1 TIMOTE 6:10 - Bibəl ta Sar̄

¹⁰ Tɔdɔ̄ ngəra yá̰á̰ kə́ tōr̄ gə̄ malang, i rāā ta nar. Dan ń ngé kə́rēý gə̄ adə̄n̄ rɔ̄də́ njɔ́ḿ tāmən tə́ ní, nin̄-əya̰n̄ taā kem kɔ̄ɔ́, ba ndúm̄ aw̄n̄ sa̰y ō, yá̰á̰ kə́ tōr̄ kə́ tayā tayā gə̄ rāān̄də́ ō.

Bible sar

¹⁰ Tɔdɔ̄ ngəra yá̰á̰ kə́ tōr̄ gə̄ malang, i rāā ta nar. Dan ń ngé kə́rēý gə̄ adə̄n̄ rɔ̄də́ njɔ́ḿ tāmən tə́ ní, nin̄-əya̰n̄ taā kem kɔ̄ɔ́, ba ndúm̄ aw̄n̄ sa̰y ō, yá̰á̰ kə́ tōr̄ kə́ tayā tayā gə̄ rāān̄də́ ō.

1 TIMOTE 6:10 Referans Kwoze

Gōsə̄ najə̄ gə̄ 1:19

Tām̄ ta tɔ̄l̄ ta ngé ɓogə gə̄ a to i tītə̄ ń noō: Ngé ɓogə gə̄ a oyn̄ i yo ɓogə.

1 TIMOTE 6:9

Ba ngé gə̄ ń gḛyn̄ kənge yá̰á̰ ngá̰ý ní, a əsōn̄ kum gūmbə̄ yā yá̰a̰ nāā tə́ ō, yā ngur yá̰á̰ kə́ to mbóo gə̄ tə́ ō, kə́ majaĺ gə̄ tə́ ō ń i yá̰á̰ kə́ a nujən̄ de gə̄ sák sák ō, a tḭ̄ḭ̄n̄ tadə́ ō ní.

PĀ GƏ̄ 32:10

Yá̰á̰ kə́ tōr̄ ngá̰ý gə̄ a rāān̄ deē ń ɓōĺ ndíĺ Nə́ɓā aĺ ní. Ba Kɔ́ɔ̄ɓē a rāā kem majə kə deē ń əndā kemən dɔn tə́ ní ngándáńg.

TITƏ 1:11

Majə kadə̄ deē utə̄ tadə́ kɔ̄ɔ́, tām̄ nin̄ i ngé nujə kem de gə̄ kə́ kem gír kojə kə́ kógə̄ḿ beē tə́ gə̄ malang kə yá̰á̰ ndóō kə́ majə kadə̄ deē ndóō de gə̄ aĺ tə́. Nin̄-rāān̄ nge ń nuū i yā kəngeń yá̰a̰ kə ta róbə́ kə́ gō tə́ alé.

Gōsə̄ najə̄ gə̄ 1:31

i beé ní, háĺdə́ a ənī najə̄ dɔdə́ tə́ ō, gír̄ kə́ majaĺ kə́ kemdə́ nin̄ kɔ́ gə̄ tə́ a ndān̄də́ kə́ kəsa tə́ ō.

Makətūbə̄ ń Jud ndang ní 1:11

Yá̰á̰ kə́ to kum kaȳ aĺ a əsō dɔdə́ tə́ tām̄ nin̄-unən̄ i róbə́ ń Kain un ní. Nin̄-ndúmə̄n̄ tām̄ yā nar tə́ tītə̄ yā Balam ō, udən̄ kɔ̄ɔ́ sɔɔ̄ń mbātə́ najə̄ yādə́ kə́ tītə̄ yā Kore ō.

IJAI 56:11

Nin̄ i bísə gə̄ kə́ əsan̄ yá̰a̰ malang ō, yá̰a̰ kəsa asə tadə́ nja kógə̄ḿ aĺ ō. Tá nin̄ i ngé kul̄ gír deē yāḿ gə̄! Nin̄ gerə̄n̄ kum yá̰á̰ kógə̄ḿ alé. I yá̰á̰ ń nel̄də́ ní ngóy n nin̄ rāān̄ ní. Nin̄ kógə̄ḿ kógə̄ḿ ní, a sāān̄ i yá̰á̰ kə́ majə tām̄ yādə́ nin̄ kɔ́ gə̄ tə́ ngóy.

