1 TIMOTE 6:14 - Bibəl ta Sar̄

¹⁴ Ī-rāā yá̰a̰ kə gō míndə́ Nə́ɓāá, kadə̄ ī-ndiń kanjə̄ kadə̄ majaĺ kógə̄ḿ tákī ō, kanjə̄ najə̄ kógə̄ḿ dɔí tə́ ō, bátə́ ndɔ̄ ń kadə̄ Kɔ́ɔ̄ɓē yājí Jeju Kərist a ɔjəń rɔ̄n kə̄ ndágá tə́ ní.

Bible sar

¹⁴ Ī-rāā yá̰a̰ kə gō míndə́ Nə́ɓāá, kadə̄ ī-ndiń kanjə̄ kadə̄ majaĺ kógə̄ḿ tákī ō, kanjə̄ najə̄ kógə̄ḿ dɔí tə́ ō, bátə́ ndɔ̄ ń kadə̄ Kɔ́ɔ̄ɓē yājí Jeju Kərist a ɔjəń rɔ̄n kə̄ ndágá tə́ ní.

1 TIMOTE 6:14 Referans Kwoze

2 PIYER 3:14

Kó tár gə̄, i tām̄ najə̄ ń noō tə́ n majə kadə̄ ə́hɔī rɔ̄sí tɔgə kadə̄ majaĺ tákə̄sí aĺ ō, kadə̄ najə̄ gətóo dɔsí tə́ ta kum Nə́ɓā tə́ ō, kadə̄ ī-ndiī kə kem kə́ sɔl̄ lɔmɔɔ́ ō, pá tá kadə̄ ndɔ̄ ní ugə̄ ɓáý ní.

1 PIYER 1:7

I yá̰á̰ kə́ tōr̄ gə̄ ngeé ń noō n a nāān̄neé taā kem yāsí ní. Lɔ́r i yá̰á̰ kə́ to yā nujə kɔ̄ɔ́ ɓá tā, banī nōōnən̄ horoó. Adə̄ nāān̄ taā kem yāsí ń gātə̄n tɔȳ gātə̄ lɔ́ŕ ní, yā ka̰a̰ń tɔ́gən i tītə̄ ń noō ō. I beé n sḭḭ̄ ā ásiīneé kadə̄ tɔ̄ȳn̄sí ō, ɔsən̄ gɔnsí ō, rɔȳn̄sí ō, ndɔ̄ ń Jeju Kərist a teēń hɔy tə́ ní.

1 TESALONIK 5:23

Ādə̄ Nə́ɓā kə́ nge kadə̄ de gə̄ kem sɔl̄ lɔm ɔr̄ kamsí kɔ̄ɔ́ tū yá̰á̰ kə́ majaĺ gə̄ tə́ malang. Ba kadə̄ ni-ngɔ̄m̄ ndíĺsí ō, ngarān̄g kemsí ō, dā̰ rɔ̄sí ō, yā kadə̄ ndɔ̄ reē Kɔ́ɔ̄ɓē yājí Jeju Kərist tə́ anī, najə̄ gətóo dɔsí tə́.

Makətūbə̄ ń Jud ndang ní 1:24

Nə́ɓā kə́ to kɔsə gɔn ń asə ngɔ̄m̄sí kadə̄ ə̄sōī aĺ ō, asə rāā kadə̄ ī-raī kə rɔ̄nelēé kanjə̄ najə̄ dɔsí tə́ ta kumən tə́ ō ní,

HEBƏRO 9:28

i tītə̄ ń noō n Kərist adə̄ rɔ̄n yá̰a̰ tun̄ tə́ nja kógə̄ḿ yā kunəń majaĺ yā de gə̄ ngá̰ý gə̄ kɔ̄ɔ́ ní. Ni a teē nja kə́ nge ko̰ jōó, i yā kun majaĺ kɔ̄ɔ́ to̰ alé, banī i yā kajə ngé gə̄ ń ndi ngóōnən̄ ní.

TITƏ 2:13

Majə kadə̄ jə-ngóōī rɔ̄nel̄ ń j-əndāī kemjí dɔ tə́ ní i tītə̄ ń noō. Ndɔ̄ ngeé ń noō tə́ ní, kɔsə gɔn yā Nə́ɓā yājí kə́ bo ō, kə́ nge kajəjí ō ń i Jeju Kərist ní, a ɔjə rɔ̄n kə̄ ndágá.

