tél ədadə́ na: Ngánə́ḿ gə̄, ngan̄g ngá̰ý tām̄ yā de gə̄ ń əndān̄ kemdə́ dɔ yá̰a̰ kənge yādə́ kə́ ngá̰ý tə́ ní kadə̄ udən̄ kem Ɓē ko̰o̰ yā Nə́ɓā tə́.

MATIYE 27:57

Loo tíbí anī, de kə́ nge yá̰a̰ kal̄ loo kógə̄ḿ kə́ kem ɓē kə́ Arimate tə́ reē ugə̄. Rīn na i Jəjep. Ni i nge ndóō yá̰a̰ yā Jeju ō.

MATIYE 6:32

Yá̰a̰ gə̄ ń noō malang ní, i de gə̄ kə́ nin̄ i Jipə aĺ gə̄ n i ngé sāā gō kanjə̄ taā koō ní. Ba Bɔbə̄sí ń ndi dɔ rā̰ tə́ ní ger̄ kadə̄ ndoō yá̰a̰ gə̄ ń noō rāāsí.

DANIEL 4:30

Yá̰á̰ ní rāā mban̄g Nabukodonosor kə̄ ta jī tə́ noō: Tə̄ɓānən̄ kɔ̄ɔ́ dan de gə̄ tə́ ni a ə́sa i mu tītə̄ yā man̄g gə̄ ō, tal kə́ dɔ rā̰ tə́ əhɔ dɔ dā̰ rɔ̄n tə́ ō. Nənga dɔn ngāl̄ asə kə bel̄ kə̄rōó ō, hēl̄ jīn gə̄ kə hēl̄ njan gə̄ ngālə̄n̄ tītə̄ yā yel̄ gə̄ ō.

EJEKIEL 16:56

Dan ń ā ɔ́jəń rɔ̄í tə́ ní, ḭ̄ ɔ̄r̄ najə̄ yā Sodom majə alé.

PĀ GƏ̄ 62:8

Kajə yāḿ ō, kɔsə gɔn yāḿ ō, i rɔ̄ Nə́ɓā tə́. Mbal̄ kə́ ngan̄g yāḿ ō, loo ɓɔ̄ɔ̄ rɔ̄ yāḿ ō, i Nə́ɓā.

TITƏ 3:6

Ni-adə̄jí Ndíĺ kə́ Táĺ ní ngá̰ý i kə ta kūl̄ Jeju Kərist nge kajəjí.

1 TIMOTE 5:21

m̄-rāāī ɓɔ́ ta kum Nə́ɓā tə́ ō, ta kum Kərist Jeju tə́ ō, ta kum de kə́ dɔ rā̰ tə́ gə̄ ń gə̄rān̄də́ ní tə́ ō, ī-rāā yá̰a̰ gə̄ ń m-ɔ́jiī toó kanjə̄ kəya̰ kógə̄ḿ kɔ̄ɔ́ ō, kanjə̄ rāā yá̰a̰ kógə̄ḿ tām̄ ta kum deē ō.

1 TIMOTE 3:15

Ba ré m-ɔ́r bā̰ā̰ ɓáý anī, i beé n ā ī-gerə̄ń háĺ kə́ yā rāā kem kújə yā Nə́ɓā tə́ ní. Kújə́ ní i Egəlijə yā Nə́ɓā kə́ ndi kə kumneé. I nin̄ malang n i ngé kəhɔ najə̄ kə́ rɔ̄kum dɔɔ́ ō, ngé kɔsə kíl najə̄ kə́ rɔ̄kum ō ní.

KOHELET 2:24

Yá̰á̰ kə́ majə tām̄ yā deē tə́ gətóo, ngá̰ý anī i kəsa yá̰a̰ ō ka̰ȳ ō, i kadə̄ kem deē nelə̄n loo rāā kəla yān tə́ ō ngóy. Mā m-á̰a̰ kadə̄ nge ń noō i Nə́ɓā n i nge kadə̄ deē kə jīneé ō.

JEREMI 49:4

Sḭḭ̄ gír de kə́ ta tḭ̄ḭ̄ kɔ̄ɔ́ gə̄, i tām̄ rí tə́ á ɔ́jiī rɔ̄sí kə wól loo yāsí ní? Man̄ nūgə́ ngá̰ý kem wól loo yāsí tə́, adə̄ ə̄ndāī kemsí dɔ dūbə̄ yá̰a̰ kənge yāsí tə́ ba ə́daī na: I náā n a ənījí rɔ̄ɔ̄?

MATIYE 12:32

A mā̰ȳn̄ rɔ̄də́ dɔ deē ń əda najə̄ kə́ majaĺ dɔ Ngōn̄ deē tə́ ní, ba deē ń ɔr̄ najə̄ kə́ majaĺ dɔ Ndíĺ kə́ Táĺ tə́ ní, a mā̰ȳn̄ rɔ̄də́ dɔn tə́ dɔ nang ń toō tə́ aĺ ō, dɔ nang kə́ kijə kə́ ndɔ̄ń tə́ tə́ aĺ ō.

Najə̄ kə́ Majə yā Jeju ń Luk ndang ní 3:11

Ni tūr̄ ədadə́ na: Deē ń kūbə̄ yān i jōó anī, ādə̄ adə̄ deē ń nal̄ ní kógə̄ḿ ō, deē ń i kə yá̰a̰ kəsaá ní ādə̄ rāā tītə̄ ń noō ō.

1 TIMOTE 6:9

Ba ngé gə̄ ń gḛyn̄ kənge yá̰á̰ ngá̰ý ní, a əsōn̄ kum gūmbə̄ yā yá̰a̰ nāā tə́ ō, yā ngur yá̰á̰ kə́ to mbóo gə̄ tə́ ō, kə́ majaĺ gə̄ tə́ ō ń i yá̰á̰ kə́ a nujən̄ de gə̄ sák sák ō, a tḭ̄ḭ̄n̄ tadə́ ō ní.

2 PIYER 1:11

Tɔdɔ̄ i tītə̄ ń noō n a rāān̄ majə sesí, adə̄ a adə̄n̄sí ta róbə kudə kem Ɓē ko̰o̰ kə́ a to ngándáńg tə́ ní. Ɓē ko̰o̰ ní i yā Jeju Kərist ń ni i Kɔ́ɔ̄ɓē yājí ō, nge kajəjí ō ní.

MATIYE 25:16

Nge kəla ń taā sə́lē dūbú kutə mí ní, aw̄ rāań gātə̄ kə̄ ta jī tə́ noō, anī ənge manə̄n dɔ tə́ dūbú kutə mí.