2 TIMOTE 4:10

Tām̄ Demas əya̰m̄ kɔ̄ɔ, tɔdɔ̄ yá̰á̰ kə́ dɔ nang tə́ kə́ ngɔlaā ń toō nelə̄n ngá̰ý, adə̄ ni-aw̄ Tesalonik. Tá Kəresa̰s aw̄ Galasi tə́ ō, Titə aw̄ Dalmati tə́ ō,

1 TIMOTE 3:3

i de kə́ nge rāā ɓəlo kasə aĺ ō, nge rɔ̄ɔ̄ de gə̄ aĺ ō, banī ni i de kə́ hálən sɔl̄ lɔm ō, nge kɔ̄l̄ kə de gēé aĺ ō, rāā ta nar aĺ ō,

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.

MALASI 1:10

Kə́ só tə́ i kadə̄ deē kógə̄ḿ kə́ dansí tə́ utə̄ ta róbə́ kújə gə̄ yā Kɔ́ɔ̄ɓē kɔ̄ɔ́. I beé tá ā āwīiń dɔ loo tun̄ yá̰a̰ yāḿ tə́ yā rāā hor ndāńg alé. Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý nelə̄m̄ ka̰a̰sí aĺ ō, yá̰a̰ ndējə̄ gə̄ ń ī-reēiń ādə̄mī ní, nelə̄m̄ aĺ ō.

NDŪ NAJƏ̄ 16:19

Ī-lōō tə́la ta njaí naā tə́ loo sarya tə́. Ā ī-gān̄g sarya tām̄ ta kum deē alé. Ī-lōō taā kadə̄ karī, tɔdɔ̄ kadə̄ karī i yá̰á̰ kə́ a utə̄ kum de kə́ ngáā gə̄ ō, a nujə najə̄ yā de kə́ sew gə̄ ō.

JAKƏ 5:19

Ngákó̰ó̰ḿ gə̄, ré deē kógə̄ḿ dansí tə́ ndúm̄ kɔ̄ɔ́ tū najə̄ kə́ rɔ̄kum tə́, ba de kə́ rang tél reē seneé dɔ róbə́ tə́ anī,

1 TIMOTE 6:21

Yá̰a̰ ger̄ kə́ rɔ̄kum aĺ ngeé ń toō ní, de kə́rēý gə̄ ədan̄ na nin̄ na n-aw̄n̄neé, adə̄ nin̄-əya̰n̄ taā kem kɔ̄ɔ́ ba aw̄n̄ sa̰y. Ādə̄ Nə́ɓā rāā majə sesí.

EJEKIEL 22:12

Ḭ̄ Jerusalem, ɓēé looí de gə̄ a taān̄ kadə̄ karī gə̄ jī de gə̄ tə́ a tɔ̄l̄nəń de gə̄ ō, de gə̄ a adə̄n̄ de gə̄ nar loo tə̄nā tə́ a taānəń manə̄n kə́ ngá̰ý al̄ naā dɔ tə́ ō, de gə̄ a kə́ran̄ madə̄də́ gə̄ dɔ yá̰a̰ yādə́ gə̄ tə́ ō. Ba mā ɓáa dɔdə́ ndígə̄naləḿ kɔ̄ɔ́ i kə́ njɔ́ḿ gə̄ tə́. Najə̄ ń mā Kɔ́ɔ̄ɓē Nə́ɓā m-ə́dá ní n noó.

EJEKIEL 16:33

Ájə́ba gə̄ malang a əngen̄ nar gíŕdə́ banī i ḭ̄ n ə̄ndā nja ngé sāāí gə̄ malang. Ḭ̄ ādə̄də́ nar kadə̄ nin̄ teēnəń kə̄ ta loo gə̄ tə́ reē ɓīīnəń seí.

EJEKIEL 13:19

Sḭḭ̄ ī-kídə̄mī ta kum gír deē yāḿ gə̄ tə́, tām̄ yā kəngeń kōō ɔ́rjə́ kə́ kem jī kóndóńg wań, aláa tām̄ yā kəngeń yá̰a̰ kəsa kə́ sḛ́ý beē. Sḭḭ̄ ī-gólī gír deē yāḿ gə̄ kə́ ngé taā kem sor̄ yāsí gə̄. I tītə̄ ń noō n sḭḭ̄ ī-tɔ̄līneé de gə̄ ń sɔɔ̄ kadə̄ nin̄ oyn̄ aĺ ní ō, ngé gə̄ ń sɔɔ̄ kadə̄ nin̄ ndin̄ kə kumdə́ aĺ ní ɓáa, sḭḭ̄ ī-rāāī adə̄ nin̄ ndin̄ kə kumdə́ ō ní.