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

HEBƏRO 9:14

mósə Kərist ń adə̄ Nə́ɓā rɔ̄n nəkɔ́ kə́ kanjə̄ yá̰á̰ kə́ majaĺ tákə̄ kə ta kūl̄ Ndíĺ kə́ Táĺ kə́ ndi ngándáńg ní a rāā yá̰á̰ kə́ majə ngá̰ý tɔȳ aĺ a? Ni a ɔr̄ kəla rāājī ń aw̄ yā tɔ̄l̄jí ní kemjí tə́ kɔ̄ɔ́ yā kadə̄ kemjí unjə̄ ō, kadə̄ jə-rāāī kəla yā Nə́ɓā kə́ ndi kə kumneé.

2 TIMOTE 4:1

m̄-dəjeī kə ngangāá ngá̰ý ta kum Nə́ɓā tə́ ō, ta kum Kərist Jeju nge gān̄g sarya yā ngé gə̄ ń ndin̄ kə kumdə́ ō, ngé gə̄ ń oyn̄ kɔ̄ɔ́ ō ní, Kərist ń a tél yā reē ō, a o̰o̰ ɓē ō ní,

2 TESALONIK 2:8

nge mbātə́ ndū najə̄ a rāā kadə̄ kum de gə̄ teē dɔn tə́ ɓáý. Kɔ́ɔ̄ɓē Jeju a tóon kə koō kə́ tan tə́ yā nujəń seneé kɔ̄ɔ́ ō, ndə́lēn kə́ ndɔ̄ reēn tə́ ní, a nujə seneé sák sák kɔ̄ɔ́ ō.

KOLOSƏ 4:17

Tá ə́daī Arkipə kadə̄ əndā kumən gír kəla ń Kɔ́ɔ̄ɓē adə̄n tə́ ní, kadə̄ rāā adə̄ majə ɔtə̄ kə taá.

KOLOSƏ 1:22

ngɔlaā lɔm to dɔ dáńsí tə́ kə Nə́ɓāá, sɔɔ̄ń koy ń Kərist oy ní. Adə̄ sḭḭ̄ i deē yān kə́ táĺ gə̄ kə́ najə̄ gətóo dɔsí tə́ ō, yá̰a̰ rāāsí kə́ majaĺ gətóo ō.

PILIPƏ 1:10

kadə̄ ásiīneé gə̄rā yá̰á̰ kə́ majə. Loo ń noō tə́ ndɔ̄ yā Kərist tə́ anī ā ūnjī njáý njáý ō, sḭḭ̄ i de kə́ kanjə̄ najə̄ dɔsí tə́ gə̄ ō.

1 KORḚNTƏ 1:8

I ni n a mbūsə̄sí kadə̄ ī-raī ngan̄g bátə́ ta tɔ̄l̄ ta tə́, yā kadə̄ sḭḭ̄ i kə́ kanjə̄ najə̄ dɔsí tə́ ndɔ̄ yā Kɔ́ɔ̄ɓē yājí Jeju Kərist tə́ ō ní.

PĀ KƏ́ MAJƏ 4:7

Ī-mandə ngá̰ý, madə́! Looí kə́ majaĺ gətóo!

1 JA̰A̰ 3:2

Kó tár yāḿ gə̄, ngɔlaā ń toō jḭḭ̄ i ngáń Nə́ɓā, ba jī loo kətojí kə́ ndɔ̄ń tə́ ń j-a jə-toī ní, ɔjən̄ kə̄ ndágá aĺ ɓáý. Jə-gerī kadə̄ ré Kərist a ɔjə rɔ̄n kə̄ ndágá anī, j-a jə-toī tītə̄n. Tɔdɔ̄ j-a j-a̰a̰ī kadə̄ ni a to i kum gotən.

1 PIYER 1:19

I kə yá̰a̰ gə̄ ń noō alé, ba i kə mósə Kərist kə́ gātə̄n i ngá̰ý. Ni-to i tītə̄ ngōn̄ batə̄ kə́ loon kógə̄ḿ nujə aĺ ō, kə́ yá̰á̰ kə́ majaĺ tákə̄n aĺ ō, kə́ tɔ̄lə̄n̄ ba tun̄ adə̄n̄ Nə́ɓā beé.