IJAI 1:23

Ngār yāí gə̄ i de kə́ ngé kəsō wōn̄g gə̄ ō, nin̄ ɓoon̄ rɔ̄də́ tū yā ngé ɓogə gə̄ tə́ ō. Nel̄də́ kə yá̰á̰ gə̄ kə́ adə̄n̄də́ karī ngá̰ý ō, nin̄ ndin̄ dɔ rɔ̄də́ tə́ yā rāā yá̰a̰ malang kə́ tām̄ yā kəngeń yá̰á̰ kə́ kadə̄ karī gə̄ ní ō. Nin̄ rɔ̄ɔ̄n̄ dɔ yá̰á̰ kə́ súmūú yā ngán hal gə̄ tə́ aĺ ō, mbātə́n̄ kun najə̄ yā dəyá̰ kə́ ngaa koy gə̄ kə̄ jīdə́ tə́ ō.

NDŪ NAJƏ̄ 23:18

Dəyá̰ aláa dəngam kə́ Israel tə́ a rāā ájə́ba ń i rāā ɓesə̄ ní alé.

TA KƏLA 29:26

Laban tél ədan na: Yá̰a̰ kāgə̄ ɓē yājí ɔjə kadə̄ ngōn̄ kə́ dūú aw̄ ngaawaá no nga tɔ́gən tə́ alé.

JEJU TEĒ KUM JA̰A̰ 18:13

Kə́ rang gə̄ i kadə kāgə̄ kanel ō, yá̰a̰ kum tá̰á̰ kə́ otə majə ō, ndujə̄ yá̰á̰ kə́ otə majə gə̄ ō, nō kāgə̄ mír ō, kajaja ō, kasə nduú ō, yibə̄ ō, ndujə̄ kə́ lándə̄ ō, kōō gémē ō, man̄g gə̄ ō, batə̄ gə̄ ō, sə́nda gə̄ ō, púsə rɔ̄ɔ̄ gə̄ ō, ɓəlo gə̄ ō, dəngáy gə̄ ō.

2 MBAN̄G 5:27

Á̰a̰ā̰ bānjə̄ yā Naaman a əhɔ gōí ḭ̄ ō, gō ngání gə̄ ō, ngán kaaí gə̄ ō yā rāāsí bátə́ kə no tə́. Geaji əya̰ Elije ba aw̄. Rɔ̄ Geaji i bānjə̄ malang adə̄ tetə ndaa túĺ túĺ tītə̄ búy kūbə̄ beé.

TA KƏLA 38:16

Ni ger̄ kadə̄ i umən kə́ dəyá̰ aĺ tā ní, aw̄ rɔ̄n tə́ kadə róbə́ tə́ ba ədan na kadə̄ kə n-sāān. Anī dəyá̰ ní dəjen na ké a adə̄n i rí yā sāānəń wa.

TA KƏLA 29:14

Laban ədan na: Ḭ̄ i ngeeḿ rɔ̄kum, jḭḭ seí i mósə́ kə́ kógə̄ḿ beē. Jakob rāā nāā kógə̄ḿ ɓē Labaná.

JOJUE 7:21

M-á̰a̰ kūbə̄-jī kə́ Sinear kə́ majə ngá̰ý dan yá̰a̰ gə̄ kə́ kəhɔ ta rɔ̄ɔ̄ tə́ ō, m-á̰a̰ gində̄ arjā̰a̰ kə́ kɔȳn i kəlōo jōó ō, m-á̰a̰ lɔ́ŕ kə́ kɔȳn i ngán kəlōo ɓú mí ō, əsōn̄ kumḿ adə̄ m-ɔ́ýdə́. m̄-dubə̄də́ i gíŕ nángāá kem kújə tandā yāḿ tə́ dan looó, m̄-ɓōkə́ gində̄ arjā̰a̰ i gírí pá tá gotə yá̰a̰ gə̄ ń nuū i dɔ tə́.

PĀ GƏ̄ 62:10

A̰á̰ā̰, de gə̄ i nél karī ō, ngé rī ɓār̄ gə̄ i sor̄ karī ō. Ré deē mbɔ̄jə́də́ malang naā tə́ anī, nél ɔȳ tɔȳdə́.

Gōsə̄ najə̄ gə̄ 15:27

De kə́ nge kə́ra de gə̄ i nge nujə kem de kə́ kem kújə yān tə́ gə̄, banī deē ń kəla jī nang tə́ yā nujəń sarya i yá̰á̰ kə́ dɔ kumən tə́ aĺ ní a ndi kə kumneé ta kaw̄ jóo.

KOHELET 2:19

Deē ní kumən a edə̄ a deē ger̄ aĺ ō, i de kə́ a mbóo a deē ger̄ aĺ ō. Ni a téĺ kɔ́ɔ̄ kəla malang ń m̄-rāā kə kum kedə̄ yāḿ kum mbang tə́ ní: Nge ń noō i yá̰á̰ kə́ kanjə̄ kumən ō.

MATIYE 6:19

Ī-lōōī kɔsə dɔ dūbə̄ yá̰a̰ kənge yāsí gə̄ kə̄ naā tə́ dɔ nang tə́ laā. Tām̄ dɔ nang tə́ laā kārā a əhɔ ō, yō̰ gə̄ a o̰o̰n̄ kɔ̄ɔ́ ō, ngé ɓogə gə̄ a mbútə̄n̄ kum ndogə̄ mbal̄ yā kɔyń ō.

MATIYE 13:22

Kōō ń tə́sō dan kōn̄ gə̄ tə́ ní, i ngé gə̄ ń oōn̄ najə̄ ba gír̄ gə̄ kə́ dɔ nang tə́ ō, ɓō yá̰a̰ kənge ō, taān̄ dɔ najə̄ ní kɔ̄ɔ́ adə̄ teē yá̰a̰ alé ní.

MARK 4:19

ba sōl̄ yá̰á̰ kə́ dɔ nang tə́ gə̄ ō, gól̄ yā yá̰a̰ kənge yādə́ kə́ ngá̰ý gə̄ ō, ngur yá̰á̰ kə́ rang gə̄ ō, udən̄ kemdə́ tə́ ba taān̄ dɔ najə̄ kɔ̄ɔ́, adə̄ teēn̄ yá̰a̰ aĺ ní.

KOLOSƏ 3:5

I beé ní, ə́ya̰ī háĺ kə́ majaĺ kə́ dɔ nang tə́ laā kɔ̄ɔ́, adə̄ i sāā naā loo kaya tə́ ō, i rāā yá̰á̰ kə́ yḛr gə̄ ō, i ngur yá̰á̰ kə́ majaĺ gə̄ ō, i ɓō yá̰á̰ kə́ majaĺ gə̄ ō, i rāā ta nar ń rāā rɔ̄n i rɔȳ ɓesə̄ tə́ ní ō.

2 TIMOTE 3:2

Tɔdɔ̄ a o̰o̰ de gə̄ i ta rɔ̄də́ nin̄ kɔ́ gə̄ ō, a rāān̄ ta nar ō, a gángə̄n̄ rɔ̄də́ ō, a ɔjən̄ rɔ̄də́ ō, a ngonjə̄n̄ ō, a mbātə́n najə̄ ta ngé kojədə́ gə̄ tə́ ō, a gerə̄n̄ majə kə́ deē rāā sedə́ aĺ ō, ā ɓōlə́n̄ gidə yá̰á̰ kə́ táĺ gə̄ aĺ ō,

TA KƏLA 34:27

Ngán Jakob kə́ dəngam gə̄ udən̄ dɔ nīń gə̄ tə́ ró̰ȳn̄ yá̰a̰ kənge gə̄ kə́ rɔ̄də́ tə́ ō, ɔyn̄ yá̰á̰ kə́ kem ɓēé gə̄ ō, tɔdɔ̄ Sisem əla rɔ̄sɔl̄ dɔ ngōkó̰ó̰də́ kə́ dəyá̰ tə́.

1 MBAN̄G GƏ̄ 2:40

əndā síŕdí gidə kərō yān tə́ ba aw̄ Gat rɔ̄ Akis tə́, gō ɓəlo yān gə̄ tə́ tél reē sedə́ gogə́ Jerusalem.