1 TIMOTE 6:20

Ɓɔ́ Timote, yá̰a̰ ɓɔ̄ɔ̄ ní, ī-ngɔ̄m̄ ādə̄ to kə taá. Ī-mbātə́ kɔr̄ najə̄ kə́ kanjə̄ kumən gə̄, tɔdɔ̄ najə̄ gə̄ ní mbātə́n̄ naā kə taā kemeé ō, ī-mbātə́ najə̄ kə́ kɔy kə̄ naā tə́ ń i yá̰a̰ ger̄ kə́ rɔ̄kum aĺ ní ō.

2 TESALONIK 2:1

Ngákó̰ó̰jí gə̄, najə̄ kə́ dɔ tél Kɔ́ɔ̄ɓē yājí Jeju Kərist tə́ ō, kə́ dɔ kán̄jí naā rɔ̄n tə́ ō ní,

1 TESALONIK 3:13

Ādə̄ ni-rāā adə̄ kemsí ra ngan̄g, yā kadə̄ sḭḭ̄ i de kə́ táĺ gə̄ ō, de kə́ najə̄ gətóo dɔdə́ tə́ gə̄ ō, ta kum Bɔbə̄jí Nə́ɓā tə́, dan ń Kɔ́ɔ̄ɓē yājí Jeju a reē kə deē yān gēé malang ní. Adə̄ i tītə̄ ń noō!

PILIPƏ 2:15

Yā kadə̄ sḭḭ̄ i de kə́ kanjə̄ najə̄ dɔsí tə́ gə̄ ō, kə́ ūnjī njáý njáý gə̄ ō, ngáń Nə́ɓā kə́ yá̰á̰ kə́ majaĺ sḛ́ý gətóo dɔdə́ tə́ gə̄ kə́ ndin̄ dan de kə́ súmūú aĺ gə̄ tə́ ō, dan de kə́ nujə kɔ̄ɔ́ gə̄ kə́ dɔ nang ń toō tə́ ō. Majə kadə̄ sḭḭ̄ ī-ndə́lēī dandə́ tə́ tītə̄ tə́yō̰ gə̄ kə́ dɔ rā̰ tə́ beē,

PILIPƏ 1:6

Yá̰á̰ ń m̄-ger̄ majə ní n toó: Nə́ɓā ń əla gír rāā kəla kə́ majə ń toō kemsí tə́ ní, a rāā kə̄ non tə́ bátə́ yā tɔ̄l̄ ta ndɔ̄ yā Jeju Kərist tə́.

EPEJƏ 5:27

Ni-gḛy kadə̄ ta kumən tə́ ɓáa ngé kán̄ naā gə̄ ngeé ń toō ton̄ tītə̄ dəyá̰ kə́ ndə́lē pipir ō, kə́ yə̄ró ɔdən aĺ ō, kə́ rɔ̄n sá̰ā̰ kīdə́ aĺ ō, kə́ dām̄ rɔ̄n sḛ́ý kə́ nujə gətóo ō. Ni-gḛy kadə̄ ngé kán̄ naā yān gə̄ ní i de kə́ táĺ gə̄, kə́ najə̄ kə́ yā kəda dɔdə́ tə́ gətóo.

1 YÁ̰A̰ GƏ̄ 28:20

Gō tə́ anī əda ngōnən Salomo̰ na: Ī-lōō kəya̰ rɔ̄í yɔkəlɔ ba ə́hɔ rɔ̄í tɔgə ī-rāań yá̰a̰! Ī-lōō sōl̄ ō, ī-lōō ɓōĺ ō, tɔdɔ̄ Kɔ́ɔ̄ɓē Nə́ɓā yāḿ i seí naā tə́. Ni a əya̰ī kɔ̄ɔ́ aĺ ō, a tél gōí tə́ aĺ ō, bátə́ kadə̄ ī-rāań kəla kújə yān kadə̄ təgā.

2 PIYER 2:21

Kə́ só tə́ yādə́ i kadə̄ gerə̄n̄ róbə rāā yá̰á̰ kə́ gōtə́ alé, tɔȳ kadə̄ gerə̄n̄ pá tá tūrə̄n̄ gidədə́ kɔ̄ɔ́ ta gō míndə́ Nə́ɓā ń adə̄n̄də́ tə́ ní.

2 PIYER 3:2

Ādə̄ əga kemsí dɔ najə̄ gə̄ ń ngé koō ta kə́ táĺ gə̄ ədan̄ kété ní tə́ ō, dɔ gō míndə́ Kɔ́ɔ̄ɓē ō nge kajə de gə̄ ō ń ngámbang kəla yāsí gə̄ ndóōn̄sí ní tə́ ō.